2020-12-28 18:30
Ара МЕЛИКСЕТЯН
0
ՊԱՏԵՐԱԶՄԻՑ 26 ՕՐ ԱՌԱՋ
Ցանկացած երկրում, որտեղ կա իշխանության և ժողովրդի գոնե նմանություն,այն տեղեկատվությունը, որ շաբաթ օրը հրապարակեց Վատիկանում Հայաստանի նախկին դեսպան Միքայել Մինասյանը, պայթյունային արձագանք կառաջացներ։ Իսկ մեզ մոտ դա (տեղեկատվությունը) առայժմ դարձավ ևս մեկ բացականչական նշան՝ հանցանշանների և ապացույցների այն ահռելի շարանում, որոնք հիմնավորում են իշխանության թիմի կողմից ազգային, պետական շահերի, քաղաքացիների դեմ գործած ծանրագույն հանցագործությունների կասկածները։ Հանցագործություններ, որոնք ունեն, ինչպես պարզվեց, «գլխավոր պատասխանատու», բայց չունեն ոչ մի «մեղավոր»։ Մեղավոր՝ եթե անգամ ոչ դավաճանության, ապա առնվազն հանցավոր անգործության մեջ... Թեպետ այն, թե ինչպես որակել այդ արարքները, առանձին հարց է, որը մտնում է իրավաբանների իրավասության մեջ։ Տվյալ դեպքում ուշադրություն դարձնենք մի շարք փաստերի և իրադարձությունների, որոնք լրացնում են պատկերացումն այն մասին, թե առհասարակ ինչ էր դա։
Ահա ուրեմն, համաձայն Մինասյանի ներկայացրած տեղեկատվության, պատերազմից 26 օր առաջ ՀԱՊԿ գլխավոր քարտուղար Ստանիսլավ Զասը Հայաստանի Անվտանգության խորհրդի քարտուղար Արմեն Գրիգորյանին նամակ է ուղարկել, նախազգուշացնելով վերահաս պատերազմի մասին: Նամակը բովանդակում է ՀԱՊԿ-ի շրջանակներում ռազմա-շտաբային զորավարժություններ անցկացնելու առաջարկ։ Նամակին կցված են նաև համապատասխան փաստաթղթերը: «Նա նկարագրում է այն պատերազմը, որին պետք է պատրաստվի Հայաստանը, և կոչ է անում դիմել ՀԱՊԿ՝ պատերազմի սկսվելուց առաջ, որովհետև, ըստ այդ փաստաթղթի, Հայաստանն անկարող էր դիմանալ այն պատերազմին, որը նկարագրված էր ՀԱԿՊ գաղտնի նամակում։
Նկարագրված էր, որ Հայաստանի Հանրապետությունում 2019-ից գործում են գաղտնի գործակալական ցանցեր՝ ահաբեկիչներից բաղկացած, որոնք պատրաստվում էին և պատրաստվել են պատերազմի ժամանակ անել ինֆորմացիոն և ռազմական «տեռակտներ»։ Այդ նույն նամակում գրված է, որ 2018-ից սկսված՝ խախտվել է ռազմական բալանսը՝ հօգուտ Ադրբեջանի, իսկ Նախիջևանի դիրքային զիջումները ռազմավարական խնդիր են առաջացրել Հայաստանի և Արցախի անվտանգության համար։ Այդ նամակում և փաստաթղթերում նկարագրված է, որ Հայաստանն արդեն 2 տարի տանուլ է տալիս ինֆորմացիոն և դիվանագիտական պատերազմը, և սպասվում է խայտառակ պարտություն։
Նամակում գրված է, որ, հաշվի առնելով բոլոր տիպի խնդիրները, Հայաստանը և Արցախը կռվելու են Ադրբեջանի և Թուրքիայի դեմ, և այդ երկու երկրները Սիրիայից և ուրիշ երկրներից ներգրավելու են տեռորիստների, վարձկանների»,-հայտարարեց Մինասյանը՝ ընդգծելով, որ Նիկոլ Փաշինյանը «գիտեր՝ ինչ է լինելու»։ Մինասյանի խոսքերով՝ ՀԱՊԿ գլխավոր քարտուղարի նամակը «դիվանագիտական զգուշացումներ են, որովհետև այն, ինչ գրված էր, գրեթե 99 տոկոսով կատարվեց»:
Ընդգծենք. Հայաստանը ՀԱՊԿ-ից «դիվանագիտական նախազգուշացում» է ստացել պատերազմից գրեթե մեկ ամիս առաջ։ Ստացել և անտեսել է ահազանգը։ Բայց հետո... Հետո արդեն կանխատեսումներն ու նախազգուշացումները սկսեցին իրական հաստատում ստանալ։ Պատերազմը սկսվեց հենց այն ձևաչափով, որի մասին զգուշացված էր։ Զուգահեռաբար հայ հասարակության մեջ առաջանում ու աճում էր տարակուսանքն այն առնչությամբ, որ ՀԱՊԿ-ը ոչ մի կերպ չի արձագանքում իրավիճակին, իսկ հայկական իշխանությունները չգիտես ինչու օգնության համար չեն դիմում կազմակերպությանը։ Ահա այստեղ, թերևս, արժե հիշել երկու դրվագ, երբ հայկական իշխանության ներկայացուցիչները փորձում էին ինչ-որ կերպ հիմնավորել ՀԱՊԿ-ի անգործությունն ու օգնության համար իրենց չդիմելը դաշնակիցներին։
«ՀԱՊԿ-ին դիմելու համար պետք է ագրեսիա լինի Հայաստանի Հանրապետության հանդեպ», – ԱԺ-ում լրագրողների հետ զրույցում ասաց ՀՀ փոխարտգործնախարար Շավարշ Քոչարյանը՝ պատասխանելով այն հարցին, թե ինչու մինչ օրս Հայաստանը չի դիմել ՀԱՊԿ-ին: Նրա խոսքերով, Հայաստանի տարածքում բնակավայրերի առանձին գնդակոծությունները չի կարելի գնահատել որպես ագրեսիա ՀՀ-ի դեմ: «Դա գնահատել որպես ագրեսիա Հայաստանի նկատմամբ դեռ վաղ է։ Դիմելու համար. եթե եղավ հարց ՀԱՊԿ-ում Հայաստանի նկատմամբ ագրեսիայի մասով, այո, նախ մենք պետք է ինքներս դիմենք ՄԱԿ-ին՝ առաջին քայլ, որով մենք ֆիքսում ենք, որ մեր դեմ ագրեսիա է իրականացվել, և մենք համաձայն ՄԱԿ-ի կանոնադրության ինքնապաշտպանության ենք դիմում։ Դիմում ենք նաև ՀԱՊԿ-ին։ Եվ այդ բոլորը կանոնակարգված է, որտեղ արդեն պետք է կոլեկտիվ ինքնապաշտպանության մասին իրազեկի ՄԱԿ-ը։ Տվյալ դեպքում այդ մասին խոսելը վաղ է։ Եթե դու ունես փամփուշտ, որը կարող է կրակել, այդ փամփուշտը պետք է օգտագործել այն ժամանակ, երբ այն դատարկ չէ»։ Շավարշ Քոչարյանը սա ասել է հոկտեմբերի 20-ին՝ պատերազմի թեժ պահին։ Եվ ինչպես պարզվում է այսօր, ՀԱՊԿ-ն ինքն է մինչև պատերազմը առաջարկել հայկական կողմին դիմել կազմակերպությանը։
Իսկ դրանից մեկ շաբաթ անց ԱԺ փոխնախագահ Ալեն Սիմոնյանը հայտարարեց, թե Հայաստանը կդիմի ՀԱՊԿ-ին այն ժամանակ, երբ վստահ լինի, որ կստանա միանշանակ դրական պատասխան: «ՀԱՊԿ-ում և նման կազմակերպություններում որոշումները կայացվում են կոնսենսուսային տրամաբանության մեջ, այսինքն՝ այն պարագայում, երբ կտեսնենք, որ կան անհերքելի փաստեր, որոնք ՀԱՊԿ-ի քննարկման շրջանակներում դժվար կլինի կասկածի տակ դնել, քայլը կարվի այն ժամանակ, երբ վստահ կլինենք, որ կստանա դրական պատասխան: Այսօր մենք դրա կարիքը չունենք: Բայց ՀՀ սահմաններին վտանգի պարագայում, վստահեցնում եմ, որ մեր գործընկերները, դաշնակիցները չեն թողնի՝ իրավիճակը շատ խորանա»։ Երբ Ալեն Սիմոնյանը բարբաջում էր այդ անհեթեթությունը, ՀՀ Անվտանգության խորհրդի քարտուղարի սեղանին արդեն գրեթե երկու ամիս դրված էր և ՀԱՊԿ-ի գլխավոր քարտուղարի նույն այն նամակը՝ պատերազմի վերաբերյալ արդեն իրականացած կանխատեսումներով ու կազմակերպությանը դիմելու առաջարկով։
Հաշվի առնելով այս գործոնները՝ անհնար է հնարավոր համարել, թե Հայաստանի իշխանությունները մտադիր էին չպարտվել այս ռազմական հակամարտության մեջ։ Ակնհայտ է, որ ամեն ինչ ճիշտ հակառակն էր ընթանում։ Հաշվի առնելով այս գործոնները՝ դժվար է հավատալ, թե Հայաստանի իշխանությունները մտադիր չէին վարկաբեկել ՀԱՊԿ-ը։ Ակնհայտ է, որ ամեն ինչ ճիշտ հակառակն էր արվում։ Եվ առավելևս դժվար է հանգիստ շարունակել ապրել այն մտքով, որ երկրի դեմ այս խայտառակ դավադրությունն ունի տեսական «պատասխանատու», բայց չունի ոչ մի «մեղավոր»։ Սաբոտաժի, միտումնավոր ռազմական պարտության, ազգային և պետական շահերի դավաճանության մեղավոր: Իրականում ՀԱՊԿ գլխավոր քարտուղարի նախազգուշացումներից շատերը ոչ միայն իրականացել են, այլև շարունակում են արդիական մնալ այսօր։ Օրինակ՝ այն, որ «2019-ից գործում են գաղտնի գործակալական ցանցեր՝ ահաբեկիչներից բաղկացած, որոնք պատրաստվում էին և պատրաստվել են պատերազմի ժամանակ անել ինֆորմացիոն և ռազմական «տեռակտներ», որ «Նախիջևանի դիրքային զիջումները ռազմավարական խնդիր են առաջացրել Հայաստանի և Արցախի անվտանգության համար»։
Պատերազմից 26 օր առաջ մենք նստած էինք վառոդի տակառի վրա, որը պայթեց սեպտեմբերի 27-ին։ Բայց նույնիսկ այդ պայթյունից հետո գործող թիմը շարունակում է երկիրը պահել արդեն ականադաշտում։ Ինչ-որ մեկն այսօր կարո՞ղ է պնդել, թե Հայաստանին սպառնացող ահաբեկչական սպառնալիքը թուլացել է։ Ինչ-որ մեկը կարո՞ղ է պնդել, թե այսօր մենք չունենք անվտանգության հետ կապված խնդիրներ։ Ինչ-որ մեկը կարո՞ղ է պնդել, որ դիվանագիտական և տեղեկատվական պատերազմում մենք կարող ենք ինչ-որ բան ակնկալել՝ պարտությունից բացի։ Կրկնում եմ՝ երկրի համար ճակատագրական որոշումներ կայացնող այս ավազակախումբը շարունակում է մեզ պահել ականապատ դաշտում՝ նույնիսկ հնարավորություն չտալով դիմել «սակրավորների» օգնությանը։
Եվ էլի մի բան։ Պատկերացնելն անգամ դժվար է, թե ինչ և ինչպես են Հայաստանի ներկայացուցիչների հետ խոսելու ՀԱՊԿ-ի մեր գործընկերները՝ իմանալով գլխավոր քարտուղարի նամակի պատմությունը և հայկական կողմի արձագանքը... Ինչի՞ մասին կարելի է խոսել նրանց հետ, ովքեր ցանկանում են շարունակել կործանել իրենց երկիրը, ընդ որում վարկաբեկելով հավաքական պաշտպանության բուն գաղափարն ու հարվածի տակ դնելով գործընկերներին։
ПОСЛЕДНИЕ ОТ АВТОРА
-
New2024-11-22 18:22Депутат от фракции "Гражданский договор", зампред комиссии по экономическим вопросам НС Бабкен Тунян призвал не верить показателям Национального статистического комитета Армении по сельскому хозяйству, передает АРКА. "Я не считаю себя экспертом в сфере сельского хозяйства, но насколько смог ознакомиться с темой, мы должны очень осторожно говорить о сельскохозяйственных показателях. Те показатели, которые сейчас публикует Статистический комитет, принимать за "чистую монету" не стоит. Мы не знаем в действительности, что является нашим сельским хозяйством. У человека во дворе могут быть несколько деревьев и пара коров, и мы это включим в сельское хозяйство", - сказал депутат, комментируя в интервью ОТА вопрос о том, что в последние годы сфера сельского хозяйства в Армении не росла.
-
2024-11-22 09:35Согласно данным статистического комитета РА, в третьем квартале текущего года ВВП Армении вырос на 17% по сравнению с тем же периодом прошлого года. Цифра, в принципе, выглядит вполне себе приличной. Но здесь есть небольшой нюанс.
-
2024-11-21 09:4718 ноября с.г. в ходе 79-й сессии Генеральная Ассамблея ООН приняла резолюцию о сотрудничестве между Организацией Объединенных Наций и Организацией Договора о коллективной безопасности. В документе подчеркивается, что ОДКБ вносит значительный практический вклад в укрепление своего миротворческого потенциала и системы региональной безопасности и стабильности, противодействия терроризму и организованной транснациональной преступности, борьбе с незаконным оборотом наркотиков и оружия, неупорядоченной миграцией и торговлей людьми и ликвидации последствий природных и техногенных катастроф, что содействует реализации целей и принципов Организации Объединенных Наций. Генеральная Ассамблея предложила Генеральному секретарю ООН и впредь проводить регулярные консультации с Генеральным секретарем ОДКБ в рамках двусторонних контактов и форумов различных форматов. ООН и ОДКБ продолжат взаимодействие в интересах последовательной и всеобъемлющей реализации Глобальной контртеррористической стратегии ООН.
-
2024-11-20 10:01Правительство Армении разрабатывает новое налоговое законодательство. Об этом на заседании Национального Собрания Армении во время обсуждения проекта госбюджета на 2025 год заявил 14 ноября премьер-министр республики Никол Пашинян, передает News.am. По мнению премьера, нынешнее законодательство не учитывает интересы страны и даже имеет антигосударственную направленность. Оно, как считает Пашинян, не позволяет собрать необходимый объем налогов. «В действующем Налоговом кодексе Армении действуют льготные налоговые режимы, которые никак не стимулируют у бизнеса желание зарабатывать больше. И как бы неприятно это ни звучало, но только таким словом можно назвать льготный налог с оборота», – сказал глава правительства. Льготы, по его мнению, носят массовый и нецелевой характер.
ПОСЛЕДНЕЕ ПО ТЕМЕ
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-04-02 08:48Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…