Աշխարհահռչակ շախմատիստուհի Յուդիթ Պոլգարը մերժել է Հունգարիայի նախագահ դառնալու առաջարկը։
Հունգարիայի վարչապետ Պետեր Մադյարը կիրակի օրը Պոլգարին, որը աշխարհում շախմատիստների լավագույն տասնյակում է, առաջարկել է Հունգարիայի նախագահ դառնալ։ Մադյարը կարծում է, որ այս մեծ մասամբ արարողակարգային պաշտոնում նրա ընտրությունը (նախագահը իրական լիազորություններ չունի) կօգնի միավորել ազգը Վիկտոր Օրբանի կառավարման ավելի քան 15 տարիներից հետո։ Պոլգարի թեկնածությանը աջակցել են նաև իշխող «Տիսա» կուսակցության խորհրդարանի անդամները։
50-ամյա Պոլգարը, որին շատերը համարում են բոլոր ժամանակների մեծագույն կին շախմատիստուհի, երկուշաբթի օրը մերժել է առաջարկը։ Նա սոցիալական ցանցերում գրել է, որ շնորհակալ է առաջարկի համար, բայց «չի համարում, որ ունակ է կրելու ազգի միավորման պատմական պատասխանատվությունը»։ Պոլգարը ընդգծել է, որ պատրաստ է անհրաժեշտ օգնություն ցուցաբերել ապագա նախագահին։
Tert.am
