Եվրոպայում գրիպի պատճառով 23 մլն թռչուն է ոչնչացվել
Եվրոպայի 28 երկրներում և նրա շրջակայքում գրիպի պատճառով 23 միլիոն թռչուն է ոչնչացվել։ Այս մասին հունվարի 17-ին News.am-ի թղթակցի հետ զրույցում ասաց Հայաստանի թռչնաբույծների միության նախագահ Սերգեյ Ստեփանյանը։
«Իրավիճակն այնքան ծանր է, որ ոչ ոք ոչ մեկին ոչինչ չի տալիս։ Ռուսաստանը մինչև ապրիլի 1-ը փակ է տոհմային թռչնաբուծության արտահանման համար։ Հանրապետության ողջ տարածքում (բացառությամբ կենտրոնական մասի) գրանցվել է թռչնագրիպ։ Բանն արդեն հասել է նրան, որ Ռուսաստանն ու Բելառուսը մեզ խնդրում են իրենց միս ու ձու վաճառել»,- նշեց նա։
Փորձագետը վստահեցրեց, որ մինչև 2021 թվականի վերջը Հայաստան է ներկրվել թռչունների մեծ գլխաքանակ, որը թույլ կտա մինչև Զատիկ բավարարել հավի և ձվի պահանջարկը։
«Բարեբախտաբար, Հայաստանում թռչնագրիպ չի գրանցվել, բայց ռիսկեր կան, քանի որ տարբեր վայրերից ներկրվում են ձու և ճտեր՝ գլխաքանակը համալրելու և բնակչությանը արտադրանքով ապահովելու համար։
Հայաստանում թռչնագրիպի տարածումից խուսափելու ամենահուսալի միջոցը տոհմային սեփական թռչնաբուծության զարգացումն է, որը կարող է ապահովել վերարտադրությունը (երեք տարին մեկ) մեզ մոտ։ Այս մասին մենք արդեն չորրորդ տարին ենք խոսում։ Սա թույլ կտար չներմուծել ինկուբացված ձու և ճտեր, ինչը անդրադառնում է նաև գնի վրա, իսկ թռչնագրիպի պայմաններում կարող է համաճարակաբանական ռիսկեր պարունակել։ Կառավարության օգնությունն է անհրաժեշտ։ Բոլորը զարմանում են, որ Հայաստանը մինչև հիմա սեփական տոհմային թռչնաբուծություն չունի»,- պարզաբանեց Ստեփանյանը։
Նա ասաց, որ 2021-ի նոյեմբերին թռչնամսի արտադրությունը հաջողվել է հասցնել 2020 թվականի ցուցանիշներին, մի քիչ հետ է մնում ձվի արտադրության ծավալը։
Հիշեցնենք, որ հունվարի 17-ից արգելված է կենդանի թռչունների (բոլոր տեսակի), թռչնաբուծական արտադրության բոլոր տեսակների, հումքի (փետուր, աղվամազ), ապրանքային և ինկուբատորային ձվի, կերի, կերային հավելումների (բացառությամբ սինթետիկ և քիմիական նյութեր պարունակող հավելումների) ներմուծումը Չեխիայի Ուստեցկի երկրամասից և Լեհաստանի Նիժնեսիլեզյան վոյևոդությունից։
ПОСЛЕДНИЕ ОТ АВТОРА
-
New2022-05-17 05:44114Министр труда Франции Элизабет Борн будет назначена новым премьером страны. Как передает Арменпресс со ссылкой на РИА новости, об этом сообщает телеканала BFMTV со ссылкой на источники.
-
New2022-05-17 05:40116Главы МИД ЕС не смогли согласовать шестой пакет санкций против России, страны союза продолжат дискуссии. Об этом заявил в понедельник глава европейской дипломатии Жозеп Боррель.
-
New2022-05-17 05:38132Мы продолжаем работать активно совместно в деле урегулирования и карабахской проблемы – уже в трёхстороннем формате, вместе с нашими партнёрами из Азербайджана. Об этом заявил президент РФ Владимир Путин в начале встречи с премьер-министром Армении Николом Пашиняном.
-
2022-05-16 21:05320Движение сопротивления завтра в 08:00 возобновит мирные акции неповиновения на всей территории столицы. Об этом в прямом эфире в Facebook заявил вице-спикер НС Ишхан Сагателян, сообщив, что члены движения перекроют улицы и парализуют движение.
