2019-09-13 23:43
Рубен МАРГАРЯН
ՆԻԿՈԼԻ ԺԱՄԱՆԱԿՆԵՐԸ
Երևանի ընդհանուր իրավասության դատարանի շենգավիթյան նստավայրում դատավոր Աննա Դանիբեկյանի նախագահությամբ երեկ տեղի ունեցավ դատավարության առաջին նիստը սահմանադրական կարգի տապալման մեջ մեղադրվող ՀՀ երկրորդ նախագահ Ռոբերտ Քոչարյանի և մյուսների գործով։
Ռ.Քոչարյանի փաստաբան Հայկ Ալումյանն իր խոսքում հարց հնչեցրեց, թե ինչու են մարտի 1-ին զոհվածների ազգականները դատավարությունում անցնում տուժածների իրավահաջորդների կարգավիճակով։ Մի՞թե հետաքննվում է նրանց սպանության գործը։ Ոչ։ Քոչարյանին, Խաչատուրովին, Օհանյանին, Գևորգյանին մեղադրո՞ւմ են նրանց զոհվելու համար։ Ոչ։
Գործ է լսվում սահմանադրական կարգի տապալման մեղադրանքով։ Այսինքն եթե շտապ պետք են տուժածներ, սկզբունքորեն այդպիսիք կարող են համարվել Հայաստանի յուրաքանչյուր և բոլոր քաղաքացիները։ Եվ ինչո՞ւ միայն մարտի 1-ին ողբերգականորեն զոհվածների ազգականները։ Իսկ վիրավորնե՞րը։ Իսկ ցուցարարների կողմից ծեծի ենթարկված ոստիկաննե՞րը։ Իսկ հրկիզված ավտոմեքենաների տերե՞րը։ Իսկ քաղաքապետարա՞նը որպես տուժող՝ հասարակական ունեցվածքի ոչնչացման առումով։
Հասկանալի է, Ալումյանի հարցերը հռետորական էին։ Հասկանալի է, թե ինչու միայն տասը զոհվածների ազգականներն իրավունք ստացան ներկա լինել որպես տուժածների իրավահաջորդներ. անհրաժեշտ է համապատասխան խորապատկեր ստեղծել, չէ՞ որ բուն գործը, ինչպես վաղուց է հայտնի, «ջուր» է։
Սարգիս Քլոյանը՝ զոհված Գոռ Քլոյանի հայրը Ռոբերտ Քոչարյանին հարց է տալիս, թե ինչու նա իր կառավարման 10 տարիների ընթացքում չբացահայտեց ու չպատժեց իր որդուն սպանողներին։ Այսինքն Գոռ Քլոյանի իրավահաջորդի փաստաբանը, որն այդ դրվագից առաջ երկար-բարակ ու միապաղաղ ինչ-որ բան էր բարբառում՝ ձեռնածություն անելով իրավաբանական տերմիններով, չէր բարեհաճել իր վստահորդին բացատրել, որ Ռոբերտ Քոչարյանը իշխանության ղեկին չէր մարտյան իրադարձություններից ոչ միայն 10 տարի, այլ նույնիսկ երկու ամիս անց։ Սարգիս Քլոյանին դա ստիպված եղավ բացատրել ինքը՝ երկրորդ նախագահը, հաստելով, որ իր գործառույթների մեջ երբեք չի մտել ոչ միայն գործի հետաքննությունը, այլև ինքն առհասարակ չէր կարող միջամտել հետաքննության ընթացքին, քանի որ լրացել էր իր նախագահության ժամկետը, և եթե Սարգիս Քլոյանը մեղավորներ է փնտրում այն բանում, որ իր որդու մահվան հանգամանքները բացահայտված չեն, ապա իր պահանջները պետք է հասցեագրի կողքին նստած դատախազներին…
Տուժածի մեկ այլ իրավահաջորդ՝ Տիգրան Աբգարյանի մայրը նախկին նախագահին մեղադրեց նրանում, որ ոստիկանության զորքերում ծառայող իր որդու մահից դեռ առաջ, մարտի 1-ին նա իբր ասել է, թե արդեն կան զոհեր, իսկ իր որդուն սպանել են նրա համար, որ արդարացնեն Քոչարյանի խոսքերը… Եվ քանի որ Տիգրան Աբգարյանի մորը նրա փաստաբան Սեդա Սաֆարյանը իրական տեղեկատվություն չէր տրամադրել, Ռոբերտ Քոչարյանը ստիպված եղավ կնոջը պարզաբանել, որ նման բան չի ասել մարտի 1-ի իր ելույթում, այլ խոսել է այն մասին, որ կան վիրավորներ, տուժածներ. սպանվածների մասին խոսք չի եղել, գործում կա իր ելույթի ձայնագրությունը… Իսկ կեղծ տեղեկատվությունը, որ տրամադրվել է Տիգրան Աբգարյանի մորը, 10 տարի անց հնչեցրել է Հատուկ քննչական ծառայության ղեկավար Սասուն Խաչատրյանը իր մամլո ասուլիսում՝ հենց նրա համար, որպեսզի համապատասխան հուզական խորապատկեր ստեղծի և մոլորության մեջ գցի զոհվածների ազգականներին։
Զոհվածի մայրը խոսեց նաև այն մասին, որ Լեոյի փողոցում, որտեղ սպանվել է իր որդին, ցուցարարներ չկային։ Եվ քանի որ նրա փաստաբանները չէին բարեհաճել, ապա Ռ.Քոչարյանն ինքը ստիպված եղավ բացատրել, որ հարցն էլ հենց նրանում է, որ կային, և այդ մասին են վկայում գործի նյութերը, բայց քննչական խմբում ոչ ոք հարց չտվեց, թե նրանք ինչ էին անում այնտեղ, երբ բուն ցույցը, եթե դա կարելի է այդպես անվանել, ընթանում էր այդտեղից 500 մետր հեռավորության վրա։ Եվ գործում կան ցուցմունքներ այն մասին, որ Աբգարյանի վրա կրակոցն արձակվել էր հենց ցուցարարների կողմից և հենց այդ պատճառով էլ ոստիկանության ղեկավարությունը դիպուկահար էր կանչել, որպեսզի չեզոքացվեր Տիգրան Աբգարյանի վրա կրակողը։
Ականջալուր կլինե՞ն արդյոք զոհվածների իրավահաջորդները նախկին նախագահի փաստարկներին։ Դժվար թե, նոր իշխանությունը նրանց հատկացրել է 30-ական միլիոն, այդքան չեն հատկացնում զոհված զինծառայողների հարազատներին։ Բացի այդ, խաղի մեջ է մտել ՀՀՇ-ն, հետևաբար տրամաբանական է, որ արդեն հայտնվել են առաջին տուժածները։ Եվ սա լոկ սկիզբն է։
Դատարանի պատերից անդին ցույցեր էին ընթանում։ «Քոչարյան-հերոս» վանկարկող մարդկանց խմբին հհշականները հակադարձում էին «Քոչարյան-մարդասպան»։ Առանձնակի ազատ որոշ ԶԼՄ-ներ, գոհ ժպտալով, հավասարության նշան են դնում այդ երկու կարգախոսների միջև. իբր՝ դե, ոմանք գոռում են մի բան, մյուսները՝ այլ բան։ Մի տեսակ սրիկայական անխտրողություն։ Մի դեպքում մարդիկ իրենց աջակցությունն են արտահայտում անազատության մեջ գտնվող մարդուն, Արցախի հերոսին. այդ տողերը նրա կենսագրությունից չեն կարող ջնջել ո՛չ ՀՔԾ ղեկավարը, ո՛չ դատախազները։
Մյուս դեպքում՝ անմիջական վիրավորանք։ Դե ինչ, նշանակում է՝ դուք պատրաստ եք վաղը լսել ի պատասխան. «Լևոն-մարդասպան», «Նիկոլ-մարդասպան», «Ժիրո-մարդասպան»… Եվ ի՞նչ։ Եվ ո՞ւր կհասնենք։
Հ.Գ.Անդրանիկ Միհրանյանը մի առիթով այսպես արտահայտվեց Նիկոլ Փաշինյանի մասին.«Նրա գործողություններում ժողովրդավարության նույնիսկ ակնարկ չեմ տեսնում։ Ժամանակի հետ, իր իշխանությունը պահպանելու համար, նա ստիպված կլինի կոշտ բռնապետություն հաստատել։ Բոլոր պոպուլիստները իշխանության են գալիս ժողովրդավարական ճանապարհով, իսկ արդյունքում հաստատում են ավտորիտար ռեժիմներ։ Վերցնենք հենց նույն Էրդողանին, Օրբանին. Չէ՞ որ նրանք իշխանության են եկել բացարձակ ժողովրդավարական ճանապարհով, իսկ հիմա անձնական կոշտ իշխանություն են հաստատել։ Պատմության մեջ շատ են այդպիսի օրինակները։ Նույնիսկ ԱՄՆ-ում շատերը մտավախություն ունեն, որ Թրամփը կարող է ավտորիտար ռեժիմ հաստատել։ Այսօր պոպուլիզմը մեծ խնդիր է դառնում աշխարհում։ Քայքայվում է միջին խավը, ընթանում է հասարակության կտրուկ բևեռացում, ինչը հանգեցնում է նրան, որ իշխանության են ձգտում պոպուլիստները»։
Հավելենք, որ բռնակալներ հայտնվում են նաև այն պատճառով, որ նրանց սատարում է ոչ միայն արյունատենչ ամբոխը, այլև այն կեղծ մտավորականությունը, որն այսօր զմայլվում է «Ռոբերտ-մարդասպան» պաստառներով։ Դե ինչ, շարունակեք զմայլվել և այնժամ լիուլի կստանաք այն, ինչի ձգտում եք. բռնատիրություն, պատերազմ, քաղաքացիական բախումներ։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2021-07-12 21:50Սահմանադրական դատարանի մի քանի նիստ է կայացել՝ խորհրդարանական ընտրությունների արդյունքները չընդունելու մասին քաղաքական չորս ուժերի հայցերով։ Ի՞նչ կարելի է ասել։ Հասկանալի է բոլոր նրանց հոռետեսությունը, ովքեր համարում են, որ ՍԴ-ն կմերժի ներկայացված հայցերը։ Չի համարձակվի աջակցել նրանց։ Այսինքն մի քիչ ամոթանք կտա գործող իշխանությանը, բայց ընտրությունների արդյունքները կճանաչի։
-
2021-07-12 19:55Կարող է հավակնել Գինեսի ռեկորդների գրքում գրանցվելու Նախ՝ չափանիշների մասին։ Հիշո՞ւմ եք Փաշինյանի ուղերձը ժողովրդին՝ այն խոսքերով, թե զինված ուժերը գլխավորելու իր ունակությունն ու հմտությունները կասկածի ենթակա չեն։ Այդ հայտարարությունը հնչեցվեց Նիկոլի կողմից իր սեփական սիրելի անձը գերագույն գլխավոր հրամանատար հռչակելու արշալույսին։
-
2021-06-24 19:30Պրոֆեսորը կալանավորվել է քաղաքական դրդապատճառներով Նախօրեին դատավոր Արմենուհի Մելիքսեթյանը տվեց բժշկական գիտությունների դոկտոր, պրոֆեսոր Արմեն Չարչյանին կալանավորելու սանկցիան: Ավելի վաղ դատավոր Մանվել Շահվերդյանը սանկցիան մերժել էր…
-
2020-09-29 20:08Սեպտեմբերի 27-ից մենք ապրում ենք նոր հարթությունում. խաղաղությունը փոխարկվել է պատերազմի։ Նման բան արդեն տեղի է ունեցել Երրորդ հանրապետության պատմության մեջ։ Հիշենք 90-ականների սկիզբը կամ 2016 թվականի Ապրիլյան պատերազմը։ Այդ տարիների փորձը ցույց է տալիս, որ պատերազմն իր օրենքներն ունի։ Այստեղ խոսքը ոչ միայն ռազմական դրության կանոնների, այլև չգրված այլ կանոնների ու օրենքների մասին է: