Последние новости

Փոստանջյան․ Իջևանում մենք դարձանք սոցիալական բունտի վկաները

Իջևանում մենք դարձանք սոցիալական բունտի վկաները։ Այս մասին NEWS.am-ի թղթակցի հետ զրույցում ասաց «Երկիր ծիրանի» կուսակցության նախագահ Զարուհի Փոստանջյանը։

Նրա խոսքով՝ անկարգություններն արդյունքն են այն բանի, որ իշխանությունները չեն կատարել իրենց տված խոստումները։ «Ավելին, երկրում հետընթաց է գրանցվել։ Այս պայմաններում սոցիալական պայթյունն անխուսափելի էր։ Առաջին անհրաժեշտության ապրանքները թանկանում են, չկան նոր աշխատատեղեր, շարունակվում է կապիտալի արտահոսքը, չկան խոշոր ներդրումներ»,- նշել է նա՝ ավելացնելով, որ դա լուրջ խնդիր է երկրի համար, այդ թվում աշխարհաքաղաքական հետևանքների տեսակետից։

Փոստանջյանն ընդգծել է, որ եթե նախկինում իշխանությունների ճնշումն ուղղված էր քաղաքական ընդդիմախոսների դեմ, ապա հիմա այն ուղղված է սեփական ժողովրդի դեմ։ «Պետք է պատասխանատվության ենթարկել բոլոր մեղավորներին՝ օրենքի տառին համապատասխան։ Դա վերաբերում է ե՛ւ Ռոբերտ Քոչարյանին, ե՛ւ Սերժ Սարգսյանին, ե՛ւ Լևոն Տեր-Պետրոսյանին։ Բայց իշխանությունները ձախողվել են հենց այն հարցում, որ մեղավորներին պատասխանատվության չեն կանչել օրենքով, այլ ընտրովի։ Նիկոլ Փաշինյանն արեց ամեն ինչ , որպեսզի Ռոբերտ Քոչարյանը վերածվի քաղաքականապես հետապնդվող անձի»,- ընդգծել է կուսակցության ղեկավարը։

Զարուհի Փոստանջյանը բացատրել է, որ, չնայած հայտարարություններին և սոցիալական բունտի ճնշմանը, իշխանություններն այնքան ռեսուրս չունեն, որպեսզի հաջողություն գրանցեն։ «2018-ին մենք դարձանք համաժողովրդական ճնշման վկաները, որը իսկական հեղափոխություն չէր, քանի որ Նիկոլ Փաշինյանը իրականում չցանկացավ հրաժարվել կառավարման նախկին համակարգից»,- ամփոփել նա։

Հիշեցնենք, որ բողոքի ակցիայի մասնակիցների, որոնք փակել էին Հայաստան-Վրաստան միջպետական ճանապարհը, և ոստիկանության միջև հուլիսի 17-ի երեկոյան տեղի են ունեցել բախումներ։ Ոստիկանները փորձել են բացել ճանապարհը, իսկ ակցիայի մասնակիցները չեն ենթարկվել նրանց։ Նրանք պահանջում են իջեցնել անտառահատման թույլտվության սակագինը։ Բախումների փաստով հարուցվել է քրեական գործ, 13 մարդ կալանվել է։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՍՆՈՒՑՎԱԾ ԵՎ ԿԱԶՄԱԿԱՌՈՒՑՎԱԾ ՉԱՐԻՔ
      2021-03-08 21:26

      Ինչո՞ւ ընդդիմությունը մինչև հիմա չի ստիպել Նիկոլին հրաժարական տալ։ Ավելի ճիշտ՝ նույնիսկ ոչ թե ընդդիմությունը, այլ ավելի շուտ գրեթե ողջ հասարակությունը, եթե նկատի առնենք ամենատարբեր կառույցներից արված հայտարարությունները Փաշինյանի հրաժարականի պահանջով։

    • ՀԵՌԱՑԻ՛Ր
      2020-12-22 18:26

      Գեներալ-լեյտենանտ Արշավիր Ղարամյանը հիշեցրեց 2019 թվականի օգոստոսի 5-ին Ստեփանակերտում Նիկոլ Փաշինյանի արտաբերած այն խոսքերը, որ «Արցախը Հայաստան է, և վերջ»: Հիշեցրեց բնավ ոչ պատահականորեն։ Կանցնի մեկ տարուց քիչ ավելի, և այս տարվա դեկտեմբերի 21-ին Սիսիանում Նիկոլը կասի. «Տեղ գյուղից այն կողմ Ադրբեջանն է»։

    • ԺԽՏՄԱՆ ՓՈՒԼՆ ԱՎԱՐՏՎԵԼ Է։ ՄՈՏԵՆՈՒՄ Է ՔԱՂԱՔԱԿԱՆ ԹԵԺ ԱՇՈՒՆԸ
      2020-08-31 18:52

      Սոված մարդիկ հավաք են ծրագրում կառավարության շենքի մոտ Գյումրեցի երիտասարդը հեռուստախցիկների առջև հայտարարեց, որ մտադիր է արշավի մեկնել Հայաստանով մեկ, որպեսզի իր շուրջ հավաքի իր պես սոված մարդկանց՝ դեպի Երևան համատեղ քայլարշավ կատարելու համար, որտեղ կառավարության շենքի մոտ իրենք կպահանջեն Նիկոլի հրաժարականը։

    • Բողոքի ակցիա կառավարության դիմաց
      2019-10-03 12:38

      Արարատի մարզի Նորաշեն համայնքի բնակիչները բողոքի ակցիա են իրականացնում կառավարության դիմաց: Նրանք պահանջում են հետ բերել համայնքի ղեկավար Նորայր Գրիգորյանին, որի լիազորություններն ըստ իրենց, ապօրինի դադարեցվել են և ժամանակավոր պաշտոնակատար է նշանակվել Արտակ Հարությունյանը: