2022-07-26 08:38
Рубен МАРГАРЯН
ՈՐՏԵ՞Ղ ԿԴԻՄԱՎՈՐԻ ՍԵՊՏԵՄԲԵՐԻ 2-Ը «ԴԻՄԱԴՐՈՒԹՅՈՒՆ» ՇԱՐԺՈՒՄԸ
Սեպտեմբերի 2-ին Ստեփանակերտում տեղի կունենան հանրապետության հռչակման 31-րդ տարեդարձին նվիրված միջոցառումներ: Եվ չնայած այդ օրվան դեռ մեկ ամսից ավելի ժամանակ կա, Արցախի խորհրդարանի նախագահ Արթուր Թովմասյանն արդեն ուղերձ է հղել Հայաստանի խորհրդարանականներին՝ հրավիրելով նրանց Արցախ, միաժամանակ նաև ողջունելով «Հայաստանի ԱԺ ընդդիմադիր խմբակցությունների՝ սեպտեմբերին խորհրդարան վերադառնալու և պատգամավորական աշխատանքը շարունակելու որոշումը»։
«Տարածաշրջանում տեվական խաղաղության ճանապարհը հարթ չէ, բայց համոզված եմ, որ ՀՀ և ԱՀ խորհրդարանները առանձին աշխատելով չեն կարողանա հաղթահարել օրեցօր ավելացող խոչընդոտները, միայն միասնաբար գործելով հաջողություն կարձանագրենք։ Հայաստանի Հանրապետության Ազգային Ժողովի բոլոր խմբակցություններին սեպտեմբերի 2-ին հրավիրում եմ Արցախ՝ Հանրապետության հռչակման 31-րդ տարեդարձին նվիրված տոնական միջոցառումներին մասնակցելու համար»,- ասված Է Արթուր Թովմասյանի ուղերձում:
Հասկանալի է, որ այդ ուղերձն արդեն հիստերիա է առաջացրել Ադրբեջանում։ Առայժմ ոչ պաշտոնական մակարդակով, բայց շուտով, կարծում ենք, կհաջորդի նաև պաշտոնական արձագանքը։ Հետաքրքիր է, ինչպե՞ս կարձագանքի դրան Հայաստանում իշխանավարող Փաշինյանի թիմը։
Սակայն, ոչ պակաս, եթե ոչ ավելի հետաքրքիր է, թե ինչպես կարձագանքի Արթուր Թովմասյանի ուղերձին ընդդիմությունը։ Քանզի հիմքեր կան ենթադրելու, որ Լեռնային Ղարաբաղի խորհրդարանի խոսնակի կողմից Հայաստանի խորհրդարանականներին, իսկ փաստորեն՝ խորհրդարանական ընդդիմությանը, իսկ եթե ավելի կոնկրետ՝ «Դիմադրություն» շարժմանը հղված ուղերձի գաղափարը ծնվել և տեքստային արտահայտություն է ստացել Նիկոլ Փաշինյանի աշխատակազմում. այն կառույցում, որի թելադրանքով են գործում ընդդիմության վարկաբեկման նպատակով ծավալված արշավի բոլոր բազմաթիվ մասնակիցները։
Հիշեցնենք, որ հենց խորհրդարանական ընդդիմությունն էր, որ «Դիմադրություն» շարժման ձևաչափով բազմահազարանոց հանրահավաքներ կազմակերպեց Երևանում ինչպես ապրիլի 24-ին՝ Հայոց ցեղասպանության զոհերի հիշատակի օրը, այնպես էլ մայիսի 28-ին՝ 1918 թվականին Հայաստանի Առաջին Հանրապետության հռչակման օրը: Եթե սրան հավելենք, որ ընդդիմության վերջին բոլոր ակցիաները կազմակերպվել են Արցախի վերածննդի կարգախոսների ներքո և այդ նպատակով Փաշինյանի կառավարության հրաժարականի պահանջով, ապա հեշտությամբ կարելի է ենթադրել, որ հենց ընդդիմությունը պիտի իր վրա վերցնի նաև սեպտեմբերի 2-ին Երևանում է՛լ ավելի մեծ համազգային հանրահավաքի կազմակերպումը՝ ի պաշտպանություն Արցախի անկախության գաղափարի։ Եվ դրանով իսկ ընդդիմությունը մեկնարկ կտա Փաշինյանի հրաժարականի պահանջով զանգվածային հանրահավաքների նոր ալիքի, զուգահեռաբար գործարկելով վարչապետի իմպիչմենտի գործընթացը հանրապետության խորհրդարանում։ Ինչի համար էլ, ըստ էության, ընդդիմադիր խմբակցությունների պատգամավորները մտադիր են մասնակցել խորհրդարանի աշնանային նստաշրջանին՝ համաձայն իրենց իսկ վերջին հայտարարությունների։
Մինչդեռ Թովմասյանը, թեկուզև ոչ ուղղակիորեն, բայց փաստացի առաջարկում է ընդդիմությանը ավելի զուսպ լինել այս անգամ, մասնակցել Արցախում կազմակերպվող միջոցառումներին և շարունակել «պատգամավորական աշխատանքը» խորհրդարանում։ Բայց Արցախի խորհրդարանի խոսնակը չի կոնկրետացնում մի կարևոր «հանգամանք», որից էլ, կարծում ենք, կախված կլինի ընդդիմադիրների վերջնական պատասխանը նրա հրավերին. ի՞նչ է նկատի առնվում «տոնական միջոցառումներ» հասկացության տակ։
Բազմահազարանոց հանրահավա՞ք, ինչպիսին տեղի ունեցավ Ստեփանակերտում մայիսի 28-ին՝ երևանյան հանրահավաքի հետ միաժամանակ, և որը նույնպես ուներ ընդգծված հակափաշինյանական բնույթ։ Թե՞ հանդիսավոր հավաքույթ խորհրդարանում՝ «ուրախ առիթով»։
Եթե մեր ենթադրությունները ճիշտ են, և Թովմասյանի ուղերձն իսկապես գրված է Փաշինյանի աշխատակազմում, ուրեմն այնտեղ շատ լուրջ մտավախություն ունեն, որ Լեռնային Ղարաբաղի անկախության հռչակման օրը կարող է մեկնարկ տալ Փաշինյանի հրաժարականի համար ընդդիմության պայքարի վճռական և հաղթական փուլին։ Եվ այդժամ սեպտեմբերի 2-ը կարող է դառնալ կրկնակի խորհրդանշական օր։
ПОСЛЕДНИЕ ОТ АВТОРА
-
2025-06-14 09:55Начинал Дональд Трамп бодро. С энтузиазмом, пожалуй, не уступающим энтузиазму Пашиняна в 2018-ом. На этой волне Трампу даже удалось на некоторое время прекратить огонь в Газе и наладить определенный американо-российский диалог, но к конкретным позитивным результатам по деэскалации в конфликтных регионах это пока не привело. Более того, видим, что многие планы Трампа не только не реализованы, но в определенной степени привели к эскалации ситуации.
-
2025-06-13 10:06Никол Пашинян опубликовал очередной текст с очередными обвинениями в адрес руководства Армянской Апостольской Церкви. Текст примечателен, там надо только адресата поменять. Все обвинения гораздо более применимы в отношении правящей команды. Не особо мудрствуя, Пашинян переписал в адрес Католикоса известные обвинения в свой адрес.
-
2025-06-12 09:25Наверное, многие сегодня в команде Пашиняна пусть и не говорят об этом вслух, но думают: «Пашинян, а оно тебе было надо?». Имея в виду развязанную премьером кампанию против церкви. Именно против Церкви, а не отдельных церковников, которые, дескать, нарушили обет безбрачия и тем самым вызвали гнев главного, оказывается, хранителя моральных норм республики - Никола Воваевича Пашиняна. Собственно, и сам Пашинян не скрывает, что главная цель - поставить церковь под контроль государства, то есть, самого Пашиняна.
-
2025-06-11 09:19Шаги Никола Пашиняна, направленные на раскол армянской церкви, в частности, на раскол армянского общества в целом, продолжаются. Сегодня он уже заявляет о начале процесса создания «координационной группы», которая должна «предпринять активные шаги по освобождению Первопрестольного Святого Эчмиадзина и организации новых выборов Католикоса». Причем членов руководства этого неконституционного органа, некоего подобия руководства отрядов хунвейбинов, созданных Мао для «культурной революции», будет отбирать сам Пашинян. Правда, пока не ясно, предоставит ли Пашинян новым хунвейбинам полномочия на проверку выполнения священнослужителями обета безбрачия, или будет этим заниматься самолично.