2021-10-08 18:13
Рубен МАРГАРЯН
0
ՎԱՐՉԱՊԵՏԻ ՆՈՐ ՓՉՈՑՆԵՐԸ
Խորհրդարանում Նիկոլի վերջին հայտնությունները շատ բանի մասին են վկայում։ Մասնավորապես, թե Երևանից ստացվող ինչ դրական ազդանշանների մասին է խոսում Իլհամ Ալիևը՝ Հայաստանի և Ադրբեջանի միջև խաղաղության պայմանագիր կնքելու Բաքվի առաջարկի կապակցությամբ։
Հիշենք, թե ինչպես բացատրեց Փաշինյանը ադրբեջանական պահակետի հայտնվելը Կապան-Գորիս ճանապարհին։ Պարզվում է, ամեն ինչում մեղավոր են նախկինները, որովհետև 2010 թվականին, երբ հանրապետականները խորհրդարանում մեծամասնություն ունեին, նրանք կողմ են քվեարկել հանրապետության վարչական բաժանման մասին օրենքին, ըստ որի՝ Սյունիքը սահմանակից է Ադրբեջանին։
Այդ հնարքն այն աստիճան է դուր եկել Նիկոլին, որ նա որոշել է ոչ մի նոր բան չհորինել։ Եվ խորհրդարանում ունեցած իր վերջին ելույթում խոսում էր այն մասին, որ 1999-ին Քոչարյանը ստորագրել է ԵԱՀԿ Բուդապեշտի գագաթնաժողովի փաստաթուղթը, որում ասվում էր, որ ժողովուրդների ինքնորոշման սկզբունքը չպետք է իրականացվի ի վնաս պետությունների տարածքային ամբողջականության սկզբունքի։
Եկեք կոչենք իրերն իրենց անուններով. այդպիսով Փաշինյանը հող է նախապատրաստում Արցախը Ադրբեջանի մաս ճանաչելու համար, ինչպես որ պնդում է Ալիևը։ Եվ մեղավոր կլինեն կրկին «նախկինները», որոնք այնտեղ ինչ-որ բան են ստորագրել 1999-ին։ Իշխող թիմն արդեն չի էլ թաքցնում իր դիրքորոշումը, հայտարարելով, որ Արցախի կարգավիճակի հարցում իր համար կարմիր գծեր չկան։ Եվ Բաքվում ուրախությամբ են արձագանքում այդ «դրական ազդանշաններին»։
Միակ բանը, ինչի մասին ներողամտորեն խոսում է Փաշինյանը Արցախի ապագայի վերաբերյալ, այն է, որ իր կառավարությունը, «չնայած նախկինների վարած քաղաքականության հետևանքով առկա բարդություններին», կփորձի բանակցել Արցախի խաղաղ ու անվտանգ զարգացման պայմանների վերաբերյալ։ Վերծանենք. խոսքը ռուս խաղաղապահների մանդատի մասին է, վարչապետը այլ ծրագրեր չունի։ Այսինքն Փաշինյանը կփորձի հասնել նրան, որ ռուսական զորակազմի ներկայությունը լինի երկարաժամկետ և կախված լինի ոչ միայն Բաքվի դիրքորոշումից։
Դե, օրինակ, որ խաղաղապահ զորակազմը մնա այնքան, որքան ինքը՝ Փաշինյանը, մտադիր է պահել իշխանությունը, մինչև որ վերջնականապես կնստեցնի բոլոր նրանց, ովքեր իրեն համարում են կապիտուլյանտ ու դավաճան։ Եվ հետո հանգիստ կանցնի թոշակի՝ ընտանյոք հանդերձ։ Չէ՞ որ Փաշինյանը ընտանիքին նվիրված մարդ է, լավ հայր, ընտանիքի բարօրությունը նրա համար գլխավորն է։ Իսկ հետո՞։ Իսկ հետո՝ թեկուզ ջրհեղեղ։
Նույն ձևանով է նախապատրաստվում նաև դեպի Նախիջևան միջանցք-ճանապարհների տրամադրումն Ադրբեջանին, ինչպես ասում է Անվտանգության խորհրդի քարտուղար Արմեն Գրիգորյանը։ Ճիշտ է, այդտեղ նախկինների ստորագրած որևէ փաստաթուղթ Նիկոլը չի գտել, բայց դա չխանգարեց նրան առարկություններ չընդունող տոնով հայտարարել խորհրդարանում, թե 1999-ին Երևանն առաջարկում էր փոխանակել Մեղրին Արցախի հետ... Այսինքն ոչ թե Բաքուն էր երազում, ոչ թե Պոլ Գոբլն էր առաջարկում, այլ Հայաստանն ինքն էր ուզում, ասում է նա։ Քոչարյանը վերցրեց ու առաջարկեց, իսկ Ալիևի հիմար հայրիկը վերցրեց ու հրաժարվեց։ Իսկը Նիկոլի ոգով է։ Ամեն ինչ ճշգրիտ համապատասխանում է հայտնի բաղադրատոմսին. որքան ավելի հրեշավոր է սուտը, այնքան ավելի հեշտությամբ դրան կհավատա որոշակի զանգվածը։ Հենց այն, որը կազմում է Փաշինյանի ընտրազանգվածի ճնշող մասը։
Իհարկե, Նիկոլը վախենում է նրանից, ինչ պատրաստվում է անել։ Իր աշխատակազմի անդամները՝ նույնպես։ Այստեղից էլ՝ հիստերիան վերջին նիստի ժամանակ, կապված պատվաստումների ցածր տեմպերի հետ։ Հիստերիա, որը դրսևորվեց պետծառայողների պարտադիր պատվաստման, «սաբոտաժողների» կալանավորման անիրավաչափ պահանջով։ Այն պատրվակով, թե իշխող թիմն ունի «ժողովրդի մանդատ»։ Այս ամենը վկայում է մեկ բանի մասին. Փաշինյանին պետք է պարբերաբար համոզել թիմակիցներին, թե ամեն ինչ կարգին է, ամեն ինչ վերահսկողության տակ է, քանզի այլապես կփախչեն…
Եվ Հայրենիքը հանձնելու ոչ մի «ժողովրդական մանդատ» նա չունի, որքան էլ որ ոգևորված համոզի դրանում իր թիմին։ Ըստ պաշտոնական տվյալների՝ Փաշինյանի օգտին քվեարկել է բոլոր ընտրողների մեկ երրորդից էլ պակաս թվաքանակ, իսկ 2018-ի դեկտեմբերի ընտրությունների համեմատ նա կորցրել է ձայների մոտ 22%։ Համաձայն հետընտրական հարցման տվյալների, հարցվածների միայն 37%-ն Է հայտարարել, որ ընտրել է Փաշինյանի թիմին։ Այսինքն մնացյալ ձայները վատթարագույն դեպքում կեղծիք են, լավագույն դեպքում ՝ Նիկոլին կողմ քվեարկածների մոտ 16%-ը ամաչում է խոստովանել իր խայտառակ արարքը։
Այնպես որ, եթե անգամ ընտրություններն ինչ-որ բան ցույց տվեցին, ապա լոկ այն, թե ինչ անամոթաբար ու հմտորեն է կառավարում Նիկոլն ամբոխին և որքան արդյունավետ է օգտագործում իշխանական լծակները, առաջին հերթին՝ ուժային կառույցների ռեսուրսները։
ПОСЛЕДНИЕ ОТ АВТОРА
-
2024-04-26 10:12Трудно как-то комментировать, чем запомнился день 24 апреля 2024 года в Армении. День 109-й годовщины Геноцида армян. Обычно это день единения, когда люди молча отдают дань памяти жертвам Геноцида. На этот раз день запомнился атмосферой истерии, которую в очередной раз создала действующая власть. Собственно, эта атмосфера периодически сопровождает шаги власти, начиная с апреля 2018-го года…
-
2024-04-23 13:56Никол Пашинян дал интервью английским журналистам. Благодаря профессиональным вопросам английских коллег добавилось несколько новых штрихов к уже известному портрету манкурта.
-
2024-04-22 11:58Правительство Пашиняна официально обязалось передать в ближайшее время Азербайджану территории, требуемые Баку на севере Армении. Вооруженные силы Азербайджана без каких-либо усилий займут позиции, позволяющие им контролировать северные области Армении у армяно-грузинской границы. Эти решения "бастионом демократии" приняты, не считаясь с мнением жителей приграничных сел и всей Армении.
-
2024-04-18 10:06Кажется, видели уже все, но, выходит, нет. Выходит, нет предела мерзости нынешней власти.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-04-02 08:48Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…