ՎԻՎԱ-ՄՏՍ-Ն ԱՌԱՋԱՐԿՈՒՄ Է ԼԱՎԱԳՈՒՅՆ ՍԱԿԱԳԻՆ. 7 Դ/ՄԲ՝ ՎՐԱՍՏԱՆՈՒՄ, ԵԳԻՊՏՈՍՈՒՄ, ԱՄԷ-ՈՒՄ ԵՎ 50 ԱՅԼ ԵՐԿՐՈՒՄ ՌՈՈՒՄԻՆԳՈՒՄ ԳՏՆՎԵԼԻՍ

Վրաստան, Եգիպտոս, ԱՄԷ և 50 այլ երկիր այցելող բաժանորդները կկարողանան օգտվել Վիվա-ՄՏՍ-ի առաջարկած 7 Դ/ՄԲ լավագույն սակագնից` ըստ մեգաբայթերի սպառման, նախկին 9 Դ/ՄԲ սակագնի փոխարեն:

Սակագինը վերաբերում է թե՛ հետվճարային, թե՛ կանխավճարային բաժանորդներին:

Ստորև ներկայացված է այն երկրների ցանկը, որտեղ է 2022թ. նոյեմբերի 22-ից մինչև 2023թ. հունվարի 31-ը (ներառյալ) կկիրառվի 7 Դ/ՄԲ սակագինը.

Վրաստան, Եգիպտոս, Արաբական Միացյալ Էմիրություններ, ինչպես նաև Ալբանիա, Ավստրիա, Բելառուս, Բելգիա, Բուլղարիա, Կանադա, Չինաստան, Խորվաթիա, Կիպրոս, Չեխիա, Դանիա, Էստոնիա, Ֆինլանդիա, Ֆրանսիա, Գերմանիա, Գանա, Հունաստան, Հունգարիա, Իրան, Իռլանդիա, Իսրայել, Իտալիա, Ճապոնիա, Ղազախստան, Լատվիա, Լիտվա, Լյուքսեմբուրգ, Մալթա, Չեռնոգորիա, Նիդեռլանդներ, Նոր Զելանդիա, Նորվեգիայ, Լեհաստան, Պորտուգալիա, Ռումինիա, Ռեյունյոն, Սերբիա, Սլովակիա, Սլովենիա, Հարավաֆրիկյան Հանրապետություն, Հարավային Կորեա, Իսպանիա, Շվեդիա, Շվեյցարիա, Տաջիկստան, Թուրքիա, Միացյալ Թագավարություն, Ուկրաինա, ԱՄՆ և Ուզբեկստան:

Ռոումինգ ծառայությունը պետք ակտիվացնել նախքան մեկնելը:

Մանրամասն տեղեկություններ ստանալու համար կարելի է օգտվել www.mts.am կայքից, զանգահարել 111 անվճար հեռախոսահամարով, հաղորդակցվել «111 օնլայն» պորտալի միջոցով, կամ այցելել Վիվա-ՄՏՍ-ի սպասարկման կենտրոններից որևէ մեկը: Վիվա-ՄՏՍ-ի վերաբերյալ նորություններին մշտապես ծանոթ լինելու համար միացեք ընկերության Ֆեյսբուքյան էջին` https://www.facebook.com/MTSArmenia/

Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։

«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է ավելի քան 88 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։