Последние новости

ՈՐՏԵՂ Է ԹԱՂՎԱԾ ՀԱՂԹԱԿԱՆ ԶԵԿՈՒՅՑՆԵՐԻ ՇԱՆ ԳԼՈՒԽԸ

Հայաստանում գնաճը դուրս է պրծել նախանշված միջանցքից

Ազգային տնտեսությունն անցած տարվա ընթացքում կորցրել է 7,5% և 2020 թվականի 2-րդ եռամսյակից առ այսօր գտնվում է տեխնիկական ռեցեսիայի մեջ։ Ընթացիկ տարվա 2 ամիսների արդյունքներով՝ Հայաստանի տնտեսությունը նախորդ տարվա նույն ժամանակահատվածի համեմատ անկում է ապրել 6,7%-ով։

Այդ խորապատկերին անպարկեշտ եվ արտառոց են հնչում տնտեսության վիճակի համար պատասխանատու բարձրաստիճան պաշտոնյաների հայտարարությունները այս տարի իբր դրսևորված որոշակի հաջողությունների առկայության մասին: Սկզբում վարչապետ Փաշինյանը գերմարդկային սրատեսությամբ նշմարեց տնտեսության վերականգնման նշաններ, իսկ օրերս արդեն ՀՀ պետեկամուտների կոմիտեի նախագահ Էդվարդ Հովհաննիսյանը կառավարության նիստում, իսկ այնուհետ նաև ԶԼՄ-ներին տված հարցազրույցում գլուխ էր գովում, թե այս տարվա 1-ին եռամսյակի արդյունքներով «հարկային եկամուտների գերակատարման փաստացի արդյունքը կազմել է 22,3 մլրդ դրամ»։

Մինչդեռ 2020 թվականի 1-ին եռամսյակում հարկայինները կարողացել են պետգանձարան մտցնել 349 մլրդ դրամ, իսկ 2021-ի 1-ին եռամսյակում ՝ միայն 327,3 մլրդ դրամ, այսինքն իրականում մենք այդ առումով էլ ունենք մոտ 22 մլրդ դրամի բացասական արդյունք. պարզապես կառավարությունը նախապես էականորեն նվազեցրել է հարկերի գանձման ծրագիրը և... քաջաբար գերակատարել դա։ Գործող իշխանության համար սովորական էժանագին մանիպուլյացիա։

Այնուհետ երկրի գլխավոր հարկահավաքը զեկուցում է այս տարվա մարտին ապրանքաշրջանառության և գործարքների աճի մասին՝ արտացոլված հսկիչ-դրամարկղային մեքենաների կտրոններում: Վարչապետն այդտեղ էլ է մեջ ընկնում. «Այսպիսով, առևտրաշրջանառության ծավալն 1-ին եռամսյակում աճել է ավելի քան 8%-ով։ Մարտին աճը կազմել է ավելի քան 20%»։

Փաշինյանն ու Հովհաննիսյանը խոսում են ընթացիկ տարվա մարտ ամսվա ինչ-որ տվյալների մասին, թեև պաշտոնական վիճակագրությունն առայժմ սահմանափակված է 2021 թվականի հունվար-փետրվար ամիսներով (մարտի տվյալները կհրապարակվեն միայն ապրիլի 26-ին), և այս երկու ամսվա պարագայում դրական, թեև համեստ լույսի ներքո կարելի է խոսել միայն շինարարության ոլորտի ընդամենը 1% աճի մասին։ Մնացած բոլոր մակրոտնտեսական ցուցանիշները նշված ժամանակահատվածում սաստիկ նվազել են նախորդ տարվա նույն ժամանակահատվածի համեմատ։

Հաշվի առնելով, որ ս.թ. հունվար-մարտ ամիսներին ներքին առևտրաշրջանառությունը նվազել է 11,3%-ով, իսկ ծառայությունների ոլորտը՝ ընդհանրապես 12,5%-ով, մարտի համապատասխան ցուցանիշները պետք է պարզապես փայլուն լինեն, որպեսզի ոչ միայն ծածկեն առաջին երկու ամիսների երկնիշ անկումները, այլև փակեն 1-ին եռամսյակը «կանաչ» գոտում։

Ըստ երևույթին, հենց դրան էլ ապավինում են կառավարությունում՝ բնավ ոչ անհիմն համարելով, որ այս մարտը հարկ կլինի համեմատել անցած տարվա մարտի հետ, իսկ չէ՞ որ 2020 թվականի մարտի կեսն ընդհանրապես զրոյական էր, քանի որ, հիշում եմ, մարտի 16-ից կառավարությունը արտակարգ դրություն մտցրեց երկրում, և տնտեսական կյանքը Հայաստանում կանգ առավ։ 2020 թվականի մարտին տնտեսական ակտիվության անկումը կազմեց գրեթե 5%, իսկ առևտրի ծավալները կրճատվեցին 10%-ով։ Հիշեցնենք, որ արտակարգ դրության ռեժիմը՝ քաղաքացիների ազատ տեղաշարժի իր խիստ սահմանափակումներով, ձգվեց ամբողջ ապրիլը ներառյալ (որի հետ այս տարվա ապրիլը համեմատելը նույնպես շատ հարմարավետ զբաղմունք կլինի պաշտոնյաների համար)։

Այսպիսով, նույնիսկ այս մարտ ամսվա չնչին թվերը, համադրվելով, պայմանականորեն ասած, նախորդ տարվա մարտի զրոների հետ, կարող են ապահովել կառավարությանն այնքա՜ն անհրաժեշտ աննախադեպ հաջողությունների գեղեցիկ պատկեր։ Այլ բան է, որ իրականում աճի այդ տոկոսները ոչ ավելին են, քան պատրանք։

Իմիջիայլոց, խոսելով առևտրաշրջանառության աճից՝ կառավարությունում ամոթխած լռում են մոլեգնող գնաճի մասին։ «Հաջողությունների» վերաբերյալ իրենց զեկույցներում այդ մասին ոչինչ չասացին ո՛չ վարչապետը, ո՛չ էլ գլխավոր հարկահավաքը, չնայած ապրանքների թանկացումը նույնպես կարող է ապահովել ապրանքաշրջանառության աճի գեղեցիկ պատկեր։ Բայց դա էլ ոչ այլ ինչ է, քան պատրանք։

Ի տարբերություն ս.թ. մարտ ամսվա մակրոտնտեսական մյուս ցուցանիշների, որոնք, ինչպես արդեն ասվեց, Վիճկոմիտեն մեզ կներկայացնի միայն ապրիլի վերջին, մարտի և ընդհանուր առմամբ այս տարվա հունվար-մարտ ամիսների գնաճի տվյալները Armstat-ի կողմից հրապարակվել են ապրիլի 5-ին (այդ մասին մենք ավելի մանրամասն կխոսենք առաջիկա օրերին)։

Համաձայն այդ տվյալների՝ Հայաստանի սպառողական շուկայում 12-ամսյա գնաճը (2020 թ. մարտից մինչև ս.թ. մարտ) կազմել է 5,8%՝ գերազանցելով ծրագրային ցուցանիշի ամենաբարձր շեմը (4+1,5%, այսինքն 5,5%): Ընդհանուր առմամբ, 1-ին եռամսյակում ՍԳԻ-ն (սպառողական գների ինդեքսը) կազմել է 5,2%: Եվ, իհարկե, գների այդ կատաղի աճը արտացոլվում է ապրանքաշրջանառության թվերի մեջ։ Կառավարությանը հայտնի է այդ մասին, բայց նա բարեգեղ պատկեր ստեղծելու նպատակով նախընտրում է չկապակցել այդ երկուսը։ Սակայն մենք հո գիտենք, թե որտեղ է թաղված շան գլուխը…

Основная тема:
Теги:

    ПОСЛЕДНИЕ ОТ АВТОРА

    • ЗЕЛЕНЫЙ "ВАГОНЧИК ТРОНЕТСЯ - ПЕРРОН ОСТАНЕТСЯ"
      2021-12-03 16:32
      1508

      На Евразийском конгрессе самая популярная аббревиатура - ESG Как уже сообщал "ГА", 2 декабря в Москве прошел Второй Евразийский конгресс, организатором которого выступил Евразийский банк развития (ЕАБР). Мероприятие проводилось с целью расширения диалога между представителями органов государственной власти стран-членов ЕАЭС и активного вовлечения бизнес-сообщества в процессы евразийской экономической интеграции.

    • ЕАЭС СТРОИТСЯ ДЛЯ ЛЮДЕЙ
      2021-12-02 16:55
      2038

      Стратегией ЕАБР предусмотрено инвестировать в Армению $300 млн 2 декабря в Москве проходит Второй Евразийский конгресс, организатором которого выступает Евразийский банк развития (ЕАБР). Мероприятие проводится с целью расширения диалога между представителями органов государственной власти стран-членов ЕАЭС и активного вовлечения бизнес-сообщества в процессы евразийской экономической интеграции.

    • ВНЕШНЯЯ БЛОКАДА ДОПОЛНИЛАСЬ ВНУТРЕННЕЙ
      2021-12-02 10:22
      1266

      Правительство Пашиняна оставит нас без межгосударственных автобанов Трехсторонняя рабочая группа по разблокированию транспортных коммуникаций в регионе, возглавляемая вице-премьерами России, Армении и Азербайджана, получив импульс после встречи лидеров указанных стран, 1 декабря вновь собралась на очередное свое заседание в Москве.

    • «НЕПРАВИЛЬНЫЙ МЕД» ПРИВАТИЗАЦИИ, или ПОСЛЕДНИЙ ДЕКАБРЬ СОЮЗА
      2021-12-01 09:52
      1058

      (Из цикла «Армения: 30 лет без СССР») 30 лет назад огромная советская империя пережила свой последний декабрь: в новый, 1992 год 15 республик прекратившего свое существование СССР вступили уже независимыми государствами. Соответствующее решение о «закрытии проекта» было, как положено, оформлено постановлением союзного парламента. После этого экс-советские республики, в том числе Республика Армения, приступили к реализации сложнейших реформ, призванных «вписать» их в одночасье разорванные экономики в рыночное пространство. И тот факт, насколько это удалось или нет, до сих пор аукается в нашей современной действительности…






    ПОСЛЕДНЕЕ ПО ТЕМЕ

    • ԱՄԵՐԻԱԲԱՆԿ. 62.5%-ՈՎ ԱՎԵԼԻ ՀԱՐԿ` ՆԱԽՈՐԴ ՏԱՐՎԱ ՀԱՄԱԴՐԵԼԻ ԺԱՄԱՆԱԿԱՀԱՏՎԱԾԻ ՀԱՄԵՄԱՏ
      2021-10-22 17:08
      1115

      2021 թվականի երրորդ եռամսյակի տվյալներով Ամերիաբանկը Հայաստանի ամենախոշոր հարկատու բանկն է:

    • ՆԻԿՈԼԻ ՆՇԱՁՈՂԸ
      2021-05-26 20:23
      2946

      Առաջին հայացքից բավական զարմանալի է, որ առաջիկա արտահերթ ընտրություններին պատրաստվում են մասնակցել այդքան մեծ թվով քաղաքական ուժեր ու գործիչներ։ Թվում է, բնավ ոչ բոլորն են կարող խիզախել հանձն առնել պատասխանատվությունը Հայաստանի ճակատագրի համար՝ գրեթե բոլոր ոլորտներում տիրող բացարձակ բարդակի, պետականության փաստացի կորստի, կառավարման համակարգի լիակատար փլուզման, սոցիալ-տնտեսական կաթվածահարության պայմաններում։

    • ԻՆՉ Է «ՀԱՅԿԱԿԱՆ ՏՆՏԵՍՈՒԹՅՈՒՆԸ»
      2021-05-07 17:05
      4424

      Իշխանավարման 3 տարիների արդյունքում Փաշինյանի թիմը ցույց տալու ոչինչ չունի Ի՞նչ բան է առհասարակ տնտեսությունը: Դա, ներեցեք ծեծված բնորոշման համար, երկրում ամեն օր արտադրվող բոլոր ապրանքների և ծառայությունների ամբողջությունն է։ Մեր երկրի տնտեսությունը բացառություն չէ։ Եվ ի՞նչ ունենք այսօր։

    • ՄԵԿ ՄԻԼԻՈՆԻ ՏԱՐԲԵՐՈՒԹՅՈՒՆ
      2021-05-05 18:22
      3582

      Զբոսաշրջիկների հոսքը դեպի Հայաստան 2021 թվականին կլինի 2019 թվականի ցուցանիշների մոտ 25-30%-ի մակարդակում։ Ինչպես հայտարարեց Հայաստանի Կենտրոնական բանկի նախագահ Մարտին ԳԱԼՍՏՅԱՆԸ, այդ մասին են վկայում կարգավորիչի կողմից վերջերս անցկացված ուսումնասիրություններն ու հարցումները, հաղորդում է ԱՌԿԱ-ն: «Կարծում ենք, որ 2021 թվականի համար դա վատ ցուցանիշ չէ, սակայն պետք է ջանքեր ներդնել, որ պատվաստումները տեղի ունենան (կորոնավիրուսի դեմ): Այս պահին կարող է չենք հասկանում պահի լրջությունը, սակայն ազգային իմունիտետ ձեռք բերելու խնդիրը կրիտիկական է լինելու 2021 թվականի վերջին, 2022 թվականին և հետագայում երկրի ընդհանուր զարգացման տեսանկյունից»,- ասաց նա երեքշաբթի օրը տեղի ունեցած մամլո ասուլիսում: