2021-04-12 16:13
Рубен МАРГАРЯН
ԵԹԵ ՈՐՈՇԵԼ ԵՔ ՁԵՐ ՔՎԵՆ ՏԱԼ ՁԵԶ ՍՊԱՆՈՂԻՆ
Ըստ Avia.pro համակայքի՝ օրերս Սիրիայում թուրքական հրետանու դիրքերը ենթարկվել են Ռուսաստանի օդատիեզերական ուժերի հարվածներին։ Սու-24 մարտավարական ռմբակոծիչները հարվածներ են հասցրել Խան Էս-Սաբլ բնակավայրի շրջանում գտնվող M114 դաշտային հրանոթներին, ոչնչացրել «Հայաթ Թահրիր աշ Շամ» խմբավորման ահաբեկիչների ճամբարն ու զրահատեխնիկան:
Հաղորդվում է, որ ավելի վաղ գրոհայինները հարձակվել են Իդլիբ նահանգի հարավում գտնվող Ալ-Կաբիրա, Ջարադա և Դադիհ բնակավայրերի վրա, իսկ թուրքական կողմից ստացած M114 հրանոթներով գնդակոծել են Խան Էս-Սաբլ բնակավայրը: «Հերթական անգամ բախվելով պայմանավորվածությունների խախտմանը՝ Օդատիեզերական ուժերը հիշեցրել են Թուրքիային, որ այդպես վարվել պետք չէ»,- ասված է Avia.pro-ի աղբյուրի հաղորդագրության մեջ։
Մասնագետները նշում են, որ Ռուսաստանը սկսել է կոշտ արձագանքել Թուրքիայի սադրանքներին և հարվածներով պատասխանել Սիրիայի վերաբերյալ պայմանավորվածությունների խախտումներին, ընդ որում դա նկատվում է արդեն տարեսկզբից, ինչը վկայում է այն մասին, որ Ռուսաստանը պատրաստ է դիմել նույնիսկ ծայրահեղ միջոցների, այդ թվում՝ հարձակողական գործողություն սկսել Էրդողանի վերահսկողության տակ գտնվող ջիհադիստների դեմ:
Նույն համակայքը հաղորդում է, որ Անկարան մտադիր է զենքի նոր մատակարարում սկսել Ադրբեջանին։ Խոսքը հետախուզական և հարվածային տիպի ԱՕԹՍ-ների, տանկերի, համազարկային հրթիռային համակարգերի, մարտական ուղղաթիռների մասին է։ Ըստ Avia.pro-ի, նախապատրաստվում է ադրբեջանական բանակի լուրջ արդիականացում, ինչը, հավանաբար, կապված է տարածաշրջանում զինված հակամարտությունը շարունակելու Անկարայի և Բաքվի մտադրությունների հետ, քանի որ ավելի վաղ հայտնի էր դարձել, որ թուրքական և ադրբեջանական բանակները նախապատրաստվում են ներխուժել Հայաստանի Սյունիքի մարզ:
Մինչդեռ համացանցում տեսանյութ է տարածվում, որտեղ Թուրքիայի հավաքագրած վարձկանները, որոնք կռվել են Ղարաբաղում, բողոքում են, որ իրենց թերավճարել են։ Գրոհայիններից մեկն ասում է, որ հրամանատարը գրպանել է իրենց հասանելիք վճարումները։ «Մենք Ղարաբաղում կռվել ենք թուրքական պետության համար և նրանց մարդկանց հետ միասին։ Մենք ունենք սպանվածներ ու վիրավորներ։ Սուլթան Սուլեյման շահի 16-րդ դիվիզիան չի կատարել մեր մարտիկների առջև ստանձնած պարտավորությունները, աշխատավարձ չի տվել, ոչինչ չի վճարել վիրավորներին ու զոհվածների ընտանիքներին։ Մեզանից շատերը սովի են մատնված։ Այդպես չպետք է լինի»,- ասում է Ադրբեջանի կողմից մարտական գործողությունների մասնակիցներից մեկը։ Ավելի ուշ դիվիզիայի հրամանատարը հանդես եկավ հերքմամբ։ Ոչ այն առնչությամբ, որ կռվել են Ղարաբաղում, այլ որ յուրացրել է գումարները։
Իսկ սոցիալական ցանցերի հայաստանյան հատվածում տարածվում է մեկ այլ՝ «հերոսական» տեսանյութ։ Նկարահանված 2020 թվականի հոկտեմբերի սկզբին մարտական գործողությունների ժամանակ։ Այդ տեսանյութում, որն այն օրերին ակտիվորեն տիրաժավորում էին պաշտոնական լրատվամիջոցները, մեր «գերագույն գլխավոր հրամանատարը»՝ կամուֆլյաժ հագած, «խորհրդակցություն» է անցկացնում Արցախի Պաշտպանության բանակի բունկերում։ Արցախի Պաշտպանության բանակի հրամանատար Ջալալ Հարությունյանը ինչ-որ բան է զեկուցում Փաշինյանին ու Արայիկ Հարությունյանին։ Փաշինյանի դեմքը խիզախ է ու մտախոհ, շուտով նա պետք է որոշում կայացնի…
Արցախցի քաղաքագետ Էդգար Էլբակյանը, հրապարակելով այդ տեսանյութն իր էջում, գրում է.
«2020 թ. հոկտեմբերի 6-ին՝ ժ.15:00-ի հատվածում, երբ արդեն պարզ էր Ջաբրայիլ-Մեխակավանի անկումը, Հայաստանի դե-ֆակտո ղեկավարը Ստեփանակերտում ընդունեց մի հանցավոր որոշում, որի արդյունքում գլխովին ջախջախվեցին
* Ջաբրայիլի զորամասի մնացորդները
* Ֆիզուլու տանկային զորամասը
* Խոջալուի տանկային զորամասը
* Արալեռի (Դաշքեսան) զորամասի մնացորդները
* ԿՊՇ (ЦОР) հետևակի, տանկերի և հրետանու մեծ մասը։
Փաստացի, Արցախի պաշտպանության բանակի ողնաշարը ջարդվեց Լալաթափան գրոհելու արկածախնդրության հետևանքով, որի որոշումը կայացվել էր այս սենյակում։ Հակագրոհից առաջ չէր իրականացվել պատշաճ հրետանային նախապատրաստություն, հետախուզում՝ ՈՉԻ՛ՆՉ։ Ընդամենը կար եսասիրական նպատակ զորքը զոհելու հանուն «գլուխգովանության», որ հետ են բերում «նախկինների» տվածը։ Արդյունքում մեր զինտեխնիկան մնաց թշնամուն, իսկ հետևակը՝ թշնամու «Սմերչի» հարվածների տակ…
• Այս սենյակում, ինչպես տեսնում եք, չկան, ո՛չ Սերժը, ո՛չ Քոչարյանը, ո՛չ «նախկինները»։ Այս սենյակում մարդիկ են, ում հայ ժողովուրդն ընտրել է 2018թ. և 2020թ.-ին։ Այս սենյակում գտնվողները՝ հանձին ՀՀ դե-ֆակտո ղեկավարի, հայ ժողովրդի հետ վարվեցին այնպես, ինչպես վարվել էին արաբները, բյուզանդացիները, մոնղոլները, թուրքերը՝ բոլոր նրանք, ովքեր պատմականորեն թշնամի են եղել անկախ Հայաստանի գաղափարին։
• Գալիք ընտրություններում, եթե դրանք կայանան, այս հանցագործին տրված ցանկացած ձայն նշանակելու է, որ քվեարկողը կողմ է, որ ՀՀ իշխանության թողտվությամբ թուրքերը ոչնչացնեն իրեն և իր արյունակիցներին։ Ընտրություններին գնալուց առաջ վերադիտե՛ք այս հոլովակը, եթե որոշել եք ձեր քվեն տալ ձեզ սպանողին»։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2022-01-26 20:02Խորհրդակցություն Գորիսում Արցախի հետ շփման գծի ողջ երկայնքով 2016 թվականի ապրիլյան ագրեսիայի արդյունքում Ադրբեջանը չիրականացրեց ռազմավարական ոչ մի խնդիր և կրեց կենդանի ուժի և ռազմական տեխնիկայի շատ ավելի մեծ կորուստներ, քան Արցախի Պաշտպանության բանակը:
-
2021-11-08 20:40Ահա և մեկ տարի անցավ Լեռնային Ղարաբաղում 44-օրյա պատերազմի ավարտից: Օգտվելով այն հանգամանքից, որ Հայաստանում իշխանության է եկել պոպուլիստ-դիլետանտների թիմը, Ադրբեջանը, թուրքական զինված ուժերի և սիրիական թուրքամետ կազմավորումների վարձկան-ահաբեկիչների ջոկատների անմիջական աջակցությամբ, ռևանշ վերցրեց 90-ականների սկզբի Արցախյան պատերազմում կրած պարտության համար։ Այսօր Բաքվի վերահսկողության տակ են ոչ միայն տխրահռչակ յոթ շրջանները, այլև Շուշիի և Հադրութի շրջանները, որոնք Լեռնային Ղարաբաղի ինքնավարության կազմում ընդգրկված են եղել դեռևս ԽՍՀՄ տարիներին։ Հայաստանն ու Արցախը տվեցին առնվազն հինգ հազար զոհ (իշխանությունն այդպես էլ չներկայացրեց վերջնական անվանական ցուցակը), տասնյակ հազարավորները վիրավորվեցին, հարյուրավորները համարվում են անհետ կորած։ Տասնյակ, եթե ոչ հարյուրավոր գերիներ մինչ օրս մնում են Ադրբեջանի բանտերում։
-
2021-09-27 21:48Մեկ տարի է անցել Լեռնային Ղարաբաղում 44-օրյա պատերազմի սկսվելու օրից: Նիկոլ Փաշինյանի մեղքն անվիճելի է։ Առաջին հերթին՝ այն, որ նա իրավիճակը հասցրեց պատերազմի։ Դա դրսևորվեց առաջին հերթին բանակցային գործընթացի ընթացքում անհամարժեք քայլերով, որոնք հանգեցրին հայկական կողմի դիրքերի սասանմանն ու դաշնակիցների հետ կապերի թուլացմանը։ Երկրորդ. ո՛չ հայկական պետությունը, ո՛չ հայ հասարակությունը, ո՛չ էլ հայկական բանակը պատրաստ չէին պատերազմի։ Բոլորը զբաղված էին քաղաքական շոուներով, որոնք գրեթե ամեն օր ցուցադրում էր իշխող թիմը։ Հասարակական ընկալումներում երկրորդ պլան էին մղվել բանակում վարչապետի ձեռնարկած կադրային զտումները, 2016-ի ռազմական գործողություններից հետո ընդունված սպառազինության ծրագրի փոփոխությունը։
-
2021-09-27 20:16Կապիտուլյանտի խղճին ծանրացած են հազարավոր կյանքեր 2020 թ. հոկտեմբերի 10-ին մարտական գործողությունների ժամանակ զոհված Արման Արզումանյանը 8 երեխաների հայր էր, որոնցից 5-ը՝ անչափահաս: Արզումանյանը որպես կամավոր մասնակցել է Արցախյան առաջին ազատամարտին, ապա 2016-ի Քառօրյա պատերազմին: 44-օրյա պատերազմին էլ կամավոր գնաց: