Последние новости

ՀՀ ՆԱԽԱԳԱՀԸ «ՌՈՒՍԱԿԱՆ ԵՐԿԱԹՈՒՂԻՆԵՐ» ԵՎ ՀԿԵ ԸՆԿԵՐՈՒԹՅՈՒՆՆԵՐԻ ՂԵԿԱՎԱՐՆԵՐԻՆ ՊԱՐԳԵՎԱՏՐԵԼ Է ԵՐԱԽՏԱԳԻՏՈՒԹՅԱՆ ՄԵԴԱԼՈՎ

Հանրապետության նախագահ Վահագն Խաչատուրյանի հրամանագրով «Ռուսական երկաթուղիներ» ԲԲԸ գլխավոր տնօրեն - խորհրդի նախագահ Օլեգ Բելոզյորովը և «Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովը պարգևատրվել են Երախտագիտության մեդալներով։

Ինչպես նշված է նախագահի հրամանագրում, մեդալները շնորհվել են «հայ-ռուսական բարեկամական կապերի ամրապնդման և 2024 թվականի մայիսին Հայաստանի հյուսիսում տեղի ունեցած ավերիչ ջրհեղեղի հետևանքների վերացման գործում նշանակալի ավանդի համար»։

Երախտագիտության մեդալը շնորհվում է պետական, տնտեսական, սոցիալական, գիտակրթական, հասարակական ոլորտներում ծավալած գործունեության, առողջապահության, կրթության, մշակույթի ոլորտների զարգացման գործում անձնական մեծ ավանդի, երկարամյա նվիրված և արդյունավետ աշխատանքի համար:

2024 թվականի մայիսի 25-ին երկարատև տեղումների հետևանքով, որին հաջորդել է Դեբեդ գետի վարարումը, տեղի է ունեցել բնակավայրերի ջրածածկում, ինչպես նաև վնասվել են ավտոճանապարհային և երկաթուղային ենթակառուցվածքները, այդ թվում ՝ 1800 մ գծային ճանապարհ, կոնտակտային ցանցի 45 հենասյուներ, մի շարք քարշային ենթակայանների էլեկտրամատակարարման խափանում, երկաթուղային ավտոմատացման միջոցների վնասում։ Սահմանափակ ժամանակահատվածում իրականացվել է հսկայական քանակությամբ հողային աշխատանքներ, վերականգնվել են երկաթուղային գծի կիլոմետրեր, կոնտակտային ցանցերը, կապի համակարգերը և քարշային ենթակայանները։ Մինչև երթևեկության վերականգնումը ստեղծվել է առաջնահերթ բեռները Հայաստան հասցնելու ժամանակավոր սխեմա։ «Ռուսական երկաթուղիներ» և ՀԿԵ ընկերությունները ավելի քան 800 մլն դրամ են հատկացրել ավերիչ աղետի հետևանքները վերացնելու համար։

Основная тема:
Теги:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ԲԱԽՈՒՄ ԴԺԲԱԽՏ ԵԼՔՈՎ
    2025-03-06 09:00

    Մարտի 5-ին ժամը 19:30-ի սահմաններում «Հարավկովկասյան երկաթուղի» ընկերության Երևան-Երասխ երթուղով ընթացող մերձքաղաքային էլեկտրագնացքը բախվել է մարդատար մեքենայի:

  • ԶԵՂՉԵՐ ԵՐԵՎԱՆ-ԹԲԻԼԻՍԻ-ԵՐԵՎԱՆ ՄԻՋԱԶԳԱՅԻՆ ԳՆԱՑՔԻ ՀԱՄԱՐ
    2025-02-14 12:28

    «Հարավկովկասյան երկաթուղի» ընկերությունը հայտարարում է գարնանային զեղչեր Երևան-Թբիլիսի-Երևան միջազգային գնացքի տոմսերի ձեռքբերման համար: Մասնավորապես, փետրվարի 22-ից կգործեն 25% զեղչեր գնացքի բոլոր կատեգորիաների տոմսերի համար՝ պլացկարտ, կուպե, ՍՎ։

  • ՀԱՅԱՍՏԱՆԻ ԵՎ ՎՐԱՍՏԱՆԻ ԵՐԿԱԹՈՒՂԱՅԻՆՆԵՐԸ ՀԱՄԱՁԱՅՆԵՑՐԵԼ ԵՆ 2025 ԹՎԱԿԱՆԻ ՀԱՄԱՏԵՂ ԾՐԱԳՐԵՐԸ
    2024-12-17 11:19

    «Հարավկովկասյան երկաթուղի» և «Վրացական երկաթուղի» ընկերություններն ամփոփեցին 2024 թվականի համագործակցության արդյունքները և նախանշեցին հաջորդ՝ 2025 թվականի ծրագրերը։ Երկու ընկերությունների պատվիրակությունների և ղեկավարների՝ Ալեքսեյ Մելնիկովի և Դավիթ Փերաձեի մասնակցությամբ համապատասխան հանդիպումը տեղի ունեցավ դեկտեմբերի 16-ին Թբիլիսիում:

  • ԲԱԽՎԵԼ Է ՄԱՐԴԱՏԱՐ ԷԼԵԿՏՐԱԳՆԱՑՔԻՆ
    2024-12-02 08:50

    Նոյեմբերի 30-ն 19:30-ի սահմաններում «Հարավկովկասյան երկաթուղի» ընկերության Մասիս-Արտաշատ վազուրդում «Միցուբիշի» մակնիշի ավտոմեքենան, անտեսելով երթևեկության կանոնները, հայտնվել է երկաթգծի ինքնակարգավորվող անցումի վրա և բախվել է Երևան-Երասխ միջքաղաքային էլեկտրագնացքին: