2019-08-24 17:39
Марина МКРТЧЯН
0
ՈՐՊԵՍԶԻ ՆԻԿՈԼ-1-ԻՆ ՓՈԽԱՐԻՆԵԼՈՒ ՉԳԱ ՆԻԿՈԼ-2-Ը
Փաշինյանն աջակցություն չունի ՀՀ սահմաններից դուրս
Դատելով նրանից, որ հեղափոխական իշխանությանը սատարելու համար Արևմուտքը հատկացրեց մոտավորապես նույնքան գումար, որքան պետք եկավ վարչապետի պաշտոնում Նիկոլի նախորդներից մեկին երկու բիո-արտաքնոց գնելու համար, «նոր Հայաստանի» անդրօվկիանոսյան ու եվրոպական ճարտարապետները Նիկոլի կերպարը դիտարկում են որպես ժամանակավոր։ Այս ուղերձը հեռարձակվում է մշտապես, սակայն տպավորություն է ստեղծվում, թե երկրի ներսում բնավ ոչ բոլոր ուժերն են ճիշտ մեկնաբանում դա։
Արտաքին աջակցության բացակայությունն էականորեն հեշտացնում է փողոցային ընդդիմության խնդիրը, սակայն հասարակության մտածող մասի համար սկզբունքային է ոչ թե այն, որ Նիկոլը հեռանա, այլ որ հնարավոր լինի խուսափել մի իրավիճակի առաջացումից, որի արդյունքում Նիկոլ-1-ին վարչապետի պաշտոնում փոխարինելու կգա Նիկոլ-2-ը։ Այն մտավախությունները, որ այս անգամ իշխանափոխությունը չի ավարտվի առանց ցնցումների, պայմանավորված են նրանով, որ պետության ղեկին այլևս չկա փորձառու և հեռատես քաղաքական գործիչ, ինչպիսին Սերժ Սարգսյանն է։ Հենց նրա շնորհիվ այսպես կոչված «թավշե հեղափոխությունը» տեղի ունեցավ առանց փոքր ու մեծ արյան։ Այդ արժանիքը Փաշինյանը մշտապես վերագրում է իրեն, մինչդեռ իրականում այն պատկանում է երրորդ նախագահին։
Նրանք, ովքեր մտահոգ են երկրի ապագայով, անկյունաքար են համարում լավատեղյակ ու գործունակ իշխանության ձևավորման հարցը։ Խնդիրը բարդացնում է այն, որ անցած մեկուկես տարվա ընթացքում Հայաստանում ձևավորվել է Նիկոլին ընդօրինակողների բանակ։ Այդ ընդօրինակողները համարում են, թե իրենք նույնպես կարող են հայտնվել իշխանության գագաթին հասարակական իրավիճակի ապակայունացման միջոցով։ Երիտասարդները, որպես կանոն՝ ինտելեկտի ցածր մակարդակով ու լուրջ կրթություն չստացած, հեշտությամբ իրենց պատկերացնում են ղեկավար պաշտոններում, և նրանց հասկանալ կարելի է. երիտասարդության այդ մասն առաջնորդվում է այն գիտակցությամբ, որ ոչ մի բանով չի զիջում կառավարող էլիտային։ Ուրեմն ինչո՞ւ չփորձել, չէ՞ որ եթե Նիկոլն ու իր թիմը կարող են «պետություն կառավարել», ապա հետևաբար՝ դա կարող է անել ցանկացած ոք։
Ավա՜ղ, նման մտածելկերպը վերջին ժամանակներս գերակշռում է։ Դրանում համոզվելու համար բավական է նայել, թե ինչ եռանդով է երիտասարդությունը կեցվածք ընդունում հեռուստախցիկների առջև քաղաքական գործիչների ամպլուայով։ Այսօր բավական է պառկել մայթին, իր վրա վերցնել «մորեգույն բերետների» ճտքակոշիկների հարվածները, և դու արդեն փորձառու քաղաքական գործիչ ես։ Քաղաքականության «լակոտականացման» գործընթացն արդեն հասել է բարձրակետին. եթե այդ թերհասներին ասես, որ պետություն կառավարել պետք է սովորել, որ գրագետ որոշումներ ընդունելու համար պետք է ունենալ փորձ ու գիտելիքների համապատասխան պաշար, ապա կծիծաղեն երեսիդ։ Ինչի՞ համար է այդ ամենը, երբ կա հեշտ ճանապարհ՝ պոպուլիզմի, խաբեության, արկածախնդրության միջոցով։ Ինչո՞ւ այլ ուղիներ որոնել, երբ գործում է ամբոխին հիմարացնելու պարզունակ մեխանիզմը։
Առանց քաղաքական դեռահասների
Քաղաքական ուժերը, որոնք փորձում են մշակել ցնցումներից զերծ իշխանափոխության ճանապարհային քարտեզ, պետք է անջրպետվեն այդ ընդօրինակողներից. քաղաքական թերուսների ևս մեկ ասպատակության պետական մեքենան պարզապես չի՛ դիմանա։
