2019-03-12 12:12
Информагентства
Արման Թաթոյան․ Կարեն Ղազարյանի իրավունքների պաշտպանության հարցերի վերաբերյալ
Կարեն Ղազարյանի ընտանիքի անդամներն ու փաստաբանը զրկված են նրա հետ ձայնային կամ տեսաձայնային հաղորդակցությունից։ Միակ կապը թղթային նամակագրությունն է։
ՀՀ մարդու իրավունքների պաշտպան Արման Թաթոյանը Ժնևում բարձրացրել է Ադրբեջանում ազատազրկված Կարեն Ղազարյանի իրավունքների պաշտպանության հարցը։ Այս մասին Թաթոյանը հայտնել է Facebook սոցիալական ցանցի իր էջում։
Մարդու իրավունքների պաշտպանը Ժնևում աշխատանքային հանդիպում է ունեցել Կարմիր խաչի միջազգային կոմիտեի Եվրոպայի և Կենտրոնական Ասիայի տարածաշրջանային ղեկավար Պատրիկ Վիալի հետ։ Հանդիպման ընթացքում Թաթոյանը բարձրացրել է նաև Կարեն Ղազարյանի իրավունքների պաշտպանությանն առնչվող մի շարք հարցեր։
Թաթոյանը ներկայացրել է Կարեն Ղազարյանի ծնողների և փաստաբանի մտահոգությունները նրա առողջական վիճակի, ինչպես նաև անհրաժեշտ հատուկ խնամք և բուժում ստանալու վերաբերյալ։
Բարձրացվել է նաև ընտանիքի անդամների հետ ձայնային կամ տեսաձայնային հաղորդակցություն ապահովելու վերաբերյալ ծնողների և փաստաբանի խնդրանքը, քանի որ այժմ դա իրականացվում է միայն թղթային նամակագրության միջոցով։
ՀՀ ՄԻՊ–ը բարձրացրել է նաև Կարեն Ղազարյանի վերադարձի հարցը։
Ղազարյանի վերաբերյալ խնդիրները Թաթոյանը քննարկել է նաև Կարմիր խաչի միջազգային կոմիտեի հայաստանյան պատվիրակության ղեկավար Քլեր Մեյթրոյի հետ:
Հանդիպումների ավարտին կողմերը պայմանավորվածություն են ձեռք բերել շարունակել աշխատանքները այս և այլ հարցերով։
Հիշեցնենք, որ Տավուշի մարզի Բերդավան գյուղի բնակիչ 34-ամյա Կարեն Ղազարյանը նախորդ տարվա հուլիսի 15-ին էր հայտնվել Ադրբեջանի տարածքում։
Ադրբեջանական կողմը տեղեկություն էր տարածել «սահմանին Հայաստանի ԶՈՒ հետախուզադիվերսիոն խմբի հարձակման կանխման», ինչպես նաև 1984 թվականի ծնված հայ զինծառայող Կարեն Ղազարյանի գերեվարման մասին:
Հայաստանի պաշտպանության նախարարի մամուլի խոսնակ Արծրուն Հովհաննիսյանը հայտարարել էր, որ Կարեն Ղազարյանը չի ծառայում և երբեք չի ծառայել Հայաստանի ԶՈՒ շարքերում:
2019թ.–ի փետրվարի 27–ին Ադրբեջանի դատարանը ՀՀ քաղաքացի Կարեն Ղազարյանին դատապարտել է 20 տարվա ազատազրկման։
ПОСЛЕДНИЕ ОТ АВТОРА
-
New2025-04-19 09:22Финансово-экономическая комиссия мэрии Еревана проголосовала за отмену вступившего в силу проекта о подорожании транспорта, сообщил в соцсети член Совета старейшин от оппозиционного блока "Мать Армения" Геворк Степанян.
-
New2025-04-19 09:18Административный суд признал недействительным лишение Соны Агекян мандата члена Совета старейшин. Об этом пишет юрист Ваге Григорян.
-
New2025-04-19 09:16Отец героически погибшего на войне солдата, мой подзащитный Гарик Галеян в настоящее время находится под незаконным домашним арестом. Об этом в соцсети Facebook написал его адвокат Ваан Ованнисян.
-
New2025-04-19 09:14Правительство России внесло в Госдуму законопроект, согласно которому лицам без гражданства предоставят право заключать контракт о прохождении военной службы в вооруженных силах и воинских формированиях, сообщает «Коммерсантъ».
ПОСЛЕДНЕЕ ПО ТЕМЕ
-
2019-10-03 16:06Արցախի Հանրապետության Մարդու իրավունքների պաշտպան Արտակ Բեգլարյանը հոկտեմբերի 1-2-ին Ստրասբուրգում մի շարք հանդիպումներ է ունեցել Եվրոպայի խորհրդի տարբեր բարձրաստիճան պաշտոնյաների հետ՝ նրանց ներկայացնելով Արցախում մարդու իրավունքների պաշտպանության վիճակը և հակամարտությամբ ու չճանաչվածությամբ պայմանավորված հիմնախնդիրներն ու մարտահրավերները:
-
2019-04-11 14:28Լեռնային Ղարաբաղի հակամարտության հարցում ԵԽԽՎ-ի համար անընդունելի են ուժի կիրառման սպառնալիքները, այսօր Ստրասբուրգում ՀՀ վարչապետ Նիկոլ Փաշինյանի հետ համատեղ մամուլի ասուլիսին ասաց Եվրոպայի խորհրդի գլխավոր քարտուղար Թորբյորն Յագլանդը։
-
2019-04-10 11:28ՀՀ կառավարությունն ամբողջովին հավատարիմ է մարդու իրավունքների պաշտպանության և խրախուսման իր պարտավորություններին։ Հայաստանում տեղի ունեցած ոչ բռնի ժողովրդավարական հեղափոխությունը լավագույնս փաստում է, որ մարդու իրավունքները, որպես կանոն, արդյունավետորեն գործում են, եթե մաս են դառնում հասարակական կոնսենսուսի և ընկալվում են, որպես համընդհանուր հասարակական և բարոյական արժեքներ։
-
2019-02-23 16:40Օրերս հայտնի դարձավ, որ ՀՀ Առաջին նախագահ Լեւոն Տեր-Պետրոսյանը հանդիպել է Հայաստանում Իտալիայի արտակարգ և լիազոր դեսպան Վինչենցո դել Մոնակոյի հետ: Հանդիպման ընթացում քննարկվել են Հայաստանի ներքաղաքական իրավիճակին, հնարավոր զարգացումներին և տարածաշրջանային հիմնախնդիրներին վերաբերող հարցեր: