Последние новости

Ռուբեն Սահակյան․ Եթե 2008–ի մարտի 1–ի զոհերի թիվն ավելին լիներ

Եթե 2008–ի մարտի 1–ի զոհերի թիվն ավելին լիներ, կասեին` Քոչարյանն անգործության մատնեց, ասել է Ռուբեն Սահակյանը։

Կարծում եմ` այսօր Ռոբերտ Քոչարյանը ելույթով հանդես կգա։ Այս մասին դատական նիստի ընդմիջման ժամանակ լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպան Ռուբեն Սահակյանը։ Նա հիշեց ՀՀ երկրորդ նախագահի 2018–ի հուլիսի 27–ին դատարանում հնչեցրած ելույթը` ասելով, որ «Քոչարյանը մի չքնաղ ելույթ ունեցավ»։

«Քոչարյանն ասել էր, որ ինքը ճիշտ է եղել, երբ խորհրդակցություն է հրավիրել և, ազգային անվտանգության ղեկավարի կողմից ստանալով հաղորդագրություն, որ բանակին փորձում են ներգրավել քաղաքական գործընթացների մեջ, որ երկրապահը ոտքի է կանգնել ու փորձում է միանալ ժողովրդին, որ մարդիկ զինված են, արտակարգ դրություն է հայտարարել։ Քոչարյանն ասել է` ես ժողով եմ արել ու ասել` բանակին մի ներքաշեք քաղաքական գործընթացների մեջ»,–ասաց պաշտպանը։

Նա նշեց նաև, որ եթե Ռոբերտ Քոչարյանն արտակարգ դրություն չմտցներ, նրան կմեղադրեին անգործության մեջ։ «Ես ցավում եմ 2008–ի մարտի 1–ի զոհերի համար, սակայն եթե զոհերի թիվն ավելին լիներ, կասեին` Քոչարյանն անգործության մատնեց, ու այդքան շատ զոհ ունեցանք»,–ասաց Սահակյանը։

Հիշեցնենք, որ Երևանի ընդհանուր իրավասության դատարանում քննվում է նախկին նախագահ Ռոբերտ Քոչարյանի կալանքը երկարացնելու մասին ՀՔԾ միջնորդությունը։

2019-ի հունվարի 18–ին առաջին ատյանի դատարանի որոշմամբ բավարարվել էր Հատուկ քննչական ծառայության քննիչի միջնորդությունը՝ Ռոբերտ Քոչարյանին կալանքի տակ պահելու ժամկետը երկարացնելու վերաբերյալ:

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՊԱՏԵՐԱԶՄԱԿԱՆ ԺԱՄԱՆԱԿԻ ՕՐԵՆՔՆԵՐՈՎ
      2020-09-29 20:08
      219

      Սեպտեմբերի 27-ից մենք ապրում ենք նոր հարթությունում. խաղաղությունը փոխարկվել է պատերազմի։ Նման բան արդեն տեղի է ունեցել Երրորդ հանրապետության պատմության մեջ։ Հիշենք 90-ականների սկիզբը կամ 2016 թվականի Ապրիլյան պատերազմը։ Այդ տարիների փորձը ցույց է տալիս, որ պատերազմն իր օրենքներն ունի։ Այստեղ խոսքը ոչ միայն ռազմական դրության կանոնների, այլև չգրված այլ կանոնների ու օրենքների մասին է:

    • ՎԱՐՍԵՐՑԻ ՏԱՆԴԵՄՆ ԱՅԼԵՎՍ ԲԱՐԵՀԱՃՈՒԹՅՈՒՆ ՉԻ ՎԱՅԵԼՈՒՄ
      2020-09-24 19:44
      210

      Ո՞ւմ քաղաքական շահերն է սպասարկում ՍԴ դատավոր Գրիգորյանը Գեղարքունիքի մարզում կա մի գեղեցիկ գյուղ՝ Վարսեր ռոմանտիկ անունով։ Տեղացիներն այդ անվանումը կապում են լեռնային մարգագետինների շատ բարձր խոտի հետ։

    • ԶՐՈՅԱԿԱՆ ԱՐՁԱԳԱՆՔԸ ԴԵՄԱՐՇԻՆ, կամ՝ ՆԻԿՈԼԸ ԴԱԴԱՐԵ՞Լ Է ՎՃԱՐԵԼ ՓԱՍՏԱԲԱՆՆԵՐԻՆ
      2020-09-11 21:29
      158

      Մարգարիտա Խաչատրյանին լսեց ողջ Հայաստանը Մարտի 1-ի զոհերի հարազատները դատավարությունն անվանել են «անբովանդակ միջոցառում» և որոշել այլևս չայցելել նիստեր, որոնք բաց չէին թողնում երկու տարի շարունակ։ Գոռ Քլոյանի հայրը՝ Սարգիսը, որը ժամանակ առ ժամանակ իրեն չափազանց ագրեսիվ էր պահում երկրորդ նախագահի փաստաբանների նկատմամբ, դատավարությունն անվանել է ֆարս։

    • ՏԽՈՒՐ ՊԱՏՄՈՒԹՅՈՒՆ ԱՅՆ ՄԱՍԻՆ, ԹԵ ԻՆՉՊԵՍ ԱՍՍՈԼԸ ՄՈՌԱՑԱՎ ԳՐԵՅԻՆ…
      2020-08-20 17:44
      253

      Ստիպված ենք արձանագրել. հոտառությունը դավաճանում է։ Պետք է թարգել քաղաքականությունն ու անցնել սպորտի։ Երբ սկսվում էր «կորոնայի» հետ կապված ողջ այս պատմությունը, մի տեսակ վստահ գրում էի, թե ոչ մի գլոբալ փոփոխություն աշխարհում տեղի չի ունենա, ամեն ինչ կվերադառնա ի շրջանս յուր, նույնիսկ մեջբերում էի Ժողովողին, թե «ինչ որ եղել է, այն էլ կլինի, և ինչ որ արվել է, այն էլ կարվի, և ոչինչ նոր չէ այս արևի տակ»... Ավա՜ղ։