2021-10-01 19:25
Рубен МАРГАРЯН
ԲԱՔՈՒՆ ՈՒ ԱՆԿԱՐԱՆ ԸՆԴԴԵՄ ԹԵՀՐԱՆԻ ԵՎ ՄՈՍԿՎԱՅԻ
Իրանն այսօր սկսում է իր ցամաքային զորավարժությունները Ադրբեջանի սահմանների մոտ։ Թեման լայնորեն քննարկվում է, ինչը կապված է զորավարժությունների առնչությամբ Ադրբեջանի նախագահ Իլհամ Ալիևի հայտնած մտահոգության հետ։ Anadolu-ին տված հարցազրույցում նա վրդովված հարց է տվել, թե ինչու, իբր, Իրանն այնտեղ զորավարժություններ չէր անցկացնում նախկինում, երբ այդ սահմանային տարածքները վերահսկում էին հայկական ստորաբաժանումները։
Թեհրանից Ալիեվին պատասխանել են ինչպես պաշտոնապես՝ Իրանի ԱԳՆ ներկայացուցչի հայտարարության միջոցով, այնպես էլ ոչ պաշտոնապես՝ ԶԼՄ-ների միջոցով և Իսլամական հեղափոխության պահապանների կորպուսի (ԻՀՊԿ) հրամանատարների առանձին մեկնաբանություններով։ Նախ նշել են, որ զորավարժությունների անցկացման վայրի ընտրությունը իրենց ինքնիշխան իրավունքն է, և եթե երես առած լակոտ Ալիևը նվեր է ստացել Թուրքիայից՝ Արցախի մի մասի նկատմամբ վերահսկողության տեսքով, դա չի նշանակում, թե կարող է ինչ-որ բան պահանջել Իրանից։
Թեհրանում նաև հայտարարել են, որ Իլհամ Ալիևը շատ լավ գիտի, թե ինչու է Իրանը զորավարժություններ անցկացնում Ադրբեջանի սահմանների մոտ, և պետք է հասկանա, որ Իսրայելի հետ համագործակցությունը Բաքվին լավ օրի չի հասցնի, իսկ իսրայելական հետախուզության ներկայացուցիչների ներկայությունը Խուդաֆերինի ջրամբարի մոտ՝ առավելևս:
Իրանական ԶԼՄ-ներն իրենց հերթին հիշեցրել են Ալիևին, որ Հայաստանը, ի տարբերություն Ադրբեջանի, հավակնություններ չունի Իրանի նկատմամբ, Իսլամական Հանրապետության տարածքում չի ստեղծում իր գործակալական ցանցը, չի խոչընդոտում Իրանի հետ առևտրային կապերի զարգացմանը և մտադիր չէ վերաձևել սահմանները տարածաշրջանում:
Թեհրանում ընդգծում են, որ տարածաշրջանում սահմանների և աշխարհաքաղաքական իրավիճակի ցանկացած փոփոխություն անընդունելի է Իրանի համար: Իսլամական հեղափոխության պահապանների կորպուսի ցամաքային ուժերի հրամանատար Մոհամմադ Փաքպուրն ի պատասխան Ալիևի հայտարարության՝ նշել է, որ Իրանի և նրա հարևան ու բարեկամ երկրների սահմանների անվտանգության հարցը փոխկապակցված է և մեծ կարևորություն ունի: Այսպիսով, Իրանը մատնանշում է իր դիրքորոշումը նաև «Զանգեզուրի միջանցքի» վերաբերյալ Ալիևի ու Էրդողանի ծրագրերի նկատմամբ։
Դե, և վերջապես, ԻԻՀ-ում Ադրբեջանի նոր դեսպանին հայտարարել են դեպի Արցախ բեռնափոխադրման պատրվակով իրանցի երկու վարորդների ձերբակալման անընդունելիության մասին…
Ալիևի հասցեին Թեհրանից հնչած կոշտ հայտարարությունները ժամանակային առումով համընկան Սոչիում Պուտինի և Էրդողանի հանդիպման հետ։ Գրեթե երեք ժամ տևած փակ բանակցություններին չի հաջորդել ո՛չ ճեպազրույց, ո՛չ էլ հայտարարություն ԶԼՄ-ների համար։ Հետևաբար, չնայած արտաքին բարյացակամությանը, երկու առաջնորդների միջև խոսակցությունը բարդ է եղել, ընդհանուր օրակարգի ոչ բոլոր հարցերի շուրջ են համաձայնության եկել, ինչը զարմանալի չէ, եթե հաշվի առնենք Թուրքիայի դիրքորոշումը Ղրիմի հարցում։ Փորձագետները նշել են, որ Պուտինի հետ Էրդողանի բանակցություններից անմիջապես հետո թուրքերը սկսել են դուրս բերել իրենց ստորաբաժանումներն Իդլիբից։
Խոսակցությունը չէր կարող չշոշափել նաև Լեռնային Ղարաբաղի թեման։ «Ռուսաստանյան կողմն ընդգծել է, որ կողմերը պետք է փոխզիջումային լուծում փնտրեն սահմանազատման և տրանսպորտային ենթակառուցվածքի զարգացման հարցում»,- մեկնաբանել է Ռուսաստանի նախագահի մամուլի քարտուղար Դմիտրի Պեսկովը: Ռուսաստանի ԱԳՆ Տեղեկատվության և մամուլի դեպարտամենտի փոխտնօրեն Ալեքսեյ Զայցևն իր հերթին հայտարարել է. «Շարունակում ենք աշխատանքը հայ ռազմագերիներին ազատ արձակելու ուղղությամբ՝ ականապատ դաշտերի քարտեզները տրամադրելու դիմաց։ Եվ համոզված ենք, որ այդ գրգռիչների շուտափույթ վերջնական վերացումը կնպաստի Երևանի և Բաքվի հարաբերությունների առողջացմանը»։
Իսկ Էրդողանն ինքնաթիռում ասել է իր լրագրողներին, թե «Զանգեզուրի միջանցքի» բացումը կնպաստի տարածաշրջանում տնտեսական կապերին, և հավելել, որ «Հայաստանն էլ պետք է կատարի իր պարտավորությունները»։
Փաստորեն Պուտինն ու Էրդողանը խոսել են այն քայլերի մասին, որոնք պետք է ձեռնարկեն Բաքուն, Երևանն ու Անկարան՝ տարածաշրջանում լարվածությունը լիցքաթափելու համար։ Բաքվի կողմից դա Հայաստան-Իրան ճանապարհով տարանցիկ բեռնափոխադրմանը չխոչընդոտելն է, ստորաբաժանումների դուրսբերումը Հայաստանի սահմանամերձ տարածքներից և, իհարկե, բոլոր հայ գերիների վերադարձը։
Անդրադառնալով ընդհանուր առմամբ տարածաշրջանային զարգացումներին՝ նշենք, որ ինչպես ռուս-թուրքական, այնպես էլ իրան-ադրբեջանական հարաբերություններում վերջին զարգացումները վկայում են, որ թուրք-ադրբեջանական տանդեմի ագրեսիվ պահվածքը տարածաշրջանում հարուցում է մյուս դերակատարների արդեն անթաքույց նյարդայնությունը։ Եվ այդ մասին Անկարային ու Բաքվին հասկացնում են բնավ ոչ երկիմաստորեն։
Հ.Գ.-Էրդողանի հետ Պուտինի հանդիպումից հետո հաղորդագրություն ստացվեց, որ առաջիկայում Փաշինյանը կայցելի Մոսկվա։ Նշվում է նաև օրը. հոկտեմբերի 12։
ПОСЛЕДНИЕ ОТ АВТОРА
-
2025-05-24 11:57От главы МИД России Сергея Лаврова узнали, что в 2026 году Армения намерена принять очередной саммит Европейского политического сообщества - форума, задуманного как площадка общеевропейского политического диалога на уровне лидеров, за исключением России и Беларуси. А уж после Лаврова от Пашиняна узнали, что пройдет форум весной 2026 года: впритык к очередным парламентским выборам.
