2025-05-07 08:22
Рубен МАРГАРЯН
«ԿՐԹՈՒՄ»՝ ՆԻԿՈԼԱՎԱՐԻ
Ա՛խ այդ համաշխարհային ցանցը: Ամեն ինչ հիշում է, ամեն ինչ: Եվ հիշեցնում:
«Անցել է ավելի քան մեկ դար, բայց չեն վերացվել Ցեղասպանության հետևանքները։ Մինչ այժմ Թուրքիան զղջման խոսքեր չի ասել արածի համար, ներողություն չի խնդրել։ Դա է պատճառը, որ մենք այսօր հայտարարում ենք. «Հիշում ենք և պահանջում»։
Ո՞Վ Է ԱՅՍ ՀԱՅՏԱՐԱՐՈՒԹՅԱՆ ՀԵՂԻՆԱԿԸ: ՀԱՎԱՆԱԲԱՐ ՈՐՈՇ ԸՆԹԵՐՑՈՂՆԵՐ ԿԶԱՐՄԱՆԱՆ, բայց հեղինակը Նիկոլ Վովայի Փաշինյանն է: Ճիշտ է, ոչ ներկայիս Փաշինյանը, այլ «նախկինը»։ Այս հայտարարությունն արվել է 2020թ. ապրիլի 24-ին։ Այն ժամանակ, երբ նա անկեղծորեն հավատում էր իր մեծ նախանշանակությանը։ Թե ինքը երկրորդ Մեսիան է, որ իջել է Հայոց աշխարհ... Եվ պարտավոր է, ոչ մեկից չվախենալով, շրխկացնել ճշմարտությունը բոլորի ճակատին, քանզի ծովը «սիրո և համերաշխության ոչ բռնի, թավշե հեղափոխության» առաջնորդի ծնկից է:
«100 տարի անց Թուրքիան վերադարձել է տարածաշրջան՝ շարունակելու իր ցեղասպան քաղաքականությունը»։
Այս հայտարարության հեղինակն էլ նույն Նիկոլ Վովայի Փաշինյանն է։ Այն արվել է մեկ տարի անց՝ 2021 թվականի մայիսի 10-ին։ Հանրապետության խորհրդարանի արտահերթ ընտրություններից մեկ ամիս առաջ, Փաշինյանի տանուլ տված 44-օրյա պատերազմից հետո։ Այն օրերին Նիկոլ հասկանում էր, թե ինչ է պետք է ասել ընտրողին, որպեսզի հնարավորություն ստանա կրկին բազմել վարչապետի աթոռին, որպեսզի իրեն չհամարեն ու չանվանեն ազգային շահերի դավաճան։
«Մեր պաշտոնական դիրքորոշումն է, որ Հայոց ցեղասպանության միջազգային ճանաչումը մեր արտաքին քաղաքականության առաջնահերթությունների մեջ չի մտնում»: «Մենք պետք է դիտարկենք նաև Ցեղասպանության պատմության հարցը, պետք է հասկանանք՝ լավ, ի՞նչ է տեղի ունեցել և ինչո՞ւ է տեղի ունեցել։ Եվ ինչպե՞ս ենք մենք դա ընկալել, ո՞ւմ միջոցով ենք ընկալել»։
Իսկ այս երկու հայտարարություններն արդեն մեր օրերի Նիկոլինն են։ «Փիլիսոփա» Նիկոլինը, որը ոչինչ չի պահանջում, այլ միայն հարցեր է տալիս՝ «ի՞նչ է տեղի ունեցել», «ինչպե՞ս է տեղի ունեցել» և ո՞ւմ միջոցով ենք մենք ընկալում տեղի ունեցածն այնպես, ինչպես ընկալում ենք... Քանզի այսօր նախկին «հերոս» Փաշինյանին մտահոգում է լոկ այն հարցը, թե ինչպես անել, որ Անկարան բացի սահմանը, որպեսզի այդ իրադարձությունը հնարավոր լինի վաճառել ընտրողին իբրև Փաշինյանի արտաքին քաղաքականության հաղթանակ…
Ո՞րն է նման կերպափոխման պատճառը: Այն, որ ըստ Փաշինյանի՝ միայն Անկարայի և Բաքվի բարյացակամ վերաբերմունքի շնորհիվ կարելի է փորձել փոխարկել Արցախի ողբերգությունը հաջողության և այդպիսով պահպանել իշխանությունը։ Ուստի մեղք չէ նաև Էրդողանի գրած գրքույկը գորովանքով կրծքին սեղմելը։ Այն մարդու գրքույկը, որը, իր իսկ նախկին հայտարարությունների համաձայն, վերադարձրել է Թուրքիային տարածաշրջան՝ շարունակելու ցեղասպան քաղաքականությունը…
Այսօր Նիկոլն ու Աննան ակտիվորեն հանդիպումներ են անցկացնում պոտենցիալ ընտրողների հետ։ «Կրթությունը նորաձև է» սոուսի տակ: Բայց այդպես սուսուփուս անցկացնում են։ Այդ հանդիպումներից ուղիղ ռեպորտաժներ չկան, ինչպես որ մոռացության գիրկն անցան Փաշինյան զույգի փոդքասթները։
Այսօր Նիկոլը վախենում է իր «կրթական» հանդիպումների ուղիղ եթերներից։ Վախենում է, որ ուղիղ հեռարձակումների դեպքում ուղեղների լվացումն անարդյունավետ կլինի, ընտանեկան զույգին կրկին ու կրկին կբռնացնեն հակասությունների մեջ։ Ու բոլորի համար ակնհայտ կդառնա, որ Նիկոլից ու Աննայից կարելի է շատ լավ սովորել միայն մեկ բան. ինչպես հանուն սեփական շահերի ստել ու խեղաթյուրել փաստերը։
ПОСЛЕДНИЕ ОТ АВТОРА
-
2025-05-08 10:30Хокку Идея есть. Импичмента нет. Хочется плакать.
-
2025-05-07 14:03О знаковости выборов градоначальника Гюмри говорилось неоднократно. И в этом контексте речь шла не только о том, представители каких политических сил возьмут на себя бразды правления вторым городом республики. Не менее, если не более важным было то, что в преддверии республиканских выборов (очередных в 2026-м году или внеочередных в текущем) результаты, показанные политическими силами в Гюмри, в целом будут отражать общую картину общественных настроений. Иначе говоря, имелось в виду, что результаты предстоящих республиканских выборов немногим будут отличаться от результатов выборов в Гюмри.
-
2025-05-06 09:53
Ох уж эта всемирная паутина. Все помнит, все. И напоминает. «Прошло более века, но не устранены последствия Геноцида. До сегодняшнего дня Турция не выразила никакого сожаления о содеянном, извинения не принесла. В этом причина, по которой мы сегодня заявляем: «Помним и требуем!».
-
2025-05-06 09:34Мирный процесс по Украине идет по принципу «Шаг вперед - шаг назад». С одной стороны, сообщения о согласии Киева на замораживание конфликта и запуск 30-дневного перемирия при условии фактического, но не юридического признания Киевом контроля России над занятыми территориями. При этом США готовы признать Крым частью России де-юре, а другие территории - де-факто.