2021-05-19 17:12
Рубен МАРГАРЯН
«ՀԱՎԱՅԻ ՀԱՉՈՂ ՇՆԵՐ»
Անվտանգության խորհրդի ղեկավարն օրերս աչքի ընկավ հայտարարությամբ, թե իբր՝ մեզ ուզում էին համոզել, որ Ադրբեջանը հաղթել է 44-օրյա պատերազմում, մինչդեռ իրականում Ադրբեջանը շատ ավելի ծանր վիճակում է հայտնվել: Այն հարցին, թե ավելի ծանր վիճակում՝ ո՞ւմ համեմատ, գլխավոր սեքյուրիթին պատասխանեց, որ Ադրբեջանը կհամեմատեր... Ադրբեջանի հետ։ Չի՛ կարելի այդ աստիճան խելացի լինել, չի՛ կարելի։
Իսկ Պաշտպանության նախարարությունը հայտարարեց, որ փակել է հանրապետության տարածք ներխուժած ադրբեջանցի զինվորականների թիկունքային ապահովման ուղիները և պատրաստ է ուժային ճանապարհով լուծել խնդիրը, եթե ադրբեջանցիներն իրենք հոժարակամ չհեռանան:
Կհեռանա՞ն արդյոք ադրբեջանցիներն իրենց կամքով, եթե փոխարենը ոչինչ չստանան։ Դժվար թե, բնավ դրա համար չեն եկել։ Կարո՞ղ է մեր ՊՆ-ն լուծել խնդիրն ուժային ճանապարհով։ Գուցե։ Բայց նման որոշումները կայացվում են բարձր մակարդակով, իսկ Փաշինյանն այդպիսի գործողություն իրականացնելու համաձայնություն չի տա։ Ալիևը դա հասկանում է, այնպես որ կշարունակի քաշել կատվի պոչից։ Ինչ-որ տեղ, ինչ-որ հարցում գուցեև թույլ տա Փաշինյանին աքլորանալ, բայց տեղը կհանի այլ հատվածում։
Իսկ բացի այդ, Փաշինյանը արդեն որերորդ անգամ ասում է, թե ոչ մի «Զանգեզուրի միջանցք« չի լինելու։ Տրանսպորտային հաղորդակցությունների բացում՝ այո, միջանցք՝ ոչ։
Հիմա պատկերացրեք, թե ապրում եք Սյունիքում, որտեղ ձեր աչքի առաջ կորսվել Է Գորիս-Կապան ճանապարհի մի մասը, արոտավայրերի հեկտարներ, տներ Շուռնուխում։ Ադրբեջանցի զինվորականները Իշխանասար լեռան վրա են և Սև լճի մոտ։ Իսկ հետո պաշտոնական անձանց բերանից տեղեկանում եք, թե Ադրբեջանն ավելի ծանր վիճակում է, քան Ադրբեջանը, իսկ Պաշտպանության նախարարությունը սպառնում է ուժային ճանապարհով լուծել ագրեսորի խնդիրը։ Նույն այն նախարարությունը, որը պատերազմից առաջ ասում էր, թե ռազմական գործողությունների դեպքում Բաքուն կկորցնի նոր տարածքներ։
Հետո լսում եք Փաշինյանին, որն ասում է, թե «Զանգեզուրի միջանցք» չի լինելու, և մտաբերում եք, որ այդ ահեղ Փաշինյանը նույն ինքն է, ով ասում էր, թե Արցախը Հայաստան է, և վերջ։ Նույն ինքն է, ով ասում էր, թե՝ ինչի մասին որ պետք է, այն էլ բանակցում ենք Ադրբեջանի հետ, ու թող ոչ ոք չկասկածի, արվում է անհրաժեշտ ամեն ինչ։ Նույն ինքն է, ով ասում էր, թե սահմանն ինչպես որ պետք է, այնպես էլ ամրացվում է, և հիանալի է, որ այսօր այն ամրացված է այնպես, որ այդ մասին տեղյակ չեն ոչ միայն խորհրդարանի պատգամավորները, այլև Ադրբեջանը։
Նույն այն Փաշինյանն է, որը 44-օրյա պատերազմի սկսվելուց մի քանի օր առաջ, երբ Ալիևը հրապարակեց իրենց գաղտնի բանակցությունների որոշ մանրամասներ, հայտարարում էր, որ եթե Ալիևը շարունակի իրեն վատ պահել, ապա ինքը՝ Փաշինյանը, իրեն իրավունք կվերապահի հրապարակել այնպիսի՜ մանրամասներ, որ Ալիևի վերջը կգա, Ադրբեջանում ապակայունացում կսկսվի... Առ այսօր Փաշինյանը ոչինչ չի հրապարակել, իրեն պետք չէ ապակայունացումն Ադրբեջանում։
Փաշինյանը նեղանում է, որ իրեն չեն հավատում, որ սյունեցիներն իրեն վիրավորում են անարգալից բառերով... Եթե Սյունիքում ապրեիք, կհավատայի՞ք Փաշինյանի ասածներին։ Մի գրոշ անգամ կգնահատեի՞ք նրա խոսքը:
90-ականների կեսերին, երբ իշխանության ղեկին գտնվող ՀՀՇ-ն կորցրեց վստահությունը, կուսակցության անվան հապավումը ժողովուրդն սկսեց քամահրալից վերծանել որպես «հավայի հաչող շներ»։ Ավագ սերնդի մարդիկ, անշուշտ, կհիշեն։ Բացի ամենից նաև դա առիթ ծառայեց, որ հետագայում Լևոնն իր կուսակցությունն անվանափոխի «մի ամբողջ» կոնգրեսի, որպեսզի վիրավորական զուգահեռներ չառաջանան։
Այսօրվա իշխանության համեմատ, պետք է խոստովանել, այն ՀՀՇ-ն իմաստունների և պետականամետ այրերի թիմ էր։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2021-08-30 17:51ՀՀ պաշտպանության նախարարությունը տեղեկացնում է, որ օգոստոսի 29-ին, ժամը 00:20-ից սկսած, ադրբեջանական զինուժը տարբեր տրամաչափի հրաձգային զինատեսակներից կրակ է բացել Գեղարքունիքի մարզի հայկական դիրքերի ուղղությամբ, մասնավորապես՝ հայ-ադրբեջանական սահմանի Սոթքի հատվածում, ինչի հետևանքով սկսվել է շուրջ երկու ժամ տևած ինտենսիվ փոխհրաձգություն: Ժամը 02։25-ին ադրբեջանական դիրքերին շտապօգնության մեքենա է մոտեցել, որից հետո հայկական կողմը դադարեցրել է կրակը, թույլ տալով տարհանել հակառակորդի վիրավորներին: Հայկական կողմից զոհեր չկան։