-
2025-05-22 12:15Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.
-
2025-05-21 12:14Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.
-
2025-05-21 10:02Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.
ПОСЛЕДНЕЕ ПО ТЕМЕ
-
2022-01-24 18:52Ի՞նչ կնշանակե «Եղիսաբեթիչի» հրաժարականը: Նախազգուշացում հասարակությանը՝ մեզ սպասվող չափազանց լուրջ մարտահրավերների մասին։ Այլապես նա երբեք չէր հեռանա, այլ կշարունակեր հանգիստ նստած մնալ իր աթոռին՝ առանց լիազորությունների, ինչպես որ հանգիստ նստած էր, երբ Նիկոլը խախտում էր Սահմանադրությունը պատերազմից առաջ, ինչպես որ հանգիստ նստած էր պատերազմի ժամանակ, ինչպես որ հանգիստ նստած էր, երբ Նիկոլն անարգել հանձնում էր Հայաստանի դիրքերը պատերազմից հետո։ Իսկ հիմա հեռացավ։ Ի՞նչ ավելի լուրջ մարտահրավերներ են սպասվում Հայաստանին, քան այն, ինչի միջով մենք արդեն անցել ենք։
-
2021-10-16 08:43Անցած գիշերը կրկին անհանգիստ էր մեր բազմաթիվ հայրենակիցների համար. Բաքուն հերթական սադրանքն էր կազմակերպել Արցախի հետ սահմանին, գնդակոծվել է Պաշտպանության բանակի մարտական հենակետը, հայկական կողմից վիրավորվել է վեց զինծառայող: Իրավիճակն աստիճանաբար կայունացել է կեսգիշերն անց, Արցախի պաշտպանության նախարարության մամուլի ծառայությունը հայտնել է, որ դիրքային կամ տարածքային կորուստներ չունենք, Պաշտպանության բանակի հրամանատարությունը հանրապետության իշխանությունների հետ միասին աշխատում է ռուս խաղաղապահների հրամանատարության հետ՝ իրավիճակի հետագա լիցքաթափման նպատակով:
-
2021-10-08 07:58Լրահոսը լի է Բաքվի և Թեհրանի միջև շարունակվող դիմակայության մասին հաղորդագրություններով: Վերջինս հայտնել է, որ Ադրբեջանի պաշտպանական գերատեսչության ղեկավարությանը ծանուցում է ուղարկել այն մասին, որ փակում է իր օդային տարածքը դեպի Նախիջևան ռազմական մատակարարումներ իրականացնող ադրբեջանական ռազմաօդային ավիացիայի համար: Բաքվում քմծիծաղել են և պատասխանել հաղորդագրությամբ, որ ադրբեջանական «AZAL» ավիափոխադրողը վերականգնում է Բաքու-Նախիջևան չվերթները Հայաստանի օդային տարածքով:
-
2021-08-30 17:51ՀՀ պաշտպանության նախարարությունը տեղեկացնում է, որ օգոստոսի 29-ին, ժամը 00:20-ից սկսած, ադրբեջանական զինուժը տարբեր տրամաչափի հրաձգային զինատեսակներից կրակ է բացել Գեղարքունիքի մարզի հայկական դիրքերի ուղղությամբ, մասնավորապես՝ հայ-ադրբեջանական սահմանի Սոթքի հատվածում, ինչի հետևանքով սկսվել է շուրջ երկու ժամ տևած ինտենսիվ փոխհրաձգություն: Ժամը 02։25-ին ադրբեջանական դիրքերին շտապօգնության մեքենա է մոտեցել, որից հետո հայկական կողմը դադարեցրել է կրակը, թույլ տալով տարհանել հակառակորդի վիրավորներին: Հայկական կողմից զոհեր չկան։