2021-12-24 08:59
Ашот АРАМЯН
0
ՈՐԲԱՑԱԾ ՈԼՈՐՏՆԵՐԸ ՀԱՐՅՈՒՐԱՊԱՏԻԿ ՎՐԵԺ ԵՆ ԼՈՒԾՈՒՄ ՄԵԶԱՆԻՑ
Իշխանության գալու առաջին իսկ օրվանից Փաշինյանը սկսեց նպատակաուղղված ոչնչացնել ենթակառուցվածքները, պետական կառավարման համակարգերը, այդ թվում՝ տնտեսական։ Իսկ այսօր կառավարությունն ու մենք բոլորս քաղում ենք նման անհեռատես, եթե ավելի կոպիտ չասենք, որոշման պտուղները…
Գյուղատնտեսության նախարարության լուծարումը, Էկոնոմիկայի նախարարության կառուցվածքում իրական հատվածի երկու կարևորագույն ճյուղերի՝ արդյունաբերության և գյուղատնտեսության միավորումը հանգեցրին ինչպես առաջինի, այնպես էլ երկրորդի հետադիմության։ Եվ սա զգացողություն չէ, ոչ էլ փորձագիտական կարծիք, այլ պաշտոնական վիճակագրության ցուցանիշներ։ Այսպես, կառավարությանը 3,5 տարվա ընթացքում չհաջողվեց դուրս բերել ագրարային մասնահատվածը մինուսից. նույնիսկ նախորդ դեպրեսիվ տարվա չնչին բազայի համեմատ։ Անցած ամիսների արդյունքներով գյուղատնտեսական արտադրանքի ծավալը կազմել է ընդամենը 98,5%:
Գյուղատնտեսության ոլորտի փորձագետ, տնտեսագիտության թեկնածու Վարդան Ալեքսանյանը լրատվամիջոցներից մեկին տված հարցազրույցում ներկայացնում է ցուցանշական թվեր: Այսպես, դեռևս 2014-ին Հայաստանում գյուղատնտեսական արտադրանքի ծավալները դրամական արտահայտությամբ հասել են 983 մլրդ դրամի, իսկ 2020-ին այդ ցուցանիշը նվազել է 164 մլրդ դրամով կամ 16,7%-ով։ Բացի այդ, դեռևս 2007-ին բուսաբուծության համախառն արտադրանքն արտահայտվել է 429 մլրդ դրամով, իսկ 2020-ին այդ ցուցանիշը նվազել է մինչև 384 մլրդ դրամի (10,5% անկում)։ Արտադրության ծավալների անկման խորապատկերին կտրուկ նվազել են բնակչության մեկ շնչի հաշվարկով այնպիսի ագրարային մթերքների սպառման միջին ցուցանիշները, ինչպիսիք են կարտոֆիլը, բանջարեղենը, ցորենի մթերքները և այլն:
Ինչ վերաբերում է արդյունաբերությանը, ապա այս տարվա 10 ամիսների ընթացքում 2020 թվականի նույն ժամանակահատվածի համեմատ աճը կազմել է ընդամենը 1,1 %, ընդ որում իշխանությունները հաջողացրել են արդյունաբերական մետաղների բարձր գների շրջանում մինուսի իջեցնել նույնիսկ առաջատար լեռնահանքային ոլորտը, որի արտադրանքն իրացման խնդիր ընդհանրապես չունի։ Դրա համար, ինչպես ասում են, պետք էր սաստիկ ջանալ։ Ընդ որում, մշակող հատվածը, որի հետ «հեղափոխական» իշխանությունը առանձնակի հույսեր էր կապում, հազիվ դուրս եկավ մինուսից, գրանցելով ընդամենը 0,2% աճ։
Համեմատության համար նշենք, որ 1997 թվականի մարտին նորանշանակ վարչապետ Ռոբերտ Քոչարյանը պետբյուջեն ընդունեց 4-ից 9 ամիս կուտակված պարտքերով, իսկ արդեն մեկ տարի անց կառավարությունը ոչ միայն մարել էր բոլոր պարտքերը, այլև բարձրացրել բյուջետային աշխատողների աշխատավարձը 30%-ով: Եվ եթե չլիներ այդ պահի դրությամբ կուտակված արտաքին պարտքի սպասարկման համար պատկառելի գումար հատկացնելու պարտավորությունը, ապա աշխատավարձը, Քոչարյանի հավաստմամբ, հնարավոր կլիներ բարձրացնել 100-150%-ով։ Բացի այդ, երիտասարդ վարչապետը հենց սկզբից կանոնավորապես այցելում էր արդյունաբերական ձեռնարկություններ, լսում և լուծում նրանց խնդիրները, ամեն կերպ նպաստում նոր արտադրությունների բացմանը։ Այսպես, Արարատի ոսկու կորզման ֆաբրիկայի բացման ժամանակ գրպանը դնելով կտրած կարմիր ժապավենը՝ կառավարության ղեկավարն արտահայտվեց այն ոգով, որ մեկ-երկու տարի անց այդպիսի ժապավենների հավաքածուն դժվար թե տեղավորվի իր գրպաններում…
Բացի գյուղնախարարության լուծարումից, «հեղափոխական» իշխանությունը փակեց նաև երկրի համար կարևորագույն Էներգետիկայի նախարարությունը, բարդելով դրա գործառույթները անասելի ծանրաբեռնված Տարածքային կառավարման և ենթակառուցվածքների նախարարության ուսերին: Եվ այստեղ էլ անմիտ գործողությունների արդյունքն իրեն երկար սպասել չտվեց։ Կարևոր էներգետիկ ծրագրերը սկսեցին արգելակվել։ Այսպես, նախատեսվածից երկու տարի ուշ ավարտվեց Հայկական ԱԷԿ-ի շահագործման երկարաձգման ծրագիրը, իսկ հայկական էլեկտրաէներգիայի արտահանումն ավելացնելու գործում մեծ դեր խաղալու կոչված Իրան-Հայաստան բարձրավոլտ 3-րդ էլեկտրահաղորդման գծի շինարարության վերջը չի երևում։ Դրա հետևանք դարձավ «Հրազդան-5» ՋԷԿ-ի անշահութաբերությունը և այնուհետ աշխատանքի վերջնական դադարեցումը։
Իսկ այսօր մեզ կանգնեցնում են 2022 թվականի փետրվարի 1-ից՝ Փաշինյանի կառավարման համեմատաբար կարճ ժամանակահատվածում էլեկտրաէներգիայի սակագնի արդեն երկրորդ բարձրացման անխուսափելիության առջև։ Չենք խոսում արդեն 2022 թվականի հունվարի 1-ից ջրմուղկոյուղու ծառայությունների սակագնի բարձրացման մասին, թեև հանրահավաքների ժամանակ վարչապետը երդվում էր, թե նման բան չի լինելու։ Ինչպես ասում էր դասականը, ապաշնորհ իշխանությունն ապաշնորհ է ամեն ինչում, ինչին որ դիպչի…
ПОСЛЕДНИЕ ОТ АВТОРА
-
2024-11-22 09:32Пашинян, наконец, догадался, что информация, которой его бережно вскармливают подчиненные, сильно приукрашена и мало соприкасается с действительностью. К примеру, ему доложили, что в таком-то селе детсад откроется в октябре, и он обещал это жителям и еще и написал об этом в соцсетях, но уже ноябрь на исходе, а детсад не работает. «Получается, что я солгал», - заявил премьер. Это дало ему повод на заседании правительства 21-го ноября пригрозить тем, кто даст ему ошибочную, непроверенную информацию, что отныне они будут нести за это личную ответственность…
-
2024-11-21 10:22Неродившихся телят обменяли на пчел, а российским свиньям поставили шлагбаум Судя по вынесенным на заседание правительства 21 ноября вопросам, различные министры продолжают терзать многострадальный госбюджет на этот год, внося в него многочисленные поправки, перераспределения, дополнения и изменения. Спрашивается, зачем тогда принимать бюджет, который после этого, между прочим, становится законом, если к концу срока его действия он становится практически неузнаваемым…
-
2024-11-20 10:15В Ереване наградили победителей международной олимпиады по микроэлектронике 18 ноября Ереван принял 34-х участников (из них 10 представляли Армению) финального этапа 19-й ежегодной международной олимпиады по микроэлектронике из 16-ти стран. А всего в борьбу за призы на первоначальном этапе включились 332 студента из США, ОАЭ, Бразилии, Израиля, Италии, Ливана, Иордании, Чили, Португалии, России, Сербии, Вьетнама, Франции, Шри-Ланки, Перу и, конечно же, из Армении. В тот же день были подведены итоги и объявлены победители проведенного 15-го ноября в Учебном департаменте ЗАО «Синопсис Армения» финального этапа…
-
2024-11-19 09:19Армения выпала из одного МТК, на очереди – другой? Кажется, уже всем ясно, что, скорее, ад замерзнет, чем бакинский диктатор устранит «кольца анаконды», удушающие Армению. Всем, у кого коэффициент умственного развития находится на уровне несколько выше комнатной температуры. Увы, к их числу никак не отнесешь абсолютное большинство представителей действующей власти и лично Пашиняна, которые безосновательно еще на что-то надеются…
ПОСЛЕДНЕЕ ПО ТЕМЕ
-
2022-02-16 19:49Գերակա ոլորտները հետադիմում են Մեկ տարի առաջ հերթական նիստում Հայաստանի կառավարությունը հաստատեց երկրի տնտեսության վերականգնման ծրագիրը՝ մինչև 2024 թվական վերջնաժամկետով: Այդ ծրագրի և դրա հիմնական առաջնահերթությունների մասին ժամանակին շատ է խոսվել ու գրվել։
-
2021-05-26 20:23Առաջին հայացքից բավական զարմանալի է, որ առաջիկա արտահերթ ընտրություններին պատրաստվում են մասնակցել այդքան մեծ թվով քաղաքական ուժեր ու գործիչներ։ Թվում է, բնավ ոչ բոլորն են կարող խիզախել հանձն առնել պատասխանատվությունը Հայաստանի ճակատագրի համար՝ գրեթե բոլոր ոլորտներում տիրող բացարձակ բարդակի, պետականության փաստացի կորստի, կառավարման համակարգի լիակատար փլուզման, սոցիալ-տնտեսական կաթվածահարության պայմաններում։
-
2021-05-07 17:05Իշխանավարման 3 տարիների արդյունքում Փաշինյանի թիմը ցույց տալու ոչինչ չունի Ի՞նչ բան է առհասարակ տնտեսությունը: Դա, ներեցեք ծեծված բնորոշման համար, երկրում ամեն օր արտադրվող բոլոր ապրանքների և ծառայությունների ամբողջությունն է։ Մեր երկրի տնտեսությունը բացառություն չէ։ Եվ ի՞նչ ունենք այսօր։
-
2021-05-05 18:22Զբոսաշրջիկների հոսքը դեպի Հայաստան 2021 թվականին կլինի 2019 թվականի ցուցանիշների մոտ 25-30%-ի մակարդակում։ Ինչպես հայտարարեց Հայաստանի Կենտրոնական բանկի նախագահ Մարտին ԳԱԼՍՏՅԱՆԸ, այդ մասին են վկայում կարգավորիչի կողմից վերջերս անցկացված ուսումնասիրություններն ու հարցումները, հաղորդում է ԱՌԿԱ-ն: «Կարծում ենք, որ 2021 թվականի համար դա վատ ցուցանիշ չէ, սակայն պետք է ջանքեր ներդնել, որ պատվաստումները տեղի ունենան (կորոնավիրուսի դեմ): Այս պահին կարող է չենք հասկանում պահի լրջությունը, սակայն ազգային իմունիտետ ձեռք բերելու խնդիրը կրիտիկական է լինելու 2021 թվականի վերջին, 2022 թվականին և հետագայում երկրի ընդհանուր զարգացման տեսանկյունից»,- ասաց նա երեքշաբթի օրը տեղի ունեցած մամլո ասուլիսում: