Последние новости
2019-09-26 15:52

Վաղինակ Սարգսյան․ ՀՀ սահմանների պաշտպանությունն ամբողջ ԱՊՀ սահմանների պաշտպանությունն է

0
Telegram

ՀՀ սահմանների պաշտպանությունը ենթադրում է ԱՊՀ բոլոր պետությունների սահմանների պաշտպանություն: Դրանք ԱՊՀ արտաքին սահմաններն են: Այս մասին լրագրողների հետ զրույցում ասաց ՀՀ ԱԱԾ սահմանապահ զորքերի հրամանատար, գնդապետ Վաղինակ Սարգսյանը:

Ամփոփելով ԱՊՀ պետությունների «Արարատ-հակատեռոր-2019» համատեղ զորավարժությունների արդյունքները՝ Սարգսյանը նշեց ստորաբաժանումների գործողությունների համակարգվածությունը: Նրա խոսքով՝ նման զորավարժությունները հատուկ նշանակություն ունեն տարածաշրջանային իրավիճակի համար: Մասնավորապես, Մերձավոր Արևելքի բանդային ձևավորումների համար Հայաստանը կարող է որպես տարանցիկ երկիր գրավիչ դառնալ: Այդ կապակցությամբ իրավիճակը մոդելավորվում է՝ նման իրավիճակներին պատրաստ լինելու համար:

«Գնահատականը մեկն է՝ կատարելագործմանը սահմաններ չկան: Սակայն ընդհանուր առմամբ կարող եմ ասել, որ լավ են աշխատել, համակարգված: Ընդհանուր առմամբ գոհ եմ»,- ասաց Սարգսյանը:

Պատախանելով զբոսաշրջիկների հոսքի մեծացման հետ կապված պոտենցիալ սպառնալիքի մասին հարցին՝ նա նկատեց, որ ցանկացած հոսք ինքնին թաքնված սպառնալիք է:

«Բնականաբար, նպատակը զտելն է, թե ով է իսկապես զբոսաշրջիկ, ով՝ գործարար, կամ թե ով է թաքնվում: Բոլոր երկրներում հատուկ ծառայությունների խնդիրը մեկը մյուսից տարբերելն է: Մենք զգոն ու աչալուրջ ենք»,- եզրափակեց Սարգսյանը, տեղեկացնում է NEWS.am-ը:

Основная тема:
Զորավարժություններ

Теги:
Սահման

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ

  • ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
    2022-03-16 18:14

    Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:

  • ԲԱՔՈՒՆ ՈՒ ԱՆԿԱՐԱՆ ԸՆԴԴԵՄ ԹԵՀՐԱՆԻ ԵՎ ՄՈՍԿՎԱՅԻ
    2021-10-01 19:25

    Իրանն այսօր սկսում է իր ցամաքային զորավարժությունները Ադրբեջանի սահմանների մոտ։ Թեման լայնորեն քննարկվում է, ինչը կապված է զորավարժությունների առնչությամբ Ադրբեջանի նախագահ Իլհամ Ալիևի հայտնած մտահոգության հետ։ Anadolu-ին տված հարցազրույցում նա վրդովված հարց է տվել, թե ինչու, իբր, Իրանն այնտեղ զորավարժություններ չէր անցկացնում նախկինում, երբ այդ սահմանային տարածքները վերահսկում էին հայկական ստորաբաժանումները։

  • ԻՆՉԻ ՄԱՍԻՆ ՉԱՍԱՑ ՄԱՐԳԱՐԻՏԱ ՍԻՄՈՆՅԱՆԸ
    2020-07-21 08:38

    Գաղտնիք չէ, որ Հայաստանում Նիկոլ Փաշինյանի իշխանության գալուց հետո հայ-ռուսական հարաբերությունները պարբերաբար փոթորկվում են, ինչը կանխատեսելի էր, եթե հաշվի առնենք, որ ընդդիմադիր եղած ժամանակ Փաշինյանը կատաղի քննադատում էր ինչպես երկկողմ հարաբերությունները, այնպես էլ Հայաստանի անդամակցումը ՀԱՊԿ-ին և ԵԱՏՄ-ին:

  • Հայաստանում լայնածավալ զորավարժություններ են սկսվել
    2019-09-24 12:23

    Հայաստանում սեպտեմբերի 24-ի առավոտյան սկսվել են ծավալներով աննախադեպ ռազմավարական զորավարժություններ «Զինված ուժերի ծավալումը, հակառակորդի ագրեսիայի դիմակայությունը» թեմայով։ Զորավարժություններում ներգրավված են պետական կառավարման և տեղական ինքնակառավարման մարմինները։ Զորավարժությունները կտևեն մինչև հոկտեմբերի 5-ը։