Последние новости

Հրայր Թովմասյանի հայտարարությունը

ՍԴ նախագահ Հրայր Թովմասյանը հանդես է եկել հայտարարությամբ, որտեղ նշել է, որ նպատակահարմար չի համարում մասնակցել իր լիազորությունները դադարեցնելու հարցով ՍԴ դիմելու մասին Ազգային ժողովի նիստում որոշման նախագծի քննարկմանը:

Ստորև ներկայացնում ենք հայտարարությունը.

«Սիրելի՛ հայրենակիցներ,

Ազգային ժողովի «Իմ քայլը» խմբակցության կողմից նախաձեռնած իմ՝ որպես Սահմանադրական դատարանի դատավորի լիազորությունները դադարեցնելու գործընթացը, ըստ էության, ունի քաղաքական և սուբյեկտիվ նպատակաուղղվածություն: Նման հետևության են հանգեցնում այդ գործընթացին նախորդած և հաջորդած իրադարձությունները, մասնավորապես

- վարչապետ Ն. Փաշինյանի 2019 թ մայիսի 19-ի կոչը դատարանների, այդ թվում՝ Սահմանադրական դատարանի մուտքերը և ելքերն արգելափակելու մասին, որը մայիսի 20-ին իրականացվեց իշխող քաղաքական ուժի ներկայացուցիչների, այդ թվում՝ Ազգային ժողովի պատգամավորների ակտիվ մասնակցությամբ,

- Սահմանադրական դատարանի գործող նախագահի պաշտոնավարման պարագայում, Ազգային ժողովի 2019 թ հունիսի 20-ի նստում Սահմանադրական դատարանի նորընտիր դատավոր Վ. Գրիգորյանի «ինքնահռչակումը»՝ որպես Սահմանադրական դատարանի նախագահ և Ազգային ժողովի քաղաքական մեծամասնության կողմից այդ քայլի անթաքույց սատարումը,

- Սահմանադրական դատարանի նախագահի, Սահմանադրական դատարանի դատավորների հետագա պաշտոնավարման վերաբերյալ իշխող քաղաքական ուժի պարբերաբար հնչեցրած սուբյեկտիվ մեկնաբանությունները, անձնավորված մոտեցումները, նախաձեռնությունները,

- վարչապետ Ն. Փաշինյանի կողմից սթ հուլիսի 17-ին «Ազատություն» ռադիոկայանին տրված հարցազրույցում Սահմանադրական դատարանի և անձամբ իմ հասցեին արված անպարկեշտ արտահայտությունները և դատական իշխանության հեղինակությունը վիրավորող հայտարարությունները,

- Ազգային ժողովի նախագահ Ա. Միրզոյանի և վարչապետ Ն. Փաշինյանի՝ Սահմանադրական դատարանի կայացրած որոշումների վերաբերյալ 2019 թ սեպտեմբերի 16-ի հայտարարությունները և տրված գնահատականները,

- իմ անվան անհիմն վկայակոչումները՝ տարբեր անձանց նկատմամբ հարուցվող քրեական գործերով,

- Ազգային ժողովի պետական-իրավական հարցերի մշտական հանձնաժողովի նախագահ Վ. Վարդանյանի կողմից ինձ 2019 թ սեպտեմբերի 23-ին ուղղված պաշտոնական հրավերը՝ մասնակցելու հանձնաժողովի ս.թ հոկտեմբերի 24-ի նիստին, այն դեպքում, երբ այդ նիստն անցկացվել է ս.թ. սեպտեմբերի 24-ին, ինչը վկայում է խնդրի առարկա հարցի վերաբերյալ անկողմնակալ քննարկում անցկացնելու մտադրության բացակայության մասին։

Հաշվի առնելով վերը նշված հանգամանքները նպատակահարմար չեմ համարում իմ մասնակցությունը Սահմանադրական դատարանի դատավոր Հրայր Թովմասյանի լիազորությունները դադարեցնելու հարցով սահմանադրական դատարան դիմելու մասին Ազգային ժողովի նիստում որոշման նախագծի քննարկմանը։

Հայցում եմ Ազգային ժողովի «Բարգավաճ Հայաստան» խմբակցության պատգամավորների ներողամտությունը՝ Ազգային ժողովի նիստում հարցի քննարկման ժամանակ ինձ հարցեր ուղղելու հնարավորություն չտալու առնչությամբ», տեղեկացնում է NEWS.am:

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՍՏԻ ԱՐՏՈՒՄ՝ ԱՆԴՈՒՆԴԻ ԵԶՐԻՆ
      2020-02-18 21:36
      44

      Ի՞նչ մեղադրանքներ են այսօր ներկայացվում Սահմանադրական դատարանի դատավորներին՝ Սահմանադրության հոդվածներից մեկը հանրաքվեով փոփոխելու ճանապարհով յոթ դատավորների պաշտոնանկ անելու քարոզչական որոշումներով։

    • ՆԱԽԱԳԱՀԸ ԿԱՍԻ՞ «Բ»՝ «Ա»-ԻՑ ՀԵՏՈ
      2020-02-08 17:35
      228

      Բուռն հինգշաբթին՝ փետրվարի 6-ը նշանավորվեց մի շարք իրադարձություններով: 37 իմքայլականների ձեռնարկած սկանդալային նախաձեռնությունը՝ զրկելու Սահմանադրական դատարանի ներկայիս դատավորներին իրենց լիազորություններից՝ Սահմանադրության վաղուց ժամկետանց անցումային դրույթների վկայակոչումով, հետ կանչվեց, բայց ընդունվեց ոչ պակաս սկանդալային նախագիծ համաժողովրդական հանրաքվե անցկացնելու մասին, որը կվճռի Սահմանադրական դատարանի դատավորների ճակատագիրը: Այսինքն՝ իշխող ուժը հիմա էլ մտադրվել է այդ կերպ ազատվել «կամակոր յոթնյակից»:

    • ՊԱՐԳԵՎԱՎՃԱՐԱՅԻՆ ԲԱՔՈՍԱՏՈՆ
      2020-02-07 19:37
      169

      Պատգամավորներն ու պաշտոնյաներն իրենց գրպանները լցնում են միլիոնավոր դոլարներով Նոր իշխանությունները (թեև արդեն ի՞նչ նոր. համարյա 2 տարի), որ հներին մեղադրում են համատարած կոռումպացվածության մեջ (միայն թե դատավճիռներով դա ոչ մի կերպ չի երևում), իրենք էլ բոլորովին դեմ չեն հարկատուների միջոցների հաշվին լիանալու։ Ըստ էության, քողարկված կոռուպցիային փոխարինելու եկավ, ասենք այսպես, լեգալը, օրինականացվածը՝ պաշտոնյաներին ու պատգամավորներին տրվող ահռելի պարգևավճարների, գործուղման ծախսերի և բազմատեսակ հավելավճարների տեսքով։

    • ՑՈՒՑԱԴՐԱՆՔ ԻՐԱՎԱՊԱՀՆԵՐԻ ԿՈՂՄԻՑ. ՊԱՏԿԵՐՆԵՐ ՑՈՒՑԱՀԱՆԴԵՍԻՑ
      2020-02-06 21:02
      149

      Երևանում տեղի է ունեցել իր հանդգնությամբ հերթական աննախադեպ պատահարը։ Օրը ցերեկով երկու զինված տղամարդիկ ավազակային հարձակում են գործել Սեբաստիայի փողոցում գտնվող փոստային բաժանմունքի վրա։ Կողոպտիչները զինված են եղել դանակով ու զենք հիշեցնող առարկայով։ Հաշվեհարդարի սպառնալիքով նրանք առևանգել են դրամարկղում եղած կանխիկ գումարը և հեռացել։ Դեպքի վայրում աշխատում են իրավապահները, առևանգված գումարի չափը ճշտվում է։