Последние новости
2019-03-04 14:58
0
785

Արփինե Հովհաննիսյանը հրապարակել է «շոկային» փաստաթուղթ 10 հազար քաղաքացիներին կրճատելու կառավարության հիմնավորումների մասին

Поделиться
0

Ազգային ժողովի նախկին փոխնախագահ, Հանրապետական կուսակցության նախկին անդամ Արփինե Հովհաննիսյանը իր ֆեյսբուքյան էջում հրապարակել է ՀՀ փոխվարչապետ Մհեր Գրիգորյանի և Ֆինանսների նախարար Ատոմ Ջանջուղազյանի՝ վարչապետ Նիկոլ Փաշինյանին ուղղված գրությունը՝ պետական համակարգում աշխատող 10 հազար քաղաքացիների կրճատման հիմնավորումների մասին։ Հովհաննիսյանն այն համարել է շոկային։

«Հարգելի քաղաքացիներ,

Հրապարակում եմ ՀՀ փոխվարչապետ Մհեր Գրիգորյանի եւ ֆինանսների նախարար Ատոմ Ջանջուղազյանի՝ վարչապետ Նիկոլ Փաշինյանին ուղղված գրությունը, որոնցով ներկայացվում է պետական ծառայողների օպիտիմալացման ընթացիկ վիճակը։ Այնքան շոկային էր, որ սկզբում չէի հավատում, որ սա կարող է իրականություն լինել։ Ինչպես ասում են` գրությունը մեկ անգամ ամբողջովին կարդալն է ճիշտ։ Կարծում եմ այս երկու մեջբերումները արտահայտում են «հպարտ քաղաքացիներին անմնացորդ ծառայող» Կառավարության ողջ էությունը.

«…Անգամ, եթե մոտ 10 հազար ՀԱՎԵԼՅԱԼ ԱՐԴՅՈՒՆՔ ՉՍՏԵՂԾՈՂ հանրային ծառայողներ ԴԱՌՆԱՆ ԳՈՐԾԱԶՈՒՐԿ (ՏՈՒԺՎԵՆ), ԱՊԱ ԴՐԱՆԻՑ ՇԱՀԵԼՈՒ Է ՀԱՅՈՑ ՊԵՏԱԿԱՆՈՒԹՅՈՒՆԸ եւ ողջ հասարակությունը՝ շուրջ 3 միլիոն ՀՀ քաղաքացի

…10 օրվա ընթացքում ՀՀ վարչապետին ներկայացնել գործողությունների համալիր եւ սպառիչ ծրագիր՝ ԱՌԱՆՑ ԿԱՇԿԱՆԴՎԵԼՈՒ ԳՈՐԾՈՂ ԻՐԱՎԱԿԱՆ ԿԱՐԳԱՎՈՐՈՒՄՆԵՐՈՎ։»։

Այս մեջբերումները առաջացնում են առնվազն հետեւյալ հարցերը.

• Արդյոք Նիկոլ Փաշինյանի և ողջ Կառավարությա՞ն, թե՞ միայն դրա որոշ անդամների դիրքորոշումն է, որ 10 հազար հավելյալ արդյունք չստեղծող հանրային ծառայողներն են, որոնց պատճառով մսխվում է կամ որոնք մսխում են բազմաչարչար պետական գանձարանը։

• Ի՞նչ հավելյալ արդյունք են ստեղծել, օրինակ այն 88 պատգամավորները, որոնք այնտեղ են հայտնվել այս քաղաքացիների շնորհիվ նաև։

• Արդյոք Հայոց պետականության ծաղկման, տնտեսական հեղափոխության եւ տնտեսական թռիչքաձեւ աճի ճանապարհին կանգնած միակ կամ հիմնական խոչընդոտը այս 10 հազար քաղաքացինե՞րն են։

• Արդյոք Կառավարությունը, որի ներկայիս անդամները նախկինում սիրում էին պնդել, որ Հայաստանում ընտրությունները կեղծված են, որովհետեւ երկրում մարդ չկա, ընդունու՞մ են, որ Հայաստանում կա երեք միլիոն մարդ։ Թե նրանք պնդում են, որ հետհեղափոխական հրաշալի 10 ամիսները անտեսանելիորեն Հայաստան են բերել հարյուր հազարավոր մարդկանց։

• Ո՞ր պահից Հայաստանի Հանրապետության հպարտ քաղաքացին դարձավ հավելյալ արդյունք չստեղծող, ո՞րտեղ է այն նուրբ սահմանը, որով տարանջատվում է հավելյալ արդյունք չստեղծողը հպարտ քաղաքացուց։

• Արդյոք փոխվարչապետը եւ ֆինանսների նախարարը պատրաստվում են ներողություն խնդրել իրենց այս ձեւակերպման համար, թե՞ Նիկոլ Փաշինյանը դա կանի իր և մյուսների փոխարեն։

• Եվ ամենակարեւորը` նշանակում է արդյոք, որ «գործող իրավական կարգավորումներով» չկաշկանդվելու հրահանգ-կոչը դառնում է համատարած, թե՞ շարունակենք բավարարվել միայն ՀՔԾ-ի պետի կողմից մարտի մեկի և այլ գործերի առնչությամբ իրավունքի հետ աղերս չունեցող ձևակերպումներով, ԱԱԾ-ի կողմից անմեղության կանխավարկածի սկզբունքը խախտելու դրսևորումներով, Դավիթ Սանասարյանի իրականացրած հուժկու ու սուպեր իրավական վերահսկողությամբ:

Իրականում, հստակ է մի բան։ Այս ամիսները վկայությունն են, որ Հայոց պետականության համար վտանգավոր են միայն ՀՀ Կառավարությունում և Ազգային ժողովում ծվարած մի շարք նորանշանակ պաշտոնյաներ, որոնց պատճառով շատ ենք տուժՎելու (էդպես էլ չիմացանք, նորանշանակները ինչու՞ են շատ սիրում աղավաղել հայերենը)։

• Հետաքրքիր է՝ ինչպիսին է լինելու Վարչապետ Փաշինյանի հրապարակային արձագանքը այս փաստաթղթին, թեև ես գիտեմ, թե ինչպիսն է եղել նրա պաշտոնական արձագանքը։

Հ.Գ. Որ քաղաքացու օր էիք ուզում հռչակել, դրա մեջ այս 10000 քաղաքացիները մտնում են, թե՞ ոչ:

Հ.Գ. Հաշվել ե՞ք, թե որքան մարդ է կանգնած այս մարդկանց հետևում, թե՞ նրանք էլ են հավելյալ արդյունք չստեղծող:

Հ.Գ. Գիտեմ, որ ձեզ քվե են տվել, որ օպտիմալացնենք (դա ձեր ֆանտաստիկ ինտերպրետացիան է), իսկ կասեք՝ արդյո՞ք քվե տվել են իրենց այսպես վիրավորելու ու ծաղրելու համար»:

Основная тема:
Ներքին քաղաքական իրավիճակը Հայաստանում

Теги:
Ներքին քաղաքականություն

Интерактивный тур

    ПОСЛЕДНИЕ ОТ АВТОРА



    Радио Аврора

    Интерактивный тур

    Migration Resource Centers

    ПОСЛЕДНЕЕ ПО ТЕМЕ

    • ՄԻԱՅՆ ԹԵ ՓՈՂ ԳԱ
      2020-05-23 08:55
      140

      Հայոց խորհրդարանի ընդերքում հասունանում է հերթական օրինագիծը՝ այն շարքից, որոնք թավշե Հայաստանում սովորաբար ծնվում են երկու դեպքում. կա՛մ նախաձեռնության հեղինակներն ուրիշ բան ու գործ չունեն, կա՛մ պետք է արտառոց գաղափարով շեղել հասարակության ուշադրությունը սոցիալ-տնտեսական, քաղաքական լուրջ խնդիրներից: Ասենք, հաճախ այդ երկու պատճառները համատեղվում են։

    • ԺՈՂՈՎՐԴԻ ԿՅԱՆՔԸ ՎՏԱՆԳՎԱԾ Է: ՕՐԵՐԻ ՀԱՇՎԱՐԿ Է ԳՆՈՒՄ
      2020-05-22 13:18
      210

      Կիրականանան ամենամռայլ կանխատեսումները… «Տասը օր է՝ հաց չենք կերել, շաքարաջուր ենք խմում, տանն էլ 5 տարեկան երեխա կա»,- այս գրառումը սոցցանցերում կարդացել են շատերը, հեռուստաալիքներից մեկը նույնիսկ ներառել է դա լուրերի վազող տողում։ Ժողովուրդն իսկապես ամեն օր գոյատևման խնդիր է լուծում, իսկ Փաշինյանն ու առողջապահության նախարար Արսեն Թորոսյանը հրապարակավ դատողություններ են անում այն մասին, որ վարակից փրկվելը յուրաքանչյուրի անձնական խնդիրն է։

    • ՆԻԿՈԼ ՎՈՎԱՅԻՉԻ ԴԺՎԱՐԻՆ ՕՐԸ
      2020-05-21 06:51
      243

      Փաշինյանը մեր ամեն ինչն է։ Մեր փոքրիկ հայկական հրաշքը, որը ցուցադրեցինք ի զվարճանս ողջ աշխարհի։

    • ՔԱՂԱՔԱԿԱՆ ԱՄԱՌԸ ԽՈՍՏԱՆՈՒՄ Է ԹԵԺ ԼԻՆԵԼ
      2020-05-20 19:47
      161

      Եթե հանրաքվեն տեղի ունենար առաջիկա կիրակի օրը… Կառավարությունը կերկարաձգեր արտակարգ դրությունը նույնիսկ այն դեպքում, եթե կորոնավիրուսով վարակվածների և ուղեկցող քրոնիկ հիվանդությունների սրման հետևանքով մահացության վիճակագրությունը բազմապատիկ ավելի բարենպաստ լիներ ներկայիս վիճակից։