Последние новости

ԹԵՀՐԱՆԻ ՀԵՏ ԴԻՄԱԿԱՅՈՒԹՅԱՆ ՄԵՋ ԲԱՔՈՒՆ ՉՈՒՆԻ ԳԼԽԱՎՈՐ ՀԱՂԹԱԹՈՒՂԹԸ

Լրահոսը լի է Բաքվի և Թեհրանի միջև շարունակվող դիմակայության մասին հաղորդագրություններով: Վերջինս հայտնել է, որ Ադրբեջանի պաշտպանական գերատեսչության ղեկավարությանը ծանուցում է ուղարկել այն մասին, որ փակում է իր օդային տարածքը դեպի Նախիջևան ռազմական մատակարարումներ իրականացնող ադրբեջանական ռազմաօդային ավիացիայի համար: Բաքվում քմծիծաղել են և պատասխանել հաղորդագրությամբ, որ ադրբեջանական «AZAL» ավիափոխադրողը վերականգնում է Բաքու-Նախիջևան չվերթները Հայաստանի օդային տարածքով:

Ասել է թե՝ նստեք ձեր տեղը, ընկեր իրանցիներ, դուք այդտեղ ձեզ պատռում եք, որ աջակցեք Հայաստանին սահմանների, հաղորդակցությունների հարցում, փչացնում մեզ հետ հարաբերությունները բացի ամենից նաև այդ հողի վրա, իսկ իրենք՝ հայերը օգնում են մեզ Նախիջևանի հետ կապը կարգավորելու գործում:

Իսկապես, անհարմար է։ Ահավասիկ արտգործնախարար Արարատ Միրզոյանը մեկնել էր Իրան, այնտեղ նրա ներկայությամբ ԱԳ նախարար Ամիր Աբդոլլահիյանը հայտարարեց, որ Թեհրանը թույլ չի տա, որ դրսից ինչ-որ մեկը Հայաստանին թելադրի իր պայմանները։ Արարատ Միրզոյանը շնորհակալություն հայտնեց նման սկզբունքային դիրքորոշման համար։ Երևանում Իրանի պատվիրակությունը քննարկում է օգնության հնարավորությունը երկու պետությունները կապող այլընտրանքային ճանապարհի կառուցման հարցում: Ու հանկարծ՝ այսպիսի ստորություն....

Բայց չենք կարծում, թե Թեհրանում շատ են զարմացել։ Այնտեղ գիտեն, թե ինչ է իրենից ներկայացնում ներկայիս հայկական իշխանությունը և դժվար թե պատրանքներ ունեն Բաքվի հետ դիմակայության հարցում Երևանից աջակցություն ակնկալելու վերաբերյալ։ Թեհրանում Ռոբերտ Քոչարյանից ոչ պակաս լավ են հասկանում Փաշինյանի կառավարության «փամփերսային» արտաքին քաղաքականության առանձնահատկությունները։

Այդ բնորոշումը, ի դեպ, սաստիկ դիպել է իշխող թիմի սրտին։ Նրանց, ովքեր շատ են նեղացել, կարելի է խորհուրդ տալ վերադիտել Ազգային անվտանգության խորհրդի քարտուղար Արմեն Գրիգորյանի վերջին հարցազրույցը Պետրոս Ղազարյանին։ Ուշադրություն դարձնել մեր անվտանգության համար պատասխանատուի դեսուդեն փախչող, երկչոտ աչքերին և հետո միայն դատել՝ կոռեկտ է Քոչարյանն իր բնորոշման մեջ, թե ոչ։

Այնպես որ դժվար թե Թեհրանում վիրավորվեն Երևանից։ Չէ՞ որ մինչ Ադրբեջանը փակում Է Իրանի գերագույն առաջնորդ Ալի Խամենեիի գրասենյակը Բաքվում, Իրանը հանդես է գալիս ի պաշտպանություն Հայաստանի տարածքային ամբողջականության։ Մինչ Իրանը փակում է իր օդային տարածքը Բաքվից Նախիջևան ռազմական բեռնափոխադրումների համար, Երևանն օգնում է Ալիևին լուծել այդ խնդիրը... Ամեն ինչ՝ Փաշինյանի ոգով։

