Թուրքիան ստորագրել է «Արտեմիսի համաձայնագրերը»՝ միջազգային սկզբունքների ժողովածու, որն ուղղված է Լուսնի հետազոտությունների անվտանգության ապահովմանը և տիեզերական տարածության խաղաղ, կայուն և օգտակար օգտագործման զարգացմանը։ Փաստաթուղթը ստորագրվել է օգոստոսի 31-ին, հաղորդում է Թուրքիայի արտաքին գործերի նախարարությունը։
Գերատեսչությունում հայտարարել են, որ Անկարան մտադիր է շարունակել աջակցել տիեզերքի խաղաղ յուրացման և օգտագործման ոլորտում միջազգային համագործակցությանը, ինչպես նաև մասնակցել տիեզերական տեխնոլոգիաների զարգացմանն ու հետազոտություններին՝ միջազգային իրավունքի հիման վրա, հավատարիմ մնալով ներառական և նորարարական մոտեցմանը։
Թուրքիայի ԱԳՆ-ում նշել են, որ տիեզերական հետազոտությունների ոլորտում ընդհանուր տեսլականի ամրապնդման կարևոր հարթակ կդառնա Աստրոնավտիկայի 77-րդ միջազգային կոնգրեսը, որը կանցկացվի 2026 թվականի հոկտեմբերի 5–9-ը Անթալիայում։
News.am
