Последние новости

ԻՆՉՈՒ ԸՆԿԱՎ ՇՈՒՇԻՆ. ՎԼԱԴԻՄԻՐ ՊՈՒՏԻՆԻ ՊԱՏԱՍԽԱՆԸ

Վլադիմիր Պուտինի հարցազրույցին կանդրադառնանք բազմիցս։ Եվ դա հասկանալի է. եթե Ռուսաստանի նախագահը բավական մեծ հարցազրույց է տալիս՝ նվիրված բացառապես մեկ խնդրի, Լեռնային Ղարաբաղին, դա ինքնին շատ բանի մասին է վկայում։ Բայց Պուտինի բոլոր մեսիջները չենք լցնի մեկ կույտի մեջ, առայժմ խոսենք մի քանիսի մասին։

Խոսքն առաջին հերթին վերաբերում է նրան, որ հրադադարի և խաղաղապահների տեղակայման մասին պայմանավորվածությունը կարելի էր կնքել դեռևս հոկտեմբերի 19-20-ին: Գրեթե նույն պայմաններով, որով այն կնքվեց նոյեմբերի 9-ին։ Գրեթե... Կարևոր տարբերությունն այն է, որ Շուշին մնալու էր հայկական կողմի վերահսկողության տակ, Լեռնային Ղարաբաղի իշխանությունների վերահսկողության տակ։ Այն պայմանով, որ ադրբեջանցի փախստականներն այնտեղ վերադառնալու իրավունք ստանային։

Ինչպես ասում է Պուտինը, ի զարմանս իրեն՝ Փաշինյանը մերժեց այդ առաջարկը, հայտարարելով, թե սպառնալիք է տեսնում դրա մեջ…Պուտինը տարակուսանք է հայտնում, թե որն էր սպառնալիքը, եթե խոսքը քաղաքացիական անձանց վերադարձի մասին էր, ընդ որում շփման գծում ռուս խաղաղապահների տեղակայման հարցն արդեն համաձայնեցված էր: Այսինքն ինչպեսև հիմա, ռուսական կողմը պայմանավորվածությունների կատարման երաշխավորն էր... Սակայն Փաշինյանը նախընտրեց պատերազմը և դրանով իսկ, փաստորեն, ամենաուղղակի պատասխանատվություն է կրում ոչ միայն Շուշին հանձնելու, այլև նոր հազարավոր զոհերի համար։

Պուտինը, ինչպես արդեն ասացինք, տարակուսած է, թե որն էր այն սպառնալիքը, որի մասին խոսում էր Փաշինյանը և որն ի չիք դարձրեց հրադադարի համար ռուսական կողմի գործադրած ջանքերը. ջանքեր, որ ձեռնարկվել էին Մնացականյանի և Բայրամովի միջև հոկտեմբերի 17-ին կնքված հերթական պայմանավորվածությունների իրականացման համար։ Ո՞րն էր Փաշինյանի տեսած սպառնալիքը։

Այդ սպառնալիքը վերաբերում էր բնավ ոչ Արցախին։ Եվ ոչ էլ բանակին, քանի որ ՀՀ ԶՈՒ գլխավոր շտաբի պետ Օնիկ Գասպարյանը հայտարարեց, որ դեռ հոկտեմբերի 3-4-ին Անվտանգության խորհրդի նիստում զգուշացրել է, որ պետք է դադարեցնել պատերազմը, քանի որ Արցախի համար դժվար է դիմակայել Ադրբեջանի և Թուրքիայի միացյալ ռեսուրսներին։ Այսինքն զինվորականները դեմ չէին, և պատասխանատու առաջնորդը հրադադարի կգնար դեռ այն ժամանակ։ Բայց…

Բանն այն է, որ Փաշինյանն այդ դեպքում սպառնալիք էր տեսնում իր իշխանության համար, իսկ դա որոշիչ էր իր համար։ Ինչպես միշտ։ Այդտեղ իսկապես կար սպառնալիք։ Եթե հիմա Փաշինյանի հրաժարականի պահանջն ու դավաճանության մեղադրանքներն ավելի ու ավելի ուժգին են հնչում, ապա հասկանալի է, թե ինչ պատկեր կլիներ հոկտեմբերի 20-ից հետո։ Բայց հենց դրանում էլ ամփոփված է իսկական առաջնորդի ծանր պարտականությունը. կայացնել ժողովրդականություն չվայելող որոշումներ, նույնիսկ սեփական հեղինակության հաշվին, եթե դա են պահանջում երկրիդ, ժողովրդիդ շահերը։

