Последние новости
2019-08-17 13:39
0

Փաշինյան․ «Ներդրողներին չպետք է նստեցնենք աջակցության վրա»

0
Telegram

Մեր քաղաքական առաջնային խնդիրներից մեկն է ապահովել այնպիսի պայմանններ, որոնք մեր արդյունաբերության և արդյունաբերողների մրցունակությունը կզարգացնեն: Այս մասին այսօր` օգոստոսի 17-ին, Ծաղկաձորում «Իմ քայլը հանուն Կոտայքի մարզի» բիզնես ֆորումի ժամանակ ասաց ՀՀ վարչապետ Նիկոլ Փաշինյանը:

«Մեր քաղաքական առաջնային խնդիրներից մեկն է ապահովել այնպիսի պայմանններ, որոնք մեր արդյունաբերության և արդյունաբերողների մրցունակությունը կզարգացնեն: Սա շատ կարևոր և նուրբ աշխատանք է, որը մենք առաջիկայում պատրաստվում ենք անել: Այս աշխատանքը նուրբ է, որովհետև մենք արդյունաբերությանը և ներդրողներին աջակցելիս պետք է համոզված լինենք, որ իսկապես իրայկանացնում ենք նրանց ինստիտուցիոնալ կարողությունները ուժեղացնելու, հզորացնելու քաղաքականությունը և ոչ թե պարզապես նրանց, կներեք կոպիտ բառի համար, նստեցնում ենք աջակցության վրա մեծ հաշվով թուլացնելով նրանց մրցունակությունը, գործունակությունը և իսկապես ինստիտուցիոնալ առումով զարգանալու նրանց հնարավորությունները»,- ասաց Փաշինյանը:

Վարչապետի խոսքով` Կոտայքի մարզը շատ մեծ արդյունաբերական պոտենցիալ ունի, նաև այս ընթացքում էլ եղել են նվիրյալներ, խորհրդային ժամանակաշրջանի արդյունաբերական հզորությունների հիման վրա փոքր բջիջներ են ստեղծել. «և ես ուզում եմ` այդ մարդկանց գնահատանքի խոսքեր ասենք, որովհետև կարող ենք ասել, որ արդյունաբերության ոլորտում էլ կան ակտիվիստներ և ֆանատներ, ովքեր բացի արդյունաբերությունից ուրիշ բան չեն ուզում տեսնել, ուրիշ բանի մասն չեն ուզում լսել և դա շատ կարևոր հատկանիշ է: Իհակե, սա չի նշանակում, թե մենք որևէ կերպ նսեմացնում ենք տնտեսության մյուս ճյուղերի նշանակությունը, կարևորությունը»:

Փաշինյանի խոսքով` Կոտայքը շատ մեծ զբոսաշրջային պոտենցիալ ունի, այսօր Ծաղկաձորը Հայաստանի ամենակարևոր զբոսաշրջային ուղղություններից մեկն է և իր կարծիքով` Կառավարության հաջորդ կարևոր առաջնահերթությունը` զբոսաշրջությունը, նույնպես պիտի Կոտայքում զարգանա:

«Նաև բարձր տեխնոլոգիական ընկերություններ կան Կոտայքի մարզում և Կառավարությունը այս ուղղությամբ նույնպես քաղաքականություն է վարում, որպեսզի բարձր տեխնոլոգիական ընկերությունները ոտի տեղ անելու, ոտքի կանգնելու հնարավորություն ստանան և իհարկե արդյունաբերական գյուղատնտեսությունը նույնպես մեզ համար շատ կարևոր է և Կոտայքի մարզն այստեղ էլ ունի մեծ պոտենցիալ: Արդյունաբերական գյուղատնտեսություն ասելով ի նկատի ունեմ, որ գյուղատնտեսության ՕԳԳ-ն պիտի ավելանա և սա ռազմավարական խնդիր է»,- հավելեց նա, տեղեկացնում է NEWS.am-ը:

Основная тема:
ներդրումներ

Теги:
ներդրումներ

    ПОСЛЕДНИЕ ОТ АВТОРА

    ПОСЛЕДНЕЕ ПО ТЕМЕ

    • ԱՆՈՒՐՋՆԵՐԻ ԽԱՐԽՈՒԼ ԿԱՄՐՋԻՆ,
      2021-02-11 18:22

      կամ՝ «Սեմյոնովկայի» հերթական շինարարությունը Դատելով փետրվարի 9-ին Էկոնոմիկայի նախարարությունում վարչապետ Փաշինյանի ելույթի տոնայնությունից և նույնիսկ բովանդակությունից, մենք անվերապահորեն հաղթել ենք ինչպես COVID-19-ի դեմ պայքարում, այնպես էլ... պատերազմում, երկու դեպքում էլ ցուցաբերելով հակաճգնաժամային կառավարման բարձր որակ: Նույնիսկ չգիտես՝ լաս թե խնդաս…

    • ՈՐՏԵՂԻ՞Ց Է ԿԱՌԱՎԱՐՈՒԹՅՈՒՆԸ ՎԵՐՑՆՈՒՄ ԹՎԵՐԸ
      2019-09-11 20:20

      2019 թվականի հունվար-հուլիսին նախորդ տարվա նույն ժամանակահատվածի համեմատ իրական հատվածում օտարերկրյա ընդհանուր ներդրումներն ավելացել են 26%-ով, օտարերկրյա ուղղակի ներդրումների հոսքեր՝ 20%-ով։

    • Գևորգ ԹԱՄԱՄՅԱՆ. ՆԱԽԱՐԱՐԻՆ ՀԱՐԻՐ ՉԷ ԱՆԿՅՈՒՆԸ ՄՏՆԵԼ, ՏԵՍԱԽՑԻԿՆԵՐԻ ԴԻՄԱՑ ԱՌՅՈՒԾ ԷՐ ԿՏՐՈՒՄ, ՏԵՍԱՆՔ՝ ԻՆՉ ԵՂԱՎ
      2019-09-03 15:13

      Ես Առողջապահության նախարարին հարցեր ունեի, բայց նա ինձ հետ չկարողացավ դեմառդեմ խոսել։ Նա հեռացավ և անկյունում հարցազրույց էր տալիս։ ՀՀ առողջապահության նախարարին հարիր չէ անկյունը մտնել, մանավանդ այն մարդուն, ով տեսախցիկների դիմաց առյուծ է կտրում կամ թուր է ճոճում։ Տեսանք՝ իրականում այդ ամենն ինչ ավարտ է ունենում, այսօր տեղի ունեցած մամուլի ասուլիսի ժամանակ ասաց ուռուցքաբան, արյունաբան, «Ժպիտների քաղաք» հիմնադրամի հոգաբարձուների խորհրդի անդամ Գևորգ Թամամյանը, որի հարցերը լսելուց հետո նախարարը շտապել էր լքել ասուլիսի սրահը։

    • Ամերիկայի առևտրի պալատը դիմել է վարչապետ Փաշինյանին
      2019-09-03 10:06

      Հայաստանում Ամերիկայի առևտրի պալատն (ՀԱԱՊ) ակնկալում է ներդրումների հանդեպ արդար մոտեցում և օրենքի կիրարկում: Այս մասին պալատը հանդես է եկել հայտարարությամբ` դիմելով ՀՀ վարչապետ Նիկոլ Փաշինյանին։