2022-01-25 17:29
Информагентства
«Հայաստան» խմբակցությունը երկու դիմում է ներկայացրել Սահմանադրական դատարան
Ազգային ժողովի «Հայաստան» խմբակցությունը երկու դիմում է ներկայացրել Սահմանադրական դատարան: Տեղեկությունը հայտնում է խմբակցության պատգամավոր Արամ Վարդևանյանը ֆեյսբուքյան իր էջում։
«Առաջինը վերաբերում է քրեական դատավարության օրենսգրքի 135-րդ հոդվածին՝ կալանավորման ինստիտուտին, «հիմնավոր կասկած» ձևակերպման որոշակիության խնդրին, ապացուցման շեմին, ԲԴԽ-ի կողմից դրա մեկնաբանման հանգամանքին: Նույն դիմումով վիճարկել ենք նաև կալանավորման հիմքերի վերացարկման անթույլատրելիության հարցը: Նշվածը կարող է նպաստել կալանավորման անընդունելի կիրառման պրակտիկայի զսպմանը»,-գրել է Վարդևանյանը:
Երկրորդ դիմումը վերաբերում է ԶԼՄ ոլորտին. վիճարկել են «Գնումների մասին» օրենքի ձևակերպումը, համաձայն որի` Հայաստանի Հանրապետության նախագահի, ԱԺ նախագահի և վարչապետի արարողակարգային, կեցության, սննդի ծախսերը համարվում են պետական գաղտնիք: Վարդևանյանը կարծում է, որ նշված կարգավորումը և դրա կիրառումը հատկապես վերջերս ապացուցում են, որ թվարկված պաշտոնատար անձինք դուրս են մնում հանրային վերահսկողությունից, ինչն անընդունելի է ժողովրդավարական հասարակությունում:
Բացի այդ, պատգամավորը հայտնում է, որ մշակվել են մի քանի օրենսդրական նախաձեռնություններ: Մասնավորապես, վարորդի համար հայտնի բալային համակարգի տուգանային միավորների վերացման նախագիծը: Վարդևանյանը վստահեցնում է, որ վիճակագրական տվյալները հիմնավորում են, որ նշված կարգավորումը ճանապարհային անվտանգության ոլորտում դրական ազդեցություն չի ունեցել: Ավելին՝ 2021 թվականի ընթացքում կայացվել են տուգանային միավոր նախատեսող 173 189 որոշում:
Սրան գումարած, աշխատանքներ են տարվում մեկ այլ նախագծի ուղղությամբ. խոսքը նվազագույն աշխատավարձի չափի և ՊՇՌ թեստերի վճարի անհամաչափ բեռի մասին է: Այս մասով պատգամավորը խոստանում է առաջիկայում հավելյալ տեղեկություն տրամադրել, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-07-16 05:09В первую очередь мы должны констатировать, что Азербайджану удалось создать международный консенсус по так называемому «Зангезурскому коридору». Об этом в беседе с Новости Армении – NEWS.am заявил научный сотрудник исследовательского центра «АПРИ Армения» востоковед Сергей МЕЛКОНЯН.
-
New2025-07-16 05:00Политическая сила бизнесмена Самвела Карапетяна может мобилизовать ту часть общества, которая разочарована как в действующей власти, так и в оппозиции. Об этом заявил в интервью Sputnik Армения политтехнолог Виген АКОПЯН.
-
2025-07-15 19:36Магазины Армении с 1 августа должны будут делать уточнения к цене, пересчитывая ее на килограммы или литры. Об этом заявил Sputnik Армения член Комиссии по конкуренции Армении Тигран Маркосян, комментируя изменения в законе "Об экономической конкуренции", которые вступают в силу с 1 августа.
-
2025-07-15 19:33Верховная Рада продлила на три месяца – до 5 ноября 2025 года – военное положение и мобилизацию в Украине.