2021-04-12 21:59
Рубен МАРГАРЯН
ԻՆՉՊԵՍ ՃԻՇՏ ՀԱՍԿԱՆԱԼ ՓԱՇԻՆՅԱՆԻՆ
Պաշտպանության և անվտանգության խորհրդարանական հանձնաժողովի տխրահռչակ նախագահ Անդրանիկ Քոչարյանը փորձում է արդարացնել իշխանությունների գործողությունները, որոնք հերթական անգամ խաբեցին հայ ռազմագերիների հարազատներին՝ ծանուցելով ապրիլի 9-ին ռուսական ինքնաթիռով նրանց հայրենիք վերադառնալու մասին: Ինչպես հետո հայտարարեց ռուսական խաղաղապահ զորակազմի հրամանատար գեներալ-լեյտենանտ Ռուստամ Մուրադովը, այդպիսի պայմանավորվածություն չի եղել, այլ եղել է «կեղծիք ու սադրանք». իշխանությունները մոլորության մեջ են գցում ժողովրդին։
Անդրանիկ Քոչարյանը, վիճարկելով Մուրադովի խոսքերը, լրագրողներին հայտարարում է, թե գերիներին վերադարձնելու մասին պայմանավորվածություն եղել է, և «փաստարկում» է. «Դուք չնկատեցի՞ք, որ գերիների վերադարձի հարցը անմիջապես տեղի ունեցավ Հայաստանի Հանրապետության վարչապետի և Ռուսաստանի Դաշնության նախագահի հանդիպումից հետո: Դրանից առաջ էդպիսի խնդիր չէր երևում, որ մյուս օրը գերիները պետք ա վերադարձվեն։ Դա քայլ էր, որտեղ երևաց, որ Ռուսաստանն իր մասնակցությունը փորձել է ներդնել խնդրի լուծմանը: Դրանով էր պայմանավորված, որ գեներալ-մայոր Մուրադովը գնացել էր գերիներին ուղեկցելու Հայաստան…»։
Անդրանիկ Քոչարյանը փաստորեն ասում է, թե գերիներին վերադարձնելու պայմանավորվածությունը խախտվել է։ Բայց ինչի՞ց է նա եզրակացրել, թե գերիներին վերադարձնելու պայմանավորվածություն եղել է, և Մուրադովը մեկնել է Բաքու՝ նրանց ուղեկցելու համար։ Պարզ է, որ ինչպես ԱԺ պաշտպանության հանձնաժողովի ղեկավարի, այնպես էլ հայտնի խմբակցության մյուս ուսապարկերի մոտ, որոնք ուրախ լուրն առաջինը հայտնելու համար սկսել էին զվարթ զանգել գերիների հարազատներին, նման կարծիք կարող էր ստեղծվել միայն մեկ պատճառով. Փաշինյանն այդպես էր ներկայացրել նրանց Մոսկվա կատարած իր այցի արդյունքը։
Բայց մի՞թե նրա թիմում իսկապես հավաքվել են այնպիսի ուսապարկեր, որ մինչև հիմա չեն հասկացել. խոսքն արժեք չունի Փաշինյանի համար։ Սուտ խոսելը նրա համար սովորական զբաղմունք է, չենք խոսում արդեն ցանկալին էքստազի մեջ իբրև իրականություն հրամցնելու մասին։ Դրանով էր նա զբաղվում իր թերթում, զրպարտելով ում ասես, փչոցները շարունակվում էին ընդդիմադիրի կարգավիճակում և հետո արդեն՝ իշխանության ղեկին, երբ նա, օրինակ, ճղավում էր, թե «Մարտի 1»-ի գործը բացահայտված է։ Դեռևս 2018-ի օգոստոսին…
Վառ օրինակը, թե ինչպես է Փաշինյանը ցանկալին ներկայացնում իբրև իրականություն, անցած տարվա հոկտեմբերի 7-ին ՌԲԿ-ին նրա տված հարցազրույցն է։ Այն ժամանակ նա չգտավ ավելի խելացի բան, քան ասել լրագրողին, թե այն պահին, երբ ինքը հարցազրույց է տալիս, հայկական բանակը ծուղակի մեջ է գցել ադրբեջանցիներին և ջախջախիչ հարված է հասցնում։ «Ղարաբաղցի, հայ զորահրամանատարները ծրագիր ունեին՝ հետ քաշվել Ջաբրայիլի ուղղությամբ և այնտեղ ներքաշել ադրբեջանական բանակի մեծ ուժեր։ Երեկ երեկոյան նրանք այնտեղ են մտել մեծ, շատ մեծ ուժերով, և այսօր առավոտից նրանց ջախջախիչ հարված է հասցվում, գործողությունը չափազանց հաջող է ընթանում։ Եվ ես կարծում եմ, որ սա կլինի ողջ գործողության առանցքային կետը։ Այս պահին, իմ տեղեկություններով, դրվում է ղարաբաղյան բանակի վերջնական հաղթանակի իրական հիմքը»,- ասում է գլուխգովանը։
