2021-07-12 21:50
Рубен МАРГАРЯН
ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԺԱՐԻՆ
Սահմանադրական դատարանի մի քանի նիստ է կայացել՝ խորհրդարանական ընտրությունների արդյունքները չընդունելու մասին քաղաքական չորս ուժերի հայցերով։ Ի՞նչ կարելի է ասել։ Հասկանալի է բոլոր նրանց հոռետեսությունը, ովքեր համարում են, որ ՍԴ-ն կմերժի ներկայացված հայցերը։ Չի համարձակվի աջակցել նրանց։ Այսինքն մի քիչ ամոթանք կտա գործող իշխանությանը, բայց ընտրությունների արդյունքները կճանաչի։
Այդուհանդերձ.... Ուշագրավ է, որ ՍԴ-ն փաստացի ունի ընտրությունների արդյունքները չեղարկելու բոլոր հնարավորություններն ու հիմքերը։ Քանզի Սահմանադրական դատարանի մասին 2018 թվականի օրենքով ընտրությունների արդյունքները չեղարկելու կամ դրանք վերանայելու համար բնավ պարտադիր չէ, որ բարձրագույն դատական ատյանը հանգի այն եզրակացության, թե կոնկրետ գրանցված խախտումները որքանով են ազդել վերջնական արդյունքի վրա։ Նոր օրենքի համաձայն, եթե ՍԴ-ն, սպառելով ապացուցողական բազա ստանալու բոլոր փաստարկներն ու հնարավորությունները, չի կարողանում հանգել այն եզրակացության, թե որքանով կարող էին խախտումներն ազդել վերջնական արդյունքի վրա, ապա դատարանը կարող է հենց միայն այդ հիմնավորմամբ չեղարկել ընտրությունների արդյունքները:
Իսկ մենք, ըստ երևույթին բախվում ենք հենց այդ իրավիճակին։ Քանզի ոչ մի նժարով չես չափի, թե ինչպես կարող է ազդած լինել ընտրողի կամքի վրա Նիկոլ Փաշինյանի ագրեսիվ նախընտրական քարոզարշավը, որը, չարաշահելով իր պաշտոնեական դիրքն ու վարչական ռեսուրսը, արշավի ընթացքում շարունակ սպառնում էր հաշվեհարդար տեսնել իր քաղաքական ընդդիմախոսների հետ։ Հենց քաղաքական ընդդիմախոսների։ Անգամ եթե ընդդիմադիր հայացքներ ունեցող այդ մարդիկ գիտության կամ բիզնեսի ոլորտից են։
ՍԴ ներկայացված փաստերն առավել քան բավարար են։ Ավելին, ինչպես հիշեցրեց Դավիթ Հարությունյանը, Վերաքննիչ դատարանի օրինական ուժի մեջ մտած որոշմամբ հաստատվել է, որ Փաշինյանի հայտարարությունները մշտապես սպառնալիքներ են պարունակել... Ուրեմն ընտրողների կամքի Սահմանադրությամբ երաշխավորված ի՞նչ ազատ արտահայտման մասին է խոսքը, եթե երկրի բարձրագույն պաշտոնատար անձն ընդդիմադիր ակտիվիստներին մեթոդաբար սպառնում է հաշվեհարդարով: Ավելին, արդեն ակնհայտ է, որ դրանք լոկ սպառնալիքներ չեն, քանի որ ներկայումս ակտիվորեն կենսագործվում են... Փաստերը բոլորին հայտնի են։
Դավիթ Հարությունյանի հաշվարկներով, եթե ՍԴ-ն հանգի այն եզրակացության, որ փաստացի բռնապետության ձգտող Փաշինյանի ագրեսիվ քարոզարշավը՝ ընդդիմախոսների նկատմամբ բռնության սպառնալիքներով, ազդել է 1000 ընտրողից թեկուզ 2-ի որոշման վրա, ապա դա արդեն փոխում է ընտրությունների արդյունքները…
Ասում են՝ խելացի մարդը կարող է օգուտ քաղել անգամ ամենից անհուսալի իրավիճակից, իսկ հիմարը կգտնի, թե ինչ անի ի վնաս իրեն նույնիսկ ամենաբարենպաստ իրավիճակում։ Նույնն էլ երկրների և ժողովուրդների պարագայում է։ Հայաստանը ծանրագույն վիճակում է։ Բայց եթե հանկարծ ՍԴ դատավորները որոշում կայացնեն ընտրությունների արդյունքները չեղարկելու մասին՝ արձանագրելով, որ դրանց ընթացքում իշխանության կողմից բացահայտ ճնշում է գործադրվել ընտրողների կամքի վրա և հնարավոր չէ պարզել, թե որքանով են քաղաքական ընդդիմախոսների նկատմամբ Փաշինյանի սպառնալիքներն ազդել ընտրողների կամարտահայտման վրա, ապա դա կլինի հենց այն հազվագյուտ դեպքը, երբ Հայաստանը, որպես երկիր, կարող է իր համար օգուտ քաղել անհույս իրավիճակում։
ՍԴ-ի այդօրինակ որոշումը դաս կլինի Հայաստանի ոչ միայն ներկա, այլև ապագա բոլոր ղեկավարներին, պահանջ, որ չհանդգնեն մտածել անգամ բռնապետի համազգեստի մասին, ակնկալել, թե սպառնալիքներով ու բռնությամբ կարելի է Հայաստանին պարտադրել սեփական կամքը: Դա կնշանակի, որ Հայաստանում իշխում է օրենքը, այլ ոչ թե մի մարդու քմահաճույքը, որը համարում է, թե պետծառայողները պետք է ծառայեն իրեն, այլ ոչ թե երկրին, գիտնականներին պետք է ծառայեն իրեն, այլ ոչ թե գիտությանը, իսկ ընտրովի ղեկավարները պետք է ներկայացնեն միայն իր շահերը։
