Արագածոտնի մարզում՝ Քուչակ-Ապարան ավտոճանապարհին վթար է տեղի ունեցել, որի հետևանքով 5 մարդ մահացել է, 7–ը` տարբեր աստիճանի վնասվածքներ ստացել։ Տեղեկությունը հայտնում է ՆԳՆ փրկարար ծառայությունը։
ՆԳՆ 112 օպերատիվ կառավարման կենտրոնը ՃՏՊ–ի վերաբերյալ ահազանգը ստացել է 17։15-ի հատվածում։ Դեպքի վայր են մեկնել ՆԳՆ ոստիկանության օպերատիվ խմբեր և փրկարար ծառայության մարտական հաշվարկներ։
Պարզվել է, որ բախվել են «ՊԱԶ» և «Օպել Զաֆիրա» մեքենաները։
Հանգամանքները պարզվում են։
Sputnik Արմենիա
