2020-06-29 17:39
Марина МКРТЧЯН
0
«ԳԼԽԱՎՈՐ ԽՆԴԻՐԸ ՀԱՅԱՍՏԱՆԻ ԱԶԱՏԱԳՐՈՒՄՆ Է ԱՊԱԶԳԱՅԻՆ ԵՎ ՀԱԿԱՊԵՏԱԿԱՆ ՈՒԺԵՐԻՑ»
«Ես առաջինն եմ առաջարկել հակաճգնաժամային խումբ ստեղծել»,-հայտարարեց նախորդ գումարման խորհրդարանի փոխնախագահ Էդուարդ ՇԱՐՄԱԶԱՆՈՎԸ։
-«Ընդդիմությունը սպասում է, որ կորոնավիրուսն աճի, որ ինքն էլ բարգավաճի», - բղավեց վարչապետը երկրի ամենաբարձր ամբիոնից: Բավական չէ, որ նա ստիպեց նախարարներին, ներառյալ արտաքին քաղաքական գերատեսչության ղեկավար Զոհրաբ Մնացականյանին, փողոցում դիմակներ բաժանել անցորդներին, դեռ մի բան էլ տեղեկանք պահանջեց այն մասին, թե քանի անգամ են ընդդիմադիր ուժերն այս ամիսներին դիմել բնակչությանը՝ հիգիենայի միջոցները պահպանելու կոչով։ Ինչպե՞ս կմեկնաբանեք կորոնավիրուսի հաշվին ընդդիմության «բարգավաճման» մասին հայտարարությունը:
-Մարտի 13-ին, երբ Հայաստանում արդեն կային վարակվածներ, բայց արտակարգ դրություն դեռ հայտարարված չէր, ես՝ որպես ՀՀԿ Գերագույն մարմնի անդամ, հրապարակային ուղերձով դիմեցի իմ գործընկերներին և կուսակցության համակիրներին՝ կոչ անելով մի կողմ դնել ներքաղաքական տարաձայնությունները և միավորվել պետության շուրջ, որպեսզի միասնաբար հաղթենք կորոնավիրուսի դեմ պատերազմում։ Մեկ օր անց ՀՀԿ գործադիր մարմինը, ՀՀԿ նախագահը՝ երրորդ նախագահ Սերժ Սարգսյանը համախմբման կոչ արեցին։ Ուզում եմ շեշտել, որ այդ կոչով հանդես եկավ բնավ ոչ Նիկոլը, այլ ՀՀԿ-ն, «Լույս» հիմնադրամը, առանձին ընդդիմադիր գործիչներ, նախկին վարչապետներ Հրանտ Բագրատյանը, Խոսրով Հարությունյանը, կառավարության նախկին այլ անդամներ և հասարակական գործիչներ։ Նրանք կոչ արեցին հրաժարվել ներքաղաքական պայքարից և ներկայացրեցին ճգնաժամային իրավիճակը հաղթահարելու իրենց առաջարկները։
Ես առաջինն եմ առաջարկել հակաճգնաժամային խումբ ստեղծել նախկին վարչապետներից, որպեսզի ի հայտ գա այն հարթակը, որտեղ կկարողանան կարծիք հայտնել ճգնաժամային իրավիճակներում կառավարման փորձ ունեցող գործիչները։ Երբ մենք կոնսոլիդացման և համերաշխության կոչ էինք անում, Փաշինյանը զբաղված էր «սամասուդով», խորհրդարանով անցկացնում էր հեռախոսների գաղտնալսման մասին օրենքը, հարձակվում ՍԴ-ի վրա, մեղադրանքներ ներկայացնում Ծառուկյանին և քաղաքական մյուս ընդդիմախոսներին։ Իսկ հիմա մե՞նք ենք ամեն ինչում մեղավոր։ Թող Փաշինյանը նշի թեկուզ մեկ ելույթ, որտեղ համերաշխության կոչ է հնչեցրել…
«Արցախի հերոսներն այսօր պահանջված են…»
-Հունիսի 25-ին խորհրդարանի ամբիոնից Փաշինյանի ծայրահեղ նյարդային ելույթի պատճառ դարձավ նախօրեին երկրորդ և երրորդ նախագահների միջև տեղի ունեցած հանդիպման մասին լուրը: Դրա վերաբերյալ քիչ բան է հայտնի, բայց բուն այդ փաստը, մեղմ ասած, անջնջելի տպավորություն է գործել Փաշինյանի վրա, իսկ ավելի ճիշտ՝ հասցրել կատաղության վիճակի, ինչը նա չկարողացավ զսպել խորհրդարանի ամբիոնին։ Ի՞նչ կարող եք հավելել երկու նախագահների հանդիպման մասին արդեն հայտնի տեղեկություններին։
-Ռոբերտ Քոչարյանի գրասենյակը հանդիպման առնչությամբ հանդես եկավ հայտարարությամբ, ավելին ասել չեմ կարող, թերևս միայն նշեմ, որ ՀՀԿ-ն Քոչարյանի ձերբակալության առաջին իսկ օրվանից պայքարել է նրա ազատության համար: Երկրորդ նախագահին մենք համարել ենք քաղաքական բանտարկյալ, այդ մասին խոսել ենք Եվրոպայում, հրապարակային բազմաթիվ ելույթներում ու լրատվամիջոցներում, հանրապետականները մասնակցել են Քոչարյանի աջակցության ակցիաներին դատարանի շենքի առջև և դատական նիստերի դահլիճում։ Ես կարծում եմ, որ Արցախի հերոսներն այսօր պահանջված են՝ ինչպես ոչ այլ ոք, այսօր նրանք պետք է ավարտին հասցնեն այն գործը, որ սկսել են 1988-ին։
- Փաշինյանը փնտրում է, թե ում վրա բարդի կորոնավիրուսի տարածման մեղքը: Հայաստանում մահանում է օրական 12-18 մարդ, վարակվածների թիվը շարունակում է աճել։ Փողոցային սոցհարցումների ընթացքում քաղաքացիները մեղադրում են վարչապետին ու կառավարությանը նրանում, որ կորոնավիրուսի տարածմանը ցուցաբերվող արձագանքն ուշացավ, որ իշխանությունը բաց թողեց այն պահը, երբ պետք էր տեղայնացնել վիրուսի տարածումը: Ընդդիմադիր հեռուստաալիքները հաճախ են կրկնում վարչապետի այն հայտարարությունների տեսագրությունները, թե «կորոնավիրուսն ո՞ւմ շունն է» «էդ կորոնավիրուսներին պինցետով հատ-հատ հանելու ենք ու տնական արաղով դեզինֆեկցիա անենք», կրկնում են կադրերը, որտեղ առողջապահության նախարար Արսեն Թորոսյանը պնդում է, թե «դա այնքան էլ վտանգավոր վիրուս չէ» և «բժշկական դիմակները չեն փրկում վարակումից»: Ինչպե՞ս կբնութագրեք կորոնավիրուսի դեմ պայքարի ոլորտում տիրող իրավիճակը:
-Կառավարությունը ձախողում է ցուցաբերում բոլոր ուղղություններով։ Վարչապետը հայտնեց 71 հազար աշխատատեղերի փակման մասին։ Նա նկատի ունի գրանցված աշխատատեղերը. դրա տակ պետք է հասկանալ, որ կրճատվել է ևս 200 հազար չգրանցված աշխատատեղ։ Այդքան մարդ զրկվել է իր ընտանիքի օրվա հացը հոգալու հնարավորությունից։ Հայաստանը տարածաշրջանում բացարձակ ռեկորդակիր է բնակչության 1 մլն շնչի հաշվարկով մահերի և վարակվածների քանակով։ Ո՞վ է խանգարել Նիկոլին այս երկու տարվա ընթացքում միլիոնների ներդրումներ բերել, Հայաստանն ավելի ժողովրդավարական դարձնել, զգալիորեն բարձրացնել թոշակներն ու աշխատավարձերը։ Չէ՞ որ ասում էր, թե ինքը կախարդական փայտիկ ունի…
«Քաղաքական դիակների մասին, որպես կանոն, չեն խոսում…»
-Կորոնավիրուսի նկատմամբ հաղթանակի համար ընդդիմությունը հարկ չուներ հանդես գալ հիգիենայի նորմեր ու սոցիալական հեռավորություն պահպանելու կոչով, ընդդիմությունն արեց գլխավորը. հանդես եկավ ջանքերը միավորելու կոչով: Եթե Նիկոլը ինքնավստահության ավելցուկի մղումով չանտեսեր համախմբման կոչերը, եթե բացի իր ապաշնորհ նախարարից, գոնե մեկ անգամ անսար փորձառու կլինիկագետների կարծիքին, եթե լսեր ճգնաժամային իրավիճակներում աշխատանքի փորձ ունեցող վարչարարներին, ապա պատկերն այսօր այլ կլիներ։ Նիկոլը դա գիտակցում է, այդ պատճառով էլ մոլեգնում է կատաղությունից։ Ինչպե՞ս կմեկնաբանեք «քաղաքական դիակներ» պիտակը։
-Նա իսկապես գիտակցում է իր ապիկարությունը և՛ կորոնավիրուսի դեմ պայքարում, և՛ այն իրողությունների համատեքստում, որ Ռոբերտ Քոչարյանն ու Գագիկ Ծառուկյանը ազատության մեջ են։ Քաղաքական դիակների մասին, որպես կանոն, չեն խոսում, սակայն Նիկոլն արդեն ավելի քան 2 տարի խոսում է այն մարդկանց մասին, ում փորձում է կպցնել այդ պիտակը։ Ժամանակը ցույց կտա, թե ով ով է…
-Վերջին հարցազրույցներից մեկում դուք ասացիք, որ Փաշինյանից հետո Հայաստանում իշխանության եկողները կամիկաձեներ են լինելու. ի՞նչ նկատի ունեիք:
- Հանձն առնել այն ամենի վերականգնման պատասխանատվությունը, ինչ իշխանությունը քանդեց այս երկուսուկես տարում, կարող են միայն «ինքնասպանները». չէ՞ որ իրենք պետք է վերականգնեն փլուզված պետական համակարգերը, կարգավորեն արտաքին քաղաքական խզված կապերը, հաղթահարեն հասարակության մեջ տիրող պառակտումը... Այդ մարդը քանդել է ամեն ինչ՝ տեղը ոչինչ չկառուցելով, երկիրն արդեն փլատակների մեջ է:
«ՀՀԿ-ն կարող է համագործակցել բոլոր առողջ ուժերի հետ»
-ԲՀԿ-ն, ՀՅԴ-ն և Արթուր Վանեցյանի «Հայրենիք» կուսակցությունը հայտ են ներկայացրել լինելու ընդդիմության ճամբարում: Չե՞ք կարծում, որ սկզբի համար այդ ուժերը պետք է հանդես գան ինքնագնահատականով՝ այն առնչությամբ, որ երկու կուսակցությունները նպաստել են 2018-ի մայիսի 8-ին վարչապետի պաշտոնում Փաշինյանի ընտրվելուն և իրենց ներկայացուցիչներին գործուղել նրա կառավարություն, իսկ երրորդ կուսակցության առաջնորդը եղել է նրա թիմում։ Ինչպիսի՞ն է ՀՀԿ-ի դերն այս գործընթացներում, հատկապես քաղաքական դաշտը նախկինների և ներկաների բաժանելու միտման լույսի ներքո։
-Կարծում եմ, որ իրենց ներկայիս գործողություններով երկու կուսակցություններն ու երրորդի առաջնորդն արդեն տվել են իրենց անցյալի գնահատականը։ Ինչ վերաբերում է ՀՀԿ-ին, ապա այն եղել և մնում է արտախորհրդարանական ամենամեծ ընդդիմադիր ուժը, վերջին ընտրություններում մենք ստացել ենք 60 հազար ձայն։ Քաղաքական ուժերին նախկինների և ներկաների բաժանելը համարում եմ արհեստական։ Շատ ավելի իրական է բաժանումը ազգային և ապազգային ուժերի։ Իրական ջրբաժանը մեր օրերում անցնում է Հայ Առաքելական Եկեղեցին պաշտպանողների և նրա վրա ցեխ շպրտողների, Արցախը պաշտպանողների և Ալիևին կառուցողական գործիչ համարողների, հայ ավանդական ընտանիքի արժեքները կրողների և ԼԳԲՏ համայնքի հակաարժեքներն արմատավորողների միջև:
-Ընդդիմադիր դաշտը բաժանված է մի քանի հատվածների։ Ըստ ձեզ, ովքե՞ր կարող են հավակնել առանցքային դերակատարման, և ո՞ւմ հետ ՀՀԿ-ն կարող է քաղաքական համագործակցություն հաստատել Հայաստանի ազատագրման համար պայքարում։
-Ազգային-պահպանողական բևեռը ներկայացնում են ՀՀԿ-ն, ՍԻՄ-ը, ՔԴՄ-ն, Ռեֆորմիստների կուսակցությունը և այլ ուժեր, որոնք միասնաբար են հանդես եկել և՛մինչև արտահերթ խորհրդարանական ընտրությունները, և՛ այսօր։ Խոսքը, ընդգծեմ, գաղափարական բևեռի մասին է։ Այսօր գլխավոր խնդիրը Հայաստանի ազատագրումն է ապազգային և հակապետական ռեժիմից։ Այդ պայքարում ՀՀԿ-ն կարող է համագործակցել բոլոր առողջ ուժերի հետ, որոնք ունեն ազգային օրակարգ։ Մենք բացառում ենք համագործակցությունը սորոսական ու այլևայլ գրանտակեր հանրության, ինչպես նաև ահաբեկիչների հետ…
ПОСЛЕДНИЕ ОТ АВТОРА
-
2024-04-24 09:57В ходе повторного визита Пашинян успокоил тавушцев, дескать, 4 деревни не будут сданы, а обмен территориями состоится в пользу тавушцев. Обман раскрылся почти сразу: когда на приграничные участки прибыли геодезисты и специалисты по разминированию, стало очевидно, что жители Тавуша могут разделить судьбу жителей Шурнуха, которые лишились своих домов в обход делимитации и каких-либо законных оснований!
-
2024-04-24 09:40"Армянский народ надо уничтожить в корне… Сейчас идет война, другого такого случая больше не будет", - дословно было произнесено в ходе секретного заседания высших чинов младотурецкого государства в 1915 г. 109-й годовщине предшествуют попытки правящей верхушки поставить под сомнение факт Геноцида в Западной Армении, специалисты считают, что инициатива исходит от Анкары, а это значит, что Геноцид продолжается в виде ревизии факта и попытки забвения. По мере приближения 109 годовщины становится очевиднее, что режим Пашиняна участвует в гибридной войне против армянского народа на стороне геноцидных государств!
-
2024-04-22 10:57"В день отставки Сержа Саргсяна, 23 апреля 2018 г., мы пошли к первому президенту и застали его в очень серьезном и даже мрачном расположении духа. Мы спросили: "Господин президент, весь народ ликует, почему вы в таком настроении?" Он сказал фразу, которая до сих пор не выходит у меня из головы, это был тот самый день, когда еще многие вещи не были ясны, например, станет ли Пашинян премьер-министром или нет? Левон Тер-Петросян сказал: "Послушайте, вы не понимаете, что сегодня я самый несчастный человек в Армении, потому что к власти идет тот, кто погубит Арцах и Армению!", - рассказал в январе 2024 г. зампредседателя АНК Левон Зурабян. Он признался, что тогда, после 23 апреля 2018 г., эти слова показались ему преувеличением, однако с позиции 2024 г. вынужден признать, что прогнозы Тер-Петросяна постепенно воплощаются в жизнь.
-
2024-04-18 11:18Ровно 20 лет назад (12 апреля 2004 г.) на проспекте маршала Баграмяна полиция разогнала акцию оппозиции, которая больше напоминала народные гуляния под музыку. Потом противники Роберта Кочаряна годами говорили о том, что вооруженные дубинками малиновые береты выбежали из помещения паспортного контроля парламента. Спикера Артура Багдасаряна сразу обвинили в пособничестве карательным действиям, полицейских годами уличали в превышении силы по разным эпизодам, все европейские посольства осудили действия властей, а лидер партии "Национальное единение" Арташес Гегамян рассказал в интервью американской радиостанции "Свобода" о том, как полицейской ударил его дубинкой по спине…
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։