2021-09-09 21:10
Рубен МАРГАРЯН
ՀԱՆՑԱԳՈՐԾՈՒԹՅՈՒՆԻՑ ԷԼ ՎԱՏԹԱՐ (ՏԵՍԱՆՅՈՒԹ)
Այն, որ Նիկոլին ու իր թիմին շատ է դուր եկել իշխանավորի հարմարավետ կյանքը, ակնհայտ է։ Նորմալ երկրում խորհրդարանի նախագահը համացանցում տեսահոլովակների տարածումից հետո, թե ինչպես է իր ընկերակիցների հետ պարում շքեղ հանգստավայրում, մինչ հայ ռազմագերիներին շարունակում են նվաստացնել Բաքվում, արդեն հրաժարական տված կլիներ: Բայց նրանց համար դա թուքումուր չէ, դա ցող ու շաղ է։
Նրանք ամեն ինչին ունեն լոկ մեկ պատրաստի պատասխան, թե՝ իսկ դուք ինքներդ ո՞վ եք: Քանի որ այլ պատասխաններ չունեն, մնում է այդ մեկը։ Հողերի հանձնումը ստորագրած ու ճանաչած մարդիկ դրանում մեղադրում են ուրիշներին։ Հող հանձնած մարդիկ դրանում մեղադրում են ուրիշներին։ Նոր իշխանության խորհրդարանական խուլիգանները անվայել պահվածքի մեջ մեղադրում են նախկին իշխանությանը... Ոչ միայն բյուջեն, այլև «Հայաստան» հիմնադրամը թալանած մարդիկ դրանում մեղադրում են ուրիշներին։
Այդ թեմայով վերջին նորություններից։ ԱԺ նախագահի եղբայրը՝ Կառլեն Սիմոնյանը, երեք ընկերությունների տնօրեն է, որոնցից երկուսը զբաղվում են ասֆալտապատմամբ և բետոնի արտադրությամբ։ Այդ ընկերությունները մասնակցում ու հաղթում են պետգնումների գծով մրցույթներին. իշխանությունը պայքարում է կոռուպցիայի դեմ։
Իհարկե, արտաքին աշխարհում կգտնվեն բազմաթիվ ուժեր, որոնք կաջակցեն այս իշխանությանը՝ ուրախությամբ շփելով ափերը։ Քանզի ստոր իշխանությունը միշտ ձեռնտու է արտաքին խաղացողներին ու նրանց հինգերորդ շարասյուներին։ Ստոր ու ողորմելի իշխանության հետ միշտ էլ հեշտ է պայմանավորվել, հեշտ է գնել նրան, վերագնել, վաճառել։ Եվ եթե ժողովուրդն ինքն է ընտրել այս իշխանությանը, ապա ինչո՞ւ մեղադրել արտաքին ուժերին, որոնք պատրաստ են այս իշխանության հետ «աշխատել», այսինքն գնել, վերագնել ու վաճառել...
Մանավանդ որ իշխանությունն ինքը, ըստ երևույթին, հաճույք է ստանում իր այդպիսի ողորմելի վիճակից։ Հնարավոր է, իսկ ավելի շուտ՝ միանգամայն հավանական է, որ մեր խոսնակը պարզապես հրճված է, որ համացանցում տարածում են տեսանյութը, թե ինչպես է ինքը քեֆ քաշում Հունաստանում։ Դե, նայեք, նախանձեք: Չէ՞ որ Նիկոլն ինքն էր տեսանյութ տարածում, թե ինչպես է փռվել կառավարական ամառանոցի խոտին՝ գինու շշով... Նույնպես, հավանաբար, մտածում էր. նայեք, նախանձեք։
Կարո՞ղ եք պատկերացնել, որ Պուտինը համացանցում տեսանյութ տեղադրի, որտեղ գինու շիշը գրկած պառկած է կառավարական ամառանոցի սիզամարգին։ Կամ պարում է կիսամերկ կանանց հետ: Կամ որ նման բան ցուցադրի Բայդենը։ Կամ Մակրոնը։ Կամ Ղարիբաշվիլին։ Կամ Ալիևը։ Այդ ի՞նչ աստիճանի պակասավոր պիտի լինես էությամբ, որ չհասկանաս, թե ինչն է կարելի երկրի առաջնորդին, ինչը չի կարելի, ինչն է կարելի խոսնակին, ինչը չի կարելի։
Հնարավո՞ր է արդյոք պատկերացնել, որ նշված առաջնորդներից որևէ մեկը հրաման տա իր թիմակիցներին հենց խորհրդարանում ծեծել ընդդիմադիրներին։ Չնայած ամեն ինչ պարզ է։ Պարզ է, որ վարչապետի աներձագ լինելը, փողոցային երթերի ժամանակ նրա շիշը բռնելը, իհարկե, մեծ հաջողություն է օրենսդիրի աթոռին հայտնված փողոցային թափթփուկների համար։ Նման հաջողության համար նրանք ցանկացածի կոկորդը կկրծեն:
ԱՅՈ, ՄԱՐԴԻԿ ՍԽԱԼՎԵՑԻՆ 2018 ԹՎԱԿԱՆԻՆ։ Այդպես պատահում է։ Մարդկանց բնորոշ է սխալվել, դա գիտեին դեռ հին լատինացիները։ Կան դասական օրինակներ. 1933-ին ժողովուրդն ընտրեց Հիտլերին, 2021-ին ժողովուրդն ընտրեց «Թալիբանը»։ Բայց ո՞րն է տարբերությունը կայացած և չկայացած պետությունների միջև։ Կամ՝ կիսակայացած։
Կայացած պետություններում իշխանության ղեկին փողոցային ընչաքաղց խուժանի հայտնվելն անհնար է։ Այնտեղ ժողովրդի հնարավոր ողբերգական սխալի ճանապարհին կան բազմաթիվ խոչընդոտներ։ Կարո՞ղ է արդյոք ԱՄՆ-ում, «ժողովրդավարության պատվարում», իշխանության ղեկին հայտնվել փաշինյանակերպ ինչ-որ բան։ Ոչ, իհարկե։ Այնտեղ հստակ համակարգ է գործում, որն անցնելուց հետո միայն կարող ես հայտնվել երկրի ղեկին։
Կիսակայացած պետություններում կարգավորիչի դերը պետք է ստանձնի քաղաքական էլիտան։ Որին, ի դեպ, այնքա՜ն ատում է Փաշինյանը։ Եթե այդ քաղաքական էլիտան օժտված է խելքով և ուժով, ապա կկարողանա սանձել կործանարար էներգիան։ Ինչպես որ մեկ անգամ եղավ Հայաստանում 2008 թվականին։
2018-ին վստահ էին, թե պետական ինստիտուտներն այնքան ուժեղ են, որ նույնիսկ բացահայտ չմոն անզոր կլինի վարի տալ նախկին տարիների ձեռքբերումները։ Վարի տվեց, այն էլ ինչպե՛ս։ Այսօր Սերժ Սարգսյանն ասում է, որ մենք կշահեինք պատերազմը, եթե չլիներ կադրային ջարդը, որը բանակում անցկացրեց Նիկոլը իշխանության գալուց հետո, և որը շարունակվում էր ընդհուպ մինչև ռազմական գործողությունների սկսվելը։ Գուցե Սերժ Սարգսյանն իրավացի է։ Ամենայն հավանականությամբ՝ իրավացի է։ Բայց խնդրի էությանը դրանից չի փոխվում։ Հայկական քաղաքական էլիտայի, ոչ թե մեկ մարդու, այլ քաղաքական ողջ ընտրախավի, Հայաստանի հաբռգած քաղաքական ողջ էլիտայի պահվածքը 2018 թվականի «սիրո և համերաշխության թավշե հեղափոխության» ժամանակ, ինչպես ասել է մի խելացի ֆրանսիացի, հանցագործությունից էլ վատթար էր. դա սխալ էր։ Ճակատագրակա՞ն։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2022-01-20 19:48Խորհրդարանից ստացված երեկվա ռեպորտաժները հերթական անգամ ընդգծեցին Հայաստանին պատուհասած աղետի մասշտաբները։ Ախր Փաշինյանը հազարապատիկ իրավացի է, երբ ասում է, որ ինքը գլխավոր պատասխանատուն է, բայց բնավ ոչ միակ մեղավորը։ Իսկ այ ինչպե՞ս անտեսել նրանց մեղքը, ովքեր իշխանության բերեցին այս անհասկանալի թիմին։
-
2021-02-18 17:21«Մեզ մոտ Հայաստանի իշխանությունների նկատմամբ անվստահության տարրեր են ծագել»։ Այսպես քաղաքավարի է արտահայտվում Ռուսաստանի հայերի միության փոխնախագահ Գերման Անանյանցը։
-
2021-02-05 21:42«Իմ քայլը» խմբակցության նախկին պատգամավոր Երջանիկ Հակոբյանի նշանակումը Պետեկամուտների կոմիտեի ներքին անվտանգության վարչության պետի պաշտոնում ծայրահեղ զարմանք առաջացրեց նրանց մոտ, ովքեր անձամբ ճանաչում են այդ անձնավորությանը։ Քաղաքականացված հանրությունը նրա գոյության մասին առաջին անգամ իմացել է քարոզչության օրերին, երբ «Իմ քայլը» դաշինքի տարածքային ընտրացուցակով առաջադրված թեկնածուն կոչ էր անում ձայն տալ իրեն, որովհետև ինքը Երջանիկ է, և ուրեմն կերջանկացնի իր ընտրողներին։
-
2021-01-25 17:56Փաշինյանը հարվածի տակից դուրս է բերում հավատարիմներին։ Առաջինը հեռացավ պիժոնը. դե, նա, որն ասում էր, թե «նոր պատերազմ՝ նոր տարածքներ»։ Նրան նոր պաշտոն չտվեցին, և դա հասկանալի է. պատերազմը տանուլ տված նախարար։ Հետո պաշտոնից ազատեցին գիտության, կրթության, մշակույթի և սպորտի նախարարին. «դդումին», ինչպես քնքուշ անվանում էին նրան ուսանողները։ «Դդումը» դարձավ վարչապետի խորհրդական։