Последние новости

Աշոտյան. Մենք պետք է պատրաստ լինենք և խաղաղության և պատերազմի

Կարող ենք խոսել քաղաքականության մասին ու «իրար միս ուտել» տարվա բազմաթիվ օրերին, բայց այս օրը ներքաղաքական օրակարգ շոշափելու ոչ պահն է, ոչ տեղը, այսօր «Եռաբլուր» զինվորական պանթեոնում լրագրողների հետ ճեպազրույցում ասաց Հայաստանի Հանրապետական կուսակցության փոխնախագահ Արմեն Աշոտյանը, տեղեկացնում է aysor.am։

«Այսօր չեմ ուզում շատ շոշափել ներքաղաքական օրակարգը՝ ո՛չ օրն է, ո՛չ պահը, ո՛չ տեղը։ Մենք կարող ենք խոսել քաղաքականության մասին, «իրար միս ուտել» տարվա բազմաթիվ օրերին, բայց այս օրը, հիշեցնեմ ձեզ, աննախադեպ ազգային միասնականության օր էր, Սերժ Սարգսյանի՝ որպս գերագույն գլխավոր հրամանատարի հովանու ներքո, մեր բանակի շուրջ համախմբված ամբողջ ժողովրդի դեմքով», - ասաց Արմեն Աշոտյանը։

Անդրադառնալով այսօր Ադրբեջանի նախագահ Իլհամ Ալիևի հայտարարությանը, թե Հայաստանի հետ պատերազմը չի ավարտվել, ՀՀԿ փոխնախագահն ասաց.

«Ադրբեջանի նախագահն այս տարիների ընթացքում միշտ աչքի է ընկել երկակի դիվանագիտությամբ՝ իր ներքին օրակարգն ուրիշ է, իր արտաքին օրակարգը, որ նա հրամցնում է Մինսկի խմբի համանախագահներին և միջազգային դիտորդներին՝ ուրիշ։ Երբեմն, ու դա ամենավտանգավորն է, այդ օրակարգերը համակցվում են, ինչպես եղավ երեք տարի առաջ ապրիլի 2-ին։ Այս օրակարգերը համընկան, ու սրանից պետք է մտահոգ լինել ու պատրաստ լինել պատերազմի։ Ցանկանալ խաղաղություն, բայց պատրաստ լինել պատերազմի», - ասաց Արմեն Աշոտյանն՝ ընդգծելով.

«Մենք և՛ խաղաղության պետք է պատրաստ լինենք, և՛ պատերազմի, որովհետև ընտրությունը մերը չէ, Հայաստանի ու Արցախի ժողովրդինը չէ, որովհետև ոչ մի բանական հայ ինքն իրենով պատերազմ չի ուզել ու չի ուզելու։

Եվ եթե Աստված չտա, Նիկոլ Փաշինյանի գերագույն գլխավոր հրամանատար լինելու օրոք, նորից եմ ասում Աստված չտա, լինի պատերազմ, ապա բնականաբար, քաղաքական տարաձայնությունները պետք է մղվեն երկրորդ պլան»։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ԿԱՐԵԼԻ Է ԵՎ ԱՎԵԼԻ ԼԱՎ, ԲԱՅՑ ՈՉ ԱՅՍ ԻՇԽԱՆՈՒԹՅԱՆ ՕՐՈՔ
      2021-10-23 08:43
      212

      «Վալդայի միջազգային ֆորումի» ընթացքում պատասխանելով հարցերին, Ռուսաստանի նախագահ Վլադիմիր Պուտինը երեկ մի շարք նշանակալի հայտարարություններ է արել, որոնք վերաբերում են Լեռնային Ղարաբաղի հակամարտության տարածաշրջանում իրավիճակի զարգացման հեռանկարներին: Անդրադառնանք ամբողջապես տարածաշրջանում երկարաժամկետ կարգավորման առանցքային թեզերին։

    • ՆԱ ՆՈՐԻՑ ԿՉՔՄԵՂԱՆԱ
      2021-10-13 21:42
      411

      Հայաստանում Ֆրանսիայի նոր դեսպան Անն Լույոն «Ազատություն» ռադիոկայանին տված հարցազրույցում հայտարարել է. «Ֆրանսիան, Ռուսաստանի և Միացյալ Նահանգների հետ միասին, աշխատում է Ղարաբաղի վերաբերյալ տևական համաձայնագրի կնքնման ուղղությամբ։ Կարող եմ ձեզ ասել, որ Նյու Յորքում շարժ է գրանցվել, ԵԱՀԿ Մինսկի խմբի այլ համանախագահների հետ հաճույքով կազմակերպել ենք երկու (Հայաստանի ու Ադրբեջանի) արտգործնախարարների հանդիպումը։ Սա կարող է փոքր քայլ թվալ, բայց իրականում հսկայական քայլ է։ Հուսով ենք՝ նման կարգի այլ որոշումներ ևս կլինեն և կարող եմ վստահեցնել ձեզ, որ մենք՝ ռուսաստանցի և ամերիկացի գործընկերների հետ, գործում ենք, որպեսզի առաջ մղենք Ղարաբաղի վերաբերյալ ավելի տևական համաձայնագրի կնքմանը միտված գործընթացը»։

    • 30 ԵՎ ԵՐԵՔ ՏԱՐԻ
      2021-09-21 18:07
      700

      30 տարի առաջ Հայաստանի ժողովուրդը հանրաքվեում քվեարկեց հանրապետության անկախության օգտին։ Սակայն իրավաբանորեն Հայաստանն անկախացավ միայն այն բանից հետո, երբ 1991-ի տարեվերջին Ելցինը, Կրավչուկը և Շուշկևիչը ստորագրեցին պայմանագիր, որը դադարեցրեց Խորհրդային Միություն անվանումով պետության գոյությունը։ Բայց, ինչն առավել կարևոր է. հասկանում ենք, որ մեր անկախ պետության կառուցումը փաստացի սկսվել է 1988-ին՝ Հայաստանի և Արցախի վերամիավորման շարժումով։

    • ԳՈՒՆԱԳԵՂ ՊԱՐԱՆՈՅԱ
      2021-09-21 10:38
      643

      Նիկոլաթուրքերը հրավիրում են նշելու հանրապետության անկախության 30-րդ տարեդարձը Սեպտեմբերի 17-ին Գորիս-Կապան ավտոճանապարհի ոստիկանական կետում ադրբեջանցիները կանգնեցրել են Արցախի Հանրապետության ֆուտբոլի մանկապատանեկան հավաքականի ավտոբուսը: Տեսախցիկն արձանագրել է, թե ինչպես է ադրբեջանցի զինվորը ավտոբուսի կողային հատվածից դանակով քերում հայկական երկրորդ հանրապետության դրոշի պատկերը։