Հակամարտության մեջ մտնելով Բաքվի հետ՝ Թեհրանում գիտեն, որ Երևանի վրա հույս դնել չարժե, և Իրանի համար դժվար է լինելու, մանավանդ որ Ադրբեջանի թիկունքում Թուրքիան և Իսրայելն են՝ իրենց ժամանակակից ռազմական տեխնիկայով։ Իհարկե, դեռևս հույս կա, որ իրան-ադրբեջանական հակամարտությունը խաղաղ կհանգուցալուծվի, բայց նույնիսկ եթե այն մտնի թեժ փուլ, ակնհայտ է, որ Իրանը վճռական է տրամադրված և Իսրայելի ու Թուրքիայի ժամանակակից սպառազինությունը որոշիչ գործոն չի լինի։

Ալիևն, ամենայն հավանականությամբ, չի համարձակվի զինված առճակատման գնալ. չէ՞ որ ով-ով, իսկ ինքը շատ լավ գիտի, որ Իրանի հետ դիմակայության մեջ չի ունենա այն գլխավոր հաղթաթուղթը, որն օգնեց հաղթել Արցախի և Հայաստանի դեմ պատերազմում։ Իրանում չկա Նիկոլ Փաշինյան։ Չկա դատարկախոս և նրան աջակցող բացարձակ անօգուտ մարդկանց թիմ, այլ կա պետություն, որը ռազմական գործողությունների դեպքում լիովին մոբիլիզացնում է երկրի ռեսուրսները՝ իր ազգային խնդիրները լուծելու համար։

Основная тема:
Теги:

    ПОСЛЕДНИЕ ОТ АВТОРА

    • ПРИЗНАНИЕ РУЧЕЧНИКА
      2022-06-28 13:11
      1167

      В фильме "Место встречи изменить нельзя" в исполнении Евгения Евстигнеева есть такой симпатичный персонаж-карманник по кличке "Ручечник". Потому как ловко выхватывает дорогостоящие ручки из чужих карманов. У нас уже есть свой, гораздо более знаменитый "Ручечник", и вчера он провел обещанную "пресс-конференцию", отвечая на заранее присланные, заранее отобранные вопросы, которые озвучивала одна из журналисток Первого телеканала.

    • ОТВЕРЖЕННЫЙ
      2022-06-27 13:20
      1905

      Он так любил всех и все отрицать, что и к власти пришел на этой волне «гордого отрицания»: людей, прошлого, традиций, истории, побед… Сегодня возвращается бумерангом: самым отверженным становится он сам, очень напоминая одного из героев сказок старушки Изергиль – в одиночестве бродящим отверженным людьми Ларрой, с которым никто не хочет иметь дело.

    • "С ГРУЗОМ НА ШЕЕ", или КАК ДЖАНГИРЯН АЛЕКСАНЯНА ДОПОЛНИЛ
      2022-06-25 09:28
      1586

      Неисповедимы пути к славе, особенно, когда проходят они через самокритику. Вот депутат Ваагн Алексанян на века прославился тем, что в нужное время сравнил депутата от правящей фракции с рюкзаком Никола. Причем сравнение было именно в пользу рюкзака Никола. За этот блестящий ход Алексанян был награжден Николом мандатом рюкзака, то есть, простите, мандатом депутата от правящей фракции. Никол Воваевич, в отличие от других сильных мира сего, умеет быть благодарным.

    • "ГД" - ПАРТИЯ И "ГД" - ЧЕЛОВЕК
      2022-06-23 11:01
      2046

      Каждый выбирает себе команду, близкую по духу. Сильный лидер не боится сильной команды. Убогий лидер и команду набирает убогую. Все, кто знаком с новейшей историей Армении, прекрасно знают, что такое Гагик Джангирян. Это не просто дно. Это дно дна.






    ПОСЛЕДНЕЕ ПО ТЕМЕ

    • «ԵՂԻՍԱԲԵԹԻ ԶԱՎԱԿԸ» ԼՔՈՒՄ Է ԽՈՐՏԱԿՎՈՂ ՆԱՎԸ
      2022-01-24 18:52
      1056

      Ի՞նչ կնշանակե «Եղիսաբեթիչի» հրաժարականը: Նախազգուշացում հասարակությանը՝ մեզ սպասվող չափազանց լուրջ մարտահրավերների մասին։ Այլապես նա երբեք չէր հեռանա, այլ կշարունակեր հանգիստ նստած մնալ իր աթոռին՝ առանց լիազորությունների, ինչպես որ հանգիստ նստած էր, երբ Նիկոլը խախտում էր Սահմանադրությունը պատերազմից առաջ, ինչպես որ հանգիստ նստած էր պատերազմի ժամանակ, ինչպես որ հանգիստ նստած էր, երբ Նիկոլն անարգել հանձնում էր Հայաստանի դիրքերը պատերազմից հետո։ Իսկ հիմա հեռացավ։ Ի՞նչ ավելի լուրջ մարտահրավերներ են սպասվում Հայաստանին, քան այն, ինչի միջով մենք արդեն անցել ենք։

    • ԱՐՑԱԽՅԱՆ ԲԱՍՏԻՈՆ
      2021-10-16 08:43
      2008

      Անցած գիշերը կրկին անհանգիստ էր մեր բազմաթիվ հայրենակիցների համար. Բաքուն հերթական սադրանքն էր կազմակերպել Արցախի հետ սահմանին, գնդակոծվել է Պաշտպանության բանակի մարտական հենակետը, հայկական կողմից վիրավորվել է վեց զինծառայող: Իրավիճակն աստիճանաբար կայունացել է կեսգիշերն անց, Արցախի պաշտպանության նախարարության մամուլի ծառայությունը հայտնել է, որ դիրքային կամ տարածքային կորուստներ չունենք, Պաշտպանության բանակի հրամանատարությունը հանրապետության իշխանությունների հետ միասին աշխատում է ռուս խաղաղապահների հրամանատարության հետ՝ իրավիճակի հետագա լիցքաթափման նպատակով:

    • ԲԱՔՈՒՆ ՈՒ ԱՆԿԱՐԱՆ ԸՆԴԴԵՄ ԹԵՀՐԱՆԻ ԵՎ ՄՈՍԿՎԱՅԻ
      2021-10-01 19:25
      2101

      Իրանն այսօր սկսում է իր ցամաքային զորավարժությունները Ադրբեջանի սահմանների մոտ։ Թեման լայնորեն քննարկվում է, ինչը կապված է զորավարժությունների առնչությամբ Ադրբեջանի նախագահ Իլհամ Ալիևի հայտնած մտահոգության հետ։ Anadolu-ին տված հարցազրույցում նա վրդովված հարց է տվել, թե ինչու, իբր, Իրանն այնտեղ զորավարժություններ չէր անցկացնում նախկինում, երբ այդ սահմանային տարածքները վերահսկում էին հայկական ստորաբաժանումները։

    • ՏԱԳՆԱՊԱԼԻ ԱԶԴԱՆՇԱՆ ԱԼԻԵՎԻ ՀԱՄԱՐ
      2021-08-30 17:51
      2430

      ՀՀ պաշտպանության նախարարությունը տեղեկացնում է, որ օգոստոսի 29-ին, ժամը 00:20-ից սկսած, ադրբեջանական զինուժը տարբեր տրամաչափի հրաձգային զինատեսակներից կրակ է բացել Գեղարքունիքի մարզի հայկական դիրքերի ուղղությամբ, մասնավորապես՝ հայ-ադրբեջանական սահմանի Սոթքի հատվածում, ինչի հետևանքով սկսվել է շուրջ երկու ժամ տևած ինտենսիվ փոխհրաձգություն: Ժամը 02։25-ին ադրբեջանական դիրքերին շտապօգնության մեքենա է մոտեցել, որից հետո հայկական կողմը դադարեցրել է կրակը, թույլ տալով տարհանել հակառակորդի վիրավորներին: Հայկական կողմից զոհեր չկան։