Последние новости

«ԵՂԻՍԱԲԵԹԻ ԶԱՎԱԿԸ» ԼՔՈՒՄ Է ԽՈՐՏԱԿՎՈՂ ՆԱՎԸ

Ի՞նչ կնշանակե «Եղիսաբեթիչի» հրաժարականը: Նախազգուշացում հասարակությանը՝ մեզ սպասվող չափազանց լուրջ մարտահրավերների մասին։ Այլապես նա երբեք չէր հեռանա, այլ կշարունակեր հանգիստ նստած մնալ իր աթոռին՝ առանց լիազորությունների, ինչպես որ հանգիստ նստած էր, երբ Նիկոլը խախտում էր Սահմանադրությունը պատերազմից առաջ, ինչպես որ հանգիստ նստած էր պատերազմի ժամանակ, ինչպես որ հանգիստ նստած էր, երբ Նիկոլն անարգել հանձնում էր Հայաստանի դիրքերը պատերազմից հետո։ Իսկ հիմա հեռացավ։ Ի՞նչ ավելի լուրջ մարտահրավերներ են սպասվում Հայաստանին, քան այն, ինչի միջով մենք արդեն անցել ենք։

Մեծ հաշվով, մենք պետք է շնորհակալ լինենք «Եղիսաբեթիչին» այս նախազգուշացման համար։ Եվ այս հնարավորության։ Քանզի նախագահի հրաժարականը հարված է Փաշինյանին։ Նախագահի թեկնածուի վերաբերյալ վարչապետի ցանկացած որոշում կասկածելի կդիտվի և միայն կընդգծի նրա դիրքերի թուլությունը. Նիկոլը չունի և չի կարող ունենալ համարժեք լուծում։

Վերջին նշանակումներն արդեն իսկ կադրային քաղցի վկայությունն էին։ Գնալով նվազում է այն մարդկանց թիվը, որոնց վստահում է Փաշինյանը. ուստի պատասխանատու տեղերում նա նշանակում է իր ամենահավատարիմ թիմակիցներին։ Դրանք են՝ «մշտական» Արգիշտի Քյարամյանը, Սուրեն Պապիկյանը, Ռուստամ Բադասյանը, Ռուբեն Ռուբինյանը, Սասուն Խաչատրյանը։ Սրանք ասես Ֆիգարոն լինեն. մերթ այստեղ են, մերթ այնտեղ։ Դե, և իհարկե՝ ամեն ինչի համաձայն ու միշտ ինքնագոհ Ալենը: Իսկ նախագահի պաշտոնում իսկապես արժանի թեկնածու առաջադրել Փաշինյանն անկարող է։

Նախագահի որոշումը փաստացի հրահրում է նոր ճգնաժամ։ Կկարողանա՞ արդյոք Նիկոլը չոր դուրս գալ դրանից։ Բարդ խնդիր է, քանի որ արտաքին բոլոր մարտահրավերներն ուժի մեջ են. Արցախի խնդիրը, Ադրբեջանի սպառնալիքները, Թուրքիայի ծրագրերը, միջազգային քաղաքական ճգնաժամը։ Հենց այս խորապատկերին է Նիկոլը ստիպված լինելու նախագահ ընտրել իր կադրային դատարկությունից։

Նախագահի հրաժարականը նաև ազդանշան է Նիկոլի թիմի համարժեք անդամներին։ Եվ չնայած վարչապետը հայտարարում է, թե միայն ինքն է որոշում, թե նախարարներից ով պետք է շարունակի աշխատանքը, իսկ ով՝ հեռանա, կարծում ենք, նրանցից շատերն անքուն գիշեր են անցկացրել՝ մտորելով այն հարցի շուրջ, թե ժամանակը չէ՞ արդյոք, որ իրենք էլ հիշեն առողջական խնդիրների մասին, եթե նույնիսկ Արմեն Սարգսյանն է որոշել, որ ճողոպրելու ժամանակն է։

Դե ինչ, ահազանգը ստացված է։ Այսօր Նիկոլը միջոցառում է անցկացնում՝ «մամուլի առցանց ասուլիս» անվանումով։ Իրականում պատասխանելու է նախապես ուղարկված և նախապես ընտրված հարցերին։ Այսօր մենք ականատես կլինենք դեմագոգիայի հերթական հրավառությանը։ Ընդ որում բնավ պատահական չէ, որ «մամլո ասուլիսն» անցկացվում է դեկտեմբերի 24-ին տեղի ունեցած այն հայտնի ասուլիսից ուղիղ մեկ ամիս անց, երբ վարչապետը հանգամանորեն բացատրում էր «Ադրբեջանի իրավունքները Հադրութի և Շուշիի նկատմամբ» և «պարզաբանում» իրական ինքնորոշման Արցախի հնարավորությունների բացակայությունը... Այսօր նախատեսված է երկրորդ մասը։

Պայքարը հանուն Հայաստանի մտնում է վճռական փուլ։ Ցավոք, դա կոշտ պայքար է լինելու։ Վատն այն է, որ խորտակվել կարող է ոչ միայն Նիկոլի կառավարությունը, այլև հայոց պետականությունը։ Քանզի ի տարբերություն «Եղիսաբեթիչի», Նիկոլը չունի իր Անգլիան, որտեղ կկարողանա հանգիստ վայելել ապահով ծերության պտուղները։

Հ.Գ.- BBC-ն հաղորդում է, որ Մեծ Բրիտանիան սկսել է տարհանել իր դիվանագետներին Ուկրաինայից։

Основная тема:
Теги:

    ПОСЛЕДНИЕ ОТ АВТОРА

    • ТРЕПЛО ОБЫКНОВЕННОЕ
      2024-02-29 12:47
      841

      Целый спикер МИД РФ Мария Захарова взялась опровергать Никола Пашиняна. В том числе его заявление в Париже о том, что, дескать, официальные лица России недавно открыто призывали народ Армении выйти на улицы и свергнуть его, Пашиняна, власть. Захарова ответила, что таких призывов российских официальных лиц не было ни в отношении Пашиняна, ни бывших властей Армении, ни в отношении избранных властей какой-либо другой страны.

    • ПОЖИЗНЕННАЯ ВЛАСТЬ "ГРАЖДАНСКОГО ДОГОВОРА" ПЛЮС ДИВЕРСИФИКАЦИЯ ВСЕЙ СТРАНЫ
      2024-02-26 10:01
      2065

      Еще одно любимое волшебное слово нынешней армянской власти – диверсификация. Еще более волшебное понятие - диверсификация безопасности.

    • ВСЕ ХОРОШО В АРМЯНСКОМ ГОСУДАРСТВЕ
      2024-02-22 09:18
      1801

      И даже более чем хорошо. Алиев заверил Шольца, что больше не будет прибегать к насилию в отношениях с Арменией. Эрдоган говорит, что для Армении открывается окно возможностей. Шольц верит Алиеву, Пашинян - Эрдогану, а значит, все хорошо.

    • РАЗВОД ПО-АЛИЕВСКИ
      2024-02-19 09:51
      1844

      Собственно, как и всегда во время переговоров с Пашиняном, так и на этот раз в Мюнхене, Алиев сидит с презрительной улыбкой. А почему нет, если знает, что все идет по его сценарию?






    ПОСЛЕДНЕЕ ПО ТЕМЕ

    • ԱՐՑԱԽՅԱՆ ԲԱՍՏԻՈՆ
      2021-10-16 08:43
      2282

      Անցած գիշերը կրկին անհանգիստ էր մեր բազմաթիվ հայրենակիցների համար. Բաքուն հերթական սադրանքն էր կազմակերպել Արցախի հետ սահմանին, գնդակոծվել է Պաշտպանության բանակի մարտական հենակետը, հայկական կողմից վիրավորվել է վեց զինծառայող: Իրավիճակն աստիճանաբար կայունացել է կեսգիշերն անց, Արցախի պաշտպանության նախարարության մամուլի ծառայությունը հայտնել է, որ դիրքային կամ տարածքային կորուստներ չունենք, Պաշտպանության բանակի հրամանատարությունը հանրապետության իշխանությունների հետ միասին աշխատում է ռուս խաղաղապահների հրամանատարության հետ՝ իրավիճակի հետագա լիցքաթափման նպատակով:

    • ԹԵՀՐԱՆԻ ՀԵՏ ԴԻՄԱԿԱՅՈՒԹՅԱՆ ՄԵՋ ԲԱՔՈՒՆ ՉՈՒՆԻ ԳԼԽԱՎՈՐ ՀԱՂԹԱԹՈՒՂԹԸ
      2021-10-08 07:58
      2350

      Լրահոսը լի է Բաքվի և Թեհրանի միջև շարունակվող դիմակայության մասին հաղորդագրություններով: Վերջինս հայտնել է, որ Ադրբեջանի պաշտպանական գերատեսչության ղեկավարությանը ծանուցում է ուղարկել այն մասին, որ փակում է իր օդային տարածքը դեպի Նախիջևան ռազմական մատակարարումներ իրականացնող ադրբեջանական ռազմաօդային ավիացիայի համար: Բաքվում քմծիծաղել են և պատասխանել հաղորդագրությամբ, որ ադրբեջանական «AZAL» ավիափոխադրողը վերականգնում է Բաքու-Նախիջևան չվերթները Հայաստանի օդային տարածքով:

    • ԲԱՔՈՒՆ ՈՒ ԱՆԿԱՐԱՆ ԸՆԴԴԵՄ ԹԵՀՐԱՆԻ ԵՎ ՄՈՍԿՎԱՅԻ
      2021-10-01 19:25
      2473

      Իրանն այսօր սկսում է իր ցամաքային զորավարժությունները Ադրբեջանի սահմանների մոտ։ Թեման լայնորեն քննարկվում է, ինչը կապված է զորավարժությունների առնչությամբ Ադրբեջանի նախագահ Իլհամ Ալիևի հայտնած մտահոգության հետ։ Anadolu-ին տված հարցազրույցում նա վրդովված հարց է տվել, թե ինչու, իբր, Իրանն այնտեղ զորավարժություններ չէր անցկացնում նախկինում, երբ այդ սահմանային տարածքները վերահսկում էին հայկական ստորաբաժանումները։

    • ՏԱԳՆԱՊԱԼԻ ԱԶԴԱՆՇԱՆ ԱԼԻԵՎԻ ՀԱՄԱՐ
      2021-08-30 17:51
      2684

      ՀՀ պաշտպանության նախարարությունը տեղեկացնում է, որ օգոստոսի 29-ին, ժամը 00:20-ից սկսած, ադրբեջանական զինուժը տարբեր տրամաչափի հրաձգային զինատեսակներից կրակ է բացել Գեղարքունիքի մարզի հայկական դիրքերի ուղղությամբ, մասնավորապես՝ հայ-ադրբեջանական սահմանի Սոթքի հատվածում, ինչի հետևանքով սկսվել է շուրջ երկու ժամ տևած ինտենսիվ փոխհրաձգություն: Ժամը 02։25-ին ադրբեջանական դիրքերին շտապօգնության մեքենա է մոտեցել, որից հետո հայկական կողմը դադարեցրել է կրակը, թույլ տալով տարհանել հակառակորդի վիրավորներին: Հայկական կողմից զոհեր չկան։