Последние новости
2019-03-13 17:12

Դիանա ԳՐԻԳՈՐՅԱՆ. ՈՒՆԵՑՎԱԾՔԻ ԲՌՆԱԳՐԱՎՈՒՄՆ ԱՌԱՆՑ ԴԱՏԱՐԱՆԻ՝ ՍԱՀՄԱՆԱԴՐՈՒԹՅԱՆ ԽԱԽՏՈՒՄ Է

0
Telegram

Ինչպես հայտարարել է Նիկոլ Փաշինյանը, հնարավոր է, որ հեռու չէ այն օրը, երբ անցումային արդարադատության տարրերից մեկը կդառնա ունեցվածքի բռնագրավումն առանց դատարանի։ Համենայն դեպս կառավարությունը քննարկում է այդ մեխանիզմները, որոնք, վարչապետի կարծիքով, Մարդու իրավունքների Եվրոպական դատարանի տեսանկյունից համարվում են նորմալ պրակտիկա կոռուպցիայի դեմ պայքարում, այլ ոչ թե մարդու իրավունքների սահմանափակում։ «Այս դեպքում գործում է ոչ թե անմեղության, այլ «մեղավորության» կանխավարկածը։ Եթե մարդը չի կարողանում ապացուցել, որ գույքը ձեռք է բերել օրինական ճանապարհով, այն համարվում է ապօրինի»,-ասել է վարչապետը։

Ի՞նչ են մտածում այս կասկածելի հայտարաության առնչությամբ իրավագետները։

«Ոչ ոք չի վիճում, որ պետք է պայքարել կոռուպցիայի դեմ,- «ԳԱ»-ի թղթակցի հետ զրույցում ասաց փաստաբան Դիանա Գրիգորյանը։- Մտաբերենք, որ դեռևս 2016 թվականին Հայաստանի կառավարությունը հավանություն տվեց ՀՀ Քրեական օրենսգրքում փոփոխություններ մտցնելու որոշման նախագծին, որի համաձայն քրեականացվում է ապօրինի հարստացումը։ Օրենսդրական փոփոխությունն ուժի մեջ մտավ 2017 թվականի հուլիսի 1-ից։ Խոսքը բարձրաստիճան պաշտոնատար անձանց և նրանց հետ փոխադարձորեն կապված մարդկանց մասին է, որոնք պարտավոր են օրենքով նախատեսված կարգով հայտարարագիր ներկայացնել եկամուտների մասին։ Կարելի է ենթադրել, թե վարչապետի ներկայիս հայտարարությունը նույն այդ մոտեցման շարունակությունն է, միայն թե քաղաքացիների հետ պետության ունեցվածքային փոխհարաբերությունների ենթատեքստում։ Եվ որպես նմուշ Հայաստանը ցանկանում է կիրառել Մեծ Բրիտանիայի փորձը, որտեղ 2017 թվականին ընդունվեց համանման օրենք։ Բայց ինչ էլ որ լինի, տվյալ հարցում (և դա սահմանադրության ուղղակի պահանջն է) ունեցվածքի բռնագրավումը պարտադիր պետք է կատարվի դատական կարգով և դատարանի որոշմամբ։ Այլ կերպ լինել չի կարող։

Էությունը հետևյալն է. ի՞նչ մեխանիզմ է ստեղծվելու, ո՞վ է իրագործելու ունեցվածքի բռնագրավումը։ Անպայման պետք է հստակ մշակված լինեն բոլոր չափորոշիչները, լուծված լինեն ապացուցողական բազայի հարցերը, որն անհնար է միակողմանի կարգով բարդել մարդու ուսերին, իսկ պետությունն ըստ որում լվա ձեռքերը, ինքն իրեն ազատելով ապացույցներ ներկայացնելու պարտականությունից։ Ունեցվածքի բռնագրավման ինստիտուտն ամեն դեպքում պետք է նախատեսված լինի դատական ճանապարհով։ Նաև անհրաժեշտ է հստակ ճշտել այն շրջանակները, թե ում վրա են տարածվում նման դրույթները, ընդ որում շրջանակը պետք է շատ սահմանափակ լինի և, կրկնում եմ, հստակ նախորոշված։ Պետք է նաև սահմանված լինի ունեցվածքի չափը, որի վերաբերյալ պետք է ընթանա հետաքննություն։

Ի դեպ, եթե կառավարությունը պատրաստվում է վկայակոչել Մեծ Բրիտանիայի փորձը, ապա այնտեղի օրենսդրության մեջ սևով սպիտակի վրա ամրագրված են վերոնշյալ բոլոր կետերը։ Իսկ եթե պարզապես վերցնես ու սկսես խլել ունեցվածքը, ապա դա կլինի սահմանադրության ճչացող ոտնահարում և Մարդու իրավունքների Եվրոպական կոնվենցիայի խախտում, որի տակ Հայաստանը ստորագրել է և պարտավոր է հետևել դրան։ Առանց դատարանի, առանց դատական ակտի, առանց նրա, որ պետությունը նույնպես պարտավորություն կրի ապացուցողական բազա ապահովելու, ոչ ոք իրավունք չունի «ինչ ուզում եմ, այն էլ անում եմ» ռեժիմով զրկել մեկ ուրիշին ունեցվածքից…»։

Основная тема:
Պայքար կոռուպցիայի դեմ

Теги:
Բռնագրավում Սահմանադրություն Իրավունք

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ԱԿՆԵՐԵՎ ԵՆ ՄԻԼԻՈՆԱՆՈՑ «ԱՏԿԱՏՆԵՐԸ», ԲԱՅՑ ՓԱՇԻՆՅԱՆԸ ԿԱՐՈՂ Է ՀԱՆԳԻՍՏ ՔՆԵԼ…
    2021-09-28 21:53

    Նիկոլը 110 հազար դոլար է վճարել դրոնների համար Հիշո՞ւմ եք նախորդ գումարման խորհրդարանի նախագահ Արարատ Միրզոյանի սրտահույզ ռեպլիկը՝ ապառիկով կենցաղային տեխնիկա գնելու մասին: Ռեպլիկն ընդգրկվել էր երկրի ամենաբարձր ամբիոնից Փաշինյանի հնչեցրած ելույթում։ Կրկնակի գործակալի մասին Միքայել Մինասյանի բացահայտումն ավելի ուշ եղավ, իսկ մինչ այդ հեղափոխական հանրությունը բառացիորեն արտասվում էր Արարատի խոստովանությունից, թե իբր՝ նա ցանկացել է ապառիկով ինչ-որ բան գնել տան համար, բայց թույլ չեն տվել…

  • ԳՈՐԾԱՐՔՆԵՐ ՄԵԿ ՊԱՏՈՒՀԱՆԻՑ
    2020-09-12 08:48

    Ավելի քան մեկ տարի առաջ Նիկոլ Փաշինյանն իր ենթականերին խորհրդակցության հավաքեց կառավարությունում և որոշեց նրանց հետ քննարկել կարևորագույն խնդիր. պետգնումների գործընթացի օպտիմալացումը, արդիականացումը, «ապակոռումպացումը»։ Ուղիղն ասենք. ոլորտը վաղուց հատուկ ուշադրության ու վերահսկողության կարիք ուներ, ոլորտը վաղուց արդեն կոռուպցիոն ռիսկերի, հովանավորչության հիմնական աղբյուրներից մեկն է։ Ավելին, հաշվի առնելով հակակոռուպցիոն հեղափոխական օրակարգը, հենց այս ոլորտում էր, որ ներկայիս իշխանությունը պետք է, ինչպես ասում են, արդյունքը ցույց տար, արդարացներ կոռուպցիայի դեմ պայքարի արդյունավետության վերաբերյալ համաքաղաքացիների հույսերը։

  • ՆԱԽԱԳԱՀԸ ԽԱԽՏԵ՛Լ Է ԵՐԴՈՒՄԸ
    2020-07-03 18:59

    «Կրկնակի գործակա՞լ» Նախագահ Արմեն Սարգսյանի կողմից հակասահմանադրական փաստաթղթերի փաթեթի գիշերային ստորագրումից հետո արդիականացավ Ամուլսարի հանքավայրի շահագործման թեման: «Լիդիան» ընկերությունն անմիջապես հանդես եկավ հայտարարությամբ, որում նշեց, որ հանդիսանում է հանքավայրի միակ սեփականատերը, ուստի մտադիր է ամենամոտ ժամանակներս ձեռնամուխ լինել դրա շահագործմանը:

  • ԳԼԽԱՎՈՐ ԴԱՏԱԽԱԶՈՒԹՅՈՒՆԸ ԱՆՏԵՍՈՒՄ Է ՀԱՆՑԱԳՈՐԾՈՒԹՅՈՒՆՆԵՐԻ ՄԱՍԻՆ ԵՐԿՈՒ ՀԱՂՈՐԴՈՒՄՆԵՐԸ
    2020-07-02 18:28

    Բնականաբար, գլխավոր դատախազությունը քրեական գործ (գործեր) չի հարուցի իշխանության հանցագործությունների մասին հաղորդման հիման վրա, որ նրան փոխանցել է ընդդիմադիր եռյակը՝ ԲՀԿ, ՀՅԴ և «Հայրենիք» կազմով։