2021-01-25 17:56
Рубен МАРГАРЯН
ՄԱԿՈՒՆՑԱՊԱՏՈՒՄ
Փաշինյանը հարվածի տակից դուրս է բերում հավատարիմներին։ Առաջինը հեռացավ պիժոնը. դե, նա, որն ասում էր, թե «նոր պատերազմ՝ նոր տարածքներ»։ Նրան նոր պաշտոն չտվեցին, և դա հասկանալի է. պատերազմը տանուլ տված նախարար։ Հետո պաշտոնից ազատեցին գիտության, կրթության, մշակույթի և սպորտի նախարարին. «դդումին», ինչպես քնքուշ անվանում էին նրան ուսանողները։ «Դդումը» դարձավ վարչապետի խորհրդական։
Հետո հեռացավ առողջապահության լեգենդար նախարար, կորոնավիրուսի ահ ու սարսափ Արսեն Թորոսյանը, որը մերթ հայհարարում էր, թե Covid-19-ը վտանգավոր հիվանդություն չէ, մերթ ասում, որ վտանգավոր հիվանդություն է, մեկ պնդում, թե դիմակ կրել պետք չէ, մերթ՝ որ պետք է: Հիմա դարձել է վարչապետի աշխատակազմի ղեկավար՝ նախապես պատվաստանյութ ընդունելով։ Դա նորմալ է, արժեքավոր կադրերի մասին պետք է հոգ տանել։
Այժմ հերթը Լիլիթ Մակունցինն է, որը ԱՄՆ-ում Հայաստանի դեսպանի պաշտոնի ճանապարհին է։ Ասում են, թե նա շատ ծանր ապրումներ է ունեցել 44-օրյա պատերազմի առիթով։ Գրեթե դեպրեսիայի մեջ ընկել: Ախր միամիտ աղջիկն իսկապես կարծում էր, թե որպես իշխող խորհրդարանական խմբակցության առաջնորդ՝ ինքն ինչ-որ բան վճռում է։ Պետք է հանել նրան այդ վիճակից։
Ընդ որում Փաշինյանը հասկանում է, որ ԱՄՆ-ում Մակունցը դեսպան կաշխատի շատ կարճ ժամանակ, քանի որ ինքը՝ Նիկոլը շուտով կհեռանա։ Բայց, նախ՝ պետք է դուրս բերել Մակունցին Հայաստանում լրտեսների բացահայտման ծավալված արշավի հարվածի տակից։ Երկրորդ՝ Վաշինգտոնում Մակունցը կարող է մի քիչ ուշքի գալ։ Եվ երրորդ՝ նա, ամենայն հավանականությամբ, հնարավորություն կունենա որևէ աշխատանք գտնել ԱՄՆ-ում ու այլևս չվերադառնալ։
Ինչո՞ւ ենք մանրամասն կանգ առնում Լիլիթ Մակունցի վրա: Որովհետև նա յուրօրինակ խորհրդանիշ է. Փաշինյանի իշխանության այս երկուսուկես տարիները կարելի է անվանել ամբողջ երկրի մակունցապատում։ Քանզի ի՞նչ գիտեինք մենք նրա մասին «հեղափոխությունից» առաջ։ Ոչինչ։
Իսկ այ հեղափոխությունից հետո իմացանք, որ սովորել է ԱՄՆ-ում, ամերիկյան «Խաղաղության կորպուսի» ակտիվիստուհի է և անգլերեն է սովորեցրել Նիկոլ Փաշինյանին։ Ու որ լավ կապեր ունի ամերիկյան դեսպանատանը։ Եվ ահա այդ նվաճումների համար Փաշինյանը նրան նշանակեց մշակույթի նախարար։ Ճիշտ է, նվաճումները թույլ էին. վերցնենք թեկուզ Փաշինյանի անգլերենը... Այդ մասին հարցրեք դպրոցների ուսուցիչներին։
Իսկ մշակույթի նախարարի պաշտոնում Մակունցը մտապահվեց արդեն թևավոր դարձած մեն-միակ արտահայտությամբ։ Քննախույզ լրագրողների այն հարցին, թե ինչ կապ ունի ինքը մշակույթի հետ, Մակունցը հպարտորեն պատասխանում էր, որ մշակույթն իր մեջ է... Ուրիշ ի՞նչ հաջողությունների հասավ Մակունցն այդ պաշտոնում: Փայլուն. քանի որ մշակույթը գիտակցեց, որ իր տեղը Լիլիթ Մակունցի մեջ է, մշակույթի նախարարությունը որպես առանձին պետական ինստիտուտ շատ շուտով լուծարվեց:
Եվ այդժամ Մակունցը, մշակույթից հետո իր մեջ բացահայտելով քաղաքական գործչի հուժկու տաղանդ, տեղափոխվեց իշխող խմբակցության ղեկավարի աթոռին՝ Նիկոլի ուսապարկերի ցուցակով անցնելով խորհրդարան։ Այստեղ նրա հրաշալի նվաճումը ամռանը հնչեցրած արտահայտությունն էր, թե Թուրքիան չի միջամտի Ադրբեջանի հետ հնարավոր հակամարտությանը... Ավա՜ղ, պարզվեց, որ նրա մեջ նստած վերլուծաբանը մոտավորապես նույն մակարդակի է, ինչ Նիկոլի անգլերենը։ Ասում են, որ Մակունցը իր այդ մտքի պատճառով շատ է տառապում։
Եվ ահա այժմ Մակունցին պատրաստում են առաքելության իրականացմանը Վաշինգտոնում, ըստ երևույթին՝ ելնելով այն մոտեցումից, որ դիվանագիտությունը, ինչպեսև մշակույթը, վաղուց խոր արմատներ է գցել Մակունցի մեջ։ Ընդ որում, հիշեցնենք, Մակունցը գնահատված է ԱՄՆ դեսպանատանը։ Այսինքն, պարզ ասած, ԱՄՆ-ում Հայաստանի դեսպան են նշանակում Հայաստանում ԱՄՆ-ի դեսպանի մարդուն։ Դա նորմալ է։
Մանավանդ եթե հաշվի առնենք, որ ամերիկացիներն ակնհայտորեն մտադիր են ամրապնդել իրենց դիրքերը Երևանում և այդ նկատառումով նրանց ձեռնտու է երկարաձգել Փաշինյանի իշխանությունը։ Խոստանում են, ինչպես միշտ, դրամական ներարկումներ անել ի աջակցություն ժողովրդավարության։ Դե, գուցե ինչ-որ փայ հասնի նաև վախճանվող տնտեսությունը։ Եվ եթե դրամական ներարկումները տեղի ունենան արդեն Մակունցին դեսպան նշանակելուց հետո, ապա դա թույլ կտա թքել-կպցնել նրա ջախջախված հեղինակությունը։ Իսկ եթե Նիկոլին հեռացնեն, Մակունցը թողնի դեսպանի պաշտոնն ու մակունցապատումը Հայաստանում վերջապես ավարտվի. դե ինչ, այդժամ, ինչպես արդեն ասացինք, Մակունցի համար ԱՄՆ-ում որևէ հարմար աշխատանք կգտնեն։ Չէ՞ որ ամերիկացիները գնահատում են, որ նրա մեջ ամուր ու միաժամանակ նստած են և՛ պոլիգլոտը, և՛ Խաղաղության կորպուսի ակտիվիստը, և՛ մշակույթը, և՛ վերլուծաբանը, և՛ դիվանագետը։ Ուրիշ որտեղի՞ց պիտի այդչափ արժեքավոր կադր գտնեն։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2022-01-20 19:48Խորհրդարանից ստացված երեկվա ռեպորտաժները հերթական անգամ ընդգծեցին Հայաստանին պատուհասած աղետի մասշտաբները։ Ախր Փաշինյանը հազարապատիկ իրավացի է, երբ ասում է, որ ինքը գլխավոր պատասխանատուն է, բայց բնավ ոչ միակ մեղավորը։ Իսկ այ ինչպե՞ս անտեսել նրանց մեղքը, ովքեր իշխանության բերեցին այս անհասկանալի թիմին։
-
2021-09-09 21:10Այն, որ Նիկոլին ու իր թիմին շատ է դուր եկել իշխանավորի հարմարավետ կյանքը, ակնհայտ է։ Նորմալ երկրում խորհրդարանի նախագահը համացանցում տեսահոլովակների տարածումից հետո, թե ինչպես է իր ընկերակիցների հետ պարում շքեղ հանգստավայրում, մինչ հայ ռազմագերիներին շարունակում են նվաստացնել Բաքվում, արդեն հրաժարական տված կլիներ: Բայց նրանց համար դա թուքումուր չէ, դա ցող ու շաղ է։
-
2021-02-05 21:42«Իմ քայլը» խմբակցության նախկին պատգամավոր Երջանիկ Հակոբյանի նշանակումը Պետեկամուտների կոմիտեի ներքին անվտանգության վարչության պետի պաշտոնում ծայրահեղ զարմանք առաջացրեց նրանց մոտ, ովքեր անձամբ ճանաչում են այդ անձնավորությանը։ Քաղաքականացված հանրությունը նրա գոյության մասին առաջին անգամ իմացել է քարոզչության օրերին, երբ «Իմ քայլը» դաշինքի տարածքային ընտրացուցակով առաջադրված թեկնածուն կոչ էր անում ձայն տալ իրեն, որովհետև ինքը Երջանիկ է, և ուրեմն կերջանկացնի իր ընտրողներին։
-
2021-01-22 17:34Հեռացող Նիկոլն ու նրա հետ քայլողներն իրենց վերջին ռևերանսներն անում են Բաքվի առջև։ Ալիևի համար սկզբունքային է մեկ կարևոր պահ. թույլ չտալ, որ Հայաստանում հանկարծ կրկին իշխանության գա Ռոբերտ Քոչարյանը։ Այն Քոչարյանը, որի առջև խոնարհվում էր նրա հայրը, որից թույլտվություն էր խնդրում իշխանությունն իր որդուն՝ Իլհամին փոխանցելու առնչությամբ։ Ալիևը բազմիցս ակնարկել է իր միջնորդավորված դրածո Փաշինյանին, որ Քոչարյանի վերադարձն իր համար անընդունելի է։ Ակնարկել է ոչ միայն Փաշինյանին, այլև Պուտինին։