2021-08-02 20:35
Гаспар АДАМЯН
0
ԲԱՐՁՐ ԱՐՎԵՍՏԸ ՊԱՐՈՒՐՈՒՄ Է ԲՌՆԱԶԱՎԹՎԱԾ ՄԱՐԶԵՐԸ՝ ԳՐԱՎԵԼՈՎ ՈՂՋ ՀԱՅԱՍՏԱՆԸ
Նախագահը պարտավոր է փոխհատուցել 16,9 միլիոնը
Գիտե՞ք, թե ինչով էին զբաղված նոր խորհրդարանական մեծամասնության նորաթուխ պատգամավորները հենց այն օրերին, երբ հայտնի դարձավ ադրբեջանական բռնազավթիչների ագրեսիայի հետևանքով երեք զոհերի և հինգ վիրավորների մասին:
Այդ օրերին պատգամավորներն իրար մեջ բաժանում էին մշտական խորհրդարանական հանձնաժողովների նախագահների պորտֆելները, ընդ որում կրքերը եռում էին։ Լենա Նազարյանը, Թագուհի Ղազարյանը, Արուսյակ Ջուլհակյանը, Հռիփսիմե Գրիգորյանը և այլ տիկնայք փորձում էին պետական-իրավական հարցերի հանձնաժողովի նախագահի պաշտոնում խցկել Հերիքնազ Տիգրանյանին, իսկ արական սեռի խմբավորումը պնդում էր, որ այդ հանձնաժողովը 8-րդ գումարման խորհրդարանում կրկին գլխավորի Վլադիմիր Վարդանյանը: Իրավիճակը շիկացավ այն աստիճան, որ ստիպված էր միջամտել խորհրդարանի ապագա խոսնակ Ալեն Սիմոնյանը։ Խորհրդարանական պորտֆելների բաժանման շուրջ կատաղի առուծախը շարունակվում էր մի քանի օր…
Վերջին հարյուրամյակների պատմության մեջ դուք չեք կարող գտնել գեթ մեկ օրինակ, որ բռնազավթված պետության ղեկավարը այցելած լինի այլ երկրում անցկացվող մարզական միջոցառում։ Փոխարենը կգտնեք ընդհատված պաշտոնական այցերի տասնյակ դեպքեր, օրինակ, գավառական քոլեջի աշակերտների զանգվածային թունավորման և այլ պատճառներով։
Չէր կարող պետության նորմալ ղեկավարը մեկնել Ճապոնիա, երբ իր երկիրը բռնազավթված է ադրբեջանցիների կողմից։ Սա անհեթեթություն է: Արմեն Սարգսյանի Տոկիո կատարած այցի առիթով վրդովմունքի բացակայությունը հայ հասարակության համակերպման ակնառու ցուցանիշն է այն փաստի հետ, որ նախագահն անտեսում է սեփական երկիրն ու ժողովրդին։ Արդեն գտնվել են մարդիկ, որոնք ի պաշտպանություն նրա հայտարարեցին, թե իբր՝ նախագահը չգիտեր, որ ադրբեջանցիները կրակելու են ականանետներից ու նռնականետներից։ Մայիսի 12-ից ի վեր Հայաստանի բռնազավթման մասի՞ն էլ չգիտեր։
Ի՞նչ է արել նախագահ Բայդենի և բրիտանական թագավորական ընտանիքի անդամների հետ անձամբ ծանոթ այդ պարոնը հայ գերիների վերադարձի համար։ Թե՞ նրա գործողություններն այնքան խորն են գաղտնագրված, որ դրանց մասին գիտի միայն բրիտանական ՄԻ-6-ը։ Ինչևէ, նախագահը պարտավոր է պետությանը փոխհատուցել Ճապոնական ճամփորդության վրա ծախսած 16,9 մլն դրամը։
Իշխանությունը համերգներ կազմակերպեց բռնազավթված Սյունիքում…
Առաջին գնդակոծումից անմիջապես հետո Գեղարքունիքի մարզում հանգստի գոտու սեփականատերը հաղորդագրություն տարածեց այն մասին, որ իր պանսիոնատը հեռու է այն վայրից, որտեղ զոհվում են հայ զինվորները, ուստի կարելի է առանց վախենալու գալ ու վայելել հանգիստը: Երևանում մեքենաների պատուհաններից այս օրերին լսվում էին թուրքական երաժշտությանը բնորոշ կլկլոցներ։ Ի դեպ, երաժշտության մասին…
Հենց այն օրը, երբ ադրբեջանցի զավթիչների ագրեսիայի հետեվանքով զոհվեց երեք հայ զինվոր, գիտության, կրթության, մշակույթի և սպորտի փոխնախարարի պաշտոնակատար Արա Խզմալյանը կամերային երաժշտության համերգ էր կազմակերպել Գորիսում: Սյունիքի մարզի բռնազավթման պայմաններում, երբ օկուպացված Գեղարքունիքի մարզում արդեն մարտեր էին ընթանում, Խզմալյանը որոշել էր ցույց տալ, թե Գորիսի բնակիչները թքած ունեն ամեն ինչի վրա և վայելում են արվեստը։ Խզմալյանը որոշել էր ցույց տալ նաև, թե Գորիսի բնակիչները թքած ունեն, որ իրենց քաղաքապետ Առուշ Առուշանյանը շինծու մեղադրանքով գտնվում է կալանքի տակ, թքած ունեն, որ իրենց հայրենիքը հետզհետե գրավում են զավթիչները։
Փոխնախարարի պաշտոնակատարը որոշել էր ցույց տալ, որ ամեն ինչ անցողիկ է, իսկ երաժշտությունը՝ հավերժական, և հիմա ճիշտ ժամանակն է վայելել բարձր արվեստը բյուջեի փողերի հաշվին... Նույնպիսի համերգ տեղի ունեցավ նաև Կապանում, Խզմալյանը որոշել էր բարձր արվեստով պարուրել մարզի ողջ տարածքը, միայն ադրբեջանցիներին էր մոռացել հրավիրել…
ԱԺ պատգամավոր Հայկ Սարգսյանը է՛լ ավելի հեռուն գնաց և սեփական հարսանիքի օրինակով ցույց տվեց, որ ամեն վատը մնացել է անցյալում, իսկ հիմա եկել է ողջ թափով ուրախանալու ժամանակը։ Հարսանիքի քավորն անձամբ Փաշինյանն էր, հյուրերի թվում էին բարձրաստիճան պաշտոնյաներ և քրեական շրջանակների ոչ պակաս բարձրաստիճան ներկայացուցիչներ։ Գեղարքունիքի մարզում անցկացված այդ ճոխ հարսանիքի մանրամասների մասին երկրի բնակիչներն իմացան հենց այն օրը, երբ ադրբեջանցիները նռնականետներով ու ականանետներով կրակ բացեցին հայկական դիրքերի ուղղությամբ: Հարսանեկան խնջույքը տեղի է ունեցել այն վայրից 88 կմ հեռավորության վրա, որտեղ զոհվել են հայ զինվորները։
ԶԼՄ-ները հաղորդեցին նաև նորապսակներին Փաշինյանի ընծայած շռայլ նվերի մասին, 2021 թվականի թողարկման «Ռոլս-Ռոյս» մակնիշի ավտոմեքենա: Ներկաների գնահատմամբ ՝ Շիշ բռնող մականունով նիկոլական հաճկատարի հարսանիքը բնավ ավելի համեստ չէր, այլ շատ ավելի ճոխ էր, քան Գագիկ Ծառուկյանի որդու վերջերս կայացած հարսանիքը: Բարձրաստիճան անձանց մասնակցությամբ տոնախմբություններն ու համերգները կոչված են ցույց տալու երկրի շարքային բնակիչներին, թե 44-օրյա պատերազմի, 5 հազար երիտասարդների զոհաբերման և Արցախի Հանրապետության տարածքի 75% -ի հանձնման էջն արդեն փակված է:
ԱՄԵՆ ԻՆՉ ՄՈՌԱՑՎԱ՛Ծ Է: ԵՎ ԵՐԿՈՒ ՄԱՐԶԵՐԻ ԲՌՆԱԶԱՎԹՈՒՄԸ ԲՆԱՎ ԱՌԻԹ ՉԷ ՎՇՏԱՆԱԼՈՒ ՀԱՄԱՐ, դեռ կարելի է և պետք է ուրախանալ, չնայած զինվորների մահվանը և ադրբեջանական զավթիչների կողմից Գեղարքունիքի մարզի գյուղական համայնքների ու Երասխ համայնքի մոտակայքում հայկական դիրքերի գնդակոծմանը։ Մինչև անցած հանգստյան օրեր Երասխի ուղղությամբ վերջին անգամ կրակել էին 90-ականների սկզբին…
Ոչ այնքան վաղուց հայկական գյուղերում սովորույթ կար, երբ հարսն ու փեսան հարսանիքի թույլտվություն էին խնդրում այն ընտանիքից, որը վերջինն էր հողին հանձնել հարազատներից մեկին։ Այդ մշակույթը, ավաղ, անհետանում է մեր կենցաղից։ Այսօր կարելի է մեծ աղմուկով զվարճանալ՝ չնայած հազարավոր կյանքերի կորստին, երբ ոչ բոլոր զոհերն են հողին հանձնված, իսկ թշնամին ամեն օր ի լուր աշխարհի հայտարարում է Սևանն ու Երևանը զավթելու իր ծրագրերի մասին։
Մոռացության քաղաքականության շարունակում
Սա բնածին ցինիզմ չէ և ոչ էլ նախնադարյան գռեհկություն. սա սեփական անցյալը, ազգային ինքնությունը, լեզուն ու մշակույթը մոռացության մատնելուն ուղղված քաղաքականության շարունակումն է։
