Последние новости

«ԴԱՎԵՍԿԱ»՝ ԿԱՊԻՏՈՒԼՅԱՆՏԻՆ

Սերժ Սարգսյանը կդիմի դատարան

Երրորդ նախագահ, ՀՀԿ առաջնորդ Սերժ ՍԱՐԳՍՅԱՆԸ մտադիր է դատի տալ զրպարտության և իր պատվի դեմ ոտնձգությունների համար: Փաստաբան Ամրամ Մակինյանն արդեն պատրաստում է համապատասխան փաստաթղթերը։

Դատական հայցի պատճառը «Քաղաքացիական պայմանագիր» խմբակցության պատգամավոր, խոշոր ձեռնարկատեր Խաչատուր Սուքիասյանի ելույթն էր, որը բովանդակում էր երրորդ նախագահի պատիվն ու արժանապատվությունը ոտնահարող կանխահայտ կեղծ տեղեկություններ:

Միանգամից տեղեկացնեմ, որ պատվին ու արժանապատվությանը ուղղված հարվածների սցենարը ծրագրվել է անձամբ Փաշինյանի կողմից. Սուքիասյանը հանդես եկավ կատարողներից մեկի դերում։ Նրան էր հանձնարարվել «հարգարժան հեռուստադիտողների» հիշողության մեջ թարմացնել օտարերկրյա խաղատներում Սարգսյանի իբր տանուլ տված միլիոնների մասին հեքիաթը։ Սուքիասյանը ջանասիրաբար կատարեց իր պետի առաջադրանքը խորհրդարանի ամբիոնից։

Շիշ բռնող մականունով Հայկ Սարգսյանին Փաշինյանը հանձնարարել էր հարվածել «Հայաստան» խմբակցության ղեկավար, պաշտպանության նախկին նախարար Սեյրան Օհանյանի պատվին ու արժանապատվությանը։ Այդ իսկ պատճառով Շիշ բռնողը խորհրդարանի ամբիոնից նախ երկար դատողություններ էր անում այն մասին, որ պաշտպանության նախարարները, որոնց օրոք երիտասարդները փողի դիմաց ազատվել են բանակային ծառայությունից, դավաճաններ են, իսկ այնուհետ խորհրդարանի ամբիոնից դիմեց գեներալին «արա» անհարգալից ձևով, ինչի համար նրա վրա շիշ շպրտվեց ամբիոն։

Դավաճանների մասին Շիշ բռնողի խոսքերը Նիկոլի վրեժն էին գեներալից. Օհանյանը բազմիցս խոսել է գերագույն գլխավոր հրամանատարի մասին՝ որպես դավաճանի։ Փաշինյանը պատասխանեց ամենակեղտոտ, ավելի ճիշտ՝ ամենաստոր ձևով։ Սադրանքը ծրագրված էր այնպես, որ պատերազմի հերոս գեներալին վիրավորի հենց տվյալ անձնավորությունը. Հայկ Սարգսյանը երկու անգամ դարձել է ԱԺ պատգամավոր՝ 2018-ի գարնան փողոցային իրադարձությունների օրերին Նիկոլի հետևից ջրի շիշը ման տալու համար։ Օգոստոսի 25-ին նա կատարեց իր պարագլխի հանձնարարությունը.վիրավորեց պատերազմի հերոսին։

Բանախոսներից մեկին հանձնարարված էր հիշել 1999-ի հոկտեմբերի 27-ը, մյուսին առաջադրանք էր տրված կրկին մեղսագրել իշխանությանը 2008-ի մարտի 1-ի դեպքերը... Սեփական սիրելի անձի համար Փաշինյանը որպես թիրախ էր ընտրել Արթուր Վանեցյանի գլխավորած «Պատիվ ունեմ» խմբակցությունը, ուստի ամբիոն բարձրանալով կառավարության ծրագրի հետ կապված եզրափակիչ ելույթի համար, պատմեց «դավեսկայի»մասին։ Փաշինյանը խորհրդարանի ամբիոնից հիշեցրեց, որ խորհրդային իշխանության օրոք դեֆիցիտի պայմաններում անհրաժեշտ առարկաներին կցվում էր գնից դուրս մի բան՝ ավելորդ իրերի տեսքով։ Հենց այդպես վարչապետի պաշտոնը զբաղեցնող անձնավորությունը բնութագրեց Վանեցյանի խմբակցության ներկայությունը 8-րդ գումարման խորհրդարանում։ Իրականում Վանեցյանի դաշինքը խորհրդարան է անցել Սահմանադրության պահանջով, խորհրդարանում նրա ներկայությունը սահմանադրական նորմ է, որը Փաշինյանը անվանեց «դավեսկա»։

2020թ. նոյեմբերի 9-ը Արարատ Միրզոյանին ծեծելու օրը չէ

Մինչ խորհրդարանական մեծամասնությունն իրականացնում էր Արցախն ազատագրած գեներալին վիրավորելու Փաշինյանի սցենարը, բուն Արցախում՝ Ֆիզուլիի շրջանում, ադրբեջանցիները աերոնավիգացիոն փորձարկումներ էին անցկացնում նախկին օդանավակայանի տարածքում։ Ադրբեջանցիները նախատեսում են սարքավորել դա միջազգային չվերթների համար։

Իսկ երբ Փաշինյանը խորին գոհունակության զգացումով կառավարության ծրագրի վերաբերյալ եզրափակիչ ճառ էր ասում, լուր ստացվեց այն մասին, որ ադրբեջանցիները փակել են ոչ միայն Կապան-Գորիս ճանապարհը, այլև Գորիս-Որոտան հատվածը:

Փաշինյանը հիշատակեց իր բոլոր թշնամիներին անուն առ անուն, իսկ ոմանց նշեց այնքան հստակ, որ անուններ չպահանջվեցին։ Օրինակ, նա հերթական անգամ կշտամբեց նախկին վարչապետ Հրանտ Բագրատյանին՝ Արցախի Հանրապետության դեմ թուրք-ադրբեջանական ագրեսիայից ոչ շատ առաջ արտաբերած արտահայտության համար։ Բագրատյանը, մեկնաբանելով տնտեսության ծանրագույն վիճակը, որ ստեղծվել է իշխանությունների մեղքով, զայրացած արտահայտություն նետեց, թե «ես լինեի Ալիևի տեղը՝ 3-ից 4 անգամ կհարձակվեի»։ Այս արտահայտությունը կապիտուլյանտի թայֆան դրոշակ սարքեց ձեռքին, և այն ժամանակից ի վեր Նիկոլը հաշիվներ է մաքրում ՀԱԿ խմբակցության իր նախկին գործընկերոջ հետ: Ուրիշներին էլ բաժին հասավ, բայց ամենից շատ Փաշինյանն ու իր հաճկատարները կենտրոնացան երրորդ նախագահի անձի վրա։

Գլխավոր դերը բաժին էր հասել ոչ միայն Սուքիասյանին՝ որպես ամենասիրելի օլիգարխի (հանուն նրա Նիկոլը զոհաբերեց Տիգրան Ավինյանին), այլև «Քաղաքացիական պայմանագիր» խմբակցության ղեկավար Հայկ Կոնջորյանին։ Վերջինս հիշեցրեց Սերժ Սարգսյանի խոսքերը, որոնք նա ասել է օդանավում տված հայտնի հարցազրույցում։ Նախագահը խոսում էր քառօրյա պատերազմի արդյունքների մասին՝ կորսված 800 հեկտարի հիշատակումով:

Հիշեցնելով նախագահի այն խոսքերը, որ այդ հեկտարները ռազմավարական նշանակություն չունեին, Կոնջորյանը սկսեց խորհրդարանի ամբիոնից հեծեծալ, թե երկրի նախագահը հայրենի հողի 800 հեկտարն անվանել է ռազմավարական նշանակություն չունեցող։ «Նա ասաց, որ հայրենիքը նշանակություն չունի, և դրանով հասկացնել տվեց Ալիևին, որ նա իրավունք ունի ոտնձգություն կատարել նաև այլ տարածքների նկատմամբ», - հայտարարեց Կոնջորյանը: Մի խոսքով, փախեք-փրկվե՛ք։

Իհարկե, մտածող ընթերցողն արդեն մատը պտտել է քունքի մոտ, քանզի զարմանալի ոչինչ չի տեսել նրանում, որ ռազմական տեսանկյունից ինչ-որ տարածք ռազմավարական նշանակություն չունի, բայց Կոնջորյանը առաջադրանք էր ստացել վարկաբեկել Սերժ Սարգսյանին, և նա ատամներով կառչեց ապրիլյան ագրեսիայի հետևանքներին վերաբերող այդ հարցազրույցից։ Ճիշտ ժամանակն է հիշեցնել Փաշինյանի հայտարարությունն այն մասին, որ ամայի տեղանքները հսկել պարտադիր չէ, և սահմանապահների ներկայությունը ձյունածածկ բարձունքներում անիմաստ է