Հասարակայնությունը հոգնել է կառավարության և խորհրդարանական մեծամասնության անձեռնհասությունից, Նիկոլի թիմի մեծամիտ տգիտությունից, որը նույնիսկ չի հասկանում, որ իր գործողություններով ու անգործությամբ վտանգում է պետության անվտանգությունը։
Քաղաքագիտության մեջ կան այնպիսի հասկացություններ, ինչպիսիք են «կողմնակիցների նահանջը» և «կողմնակիցների վերախմբավորումը»։ Այսօր մենք ականատես ենք այդ գործընթացների ակտիվ փուլին։ Աշնան վերջին շատերը կլքեն Նիկոլին, արդեն այսօր «Քաղաքացիական պայմանագիր» կուսակցությանն անդամագրվելու դիմումների քանակը կտրուկ կրճատվել է. այն, որ Նիկոլը ժամանակավոր կերպար է, հասկանում են ոչ միայն մայրաքաղաքում ու խոշոր քաղաքներում, այլև, կրկնեմ, Հայաստանի սահմաններից շատ հեռու։
Եթե իրավիճակին նայենք անզեն աչքով, ապա ներկայումս Նիկոլի ռեժիմը մեծ հաշվով հենվում է ԼԳԲՏ հանրության, Սորոսի հետևորդների և աղանդների վրա։ Ի դեպ, այն տեղեկատվությունը, որ Նիկոլի ու իր թիմի փողոցային այլանդակությունների համար առաջին մեծ գումարները նվիրաբերել է ԼԳԲՏ հանրությունը, ոչ ոք առ այսօր չի հերքել։ Իսկ այդ տեղեկատվությունը հնչեցրեց, հիշեցնեմ, Ազգային անվտանգության պետական վարչության պետի նախկին տեղակալ, պաշտոնաթող գնդապետ Գուրգեն Եղիազարյանը։
Ձախողված նախագիծ
Այն մասին, որ Ոստիկանությանը ներքին կարգով հրաման է տրվել չխանգարել Ստամբուլյան կոնվենցիայի վավերացման դեմ ստորագրահավաքի ակցիաների մասնակիցների նկատմամբ ԼԳԲՏ-ի անդամների ոտնձգություններին, ԶԼՄ-ները հաղորդել են բազմիցս։
Հայերին բանակում ծառայել չցանկացող արվամոլների ազգի վերածելու գործընթացն օրըսօրե թափ է առնում։ Այն մասին, որ Նիկոլին «կքցեն» փողերի առումով, նույնիսկ եթե խորհրդարանական մեծամասնությունը վավերացնի Ստամբուլյան կոնվենցիան, գիտեն բոլորը, բացի հենց Նիկոլից։ Նա դեռ հույս ունի, թե վավերացման դիմաց իրեն ինչ-որ բաժին կգցեն, բայց Արևմուտքը փողեր չի ծախսում անհեռանկարային նախագծերի վրա, իսկ Նիկոլը Արևմուտքի աչքում ձախողված նախագիծ է։
2019թ. ուշ աշնանը կամ 2020-ի վաղ գարնանը, երբ «ներքևների» դժգոհությունը կմոտենա ծայրահեղ նիշի, օվկիանոսից անդին կսկսեն փնտրել նոր առաջնորդի, այսինքն Նիկոլ-2-ի, որը կխոստանա Նիկոլ-1-ից ավելի հեռուն գնալ և պահանջել, օրինակ, Ռուսական ռազմակայանի դուրսբերում ՀՀ տարածքից։ Նիկոլ-2 դառնալ ցանկացողները մեր երկրում լիառատ են։ Հենց միայն «Սասնա ծռեր» կուսակցությունում կարելի է հաշվարկել մոտ կես դյուժին այդպիսի հավակնորդներ, ուստիև ծայրաստիճան կարևոր է, որ Փաշինյանին հրաժարականի դրդող գործընթացները կրեն ինստիտուցիոնալ բնույթ և ընթանան անփորձ հանրությանը խաբելու հաշվին քաղաքական դեռահասների և անհամարժեք պսիխիկա ունեցող մարդկանց ինքնահաստատման շրջանցումով։ Այդ զանգվածին չես վերափոխի, նա մշտական պահանջ է զգում ինչ-որ մեկին աստվածացնելու և իր համար կուռքեր սարքելու ումից պատահի…
Իրավիճակը քաղաքական գործիչներից պահանջում է կշռադատված և գրագետ որոշումներ, հստակ պայմանավորվածություններ և գործողությունների դյուրըմբռնելի ճանապարհային քարտեզ։ Ավաղ, առայժմ տպավորություն է ստեղծվում, թե քաղաքական գործիչներն ավելի շատ զբաղված են քաղաքագետների աշխատանքով, վերլուծում ու գնահատում են իրադարձությունները՝ մարտավարական և ռազմավարական բնույթի խնդիրները լուծելու փոխարեն։ Քաղաքական աշնան նկրագիրն ամբողջությամբ կախված կլինի այդ որոշումների որակից։ Պետք է յուրաժամանակ տեղեկացնել հասարակությանը արտախորհրդարանական ընդդիմության ծրագրերի և խնդիրների մասին։
Հապաղումը հավասարազոր է մահվան. Նիկոլից հիասթափության սրընթաց հասունացումը կարող է ծնել իռացիոնալ փողոցային գործողությունների հզոր ալիք, և այդ նոր ալիքը կարող է իշխանության բարձունք հանել ամբոխի հերթական կուռքերին, այսինքն պոպուլիստների։ Արդյունքում նորից կստանանք խաբված ժողովուրդ։ Դրանում մեղավոր կլինեն բնավ ոչ իրենք՝ պոպուլիստները, Նիկոլ-1-ի հաջորդները, ոչ փողոցային պայքարի ֆանատիկոսները, ոչ էլ գունավոր հեղափոխության հերթական ծաղրապատկերի «անվակներն ու պտուտակները» (ի՜նչ պահանջես նրանցից). մեղավոր կլինեն մտածող քաղաքական և հասարակական գործիչները։ Նրանք, ովքեր չեն կարողացել ժամանակին ըմբռնելի այլընտրանք առաջարկել ժողովրդին և հիշեցնել, որ մեր հայրենիքը նրա համար չէ, որ վերածենք կրկեսի։ Մեկ անգամ փորձեցին, բավակա՛ն է։
ПОСЛЕДНИЕ ОТ АВТОРА
-
2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
-
2024-04-24 09:57В ходе повторного визита Пашинян успокоил тавушцев, дескать, 4 деревни не будут сданы, а обмен территориями состоится в пользу тавушцев. Обман раскрылся почти сразу: когда на приграничные участки прибыли геодезисты и специалисты по разминированию, стало очевидно, что жители Тавуша могут разделить судьбу жителей Шурнуха, которые лишились своих домов в обход делимитации и каких-либо законных оснований!
-
2024-04-24 09:40"Армянский народ надо уничтожить в корне… Сейчас идет война, другого такого случая больше не будет", - дословно было произнесено в ходе секретного заседания высших чинов младотурецкого государства в 1915 г. 109-й годовщине предшествуют попытки правящей верхушки поставить под сомнение факт Геноцида в Западной Армении, специалисты считают, что инициатива исходит от Анкары, а это значит, что Геноцид продолжается в виде ревизии факта и попытки забвения. По мере приближения 109 годовщины становится очевиднее, что режим Пашиняна участвует в гибридной войне против армянского народа на стороне геноцидных государств!
-
2024-04-22 10:57"В день отставки Сержа Саргсяна, 23 апреля 2018 г., мы пошли к первому президенту и застали его в очень серьезном и даже мрачном расположении духа. Мы спросили: "Господин президент, весь народ ликует, почему вы в таком настроении?" Он сказал фразу, которая до сих пор не выходит у меня из головы, это был тот самый день, когда еще многие вещи не были ясны, например, станет ли Пашинян премьер-министром или нет? Левон Тер-Петросян сказал: "Послушайте, вы не понимаете, что сегодня я самый несчастный человек в Армении, потому что к власти идет тот, кто погубит Арцах и Армению!", - рассказал в январе 2024 г. зампредседателя АНК Левон Зурабян. Он признался, что тогда, после 23 апреля 2018 г., эти слова показались ему преувеличением, однако с позиции 2024 г. вынужден признать, что прогнозы Тер-Петросяна постепенно воплощаются в жизнь.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։