ՀՀ պետական եկամուտների կոմիտեի նախկին նախագահ Գագիկ Խաչատրյանը 2 ամսով կալանավորվեց: Այս մասին Sputnik Արմենիային հայտնեցին ՀՀ քննչական կոմիտեից:
Նշենք, որ սեպտեմբերի 1-ին Խաչատրյանին ձերբակալել էին: Նրան դիմակավորված ԱԱԾ ծառայողները տնից պատգարակով տնից դուրս էին բերել, ապա շտաօպօգնության մեքենայով նա տեղափոխվել էր ՔԿ, որտեղ էլ միջնորդություն էր ներկայացվել նրան կալանավորելու վերաբերյալ:
Մեր տեղեկություններով՝ Գագիկ Խաչատրյանին տեղափոխել են «Երևան-Կենտրոն» ՔԿՀ։
Հիշեցնենք, որ Գագիկ Խաչատրյանը մեղադրվում է առանձնապես խոշոր չափերով կաշառք ստանալու և առանձնապես խոշոր չափերով փողերի լվացման մեջ, ինչ առթիվ նախաձեռնվել է քրեական վարույթ: Գործի շրջանակում անհետաձգելի քննչական և վարութային գործողություններ են իրականացվել Խաչատրյանի, նրա որդու բնակարաններում, ինչպես նաև նրանց հետ փոխկապակցված շուրջ 21 ընկերության գրասենյակներում և մասնաճյուղերում։
Ավելի վաղ լրավամիջոցները գրել էին, որ ՊԵԿ նախկին նախագահը քաղցկեղով է տառապում և բուժում է ստացել Գերմանիայում: Վերջին տարիներին, սակայն, դատարանն արգելել է նրա ելքը երկրից։