Սահմանադրական դատարանը բավարար և օրինական հիմքեր ունի վերջ դնելու այն աղետին, որի պտուղները քաղում ենք ամեն օր։ Կարծում ենք՝ ՍԴ դատավորները գիտակցում են, որ իրենց ուսերին է այսօր պատասխանատվությունը պետության հետագա ճակատագրի համար։ Կբավականացնի՞ արդյոք նրանց քաղաքացիական արիությունը։
ПОСЛЕДНИЕ ОТ АВТОРА
-
2025-07-03 09:37Ах, как Арарат Мирзоян отчитал Лаврова за вмешательство во внутренние дела Армении! Дескать, пусть в дальнейшем тебе неповадно будет, и не только тебе, но и твоим соратникам в парламенте, политологам вашим и журналистам. Вслед за Мирзояном подтянулся хор осуждения Лаврова от провластных политологов, начиная от Армана Бабаджаняна, который потребовал, чтобы в ответ на слова Лаврова Армения официально покинула ОДКБ… Понятно, что слова Макрона о том, что Франция поддерживает Пашиняна в его борьбе против нападок на армянскую демократию никто из этой кампании вмешательством не посчитал.
-
2025-07-02 10:04Предположим, Пашинян прав в своей стратегии убедить Баку и Анкару, что Армения, Азербайджан и Турция в одной лодке, с общими региональными интересами, а потому не стоит зацикливаться на противоречиях, лучше концентрироваться на общих интересах. Пашинян надеется убедить своих азербайджано-турецких визави, что для блага и процветания своих граждан всем трем странам нужны стабильность и мир в регионе, новая эскалация невыгодна, а потому надо урегулировать отношения, основываясь на том простом постулате, что мир и сотрудничество лучше, чем война и конфликты.
-
2025-07-01 09:22Кто мог представить, что следствием «ненасильственной, бархатной революции любви и согласия» 2018-го сначала станет война, потом присутствие азербайджанских военных на территории Армении, потом этническая чистка Арцаха. И как фишка на торте национальных потерь при действующей власти - перманентные атаки на Церковь, заключение под стражу армянских священнослужителей: двух епископов и двух дьяконов.
-
2025-06-30 09:25Не так что за семью замками разгадка проводимой Пашиняном политики. Есть главная стратегическая задача и обслуживающие решение этой задачи тактические шаги. К примеру, в главную задачу - пошаговое выдворение России из региона - защита прав арцахцев никак не вписывается. Пока Пашинян у власти про защиту прав арцахцев на государственном уровне можно забыть. Это очевидно, поскольку невозможно пытаться как-то обеспечить эти права без деятельного участия Москвы, под кураторством которой и Трехстороннее заявление от 9.11.2020, и направленные на урегулирование как нагорно-карабахской проблемы, так и армяно-азербайджанских отношений, другие совместные наработки Еревана, Баку и Москвы.
ПОСЛЕДНЕЕ ПО ТЕМЕ
-
2021-07-12 19:55Կարող է հավակնել Գինեսի ռեկորդների գրքում գրանցվելու Նախ՝ չափանիշների մասին։ Հիշո՞ւմ եք Փաշինյանի ուղերձը ժողովրդին՝ այն խոսքերով, թե զինված ուժերը գլխավորելու իր ունակությունն ու հմտությունները կասկածի ենթակա չեն։ Այդ հայտարարությունը հնչեցվեց Նիկոլի կողմից իր սեփական սիրելի անձը գերագույն գլխավոր հրամանատար հռչակելու արշալույսին։
-
2021-06-30 17:54Երևանի ռեստորաններից մեկում «Քաղաքացիական պայմանագիրը» տոնեց իր հաղթանակն արտահերթ ընտրություններում։ Դե ինչ, դա իսկապես հաղթանակ էր, ճիշտ է, փոքր-ինչ տարօրինակ. հաղթանակ սեփական ժողովրդի, հարազատ պետության նկատմամբ։
-
2021-06-24 19:30Պրոֆեսորը կալանավորվել է քաղաքական դրդապատճառներով Նախօրեին դատավոր Արմենուհի Մելիքսեթյանը տվեց բժշկական գիտությունների դոկտոր, պրոֆեսոր Արմեն Չարչյանին կալանավորելու սանկցիան: Ավելի վաղ դատավոր Մանվել Շահվերդյանը սանկցիան մերժել էր…
-
2021-06-18 17:47Անվտանգության համակարգի փլուզումը սկսվեց Վայոց Ձորից «Ամեն ինչ սկսվեց այստեղից՝ Վայոց Ձորից։ 2018 թվականի մայիսին ադրբեջանցիները, օգտվելով մեր երկրում իրականացված իշխանազավթումից, բավականաչափ առաջ եկան Նախիջևանի հետ սահմանում։