Последние новости

Ի՞ՆՉ ԽՆԴԻՐ ԵՆ ԼՈՒԾՈՒՄ ՈՒՍԱԴԻՐՆԵՐԸ

Միջնորդություն քաղաքական ենթատեքստով

Քչերն արձագանքեցին Վաղարշակ Հարությունյանին գեներալ-լեյտենանտի կոչումը վերադարձնելու մասին նախագահ Արմեն Սարգսյանի հրամանագրին, մեկնաբանությունները հայտնվեցին այն լուրերի հետ միաժամանակ, թե հնարավոր է, որ Հարությունյանը նշանակվի ՀՀ Զինված ուժերի Գլխավոր շտաբի պետի պաշտոնում՝ Արտակ Դավթյանի փոխարեն։

Պաշտպանության նախարար Դավիթ Տոնոյանը հերքեց Դավթյանի հրաժարականի մասին լուրերը, բայց այդ հերքումը ոչինչ չի նշանակում, կադրային փոխարինումների հարցերը Փաշինյանը լուծում է միանձնյա, ուստիև բացառված չէ, որ Գլխավոր շտաբի նոր պետի անունը պաշտպանության նախարարն իմանա լուրերի թողարկումից։ Այսօրվա նորությունները վերաբերում են հիմնականում նախարարի և Գլխավոր շտաբի պետի միջև բարդ հարաբերություններին։

Համաձայն ակտիվորեն շրջանառվող լուրերի, Հարությունյանին ուսադիրները վերադարձրել են հեռահար նպատակով. Գլխավոր շտաբի պետի կամ ԶՈՒ համակարգում մեկ այլ առանցքային պաշտոնում նա կնպաստի բանակի «մաքրմանը» Ռոբերտ Քոչարյանի և Սերժ Սարգսյանի կադրերից, այսինքն գեներալական այն կազմից, որին Փաշինյանը կամայականորեն մեղադրում է մահացու բոլոր մեղքերի մեջ։

Հարությունյանի հնարավոր նշանակման մասին լուրերի խորապատկերին հայտնվեցին ոչ միայն մեկնաբանություններ, այլև հարց, թե արդյոք նախագահն իրավունք ունե՞ր հրամանագիր ընդունել վարչապետի միջնորդության հիման վրա, որը կրում էր բացահայտ քաղաքական բնույթ։ Ակներև է վտանգավոր նախադեպը. այսուհետ Նիկոլը ցերեկվա և գիշերվա ցանկացած պահի կարող է միջնորդել իր նախորդների որևէ հրամանագրի չեղարկման մասին, իսկ նախագահ Սարգսյանը այդ առիթով հնազանդ կընդունի իր հրամանագրերը, առաջնորդվելով ՀՀ Սահմանադրության 139 (մաս 1) հոդվածով. «Իր լիազորություններն իրականացնելիս Հանրապետության նախագահն ընդունում է հրամանագրեր և կարգադրություններ»։

Սովորաբար պետության առաջին դեմքերն ընդունում են հրամանագրեր, որից հետո ասվում է, որ դրանց բովանդակության հիման վրա ուժը կորցրած են համարվում նախորդ տարիների հրամանագրերը, բայց Նիկոլը ցանկանում էր ընդգծել, որ միջնորդել է Ռոբերտ Քոչարյանի հրամանը ուժը կորցրած ճանաչելու մասին։ Դա հերթական անգամ ապացուցում է, որ վարչապետը սևեռված է երկրորդ նախագահի անձի վրա։ Նիկոլը ցանկանում էր ոչ միայն վերականգնել Հարությունյանի կոչումը, այլև չեղարկել Քոչարյանի հրամանագիրը։ Նրա համար դա ինքնահաստատման գլխավոր միջոցն է. իբր՝ այ թե ինչ զիլ տղա եմ, հենց իր՝ Քոչարյանի հրամանը չեղարկեցի։

Իր ժեստով Նիկոլը փորձեց Վիտալի Բալասանյանի կարգի՝ ուսադիրները մարտերում վաստակած խրամատային գեներալների քիթը տրորել։ Վերջերս նրա տված հարցազրույցը հույզերի փոթորիկ առաջացրեց «Սորոսի տղաների» ճամբարում, որոնք նույնպես, ինչպեսև Նիկոլը, չեն ծառայել բանակում։ Անցած տարի նրանք կարողացան ճանկել պետության կառավարումը և այժմ փորձում են փլուզել այն ռեկորդային ժամկետներում։ Եթե Հարությունյանի առաջիկա նշանակման մասին լուրերը հաստատվեն, ապա բանակում կադրային զտումները կարելի է համարել կատարված փաստ։ Նիկոլը բացահայտ հասկացնել տվեց, որ ժամանակները փոխվել են, նոր իշխանությունն այլ գերակայություններ և այլ սիրելիներ ունի, իսկ հերոսական անցյալն ու մարտում վաստակած ուսադիրներն այսօր արդիական չեն։

Ինչո՞ւ գաղտնի ռեժիմով

Մի՞թե Փաշինյանի քաղաքական քմահաճույքը բավական էր, որ նախագահ Սարգսյանը 17 տարի անց չեղարկեր իր նախորդներից մեկի հրամանագիրը։ Այո, 139 (մաս 1) հոդվածը նախագահին իրավունք է տալիս հրամաններ ու կարգադրություններ արձակել, բայց որո՞նք են վարչապետի միջնորդության իրավական նորմերը։ Ո՞ւր են այդ նորմերը, որտե՞ղ է միջնորդության իրավական հիմքը։

Ի՞նչ փաստաթղթերով է առաջնորդվել նախագահը, ստորագրելով Հարությունյանի կոչումը վեականգնելու հրամանագիրը։ ԶԼՄ-ներում հաղորդագրություն կար այն մասին, որ «լիազոր մարմնի երաշխավորությունը և կից փաստաթղթերը ներկայացվել են գաղտնի ռեժիմով, ուստիև հրապարակման ենթակա չեն»։ Ինչո՞ւ Փաշինյանը հարկ չհամարեց հրապարակավ հիմնավորել իր երաշխավորությունը. չէ՞ որ նա շարունակ ասում է, թե ինքը ժողովրդից գաղտնիքներ չունի։ Թե՞ որոշել է, որ Քոչարյանի ստորագրությամբ 17-ամյա վաղեմության հրամանագրի չեղարկումը արդեն ինքնին հիմնավորում է։

Իսկ գուցե Քոչարյանի հանդեպ անձնական հակակրանքի առատությունից նա տենչում էր ցույց տալ ողջ աշխարհին, որ իր համար խաղուպա՞ր է վերցնել ու չեղարկել նախագահի 2002թ. հուլիսի 22-ի 1135-Ա հրամանագիրը Վաղարշակ Հարությունյանին գեներալ-լեյտենանտի կոչումից զրկելու մասին։ Իր ֆեյսբուքյան գրառումում Փաշինյանն առանձնահատուկ ընդգծեց, որ նախագահ Սարգսյանը համապատասխան հրամանը ստորագրել է իր միջնորդությամբ։

«Վաղարշակ Հարությունյանը կրկին գեներալ-լեյտենանտ է: Հանրապետության նախագահը ընդունել է Վաղարշակ Հարությունյանին զինվորական կոչումներից զրկելու՝ Ռոբերտ Քոչարյանի հրամանագիրը ուժը կորցրած ճանաչելու իմ միջնորդությունը և ստորագրել համապատասխան հրամանագիր»։ Այն մասին, թե իրավաբանական ինչ փաստաթղթերով է հիմնավորված իր անձնական միջնորդությունը, Նիկոլը չհիշատակեց։ Ըստ երևույթին, վարչապետին թվում է, թե իր միջնորդությունները այդօրինակ «ավելորդ» հիմնավորումների կարիք չունեն։ Քչերը հարց տվեցին. իսկ ունե՞ր արդյոք վարչապետն այդպիսի միջնորդության իրավունք 17 տարի անց։ Եթե անգամ ուներ, ապա ի՞նչ փաստաթղթերի հիման վրա։ Եթե 17 տարի առաջ Հարությունյանը կոչումից զրկվել է ապօրինի կերպով, ապա ինչո՞ւ նոր իշխանությունը դա չհիմնավորեց, ապացույցներ չներկայացրեց, թե երկրորդ նախագահն անօրինականորեն է զրկել Հարությունյանին գեներալ-լեյտենանտի կոչումից։

Քաղաքական տեսանկյունից ամեն ինչ հասկանալի է. Հարությունյանը Լևոն Տեր-Պետրոսյանի և իր՝ Նիկոլի կողմնակիցների ճամբարում էր և ուժերի ներածի չափով օժանդակում էր նախկին իշխանության տապալմանը, իսկ այ օրինականության առումով մեծագույն կասկածներ կան։ Ի դեպ, որոշ իրավաբաններ կարծիք արտահայտեցին, որ վարչապետի կողմից շատ ավելի օրինական կլիներ նախագահի առջև միջնորդել Հարությունյանին գեներալ-լեյտենանտի կոչում շնորհելու մասին, այլ ոչ թե երկրորդ նախագահի 2002թ. նմուշի որոշումը չեղարկելու, բայց Նիկոլի համար միևնույնն է, թե ինչ կանի, միայն թե անի հակառակ Քոչարյանի։

Բանակում կադրային ջա՞րդ է նախապատրաստվում

Նախագահի կողմից շատ ավելի օրինական կլիներ գեներալ-լեյտենանտի կոչում շնորհել Հարությունյանին, այլ ոչ թե չեղարկել երկրորդ նախագահի 17-ամյա վաղեմության որոշումը առանց իրավաբանական հիմնավորման առկայության և գաղտնի ռեժիմով ներկայացված ինչ-որ «կից փաստաթղթերի» հիման վրա։

Մի խոսքով, վտանգավոր նախադեպն ակներև է, իսկ գեներալ-լեյտենանտ Հարությունյանը կարող է տեսանելի հեռանկարում պաշտոն ստանալ ԶՈՒ-ի վերին էշելոնում և ձեռնամուխ լինել բանակում կադրային ջարդի վերաբերյալ Փաշինյանի գաղտնի կարգադրության իրականացմանը։ Իսկ որ այդպիսի կարգադրություն կհաջորդի, քչերն են կասկածում։ Հարությունյանին որպես գեներալ-լեյտենանտ վերակենդանացնում են բնավ ոչ պատահականորեն։ «Այդ ուսադիրները հատուկ խնդիր են լուծելու»,- ասում են լավատեղյակ մարդիկ, նկատի ունենալով, որ Նիկոլի առանձնակի բարեհաճությունը վայելող գեներալը ռեկորդային ժամկետներում «կմաքրի» հայկական բանակը ներկայիս գեներալական կազմից, մարտունակ հրամանատարական կազմից և գրագետ տեխնիկական կադրերից, ինչը կհանգեցնի զինված ուժերի թուլացման։

Այսօր բազմաթիվ զինվորականներ խոսում են այն մասին, որ Հարությունյանին կհանձնարարվի բանակի թուլացման և վարկաբեկման խնդիրը։ Այսօր նա դրանով զբաղվում է Քառօրյա պատերազմի հանգամանքները քննող խորհրդարանական ժամանակավոր հանձնաժողովի փորձագետի կարգավիճակով՝ իր վաղեմի ընկեր և համախոհ Անդրանիկ Քոչարյանի նախագահությամբ։ Բոլորին հայտնի է, որ ԽԺՀ-ի գլխավոր խնդիրը շփման գծի ողջ երկայնքով Ադրբեջանի ագրեսիայի հետևանք դարձած Քառօրյա պատերազմում մեր հաղթանակի վարկաբեկումն է։

ԽԺՀ-ն իր հաշվետվությունում այդ հաղթանակը պետք է ներկայացնի որպես պարտություն։ Այդպիսին է գլխավոր նպատակը, որ հետապնդում են Ա.Քոչարյանը և Վ.Հարությունյանը։ Իսկ այդ «պարտության» մեղքը պարոնայք կվերագրեն Հայաստանի նախկին քաղաքական ղեկավարությանը և գեներալական այն կազմին, որն այսօր նախորոշում է հայոց բանակի պատրաստականության որակն ու մարտունակությունը։

Основная тема:
Теги:

    ПОСЛЕДНИЕ ОТ АВТОРА

    • В ПОИСКАХ ИСКРЫ, или "СДАЧА ВОСКЕПАРА ОЗНАЧАЕТ СДАЧУ АРМЕНИИ"
      2024-03-27 09:54

      Шумиха вокруг несуществующего проекта новой Конституции уступила место дискуссии вокруг переноса всех вузов на территорию Академгородка. После того, как азербайджанские оккупанты своими GPS выселили жителей Шурнуха из 13 домов с хозяйственными пристройками и приусадебными участками, правительство Пашиняна обещало построить для них новые дома. Уже 4 года строят, однако ни одного не достроили!

    • ГДЕ ПИШУТ СЦЕНАРИЙ НОВОЙ ВОЙНЫ?
      2024-03-25 09:31

      В Тавуш прибывают добровольческие отряды, на днях о намерении отправиться в марз объявил командир отряда "Лчап" Левон Геворгян. Статья Конституции 205 (пункт 1) говорит о том, что "изменения территории Республики Армения решаются посредством референдума". Бывший судья КС Альвина Гюлумян по этому поводу заявила: "Сдача территорий в обход референдума антиконституционна, но проблема в том, что этот человек не считает деревни нашими". По ее словам, обращение в КС по данному вопросу в текущий момент лишено смысла, а апелляция в международные инстанции возможна только со стороны властей, увы, правящая верхушка вслед за Пашиняном считает, что 4 приграничные деревни Тавушского марза не наши. Мнение Пашиняна расходится с мнением народа, но марионетка Баку и Анкары давно перестала считаться с большинством!

    • 31 МАРТА 6 ЛЕТ СПУСТЯ…
      2024-03-22 10:07

      31 марта 2018 г. Пашинян с немногочисленной кучкой соратников вышел из Гюмри и направился в сторону Еревана. По дороге к ним на время присоединился лидер ОНС Паруйр Айрикян, который на днях в эфире телеканала "Центр" резко критиковал Пашиняна, забыв о том, как лично поддержал его первые шаги на стезе свержения законной власти. По ходу шествия к компании привязалась дворняжка, которой дали кличку Чало.

    • РАНЬШЕ МНОГОВЕКТОРНАЯ ВНЕШНЯЯ ПОЛИТИКА РА ИСХОДИЛА ИЗ ПРИНЦИПА ВЗАИМОДОПОЛНЯЕМОСТИ
      2024-03-21 09:23

      Кроме конфронтации с РФ, ничего "беспрецедентного" в отношениях Армении с ЕС и НАТО нет! "Уникальное", "историческое" предложение ЕС, "открытые двери Евросоюза" и прочие "беспрецедентные" (любимое слово Пашиняна) явления текущей политики способны произвести впечатление только на самые неискушенные слои армянского общества. На самом деле, нет ничего "беспрецедентного" в том, что западная коалиция использует нашу страну в качестве орудия против РФ. Прецедент известен на примере Грузии и Украины. Разговоры о том, что РА может подать заявку на статус кандидата в члены ЕС, повторяют те, что были в 2017 г. при Серже Саргсяне. Разница в том, что тогда интеграция протекала не на фоне военного противостояния на Украине, а главное – по принципу многовекторной внешней политики взаимодополняемости.






    ПОСЛЕДНЕЕ ПО ТЕМЕ

    • ՆԱԽԱԳԱՀԸ ԽԱԽՏԵ՛Լ Է ԵՐԴՈՒՄԸ
      2020-07-03 18:59

      «Կրկնակի գործակա՞լ» Նախագահ Արմեն Սարգսյանի կողմից հակասահմանադրական փաստաթղթերի փաթեթի գիշերային ստորագրումից հետո արդիականացավ Ամուլսարի հանքավայրի շահագործման թեման: «Լիդիան» ընկերությունն անմիջապես հանդես եկավ հայտարարությամբ, որում նշեց, որ հանդիսանում է հանքավայրի միակ սեփականատերը, ուստի մտադիր է ամենամոտ ժամանակներս ձեռնամուխ լինել դրա շահագործմանը:

    • ԳԼԽԱՎՈՐ ԴԱՏԱԽԱԶՈՒԹՅՈՒՆԸ ԱՆՏԵՍՈՒՄ Է ՀԱՆՑԱԳՈՐԾՈՒԹՅՈՒՆՆԵՐԻ ՄԱՍԻՆ ԵՐԿՈՒ ՀԱՂՈՐԴՈՒՄՆԵՐԸ
      2020-07-02 18:28

      Բնականաբար, գլխավոր դատախազությունը քրեական գործ (գործեր) չի հարուցի իշխանության հանցագործությունների մասին հաղորդման հիման վրա, որ նրան փոխանցել է ընդդիմադիր եռյակը՝ ԲՀԿ, ՀՅԴ և «Հայրենիք» կազմով։

    • Դատարանը մերժեց Ռոբերտ Քոչարյանի կալանքը գրավով փոխելու միջնորդությունը
      2019-09-20 19:39

      Երևան քաղաքի ընդհանուր իրավասության դատարանը (Շենգավիթ նստավայր) դատավոր Աննա Դանիբեկյանի նախագահությամբ որոշեց մերժել ՀՀ երկրորդ նախագահ Ռոբերտ Քոչարյանի խափանման միջոց կալանքը գրավով փոխելու՝ պաշտպանների միջնորդությունը։ ՀՀ երկրորդ նախագահը կշարունակի մնալ կալանքի տակ։

    • ԻՆԳԻԼՈՅ ՕՄԱՐՈՎԻ ԿՅԱՆՔՆ ՈՒ ՄԱՀԸ
      2019-06-20 21:34

      Վերջին շրջանում լարվածությունը հայ-ադրբեջանական սահմանի վրա աճել է։ Ադրբեջանը կրկին սկսել է հայկական դիրքերի գնդակոծումը, անտեսելով Դուշանբեում ձեռք բերված Փաշինյան-Ալիև պայմանավորվածությունները։ Սադրիչ գործողություններով Ալիևը հույս ունի ազդել Վաշինգտոնում կայանալիք հանդիպման ընթացքի վրա և խուսափել զսպման մեխանիզմների գործարկումից։