2021-01-27 20:41
Гаспар АДАМЯН
0
ԻՆՉՈ՞Ւ Է ԱՆՀԱՆԳՍՏԱՆՈՒՄ ԴԵՍՊԱՆ ԹՐԵՅՍԻՆ
Չարաչար սխալվում են նրանք, ովքեր կարծում են, թե գունավոր հեղափոխության հայկական ծաղրապատկերից հետո արևմտամետ քաղաքական գործիչները դադարել են այցելել Երևանում ամերիկյան դեսպանատուն։
Ներկայիս դեսպան Լին Թրեյսին չի կազմակերպում բուռն երեկույթներ, ինչպիսիք կազմակերպում էր ընդդիմության ներկայացուցիչների համար Մարի Յովանովիչը, բայց նույնպես հաճույքով ընդունում է հյուրերին, ընդ որում՝ ոչ միայն քաղաքական ուժերի ներկայացուցիչների: Նա ակտիվորեն շփվում է վերլուծաբանական հանրության ներկայացուցիչների հետ։ Վերջին օրերին ամենատարբեր աղբյուրներից լուրեր են արտահոսում այն մասին, որ Թրեյսին մեծ հետաքրքրություն է ցուցաբերում նոր միութենական պետության շրջանակներում հայ-ռուսական դաշինքի ձևավորման հեռանկարի նկատմամբ:
Այն մասին, որ Հայաստանը պետք է գնա Ռուսաստանի հետ նոր դաշնակցային պետություն ձևավորելու ճանապարհով, մեր երկրում խոսել են ոչ միայն 44-օրյա պատերազմից հետո, այլև նախքան դրա սկսվելը։ Մասնավորապես, նախկին վարչապետ Հրանտ Բագրատյանը կարծիք է հայտնել, որ տարածաշրջանային իրավիճակն այնպես է դասավորվում, որ Հայաստանն ու Արցախը կարող են հայտնվել Թուրքիայի ազդեցության ոլորտում, եթե յուրաժամանակ միջոցներ չձեռնարկեն նոր միութենական պետությանն ինտեգրվելու համար։ Նրանց թիվը, ովքեր համարում են, որ երկարաժամկետ անվտանգության ապահովման տեսանկյունից Հայաստանի համար միակ ճիշտ ելքը դա է, պատերազմից հետո ավելացել է։
Չեմ խոսի նույն հավատքի լինելու, ժողովուրդների միջև բարեկամության պատմական ավանդույթների, հոգևոր ու մշակութային կապերի մասին։ Այս ամենի վերաբերյալ «Գոլոս»-ի ընթերցողները տեղեկացված են ընթերցողական ցանկացած այլ լսարանից շատ առավել։ Եթե ինտեգրման գաղափարը լայն աջակցություն ստանա զանգվածների և քաղաքական հանրության միջավայրում, ապա դա կհարուցի թուրք-սորոսական 5-րդ շարասյան և Բաքվում, Անկարայում ու Վաշինգտոնում նստած դրա տերերի հավաքական հակազդեցությունը։ Առայժմ «Ուժեղ Հայաստան` Ռուսաստանի հետ. հանուն նոր միության» նախաձեռնությանն աջակցել են ընդամենը մի քանի քաղաքական և հասարակական կազմակերպություններ, հեռանկարների մասին խոսելու համար դեռ վաղ է, բայց դրանք կան, այլապես Թրեյսին այդպես չէր անհանգստանա…
Ի դեպ, բառացիորեն օրերս «Հայրենիքի փրկության շարժման» շարքերը լքեց «Դեմոկրատական այլընտրանք» կուսակցության առաջնորդ Սուրեն Սուրենյանցը։ Նա հայտարարեց, թե շարժման առաջնորդների խնդիրը ոչ թե այն է, որ ստիպեն Փաշինյանին հրաժարական տալ, այլ որ հարկադրեն նրան ավելի ակտիվ պարել Պուտինի դուդուկի տակ։ Հիշեցնեմ, որ Սուրենյանցն իր հրապարակային կարիերան սկսել է դեռևս նախորդ դարում՝ երիտասարդական շարժումներից մեկի ձևաչափով, հետո աշխատել է Արամ Սարգսյանի «Հանրապետություն» կուսակցության մամուլի քարտուղար, այնուհետ հայտնվել օլիգարխ Սամվել Ալեքսանյանի կողքին, իսկ հետո ընդհանրապես բանտ ընկել, որտեղից դուրս է եկել համեմատաբար վերջերս և անմիջապես հիմնել սեփական կուսակցություն։
Եթե Սուրենյանցը լքել է շարժումը վերոնշյալ պատճառով, ուրեմն ինչ-որ մեկին խիստ անհրաժեշտ է, որ միավորված ընդդիմության առաջնորդներին հայտարարեն Կրեմլի գործակալներ։ Հավասարակշռության համար։ Եթե իշխանությունը կիսով չափ բաղկացած է թուրք-սորոսական 5-րդ շարասյան գործակալներից, ապա իրենք էլ պետք է պիտակ փակցնեն միավորված ընդդիմության վրա։ Բա ո՞նց կլինի առանց պիտակի։
Բայդենի երդմնակալությունից հետո Թրեյսին հանդես եկավ մի հոդվածով, որում, մասնավորապես, հայտարարեց, թե «չնայած մարտերի դադարեցմանը, Լեռնային Ղարաբաղի կարգավիճակի քաղաքական որոշումն անհրաժեշտ է տարածաշրջանային խաղաղության և կայունության ամրապնդման համար»: Դեսպանը նաև կողմ է արտահայտվել գերիների անհապաղ ու անվտանգ վերադարձի անհրաժեշտությանը և դատապարտել «հակամարտության հետ կապված բարբարոսության դեպքերը»: Հոդվածը վերնագրված է «Ժողովրդավարությունն անգին է»։ Բավական «արդիական» վերնագիր է մի երկրի համար, որտեղ իշխանությունն ամեն քայլափոխի խախտում է Սահմանադրությունն ու օրենքները, իսկ ժողովուրդը ֆիզիկական ոչնչացման սպառնալիքի տակ ամեն օր լուծում է գոյատևման խնդիրը։ Ի դեպ, իսկ ինչո՞ւ ԱՄՆ դեսպանը ոչ մի անգամ չի արձագանքել Փաշինյանի ռեժիմի կողմից օրինականության խախտումներին։ Խաղաղ ցույցերը ցրելու ընթացքում ոստիկանության կողմից ուժի անհամաչափ կիրառմանը։
Այս հարցերը ավելորդ խնդիրների ոլորտից են. Փաշինյանը միանգամայն ձեռնտու է ԱՄՆ-ին, իսկ նոր վարչակազմն արդեն սկսել է խոսել Արցախի կարգավիճակի շուրջ բանակցությունների մասին։ Փաշինյանի շրջապատն ակտիվորեն լուրեր է տարածում, թե իբր՝ պետքարտուղար Էնթոնի Բլինկենը պատրաստ է ակտիվորեն աջակցել Փաշինյանի այցի կազմակերպմանն ԱՄՆ և 46-րդ նախագահի հետ հանդիպմանը. չէ՞ որ Փաշինյանը Հայաստանի միակ ղեկավարն է, որն առ այսօր չի հանդիպել ԱՄՆ նախագահի հետ։ Ի դեպ, հունվարի 25-ին Ռուսաստանի դեսպանի հետ Տեր-Պետրոսյանի հանդիպումից հետո քաղաքական շրջանակներում սկսեցին խոսել այն մասին, որ հանդիպման ընթացքում քննարկվել է նաև միութենական պետության գաղափարը…
ПОСЛЕДНИЕ ОТ АВТОРА
-
2024-04-25 11:24Лидер Европейской партии Тигран Хзмалян на днях сообщил, что последний раз лидеры неформальной внепарламентской коалиции встречались с Пашиняном в сентябре прошлого года. В кулуарах власти активно циркулируют слухи о том, что партии - бывшие члены неформального альянса больше не просят лидера правящего режима о встречах… Ранее эти встречи имели место на регулярной основе, лидеры карликовых сил выступали с предложениями, задавали Пашиняну вопросы. Сегодня эти деятели предпочитают дистанцироваться от персоны главаря режима и даже выступают с публичной критикой в адрес властей.
-
2024-04-25 10:30Спектакль с ревизией построенных и отремонтированных школ Пашинян недавно повторил в Лори, где снова дергал перед телекамерами крючки для вешалок, пробовал на прочность ворота на футбольном поле, давал ценные советы учителям по организации учебного процесса.
-
2024-04-24 10:02"Пашинян провалил все программы, с которыми ГД пришла к власти в 2021 г., а потому после подписания соглашения о мире с Алиевым он обязан подать в отставку и провести досрочные выборы в парламент", - заявил зампредседателя АНК Левон ЗУРАБЯН. По его словам, человек в кресле премьер-министра утратил контроль над текущими процессами, включая тот, который призван привести к миру между Арменией и Азербайджаном.
-
2024-04-23 11:14Создание новой политической силы (сначала движения, потом партии) под руководством бывшего министра обороны генерала Аршака Карапетяна вызвало столь затяжную истерию агитпропа власти, что нет ничего удивительного в том, что он не приехал на съезд собственной партии, а приветствовал его участников по видеосвязи. Сознавая, что сама по себе фигура экс-министра не выглядит устрашающей (ему приписали заглавную роль в так называемой 5-й колонне РФ), к Карапетяну приблизили персону экс-руководителя Службы судебных приставов генерала Миграна Погосяна ("Кетрони Мигран"), который давно уже объявлен в розыск и находится в бегах.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։