ՍԱ ԺՈՂՈՎՐԴԻ ՊԱՌԱԿՏՄԱՆ ԵՎ ԱՅԼԱՍԵՐՄԱՆ ՔԱՂԱՔԱԿԱՆՈՒԹՅՈՒՆ Է։ Կապիտուլյանտը ոչնչացնում է պետությունը ներսից, հենվելով արտաքին թշնամու վրա։ Այս քաղաքականության ձևաչափում պետք է ընկալել նաև բնապահպանության փոխնախարարի պաշտոնակատար Գայանե Գաբրիելյանի հայտնվելը ԹիքԹոքում։ Բարձրաստիճան տիկինը նմանակում էր մուլտիպլիկացիոն կերպարների ձայները, ինչով համարժեք արձագանք առաջացրեց նրանց մոտ, ովքեր մտահոգված են հայկական էկոհամակարգի և ընդերքի ապագայով։ Դատելով ժողովրդի առջև տիկին Գաբրիելյանի առաջին հայտնությունից՝ հայոց էկոհամակարգը «հուսալի ձեռքերում է»։ Մենք լավ խորհուրդ կտայինք մեծահասակ մորքուրին, որն ընդօրինակում է դոշլիկից ու շշով կաթիկից օգտվողների ձայները, բայց այսօր խորհուրդների ժամանակը չէ։ Բացի այդ, փոխնախարարի ելույթն ամբողջությամբ տեղավորվում է ընթացիկ քաղաքականության հունի մեջ. յուրաքանչյուրը զվարճանում է՝ ինչպես կարող է…
Թիքթոքում իր մասին հիշեցրեց նաև նույն այն Նուարդ Վարդանյանը, որը մանկաբարձ-գինեկոլոգի կրթությամբ զբաղեցրել է Երևանի ավագանու քաղաքաշինության և հողօգտագործման մշտական հանձնաժողովի նախագահի պաշտոնը։ Նշանակման փուլում մենք տեղեկություններ ենք հրապարակել այդ կնոջ մասին, որը բնապահպանության նախկին նախարար Գ.Վարդանյանի (Ժոկո) դուստրն է: Նուարդը հայտնի է դարձել նրանով, որ իր ֆեյսբուքյան էջում հրապարակել է հեղափոխության բոլոր հակառակորդների «ականջները հատ-հատ ծամելու» սպառնալիք։ ԹիքԹոքում նրա հրապարակումը շատ զվարճալի էր։ Նուարդը ծաղրում էր Հայկ Մարությանին։ Անցած հանգստյան օրերին մայրաքաղաքում նույնիսկ փոքրիկ հրավառություն եղավ, բոլոր ռեստորաններից բարձր երաժշտություն էր հնչում, ժողովուրդը զվարճանում էր…
Առաջիկայում հասարակությանը ամեն օր զվարճացնելու են իշխանության ներկայացուցիչների մասնակցությամբ ուրախ միջոցառումներով։ Դրանք լինելու են կազմակերպված տեղեկատվական արտահոսքեր ամեն տեսակի տոնական միջոցառումների մասին՝ որպես մաս այն միտումնավոր քաղաքականության, որն ուղղված է զանգվածային հիմարացմանը։ Իշխանությունը դիտավորյալ շեղում է զանգվածների ուշադրությունը բռնազավթումից, 44-օրյա պատերազմում տված մարդկային և տարածքային կորուստներից, սոցիալական հարցերից ու փախստականների խնդիրներից։ Հասարակությանը ներշնչում են, թե կյանքը ադրբեջանցիների ու թուրքերի լծի տակ լինելու է ուրախ և կուշտ…
Սարերի հետևում չէ Արցախի Հանրապետության դեմ թուրք-ադրբեջանական ագրեսիայի մեկնարկի տարելիցը, իսկ անտառներում դեռևս գտնում են սպանված զինվորների և խաղաղ բնակիչների աճյուններ։ Դեռևս ոչ բոլոր մասունքներն են հողին հանձնվել, իսկ իշխանությունն արդեն առաջարկում է մոռանալ անցյալն ու ի սրտե զվարճանալ։ Թշնամին կրակում է Երևանից 60 կմ հեռավորության վրա, իսկ մեզ ներշնչում են, թե ապագա կա։ Երբ ադրբեջանցիները սկսեն ռմբակոծել մայրաքաղաքի շրջակայքը, կապիտուլյանտը շտապ կլքի երկիրը, որպեսզի իր մնացյալ կյանքն ընտանիքի հետ անցկացնի այնտեղ, որտեղ իր երեխաներն ապագա ունեն։ Երասխն այնքան էլ հեռու չէ նշյալ շրջակայքից, Երասխի ուղղությամբ, կրկնում եմ, վերջին անգամ, կրակել են 90-ականների սկզբին: Այն ժամանակ ժողովուրդը մեկ ամբողջություն էր, բոլորն ընդհանուր նպատակ ունեին, դրա համար էլ մենք հաղթեցինք:
Որպեսզի ընթերցողի մոտ տպավորություն չստեղծվի, թե Փաշինյանի բոլոր դրածոները զուրկ են ազգային զգացմունքներից ու արժանապատվությունից, տեղեկացնեմ, որ իշխանության ներկայացուցիչներից մեկը օրերս ստացած պարգևը դրել է Եռաբլուրում հանգչող Ալբերտ Հովհաննիսյանի շիրիմին…
ПОСЛЕДНИЕ ОТ АВТОРА
-
2024-11-26 10:19Бывший член АНК общественный деятель Тигран Аракелян на своей странице в FB описал, как в то время начальник СК Аргишти Кярамян и начальник следственного управления Еревана Азат Геворгян собственноручно применили к нему пытки, принуждая дать показания против главы СНБ Армена Абазяна и генпрокурора Анны Вардапетян. Показания Аракеляна появились в соцсетях 22 июня 2023 г.
-
2024-11-26 09:44Сразу после избрания на пост президента Дональд Трамп объявил, что отныне в США запрещается внушать малолетним детям и подросткам, что природа могла допустить ошибку, наделив их мужскими или женскими половыми органами. 47-й президент объявил также, что отныне без согласия родителей дети не вправе подвергаться хирургическим операциям по смене пола. Пристальные читатели "Голоса" наверняка помнят публикацию о смене пола сыном миллиардера Илона Маска и реакции самого Маска. Миллиардер тогда обещал отомстить за сына, который сменил пол, став обладателем внешности миловидной девушки. Тогда никто не понял, как будет выглядеть месть миллиардера, первые заявления Трампа внесли ясность в этот вопрос. Маск отомстил, примкнув к республиканцам и оказав поддержку Трампу на выборах. Отныне он в числе других назначенцев будет контролировать расходы правительства.
-
2024-11-25 10:35Строительство новой школы в селе Киранц Тавушского марза по известным причинам было в центре внимания политизированной публики и СМИ еще с 2022 г. Изначально было объявлено, что после сдачи в эксплуатацию начальная школа станет средней. Этого с нетерпением ждали учащиеся старших классов, которым приходилось каждый день ходить на учебу в общину Неркин Цахкаван. Завершения строительства ждали также учащиеся старших классов соседнего села Ачаркут, которые после окончания начальной школы получали среднее образование в школах Неркин Цахкавана и Саригюха.
-
2024-11-25 09:50Армен Мнацаканян прибыл из Ростова в Армению на годовщину гибели племянника (сына родного брата), и был подвергнут аресту по делу о подготовке вооруженного захвата власти. Речь о том самом деле, которое было возбуждено на основании показаний Арсена Аветисяна. Как уже сообщалось в предыдущей публикации, Аветисян дал показания в СНБ (его выслушал заместитель Армена Абазяна) по поводу подготовки председателем военно-патриотической организации "Черная пантера" Серобом Гаспаряном и его подельниками государственного переворота. Ранее мы рассказали о жалобах Аветисяна по поводу того, что он спас жизнь Пашиняну, а правоохранительные органы, по его словам, отказались предоставить ему ту защиту, о которой он просил. По этой причине Аветисян предпринял акцию протеста у здания правительства. СМИ в свою очередь сообщили о том, что ранее Аветисян неоднократно оказывался в поле зрения правоохранительных органов.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։