2021-05-15 09:07
Рубен МАРГАРЯН
ՈՐՔԱ՜Ն ՀԻՄԱՐ Է ԺՈՂՈՎՈՒՐԴԸ, ՈՐԸ ԹՈՒՅԼ Է ՏՎԵԼ ԴԱ
Դրանց Փաշինյանը մտածեց-մտածեց, շա՜տ երկար մտածեց և վերջապես միտք հղացավ։ «Ադրբեջանը, - հայտարարեց Փաշինյանը Անվտանգության խորհրդի նիստում, չգիտես ինչու՝ Հայաստանի Անվտանգության խորհրդի,- ներթափանցելով մեր տարածք, լուծել է, ամենայն հավանականությամբ, ոչ թե տեղական խնդիրներ, այլ ձգտել ռազմական բախում սադրել»:
Այսպես խոսեց Փաշինյանը՝ կուչ գալով վարչապետի աթոռին, չգիտես ինչու՝ Հայաստանի կառավարության ղեկավարի աթոռին։ Խեղճ թշվառ։ Իսկ է՛լ ավելի թշվառ ենք մենք՝ ձեզ հետ միասին։ «Որքա՜ն խղճուկ է ծաղրածուն՝ բազմած գահին արքայի, որքա՜ն հիմար է ժողովուրդը, որը թույլ է տվել դա»: Ռոբերտ Բըրնսը սա գրել է դարեր առաջ։ Մեր ամենքիս՝ մերօրյա հայերիս մասին է գրել։
Այսպես ուրեմն, բացատրում ենք Փաշինյանին, այն անձնավորությանը, որն առ այսօր չգիտես ինչու նստած է ՀՀ վարչապետի աթոռին։ Ոչ մի բան էլ Ալիևը սադրել չէր ուզում։ Ոչ մի ռազմական բախում, ոչ մի պատերազմ։ Նրա ինչի՞ն է պետք պատերազմը։ Առանց այդ էլ հաղթողի պսակով է շրջում։ Շուշիում փառատոններ անցկացնում։ Լուսանկարվում մնացյալ ողջ կյանքի համար…
Պարզապես Ալիևը քեզ արդեն դուրս է գրել, հասկացել է, որ շուտով ստիպված է լինելու գործ ունենալ այլ մարդկանց հետ։ Իսկ եթե դու դուրս գրած, վերջացած մարդ ես, ապա ինչո՞ւ հնարավորինս շատ բան չպոկի: Ո՞վ ասաց, թե ընկածին չեն հարվածում: Մեկ էլ տեսար՝ ստացվեց։ Եթե ստացվի՝ լա՛վ։ Նույնիսկ մեկ-երկու ավելորդ կիլոմետրն Ադրբեջանին չի խանգարի։ Եթե չստացվի, հոգ չէ: Հին բարի սկզբունքով. եթե անգամ չբռնենք, գոնե կտաքանանք…
Դե, և ի՞նչ ձեռնարկեց մեր իմաստուն Փաշինյանը՝ հանգելով այն եզրակացության, թե Ադրբեջանը ցանկանում է ռազմական բախում սադրել։ Գուցե նա որոշել է ադրբեջանցի զինվորականներին փռել ասֆալտին կամ ծեփել պատերի՞ն։ Կամ կտրել նրանց թաթիկնե՞րը։ Թե՞ սպառնացել է նրանց Հայաստանի հպարտ քաղաքացու վրեժով։ Ո՛չ, Փաշինյանի բոլոր այդ ռազմատենչ կոչերը նախատեսված են բացառապես քաղաքական ընդդիմախոսների համար։ Այդ նրանց դեմ կարելի է ուղարկել սեփական ոստիկանապետին՝ ընդդիմախոսներին ասֆալտին փռելու, տեսագրելու և համացանցում ի ցույց դնելու պահանջով։ Իսկ ինչ վերաբերում է արտաքին թշնամիներին, ապա Փաշինյանի դուխը հերիքեց լոկ ՀԱՊԿ-ին դիմելու համար. իբր՝ Հայաստանին վտանգ է սպառնում, ուստի պետք է խորհրդակցել։
Իսկ ի՞նչ կա այստեղ խորհրդակցելու։ Եթե գիտես, որ թշնամին ներթափանցել է քո երկրի տարածք, և դաշնակիցներդ համամիտ են քեզ հետ, ապա թշնամուն պետք է կա՛մ դուրս շպրտել, կա՛մ գերեվարել։ Դա է քեզանից պահանջում ժողովուրդը։
Թեպետ, ոչ, մենք այստեղ, իհարկե, մի լավ չափազանցեցինք։ Փաշինյանից վաղուց արդեն ոչ ոք ոչինչ չի պահանջում։ Դե, բացի իր այն համաքաղաքացուց, որը էշով եկել էր Երևան, որպեսզի վարչապետին թարս նստեցնի վրան ու հետ տանի տուն։ Նրանից բացի՝ Փաշինյանից այլևս ոչ ոք ոչինչ չի պահանջում, որովհետև բոլորն էլ հասկանում են. Հայաստանի գլխին կախված գլխավոր սպառնալիքը բնավ Թուրքիան չէ և ոչ էլ Ադրբեջանը։
Նրանցից ի՞նչ պահանջես։ Արտաքին թշնամին մնում է արտաքին թշնամի, այստեղ ամեն ինչ պարզ է։ Շատ ավելի վտանգավոր է ներքին թշնամին։ Մանավանդ երբ նա նստած է վարչապետի աթոռին։
Եթե ՀԱՊԿ-ում մեր դաշնակիցներն են, ապա կօգնեին վերացնել այդ սպառնալիքը։ Ավաղ, սա մենք պարզապես երազում ենք։ ՀԱՊԿ-ի Կանոնադրության մեջ չկա այդպիսի կետ. փրկել դաշնակից ժողովրդին անպետք առաջնորդներից, ՀԱՊԿ-ը չի զբաղվում ներքին սպառնալիքներով։ Այնպես որ պետք չէ պատրանքներ տածել։ Մինչ վարչապետը կմտածի ու կխորհրդակցի, Ադրբեջանը օժանդակ ուժեր կբերի։
Փաշինյան, միգուցե նստես արդեն էշին, հը՞…
ПОСЛЕДНИЕ ОТ АВТОРА
-
2025-05-24 11:57От главы МИД России Сергея Лаврова узнали, что в 2026 году Армения намерена принять очередной саммит Европейского политического сообщества - форума, задуманного как площадка общеевропейского политического диалога на уровне лидеров, за исключением России и Беларуси. А уж после Лаврова от Пашиняна узнали, что пройдет форум весной 2026 года: впритык к очередным парламентским выборам.
-
2025-05-22 12:15Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.
-
2025-05-21 12:14Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.
-
2025-05-21 10:02Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.
ПОСЛЕДНЕЕ ПО ТЕМЕ
-
2019-05-22 20:52ՀԱՊԿ ԱԳՆԽ նիստում որոշում է ընդունվել պետությունների ղեկավարների քննարկմանը ներկայացնել Բելառուսի ներկայացուցիչ Ստանիսլավ Զասի թեկնածությունը կազմակերպության գլխավոր քարտուղարի պաշտոնում 2020 թվականի հունվարի 1-ից։ Այս մասին տեղեկացրել է Հայաստանի ԱԳՆ մամուլի քարտուղար Աննա Նաղդալյանը։