Սա ասում է ՌԲԿ-ի թղթակցին, հոկտեմբերի 7-ին։ Լելե Թեփեի գրավման գործողության մասին: Մի արկածաքնդրության, որի արդյունքում, ինչպես այժմ նշում են բոլոր փորձագետները, Արցախի Պաշտպանության բանակի առավել մարտունակ ստորաբաժանումները կրեցին ինչպես մարդկային ուժի, այնպես էլ տեխնիկայի ծանր կորուստներ։ Այդ վայ-գործողությունն իսկապես առանցքային դարձավ ռազմական գործողություններում, միայն թե՝ Փաշինյանի ասածի ճիշտ հակառակ իմաստով։ Այդ «գործողության» արդյունքում հակառակորդի առջև ճանապարհ բացվեց դեպի Հադրութ և Արաքսի երկայնքով մինչև Հայաստանի սահման։
Եվ նույնիսկ նման ձախողումներից հետո ուսապարկերն առ այսօր չեն հասկացել, որ, երբ Փաշինյանը ինչ-որ բան է ասում, դա նշանակում է ճիշտ հակառակը։
Ի դեպ, այդ հարցազրույցի ընթացքում լրագրողը հարցնում է Փաշինյանին. «Ստեփանակերտն արդեն 7-րդ օր շարունակ գնդակոծվում է: Ուրիշ էլ ի՞նչ պետք է տեղի ունենա, որպեսզի Երևանը ճանաչի Լեռնային Ղարաբաղի Հանրապետության անկախությունը»։ Համաձայնեք, ուշագրավ հարց է ՌԲԿ-ի լրագրողի շուրթերից։
Փաշինյանը պատասխանում է, թե հարցն իր օրակարգում է։ Հավանաբար, հարկ չկա բացատրել, թե իրականում ինչ էր նշանակում նման պատասխանը:
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2021-04-12 16:13Ըստ Avia.pro համակայքի՝ օրերս Սիրիայում թուրքական հրետանու դիրքերը ենթարկվել են Ռուսաստանի օդատիեզերական ուժերի հարվածներին։ Սու-24 մարտավարական ռմբակոծիչները հարվածներ են հասցրել Խան Էս-Սաբլ բնակավայրի շրջանում գտնվող M114 դաշտային հրանոթներին, ոչնչացրել «Հայաթ Թահրիր աշ Շամ» խմբավորման ահաբեկիչների ճամբարն ու զրահատեխնիկան: Հաղորդվում է, որ ավելի վաղ գրոհայինները հարձակվել են Իդլիբ նահանգի հարավում գտնվող Ալ-Կաբիրա, Ջարադա և Դադիհ բնակավայրերի վրա, իսկ թուրքական կողմից ստացած M114 հրանոթներով գնդակոծել են Խան Էս-Սաբլ բնակավայրը: «Հերթական անգամ բախվելով պայմանավորվածությունների խախտմանը՝ Օդատիեզերական ուժերը հիշեցրել են Թուրքիային, որ այդպես վարվել պետք չէ»,- ասված է Avia.pro-ի աղբյուրի հաղորդագրության մեջ։
-
2021-04-09 21:20Բաքվից հայ գերիների սպասվող վերադարձի մասին հաղորդագրությունները կեղծիք էին ու սադրանք, ասել է խաղաղապահ զորակազմի հրամանատար գեներալ-լեյտենանտ Ռուստամ Մուրադովը Hraparak.am-ի թղթակցին, որը տեսել է նրան կայանատեղիում (տեսանյութը միայն ձայնագրության տեսքով է և չի երևում, թե որտեղ է դա տեղի է ունենում-Խմբ.): Լրագրողը հետաքրքրվել է, թե ինչու են ՀՀ պաշտոնյաները հայտարարել, որ գերիներ են վերադառնալու։ «Կեղծիք ու սադրանք է։ Իրենց հարցրեք։ Նրանք մոլորության մեջ են գցում բնակչությանը»,- ասել է Մուրադովը։ Նրա խոսքերով՝ նման բան ծրագրված չի եղել։ Դա աշխատանքային այց էր։
-
2021-03-23 08:50Փաշինյանի հայտարարությունն այն մասին, թե արտահերթ խորհրդարանական ընտրությունները տեղի կունենան հունիսի 20-ին, պաշտոնական տեսանկյունից առանձնապես ոչինչ չի նշանակում։ Ընտրարշավի ժամանակացույցը կարգավորվում է ԿԸՀ որոշումներով։ Բուն ընտրությունները նշանակվում են նախագահի կողմից, խորհրդարանի լուծարումից հետո։ Իսկ խորհրդարանը լուծարվում է, եթե երկու անգամ չի կարողանում վարչապետ ընտրել, երբ պաշտոնը թափուր է։
-
2021-02-26 11:282008թ.-ին Լևոնն իր զինակիցների հետ պարում էր Իսրայելի դրոշի տակ, իսկ 2020թ.-ին հայ զինվորներին սպանում էին իսրայելական անօդաչուները։