2022-02-25 09:29
Информагентства
Ռուսաստանի դեմ նոր զանգվածային պատժամիջոցներ կկիրառվեն
ԱՄՆ նախագահ Ջո Բայդենը Ուկրաինայի շուրջ ստեղծված իրավիճակի վերաբերյալ մեղադրել է Ռուսաստանին, որն իբր մերժել է ԱՄՆ բոլոր փորձերը՝ փարատելու անվտանգության վերաբերյալ իր մտահոգությունները։
Ամերիկացի առաջնորդը միաժամանակ հայտարարել է, որ հրամայել է նոր պատժամիջոցներ և արտահանման սահմանափակումներ մտցնել Ռուսաստանի դեմ։
Մասնավորապես, ԱՄՆ-ը և դաշնակիցները մտադիր են 50%-ով սահմանափակել բարձր տեխնոլոգիական արտադրանքի ներմուծումը Ռուսաստանից, Վաշինգտոնը պատժամիջոցներ է սահմանում Ռուսաստանի խոշորագույն բանկերի դեմ, ԱՄՆ-ի նոր պատժամիջոցները վերաբերում են նաև ՎՏԲ-ին։ ԱՄՆ նախագահի խոսքով՝ Վաշինգտոնը կսահմանափակի Ռուսաստանի առևտրի հնարավորությունը դոլարով, ֆունտով և իենով։
Պատժամիջոցները կազդեն ռուսական խոշորագույն պետական ընկերությունների պարտատոմսերի, ինչպես նաև ռուսական տիեզերական ծրագրի վրա։
Փետրվարի 24-ին, վաղ առավոտյան Ռուսաստանի նախագահ Վլադիմիր Պուտինը հայտարարել է, որ որոշում է կայացրել Ուկրաինայի նկատմամբ հատուկ ռազմական գործողության մասին: Ռուսաստանցիներին ուղղված հեռուստաուղերձում նա հայտարարել է, որ հանգամանքները պահանջում են վճռական և անհապաղ գործողություններ, Դոնբասի Ժողովրդական Հանրապետությունը դիմել է Ռուսաստանին` օգնության խնդրանքով:
Ռուսաստանի նախագահի խոսքով՝ արյունահեղության ողջ պատասխանատվությունը կրելու է Ուկրաինայում իշխող ռեժիմը: Նա կոչ է արել ուկրաինացի զինվորականներին չկատարել ուկրաինական իշխանությունների հանցավոր հրամանները, վայր դնել զենքը և գնալ տուն:
Ավելի ուշ ՌԴ ՊՆ-ն ընդգծել է, որ Ռուսաստանի Զինված ուժերը ոչ մի հրթիռային, ավիացիոն կամ հրետանային հարվածներ չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան: Նախարարությունում վստահեցրել են, որ քաղաքացիական բնակչությանը ոչինչ չի սպառնում, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-09 11:17Католикос Всех армян Гарегин II отправился в Объединенные Арабские Эмираты, сообщает канцелярия Первопрестольного Эчмиадзина.
-
New2025-06-09 11:15Во время инсценированного судебного процесса (над пленным руководством Нагорно-Карабахской Республики) в Азербайджане произошел примечательный эпизод с участием Давида Ишханяна. Об этом на своей странице в Facebook написал секретарь фракции НС «Честь имею» Тигран Абрамян.
-
New2025-06-09 11:15Известная шведская активистка в области экологии Грета Тунберг выступила с обвинениями против властей Израиля, утверждая, что была похищена. Заявление было сделано в видеоролике, опубликованном организацией «Флотилия свободы» (The Freedom Flotilla Coalition) в социальной сети X.
-
New2025-06-09 11:13Губернаторы-демократы 22 американских штатов подвергли критике решение президента США Дональда Трампа направить бойцов Национальной гвардии Калифорнии для подавления протестов в Лос-Анджелесе.