Последние новости
2021-03-23 15:23

ՄԵԿ ՏԱՐԻ ԿՈՐՈՆԱՎԻՐՈՒՍԻ ՊԱՅՄԱՆՆԵՐՈՒՄ. ՀԿԵ-Ն ՇԱՐՈՒՆԱԿՈՒՄ Է ՊԱՀՊԱՆԵԼ COVID-19-ԻՆ ՀԱԿԱԶԴԵԼՈՒ ՄԻՋՈՑՆԵՐԸ

0
Telegram

Արդեն ավելի քան մեկ տարի Հարավկովկասյան երկաթուղին գործում է «արտակարգ» պայմաններում, որոնք թելադրում է կորոնավիրուսային վարակի դեռ շարունակվող համաճարակը:

Այդ մեկ տարվա ընթացքում հակակորոնավիրուսային միջոցառումների իրականացմանը երկաթուղին ծախսել է շուրջ 17 միլիոն դրամ: Ընկերության ձեռնարկությունների կարիքների համար ձեռք են բերվել 85 հազար տարբեր տեսակի դիմակներ, ավելի քան մեկ տոննա տեխնիկական սպիրտ և մոտ երկու տոննա հակաբակտերիալ գել: Սեփական նախաձեռնությամբ ընկերությունը անվճար տեղափոխում է համաճարակի պատճառով գործուղումների մեկնող բուժաշխատողներին՝ տարվա ընթացքում արդեն տեղափոխել է շուրջ 1800 բուժաշխատող:

 Երկաթուղին շարունակում է պահպանել COVID-19-ի տարածումը կանխելու և վիրուսին հակազդելու միջոցները: Այսպես, բոլոր երկաթուղային կայարաններն օդափոխվում և ախտահանվում են հատուկ միջոցներով, կայարաններում ստեղծված են հատուկ սենյակներ, որոնք անհրաժեշտության դեպքում տրամադրվում են հիվանդության նշաններ ունեցող ուղևորներին կամ աշխատակիցներին: Մերձքաղաքային բոլոր էլեկտրագնացքները մաքրվում են ախտահանման լուծույթներով` մեկնումից առաջ և հետո: Բոլոր սպասասրահներում և վագոններում տեղադրված են սանիթայզերներ:

Ուղևորների հետ աշխատող բոլոր աշխատակիցները (ուղեկցորդներ, գանձապահներ, վերահսկիչներ, կայարանների հերթապահներ, լոկոմոտիվային բրիգադներ և այլն) ապահովված են բժշկական դիմակներով, պաշտպանիչ ձեռնոցներով և հակասեպտիկներով: Հարավկովկասյան երկաթուղու վարչական շենքի, դեպոների, գծային համալիրի ձեռնարկությունների մուտքերի մոտ աշխատողներն անցնում են պարտադիր ջերմաչափում: Բոլոր աշխատակիցներին տրամադրվում են բժշկական դիմակներ, ձեռնոցներ և հակասեպտիկներ, ինչպես նաև կորոնավիրուսային վարակի կանխարգելման մասին հուշաթերթիկներ: Բոլոր գրասենյակային տարածքներում պահպանվում են սոցիալական հեռավորության նորմերը (1,5-2 մետր):

Ինչպես նշել է ՀԿԵ գլխավոր տնօրեն Ալեքսեյ Մելնիկովը, ընկերությունը բոլոր միջոցներն է ձեռնարկում իր աշխատակիցներին և ուղևորներին պաշտպանելու համար. «Երկաթուղին ռազմավարական նշանակության օբյեկտ է, և մենք պետք է ապահովենք դրա անխափան և անվտանգ աշխատանքը` համագործակցելով պետական մարմինների և Առողջապահության նախարարություն հետ: Սանիտարահիգիենիկ խիստ հսկողությունը և աշխատանքային կարգապահությունը մեզ թույլ տվեցին նման դժվար ժամանակահատվածում՝ առանց նույնիսկ մեկ օրով աշխատանքը դադարեցնելու, ապահովել անխափան տրանսպորտային հաղորդակցությունը պետության համար ռազմավարական նշանակություն ունեցող երկաթուղային տրանսպորտի ոլորտում»:

Основная тема:
«Հարավկովկասյան երկաթուղի» ՓԲԸ

Теги:
«Հարավկովկասյան երկաթուղի» ՓԲԸ

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ՀԱՅԱՍՏԱՆՈՒՄ ԿՄԵԿՆԱՐԿԻ ԱՌԱՋԻՆ ԶԲՈՍԱՇՐՋԱՅԻՆ ԳՆԱՑՔԸ
    2025-06-26 17:20

    «Հարավկովկասյան երկաթուղի» ՓԲԸ-ն՝ համագործակցելով չեխական զբոսաշրջային օպերատոր Gepard Express-ի հետ, գործարկում է Հայաստանի համար նոր ծառայություն՝ զբոսաշրջային գնացք: Ծրագիրն իր տեսակի մեջ առաջինն է երկրում և նպատակ ունի զարգացնել երկաթուղային զբոսաշրջությունը տարածաշրջանում։

  • ՄԵԿՆԱՐԿԵԼ Է ԵՐԵՎԱՆ-ԲԱԹՈՒՄԻ-ԵՐԵՎԱՆ ՄԻՋԱԶԳԱՅԻՆ ԳՆԱՑՔԻ ԱՇԽԱՏԱՆՔԸ
    2025-06-14 15:58

    2025 թվականի հունիսի 14-ին «Հարավկովկասյան երկաթուղի» ընկերությունը գործարկել է ամառային սեզոնի առաջին միջազգային ուղևորատար գնացքը Երևան-Բաթումի-Երևան երթուղով։ Սևծովյան հանգստավայրեր ուղևորված առաջին գնացքով մեկնել է շուրջ 150 ուղևոր։

  • ՄԵԿՆԱՐԿՈՒՄ Է ԵՐԵՎԱՆ-ՍԵՎԱՆ-ՇՈՐԺԱ ՍԵԶՈՆԱՅԻՆ ԷԼԵԿՏՐԱԳՆԱՑՔԻ ԱՇԽԱՏԱՆՔԸ
    2025-06-11 10:15

    Հունիսի 13-ից մեկնարկում է «Հարավկովկասյան երկաթուղի» ընկերության մերձքաղաքային Երևան-Սևան-Շորժա-Երևան էլեկտրագնացքի աշխատանքը։ Այն իրականացվելու է ուրբաթ, շաբաթ և կիրակի օրերին։

  • ՈՂԲԵՐԳԱԿԱՆ ԴԵՊՔ ԷՋՄԻԱԾԻՆ–ՄԱՍԻՍ ԵՐԿԱԹՈՒՂԱՅԻՆ ՀԱՏՎԱԾՈՒՄ
    2025-05-26 08:49

    2025 թվականի մայիսի 25-ին՝ ժամը 14:35-ին, Էջմիածին–Մասիս երկաթուղային հատվածում տեղի է ունեցել դժբախտ պատահար մահվան ելքով։ Գյումրի–Երևան երթուղով ընթացող էլեկտրագնացքի մեքենավարական անձնակազմը, շարժվելով սահմանված արագությամբ, նկատել է երկաթուղային գծերի վրա կանգնած անձի, որը գտնվել է գնացքից մոտ 130 մետր հեռավորության վրա՝ մեջքով դեպի գնացքը։ Մեքենավարը անմիջապես կիրառել է ձայնային ազդանշաններ և արտակարգ արգելակում, սակայն բախումը կանխել չի հաջողվել։ Երիտասարդ տղան մահացել է ստացած ծանր վնասվածքներից։