Последние новости

Ուկրաինան հայտարարել է Բելառուսում С-300 հրթիռի անկման հետաքննությանը մասնակցելու պատրաստակամության մասին

Ուկրաինայի պաշտպանության նախարարությունը հայտարարել է Բելառուսում С-300 հրթիռի անկման հետ կապված միջադեպի հետաքննությանը մասնակցելու պատրաստակամության մասին, հայտնում է ՈՒՆԻԱՆ-ը։

«Ուկրաինական կողմը, սեփական երկնքի պաշտպանության և պահպանության անպայման իրավունք վերապահելով իրեն, միաժամանակ, պատրաստ է Ուկրաինայում օբյեկտիվ հետաքննել միջադեպը, որը տեղի է ունեցել դեկտեմբերի 29-ին Բելառուսի երկնքում՝ ՌԴ-ի կողմից զանգվածային հրթիռային հարձակման հետևանքով։ Ուկրաինան պատրաստ է հրավիրել հեղինակավոր փորձագետների այն պետություններից, որոնք կապված չեն Ռուսաստանի որևէ ձևով աջակցության հետ»,- ասվում է Ուկրաինայի պաշտպանության նախարարության մեկնաբանության մեջ:

Ավելի վաղ Բելառուսի պաշտպանության նախարարությունը հայտարարել էր Բրեստի շրջանի Իվանովո քաղաքի մոտ С-300 հրթիռի անկման մասին։

BelTA-ի փոխանցմամբ՝ ժամը 10:00-11:00-ն ընկած ժամանակահատվածում Բելառուսի տարածքում գրանցվել է ուկրաինական С-300 հրթիռի անկում։ Դեպքի մասին անմիջապես տեղեկացվել է հանրապետության նախագահ Ալեքսանդր Լուկաշենկոն։ Գործակալության տվյալներով՝ քննարկվում է տեղի ունեցածի երկու վարկած՝ Բելառուսի տարածքում հրթիռի հայտնվելը, որը նման է վերջերս Լեհաստանում տեղի ունեցած միջադեպին, և այն, որ հրթիռը խոցվել է հանրապետության հակաօդային պաշտպանության համակարգի կողմից։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