Последние новости
2022-02-11 16:02

ԱՎԱՐՏՎԱԾ ՇԻՆԱՐԱՐՈՒԹՅՈՒՆ՝ ՍԱՀՄԱՆԱՊԱՀ ՊԱՌԱՎԱՔԱՐՈՒՄ

0
Telegram

Սահմանապահ Պառավաքարում զգոնությունը պարտադիր չափանիշ է. հակառակորդի սադրանքն ամեն պահի կարող է լինել: Երկար տարիներ այսպիսի հոգեվիճակում ապրող գյուղացիները հողի մշակ են ու նաև՝ զինվոր, սակայն չեն տրտնջում: Ամենօրյա աշխատանքով ու հաստատակամությամբ են դրսևորում հայրենասիրությունը, եթե անգամ այդ ամենը հեշտ չի տրվում: Սիրում են հայրենի գյուղն ու ամրանում: Այդպիսին է նաև Ղարաբաղցյանների առօրյան:

Մարատի ընտանիքն ապրել է բարդ ռելիեֆային պայմաններով տեղանքում կառուցված կիսանկուղային տանը: Անձրևներից հետո ջրի մեջ հայտնվող պատեր… տանիքի բացակայություն… խոնավության խոսուն հետևանքներ՝ առաստաղին ու տան գրեթե բոլոր անկյուններում… Խորհրդային տարիներին կառուցված, առանց կոմունալ հարմարությունների, ընդամենը 2 սենյակից բաղկացած նկուղային շինությունում երեք զավակ է մեծացել: Ընտանիքի հայրը 25 տարի առաջ նախաձեռնած շինարարությունն ավարտել է երկու ամիս առաջ՝ բնակարանաշինության ծրագիր իրականացնող գործընկերների աջակցությամբ:

Հոգսաշատ կյանքն արդեն հիշողություն է դարձել. տունը կառուցվել է, Ղարաբաղցյանները նկուղից տեղափոխվել են կառուցված տուն: Վիվա-ՄՏՍ-ն ու «Ֆուլեր տնաշինական կենտրոնը» հավատարիմ եմ մնացել սահմանին ապրող գյուղացու կողքին կանգնելու՝ իրենց արժեհամակարգին: Տարիների գործընկերները Պառավաքարում առաջին ծրագիրն իրականացրել են 2016 թվականին: Մինչև օրս, միայն Պառավաքարում լուծվել է 10 տան խնդիր:

«Սահմանին ապրողները հայրենասիրության իրական օրինակ են ցույց տալին: Ո՛չ դժվար կյանքը, ո՛չ իրական վտանգը չեն կոտրում հայի այդ տեսակը և չեն կարողանում կտրել արմատներից: Ձեր ամուր կամքն ուժ է փոխանցում բոլորիս՝ պարտավորեցնելով գնահատել ունեցածը, աշխատանքով նվիրվել երկրի զարգացմանն ու լինել միասնական: Ձեր կողքին լինելու՝ մեր պատրաստակամությունը ևս հաստատակամ է: Երբ բոլորս շատ համախմբված լինենք՝ խնդիրներն ավելի արագ կհաղթահարվեն»,- տեսազանգի ընթացքում ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:

«Վիվա-ՄՏՍ-ի հետ համագործակցության ընթացքում սահմանապահ և սահմանամերձ գյուղերը եղել և մնում են մեր ուշադրության կենտրոնում: Շատ կարևոր է ամուր թիկունք ունենալու զգացումը,  և մենք փորձում ենք այդ զգացողությունն ապահովել սահմանապահ ընտանիքների համար: Միայն Պառավաքար գյուղում տան շինարարությունն ավարտելու համար աջակցություն է ստացել տասը ընտանիք»,- ասել է «Ֆուլեր տնաշինական կենտրոնի» նախագահ Աշոտ Եղիազարյանը:

Ղարաբաղցյանների կրտսեր որդին՝ Կարենը, արդեն մեկ տարվա զինծառայող է: Բանակ է մեկնել, երբ դեռ շինարարությունը չէր սկսվել: Բնակարանամուտի բերկրանքն առայժմ վայելել է կարճատև արձակուրդի ընթացքում:

«Ընտանիքիս չորս տղամարդկանցից երեքը զինվորական են. կրտսերը՝ Կարենը, արդեն մեկ տարվա ծառայող է: Իր նոր ննջասենյակում գիշերել է արձակուրդի ընթացքում: Ամուսինս ու ավագ որդիս էլ ծառայում են պայմանագրային հիմունքներով: Իմ և իր երիտասարդ ընտանիքի կողքին մշտապես լինում է զավակներիցս միայն մեկը: Ի դեպ, նոր կառուցված տանն ամուսնացել է նաև մյուս տղաս: Այժմ ամեն ինչ այլ է. շուտով ևս երկու թոռնիկ լույս աշխարհ կգա ու տունն ավելի ջերմ կլինի»,- ասել է տանտիրուհին՝ Գայանե Ալավերդյանը:

Ղարաբաղցյանների տան շինարարությունը երկարաձգվել էր 44-օրյա պատերազմի պատճառով: Տղամարդիկ բառացիորեն նվիրվել են հայրենիքի պաշտպանության գործին՝ ընտանիքի բարօրությունն ապահովելու գործը փոքր-ինչ հետաձգելով: Այժմ ընտանիքը նոր երազանքներով է ապրում: Բնակարանաշինության ծրագիր իրականացնող կողմերը՝ Վիվա-ՄՏՍ-ը և «Ֆուլեր տնաշինական կենտրոնը» կարևոր են համարում ծրագրի ոչ միայն տեսանելի, այլև ընտանիքների վրա՝ դրա հոգեբանական ազդեցության արդյունքը:

Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։

«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է 86.5 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք http://www.mtsgsm.com։

Հայաստանի «Ֆուլեր Տնաշինական Կենտրոնը» բարեգործական հասարակական կազմակերպություն է, որն աջակցում է Հայաստանի և Արցախի հանրապետություններում ցածր եկամուտ ունեցող ընտանիքներին կառուցել և վերանորոգել պարզ, հարմարավետ և մատչելի տներ՝ տալով նրանց երկարաժամկետ, անտոկոս փոխառություններ, ինչպես նաև իրականացնում է տնազոhւրկների շահերի պաշտպանություն՝ դարձնելով այն խղճի հարց և գործելու մղում։ Ամենամսյա ետվճարներից կազմվում է շրջանառու ֆոնդ և օգտագործվում այլ ընտանիքներին աջակցելու նպատակով՝ այսպիսով դառնալով համայնքային զարգացման կայուն ֆինանսական հիմք։ Առ այսօր կազմակերպությունն աջակցել է մոտ 1300 ընտանիքների: Լրացուցիչ տեղեկությունների համար կարող եք այցելել՝ www.fcharmenia.org կամ գրել [email protected] էլ հասցեին:

Галерея (6 фото)

Основная тема:
Վիվա-ՄՏՍ

Теги:
Վիվա-ՄՏՍ

ПОСЛЕДНИЕ ОТ АВТОРА

  • Вартан ПОГОСЯН: «ВЛАДЫКА ВАЗГЕН, ПОСМОТРИТЕ, КАК ВАШЕ БЛАГОСЛОВЕНИЕ ПУСТИЛИ ПОД НОГИ И РАСТОПТАЛИ!»
    2025-06-04 10:38

    «Архиепископ Вазген Мирзаханян 27 апреля в Эстонии помолился с премьером Армении у алтаря, благословил его программы и похвалил за устремления в ЕС и мирную повестку, – пишет на своей странице в Фейсбук иподиакон Армянской Апостольской Церкви Вартан Погосян.

  • В ФИОЛЕТОВО ПОСТРОЯТ ДЕТСАД
    2025-06-03 11:16

    В селе Фиолетово Республики Армения прошла торжественная церемония закладки фундамента детского сада для общины молокан. Строительство детского сада проходит в рамках проекта "Россия с вами", который рассказывает иностранным гражданам о деятельности РФ в сфере содействия международному развитию.

  • ДЕНЬ ДЕТСТВА В ДОМЕ МОСКВЫ
    2025-06-02 10:03

    Как спроектировать город будущего? Что такое техника граттаж? И можно ли из простых фруктов приготовить десерт, достойный праздничного стола? Ответы на эти и другие вопросы дети искали не в учебниках или в интернете, а в мастерских, развернувшихся на площадках Дома Москвы в Ереване. Яркая и разноплановая программа под названием «Счастливый день детства» объединила ребят из столичных школ Армении, их педагогов, родителей, а также гостей из России.   Мероприятие, приуроченное ко Дню защиты детей, было организовано Правительством Москвы, Департаментом внешнеэкономических и международных связей города Москвы, Московским домом соотечественника и Домом Москвы в Ереване.

  • Армен ОВАСАПЯН: ФАКТИЧЕСКИ НИКОЛ ДЕЙСТВИТЕЛЬНО ВООБРАЖАЕТ СЕБЯ ПЕРЕВОПЛОЩЕНИЕМ ЦАРЯ ПАПА
    2025-06-02 09:47

    Пример царя Папа, о котором периодически вспоминает Пашинян, для Никола не просто случайное имя, это программный прототип, написал на своей странице в ФБ член Совета РПА Армен Овасапян. Он убежден, что если ко всему, что говорит и делает в последнее время Пашинян, добавить, что «царь Пап также обслуживал интересы «извне» и был «внедрен» для разрушения государства (что он и сделал), то Никол полностью укладывается в логику страдания одержимостью этим персонажем». Публикацию полностью приводим ниже.

ПОСЛЕДНЕЕ ПО ТЕМЕ