Последние новости

Աննա Վարդապետյան․ Լյուստրացիան, ՄԻԵԴ-ի գնահատմամբ, հաջողված գործընթաց չէ

Խորհրդարանում «Անցումային արդարադատության գործիքների կիրառման հեռնկարները ՀՀ-ում» խորհրդարանական լսումների ժամանակ ՀՀ արդարադատության փոխնախարար Աննա Վարդապետյանը անդրադարձավ հարցին՝ կարո՞ղ է լյուստրացիան (օրենսդրական սահմանափակում, որը կիրառվում է իշխանափոխությունից հետո՝ նախկին իշխանության կողմնակիցների իրավունքների սահմանափակման համար, Aysor.am) լինել արդյունավետ գործիք անցումային արդարադատության համար, թե՞ ոչ:

«Լյուստրացիան ընթացակարգային առումով ՄԻԵԴ-ի գնահատմամբ հաջողված գործընթաց չէ, որովհետև ընթացակարգային երաշխիքներ չեն ապահովվում լյուստրացիայի ենթարկված մարդու համար», - ասաց փոխնախարարը:

Նա ընդգծեց, որ ՄԻԵԴ-ը և Վենետիկի հանձնաժողովը չեն ողջունում այս գործընթացը և դիտարկում այն որպես հիմնական դատավարական ընթացակարգային իրավունքների սահմանափակում:

«Նրանք խորհուրդ չեն տալիս պետություններին դիմել այս գործընթացին, դրա փոխարեն այսօր կիրառելի է համարվում վեթինգի (որևէ անձի կենսագրական տվյալների ստուգման գործընթաց, ինչը նախորդում է անձին աշխատանք առաջարկելուն, մրցանակ շնորհելուն կամ նրա նկատմամբ որոշում կայացնելուն, Aysor.am) գործընթացը», - նկատեց փոխնախարարը:

«Հայ կառուցողական» կուսակցության նախագահ Անդրիաս Ղուկասյանըհետաքրքրվեց՝ արդյոք դա նշանակում է, որ կառավարությունը հրաժարվում է Լյուստրացիայի մասին օրենք առաջ բերելուց և ինչ փուլում է Վեթինգի մասին օրենքի նախագիծը:

ԱԺ նախագահ Արարատ Միրզոյանն էլ կոչ արեց նման հարցրեր չուղղել նախարարի տեղակալին, քանի որ վերջինս ԱԺ է հրավիրվել անցումային արդարադատության մասին իր գիտելիքները փոխանցելու և չի կարող տալ նման հարցերի պատասխաններ:

«Վերջնական դիրքորոշում պետությունն այդ հարցերին չունի, և այս լսումները միտված են նաև այդ հարցերին պատասխանելուն: Հարցնել տիկին Վարդանյանին, թե արդյոք կառավարությունը հրաժարվում է Լյուստրացիայի մասին օրենք բերելուց, կարծում եմ, տեղին չէ», - ասաց Միրզոյանը:

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՀԱՍԱՐԱԿՈՒԹՅԱՆ ԳԼԽԱՎՈՐ ՊԱՀԱՆՋԸ
      2021-02-08 20:38

      Վերջին զվարճալի նորությունը. «Իր ուսապարկերը» խմբակցությունը հանդիպել է վարչապետի հետ և որոշել, որ «հասարակության լայն շերտերի շրջանում չկա արտահերթ ընտրությունների պահանջ»: Նրանք վճռել են, թե իրենք կարող են ինչ-որ բան վճռել։ «80+ ուսապարկերը որոշել են, թե կարելի է ապաշնորհ տանուլ տալ պատերազմը, ծնկի գալ թշնամու առաջ, վաճառել հայրենիքն ու շարունակել մնալ իշխող կուսակցություն»։

    • ԻՆՉՈ՞Ւ ԱՅՍ ԱՆԳԱՄ ԲԱՆՆ ԱՎԱՐՏՎԵՑ ԱՌԱՆՑ ՈՒՂՂԱԹԻՌԻ
      2021-01-29 17:35

      Հայաստանի երկրորդ նախագահ Ռոբերտ Քոչարյանը հայտարարեց, որ առաջադրվելու է արտահերթ խորհրդարանական ընտրություններում՝ անկախ նրանից, թե երբ դրանք տեղի կունենան, հաղորդում է Panorama.am-ը։

    • ԿՐԿԻՆ՝ ՈՒՐԻՇԻ ՎՇՏԻ ՇԱՀԱՐԿՈ՛ՒՄ
      2019-06-15 07:55

      2 հանձնաժողով, 1 նախագահ 2008թ. մարտի 1-2-ի իրադարձությունների ուսումնասիրման համար Անդրանիկ Քոչարյանի և Սեդա Սաֆարյանի նախագահությամբ փաստահավաք խմբի ձևավորման հետ միաժամանակ, զոհվածների հարազատները սկսեցին ակտիվորեն ներգրավվել ՀԱԿ-ի ակցիաներում՝ նախագահի նստավայրի, խորհրդարանի պատերի, Գլխավոր դատախազության շենքի մոտ։

    • ՎԵՆԴԵՏԱ՝ ՆՈՒՅՆ ՁԵՌՔՈՎ
      2019-06-11 15:19

      «Անհրաժեշտ են կոնկրետ ապացույցներ…» Հատուկ քննչական ծառայությունը դադարեցրեց ՀՀ ողջ տարածքում դատարանների միաժամանակյա արգելափակման հետ կապված փաստերի քրեական հետաքննությունը՝ հանցակազմի բացակայության պատճառով։ Այլ կերպ ասած, Նիկոլ Փաշինյանի կողմնակիցների գործողություններում, որոնք նրա կոչով կաթվածահար արեցին պետության ողջ դատական համակարգի աշխատանքը, հանցակազմը բացակայում է։