Последние новости
2020-06-01 15:04
0

ԱՄԵՐԻԱԲԱՆԿԸ ԳՈՐԾՆԱԿԱՆ ՈՒՍՈՒՑՄԱՆ ՀԵՌԱՎԱՐ ԴԱՍԸՆԹԱՑՆԵՐ ԿԱՆՑԿԱՑՆԻ ԳՅՈՒՄՐԻԻ ՏՏ ԿԵՆՏՐՈՆԻ ՈՒՍԱՆՈՂՆԵՐԻ ՀԵՏ

0
Telegram

Ամերիաբանկը, կարևորելով մարզերում տեղեկատվական տեխնոլոգիաների ոլորտի զարգացումը, ինչպես նաև երիտասարդների կրթությանն ու զբաղվածությանն ուղղված ծրագրերի իրականացումը, համագործակցում է Գյումրիի Տեղեկատվական տեխնոլոգիաների կենտրոնի հետ՝ հնարավորություն ընձեռելով ուսանողներին բանկում անցնել հեռավար գործնական ուսուցում։ Այս մասին հայտնում է բակի մամուլի ծառայությունը։

Ծրագրի առաջին փուլում ընդգրկվել են Տավուշի, Վայոց ձորի, Լոռու և Շիրակի մարզերի երիտասարդները, ովքեր ուսանում են ԳՏՏ կենտրոնում։

Ամերիաբանկի մասնագետները ուսանողներին կծանոթացնեն բանկային համակարգում գործող թվային նոր ու ժամանակակից գործիքների կիրառությանն ու տեղեկատվական տեխնոլոգիաների արդի հնարավորություններին։

Արդեն իսկ տեղի է ունեցել առաջին հեռավար հանդիպումը ուսանողների և Ամերիաբանկի ծրագրավորման և ավտոմատացման կենտրոնի ղեկավար Արմեն Մաթևոսյանի հետ, որի ընթացքում երիտասարդները տեղեկացել են վեբ ծրագրավորման ժամանակ կիրառվող նոր մոտեցումներին և մեթոդներին։ Ուսանողներին տրվել են առաջադրանքներ՝ իրենց մասնագիտական ներուժը և հետաքրքրությունները բացահայտելու նպատակով։

Հետագա հանդիպումների ընթացքում ուսանողներին կտրվի բացառիկ հնարավորություն՝ մասնակիցը դառնալու բանկի ընթացիկ ծրագրերին, ներկայացնելու դրանց հետ կապված իրենց գաղափարներն ու մտահղացումները, ինքնադրսևորվելու և գործնականում ամրապնդելու ստացած գիտելիքները։

«Հայաստանում տեղեկատվական տեխնոլոգիաների ոլորտի զարգացումը մեզ համար առաջնահերթ նշանակություն ունի։ Որպես թվային բանկային գործառնությունների ոլորտում անընդհատ զարգացող ֆինանսական խոշոր կառույց, մենք աջակցում ենք, որ  ՏՏ ոլորտում կրթություն ստացող երիտասարդները աշխատաշուկայում լինեն մրցունակ

Ու պահանջված մասնագետներ։ Գյումրիի տեղեկատվական տեխնոլոգիաների կենտրոնի հետ համագործակցությունը հետապնդում է հենց այս նպատակը։ Մեր համատեղ ծրագիրը կնպաստի ինչպես մարզերի երիտասարդների աշխատանքի, ինքնազարգացման ու կայացման խնդրի լուծմանը, այնպես էլ մարզերի տեխնոլոգիական առաջընթացին ընդհանրապես»,-նշել է Ամերիաբանկի Ինովացիաների և թվայնացման գծով տնօրեն Արտյոմ Շամցյանը։

ԳՏՏԿ տնօրեն Ամալյա Եղոյանն էլ նշել է․ «Ուսանողների և մարզաբնակ երիտասարդների համար ԳՏՏԿ-ի կողմից բոլոր մարզերում առաջարկվող դասընթացները բավականին մեծ խթան են, որպեսզի ուսանողները զարգացնեն իրենց տարածաշրջանները՝ ունենալով կայուն աշխատանք և անհրաժեշտ կենսական պայմաններ։ Ամերիաբանկի պատրաստակամությունն ու աջակցությունը կարևոր քայլ է այս գործում։ Վստահ եմ, որ համատեղ նախաձեռնությունը կտա ցանկալի պտուղները»:

Ամերիաբանկը Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամբողջական տեղեկատվության համար այցելել www.ameriabank.am կամ զանգահարել (+37410) 56 11 11 հեռախոսահամարով:

Բանկը վերահսկվում է ՀՀ Կենտրոնական բանկի կողմից:

Գյումրիի Տեղեկատվական Տեխնոլոգիաների Կենտրոնը (ԳՏՏԿ) հիմնադրվել է 2005 թ.-ին Ձեռնարկությունների Ինկուբատոր Հիմնադրամի և Հայ Օգնության Ֆոնդի կողմից` նպատակ ունենալով ապակենտրոնացնել տեխնոլոգիական ոլորտի հնարավորությունները մայրաքաղաքից դեպի մարզեր, խթանել ոլորտի ընկերությունների հիմնումն ու գործունեությունը մարզերում՝ վերջիններիս պահանջներին համապատասխան մասնագետների պատրաստամբ, նվազեցնել ուղեղների արտահոսքը մարզերից և նպատակային ծրագրերի միջոցով նպաստել աշխատատեղերի ստեղծմանը: Տարիներ շարունակ բազմաթիվ երիտասարդներ ավարտում են ԳՏՏԿ-ի կողմից առաջարկվող դասընթացները, որը նրանց հնարավորություն է տալիս ձեռք բերել հիմնարար գիտելիքներ և գտնել աշխատանք սեփական բնակավայրում, համագործակցել ոլորտում հայտնի ընկերությունների հետ։

Ավելին՝ www.gitc.am կայքում:

Основная тема:
Ամերիաբանկ

Теги:
Ամերիաբանկ

    ПОСЛЕДНИЕ ОТ АВТОРА

    • КАМО ГРЯДЕШИ? К ЗАКРЫТЫМ ЕВРОПЕЙСКИМ ВОРОТАМ
      2025-01-15 10:08

      С принятием законопроекта «О начале процесса вступления РА в Европейский Союз» Армения начнет бесплодный процесс, который, нанося ущерб ее существующим стратегическим интересам и особенностям геобезопасности, с большой вероятностью в будущем столкнется с закрытыми европейскими воротами, написал на своей странице в ФБ член Исполнительного органа РПА Артак ЗАКАРЯН в публикации «Камо грядеши?», отметив, что еще большой вопрос, как будет выглядеть Европейский Союз и каковы будут его приоритеты через несколько лет, если, конечно, ЕС сохранит свою нынешнюю структуру и участие в вопросах Восточного партнерства и расширения.

    • $200 МЛН АМЕРИАБАНКУ - ОТ IFC: КРУПНЕЙШАЯ СДЕЛКА КОРПОРАЦИИ, КОГДА-ЛИБО ЗАКЛЮЧЕННАЯ С ФИНАНСОВЫМ УЧРЕЖДЕНИЕМ В АРМЕНИИ
      2025-01-14 15:14

      Америабанк подписал долгосрочное кредитное соглашение на сумму 200 миллионов долларов США с Международной финансовой корпорацией (IFC). Средства в рамках соглашения будут направлены на финансирование инициатив по предотвращению изменения климата, на поддержку микро-, малых и средних предприятий (ММСП), а также ММСП, принадлежащих женщинам.

    • ГОСУДАРСТВЕННАЯ ЗАХВАТНИЧЕСКАЯ ПРОГРАММА «ЗАПАДНЫЙ АЗЕРБАЙДЖАН» ПРЕПОДАЕТСЯ В АЗЕРБАЙДЖАНСКИХ ШКОЛАХ
      2025-01-14 10:43

      «Западный Азербайджан» - это не просто разговоры, это не пропаганда, это четко разработанная государственная захватническая программа, которая сегодня преподается также в азербайджанских школах, написала в своем ТГ-канале эксперт по вопросам Азербайджана Татевик АЙРАПЕТЯН, предложив читателям угадать, с какого года в государственных школах Азербайджана пропагандируется, что территория Республики Армения является «Западным Азербайджаном», то есть «исторической землей» азербайджанцев.

    • КТО ДАЛ ПРАВО ПАШИНЯНУ САБОТИРОВАТЬ ПРЕДПИСАННЫЕ ОБСЕ ПРАВА И ОБЯЗАННОСТИ РА ПО АРЦАХУ?
      2025-01-14 10:15

      Кто дал право кому-либо из Армении или самой Армении предлагать ОБСЕ распустить Минскую Группу ОБСЕ по Нагорному Карабаху?

    ПОСЛЕДНЕЕ ПО ТЕМЕ