Բայց կարո՞ղ է արդյոք ոչ պոպուլյար որոշումներ կայացնել բացահայտ պոպուլիստը, որը պոպուլիզմից բացի ուրիշ ոչինչ չգիտի։ Եվ Փաշինյանը Պուտինին ասում է, թե սպառնալիք է տեսնում ադրբեջանցի փախստականների Շուշի վերադառնալու կետում... Իսկ ավելի ուշ կասի՝ մեզ պե՞տք է Շուշին, այդ դժգույն քաղաքը։ Ի՞նչ կարելի է այստեղ ասել։ Ամեն ինչ միանշանակ է. մենք արժանացել ենք նման առաջնորդի, հատուցում ենք դրա դիմաց, դրա համար պատասխան ենք տալու գալիք սերունդներին։

Իր մեծ հարցազրույցում Պուտինը կասի, թե Փաշինյանը դավաճան չէ։ Դա խանդավառություն առաջացրեց «քայլողների» շարքերում... Զուր եք ուրախանում։ Նեղ իմաստով՝ գուցեև Նիկոլը դավաճան չէ։ Այն իմաստով, որ այո, նա գաղտնի չի ծախել Շուշին։ Բայց երբ ընդդիմությունը խոսում է Փաշինյանի դավաճանության մասին, նա շատ ավելի լայն իմաստ է դնում այդ բառի մեջ։

Խոսքն այն մասին է, որ գրեթե երեք տարի շարունակ Փաշինյանը վարել է քաղաքականություն, որը հանգեցրեց այսօրվա արդյունքներին. քաղաքականություն, ուղղված միայն իր հավակնությունների բավարարմանը, բացառապես պոպուլիստական քայլերի և հայտարարությունների քաղաքականություն, որն էլ հանգեցրեց այսօրվա իրավիճակին, քաղաքականություն, որը ոգեշնչեց Ադրբեջանին պատերազմի, և այդ իմաստով, այո՛, Փաշինյանը իր երկրի և իր ժողովրդի ազգային շահերի դավաճանն է։ Եվ դա Պուտինը չի ժխտում, երբ խոսում է այն մասին, որ պատերազմական գործողությունների վտանգի տակ գտնվող երկրներում անթույլատրելի է հասարակության տարանջատմանն ուղղված քաղաքականության իրականացումը, դա լավ բանի չի բերի, և հետևանքները մենք տեսնում ենք Հայաստանի և Արցախի պարագայում։ Սա բնավ ես չեմ ասում, ոչ էլ ընդդիմությունը. սա ասում է Պուտինը։ Եվ դա արդեն հասկանում են բոլորը, նույնիսկ նախագահ Արմեն Սարգսյանը, որը Փաշինյանի իշխանավարման ողջ ընթացքում սատարել է նրան ինչպես կարողացել է։

Փաշինյանը պետք է հեռանա հանուն Հայաստանի և Արցախի շահերի։ Բայց նա թքած ունի այդ շահերի վրա։ Նա հասկանում է, որ եթե հիմա հեռանա և իրեն փոխարինի հեղինակավոր ու պայմանավորվելու և խնդիրներ լուծելու ունակ նոր առաջնորդ, որի համար պետության շահերն ավելի կարևոր են, քան սեփական հավակնությունները, ապա կարելի կլինի ինչ-որ բան փոխել, ինչ-որ բանի հասնել։ Բայց դա ձեռնտու չէ ոչ միայն Իլհամ Ալիևին, դա ձեռնտու չէ նաև Փաշինյանին, քանզի այդժամ նա է՛լ ավելի ողորմելի տեսք կունենա, ուստի նրան կարևոր է հանձնել այն ամենը, ինչ նշված է հայտնի հայտարարության մեջ և հեռանալ միայն հետո, երբ ինչ-որ բան շտկելն արդեն անհնար կլինի։

Նրա տարերքը խնդիրներ ստեղծելն է, այլ ոչ թե դրանք լուծելը, դրա համար էլ շարունակում է կառչել իշխանությունից։ Այսօր նա ներկայացրել է 15 կետ, որոնք մտադիր է իրականացնել և հաշվետու լինել հաջորդ տարվա հունիսին... Մեզ մոլորեցնել չի ստացվի. դրանք կետեր են այն մասին, ինչը դեռ պատրաստվում է տապալել, ինչպես այն ամենը, ինչով զբաղվել է նախկինում…

Основная тема:
Теги:

    ПОСЛЕДНИЕ ОТ АВТОРА

    • ПАШИНЯН ИДЕТ НА ВЫБОРЫ
      2021-01-21 15:31
      705

      Многие возмущаются наглыми и циничными заявлениями Никола в ходе правительственного часа в парламенте. Например, про то, что никогда еще Армения не возвращала так много пленных, как при их власти… Как иронизируют в социальных сетях, никогда еще в Армении не было столько выздоровевших от коронавируса, как во время правления Пашиняна: черный армянский юмор.

    • ИСТЕРИКА ОБИДЧИВОГО ПРОКУРОРА
      2021-01-20 15:29
      1358

      Жутко обидчивый попался прокурор по делу Роберта Кочаряна. Очень обиделся на реплику последнего, что он «один из сдавших». Речь шла о Шуши - символе арцахского движения, символе победы армянского воина. Усилиями Никола и Ко поруганного сегодня символа.

    • "УХОДИТЕ, ХОТЯ БЫ РАЗ РУКОВОДСТВУЯСЬ ИНТЕРЕСАМИ АРМЕНИИ"
      2021-01-18 14:36
      2251

      Турецко-азербайджанское лобби Армении сдавать позиции не намерено, властная пропаганда в эти дни пытается перейти в атаку, опираясь на провалившихся политиков и подконтрольные западным фондам СМИ.

    • РЮКЗАЧКА И РЮКЗАК
      2021-01-17 12:26
      4364

      Не надо ругать оппозицию, что не все происходит так быстро, как хотелось бы. Нет, конечно, у оппозиции свои грехи, и это, конечно, сказывается, но дело не только в этом. Не будем примитивными, как Никол: с его уходом все проблемы по мановению волшебной палочки не решатся. Ни вопрос территорий, ни даже вопрос пленных. Это опасная иллюзия и не надо обманывать самих себя.






    ПОСЛЕДНЕЕ ПО ТЕМЕ

    • «ՆՈՐԱՑՄԱՆ» ՏՐԱՄԱԲԱՆՈՒԹՅՈՒՆԸ
      2021-01-20 21:53
      74

      Ուղիղ երկու ամիս է անցել այն օրից, երբ հայոց կառավարության ղեկավարի պաշտոնը դեռևս զբաղեցնող անձնավորությունը հրապարակեց մի ինչ-որ բան՝ երկրում ստեղծված իրավիճակի հաղթահարման, կայունության ու անվտանգության հաստատման «ճանապարհային քարտեզ» հավակնոտ անվանումով։

    • «ՀԱՅՐԵՆԻՔԻ ՓՐԿՈՒԹՅԱՆ ՇԱՐԺՄԱՆԸ» ՀԱՐԿԱՎՈՐ Է ՈՒԺԵՂ, ԽԱՐԻԶՄԱՏԻԿ ԱՌԱՋՆՈՐԴ
      2021-01-20 09:19
      53

      «Մեկ Հայաստան» կուսակցության նախագահ Արթուր Ղազինյանը «ԳԱ»-ին տված հարցազրույցում հայտարարեց. «Վազգեն Մանուկյանը շարժման առաջնորդը չէ, նա շարժման թեկնածուն է անցումային կառավարության վարչապետի պաշտոնում և հանդես է գալիս այդ կարգավիճակով: Կարծում եմ, շարժումն առաջնորդի կարիք ունի։ Կա՛մ Մանուկյանը կդառնա այդպիսի առաջնորդ և իր ձեռքը կվերցնի շարժման կառավարումը, կա՛մ 17 կուսակցությունները ստիպված կլինեն զբաղվել այդպիսի առաջնորդի որոնումներով»։

    • «ՀԵՌԱՑԵ՛Ք, ԳՈՆԵ ՄԵԿ ԱՆԳԱՄ ԱՌԱՋՆՈՐԴՎԵԼՈՎ ՀԱՅԱՍՏԱՆԻ ՇԱՀՈՎ»
      2021-01-18 20:41
      109

      Հայաստանի թուրք-ադրբեջանական լոբբին մտադիր չէ զիջել դիրքերը, իշխանական քարոզչությունն այս օրերին փորձում է անցնել գրոհի՝ հենվելով ձախողված քաղաքական գործիչների և արևմտյան հիմնադրամների վերահսկողության տակ գտնվող ԶԼՄ-ների վրա։

    • 2020 ԹՎԱԿԱՆ. ԱՐՏԱԿԱՐԳ ԴՐՈՒԹՅՈՒՆԻՑ ՄԻՆՉԵՎ ՌԱԶՄԱԿԱՆԸ
      2020-12-28 20:57
      90

      Արտակարգ դրություն 2020 թվականը սկսվեց ԱԱԾ նախկին պետ Գեորգի Կուտոյանի մահով. ինքնասպանության պաշտոնական վարկածին մինչ օրս քչերն են հավատում։