Փաշինյանը մի բառ անգամ չասաց փակ ճանապարհների, Սյունիքը Հայաստանից կտրելով մեկուսացնելու ադրբեջանցիների փորձի մասին, փոխարենը ընդգծեց, որ ներքաղաքական ճգնաժամը հանգուցալուծվել է արտահերթ ընտրություններով, իսկ մեծ հաշվով ոչ մի ճգնաժամ էլ, ըստ նրա, Հայաստանում չի եղել, դրա համար էլ ժողովուրդն իրեն «պողպատե մանդատ» է տվել։ Երրորդ նախագահի նկատմամբ Փաշինյանի բացառիկ հակակրանքը պայմանավորված է նրանով, որ Սերժ Սարգսյանի կողմից գործածության մեջ դրված «կապիտուլյանտ» բառը հիմնավորապես արմատավորվել է ժողովրդի շրջանում, և Նիկոլը պատմության մեջ կմնա այդ «դավեսկայով»։

«Մոսկաների» ճգնաժամ

Իրականում երկրում ճգնաժամ կա, և արտահերթ ընտրությունները լոկ սրեցին դա, իսկ կառավարության ծրագրի շուրջ բանավեճն ընդհանրապես ցույց տվեց, որ երկրում ողջ իշխանությունը յուրացված է մեկ անձի և նրա կամակատարների կողմից, և այդ անձը կրկին թիրախներ է փնտրում հաշվեհարդարների համար։

ՍԿԶԲՈՒՄ ԴԱ ԵՐԿՐՈՐԴ ՆԱԽԱԳԱՀՆ ԷՐ, ԱՅԺՄ ՀԵՐԹԸ ՀԱՍԵԼ Է ԵՐՐՈՐԴԻՆ: Փաշինյանը մշտապես կարիք է զգում ինքնահաստատվել ուրիշների հաշվին։ Հիշո՞ւմ եք Կռիլովի հայտնի առակը Մոսկայի մասին, որը հաչում է փղի վրա, իսկ եթե մի քիչ լարեք հիշողությունը, ապա կմտաբերեք նաև նրանց, ում ժամանակին երկրորդ նախագահ Ռոբերտ Քոչարյանը անվանեց «մոսկաներ»...

Կապիտուլյանտի փորձը՝ ինքնահաստատվելու նրանց հաշվին, ում բարձրունքին ինքը երբեք չի հասնի, դարձավ կառավարության ծրագրի շուրջ խորհրդարանական բանավեճի գլխավոր լեյտմոտիվը։ Նույնիսկ նրանք, ովքեր դրան հետևում էին հեռուստացույցով, հասկացան, որ Նիկոլը ոչ միայն գլխավոր սցենարիստն է, այլև հրահրողը։ Նրա հրահանգով իր հաճկատարները խորհրդարանի ամբիոնից նետվեցին հաշիվ մաքրելու ընդդիմության պատգամավորների հետ։ Ընդ որում բոլորը միանգամից հիշեցին 2008-ի մարտի 1-ը, երբ Նիկոլը ամբոխին բազմիցս հրահրելուց հետո անհետացավ, թաքստոցում մնալով երկար ամիսներ։ Երբ խորհրդարանի դահլիճում սկսվեց բռունցքներով հաշվեհարդարը, Փաշինյանն անմիջապես ինչ-որ տեղ անհետացավ։ Ի՜նչ արած, դա արդեն ձեռագիր է։

Ի դեպ, երեկվա նիստի ամբիոնից կապիտուլյանը բացահայտ հայտարարեց, որ ևս 6-7 ամիս երկրում կայունություն չի լինի։ Մեր կողմից հավելենք, որ կայունություն չի լինի այնքան ժամանակ, քանի դեռ վարչապետի աթոռին բնակռել է կապիտուլյանտն ու դավաճանը, իսկ խորհրդարանական մեծամասնության դերում հանդես են գալիս նրանք, ովքեր համարում են, թե 2020թ. նոյեմբերի 9-ը Արարատ Միրզոյանին ծեծելու օրն է, ոչ ավելին…

Եվ էլի մի բան՝ «դավեսկայի» առնչությամբ: Որպեսզի խորհրդային առևտրի այդ ավանդույթից անտեղյակ ընթերցողը խուսափի թյուրըմբռնումից, տեղեկացնեմ, որ արժեքավոր գնում կատարելիս հավելյալ իրը տրվում էր բնավ ոչ անվճար, դրա համար պետք էր վճարել։ Պատահում էր, որ քաշլիցը՝ «դովեսոկը», ավելի թանկարժեք էր լինում, և դա ստիպում էր գնորդին հրաժարվել անհրաժեշտ իրը գնելուց։ Իսկ բացի այդ, հիշեցնեմ նաև, որ Վանեցյանի նախազգուշացումն այն մասին, որ խորհրդարանի զինված պահազորը կարող է ժամանակի հետ վերարտադրել «պահակախումբը հոգնե՛լ է» արտահայտությունը, վերջին իրադարձությունների խորապատկերին միանգամայն տեղին է թվում։ Այդ արտահայտությունը ժամանակին արտաբերել է Ժելեզնյակ ազգանունով նավաստին։ Վստահ չեմ, թե ուսապարկերին ծանոթ է այդ անունը

Основная тема:
Теги:

    ПОСЛЕДНИЕ ОТ АВТОРА

    • В ПОИСКАХ ИСКРЫ, или "СДАЧА ВОСКЕПАРА ОЗНАЧАЕТ СДАЧУ АРМЕНИИ"
      2024-03-27 09:54

      Шумиха вокруг несуществующего проекта новой Конституции уступила место дискуссии вокруг переноса всех вузов на территорию Академгородка. После того, как азербайджанские оккупанты своими GPS выселили жителей Шурнуха из 13 домов с хозяйственными пристройками и приусадебными участками, правительство Пашиняна обещало построить для них новые дома. Уже 4 года строят, однако ни одного не достроили!

    • ГДЕ ПИШУТ СЦЕНАРИЙ НОВОЙ ВОЙНЫ?
      2024-03-25 09:31

      В Тавуш прибывают добровольческие отряды, на днях о намерении отправиться в марз объявил командир отряда "Лчап" Левон Геворгян. Статья Конституции 205 (пункт 1) говорит о том, что "изменения территории Республики Армения решаются посредством референдума". Бывший судья КС Альвина Гюлумян по этому поводу заявила: "Сдача территорий в обход референдума антиконституционна, но проблема в том, что этот человек не считает деревни нашими". По ее словам, обращение в КС по данному вопросу в текущий момент лишено смысла, а апелляция в международные инстанции возможна только со стороны властей, увы, правящая верхушка вслед за Пашиняном считает, что 4 приграничные деревни Тавушского марза не наши. Мнение Пашиняна расходится с мнением народа, но марионетка Баку и Анкары давно перестала считаться с большинством!

    • 31 МАРТА 6 ЛЕТ СПУСТЯ…
      2024-03-22 10:07

      31 марта 2018 г. Пашинян с немногочисленной кучкой соратников вышел из Гюмри и направился в сторону Еревана. По дороге к ним на время присоединился лидер ОНС Паруйр Айрикян, который на днях в эфире телеканала "Центр" резко критиковал Пашиняна, забыв о том, как лично поддержал его первые шаги на стезе свержения законной власти. По ходу шествия к компании привязалась дворняжка, которой дали кличку Чало.

    • РАНЬШЕ МНОГОВЕКТОРНАЯ ВНЕШНЯЯ ПОЛИТИКА РА ИСХОДИЛА ИЗ ПРИНЦИПА ВЗАИМОДОПОЛНЯЕМОСТИ
      2024-03-21 09:23

      Кроме конфронтации с РФ, ничего "беспрецедентного" в отношениях Армении с ЕС и НАТО нет! "Уникальное", "историческое" предложение ЕС, "открытые двери Евросоюза" и прочие "беспрецедентные" (любимое слово Пашиняна) явления текущей политики способны произвести впечатление только на самые неискушенные слои армянского общества. На самом деле, нет ничего "беспрецедентного" в том, что западная коалиция использует нашу страну в качестве орудия против РФ. Прецедент известен на примере Грузии и Украины. Разговоры о том, что РА может подать заявку на статус кандидата в члены ЕС, повторяют те, что были в 2017 г. при Серже Саргсяне. Разница в том, что тогда интеграция протекала не на фоне военного противостояния на Украине, а главное – по принципу многовекторной внешней политики взаимодополняемости.






    ПОСЛЕДНЕЕ ПО ТЕМЕ

    • «ՈՂՋ ԱՇԽԱՐՀԻ ՀԱՅԵՐԸ ԴԱՐՁԵԼ ԵՆ ԽԵԼԱԳԱՐԻ ԲՌՆԱՊԵՏՈՒԹՅԱՆ ՊԱՏԱՆԴԸ»
      2022-05-02 19:27

      Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։

    • ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ
      2022-03-31 17:36

      Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։

    • ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
      2022-03-16 18:14

      Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:

    • ՓԱՇԻՆՅԱՆՆ ՈՒԶՈՒՄ Է «ՓԱԿԵԼ» ԵՐԿՈՒՍԻՆ
      2022-02-22 21:00

      Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։