Последние новости
2020-05-12 14:58

ՆԻԿՈԼԸ ՄԻՋԱՆՁՆԱՅԻՆ ԲԱԽՈՒՄՆԵՐ Է ՀՐԱՀՐՈՒՄ

0
Telegram

Կառավարության սոցիալական օգնության գրեթե 2 մլրդ դրամը բաշխված է ոչ ըստ նշանակության, 9-րդ ծրագրով ՊՆ, ոստիկանության և ԱԻՆ աշխատակիցները ստիպված են վերադարձնել նախկինում սոցիալական օգնության տեսքով ստացած գումարները։ Պարզվեց, որ կառավարությունն այստեղ էլ է սխալվել։ Փաշինյանը խորհրդարանի ամբիոնից հայտարարեց, որ 2 միլիարդից բաժին ստացածների մեջ կան նաև պատգամավորներ, ուստի նրանց կոչ արեց վճարել հարևանների կոմունալ պարտքերը:

Հայաստանում տիրող սոցիալական իրավիճակն ամեն օր քայլ առ քայլ մոտենում է սոված ընդվզման, իսկ կառավարությունն իրեն թույլ է տալիս ոչ միայն սխալվել պետական միջոցների բաշխման հարցում, այլև փորձում բարդել պատասխանատվության բեռը քաղաքացիների վրա: Փաշինյանը հասկացնել տվեց, որ այն անձինք և ընտանիքները, որոնք զուրկ են մնացել սոցիալական աջակցությունից, պետք է պահանջեն դա այն մարդկանցից, ում այդ աջակցությունը բաժին է հասել թյուրիմացաբար, այսինքն ՝ կառավարության մեղքով։ Այս ծավալուն թյուրիմացության համար վարչապետը կոչ արեց պատասխան պահանջել հարևաններից, պատգամավորներից, ումից ասես, միայն ոչ կառավարությունից։ Մինչդեռ այդ սխալների համար պետք է պատասխան տան նախարարներն ու անձամբ վարչապետը։ Սխալվեցիք մեկ անգամ, ներողությո՛ւն խնդրեք, կրկին սոցիալական հատկացումներ արեք և ջանացեք խուսափել սխալները կրկնելուց։

Դա ձեր «վրիպումն» է, և այդ «վրիպման» հետևանքով արդեն հազարավոր ընտանիքներ ապրում են քաղցած առօրյայով՝ առանց լույսի ու գազի։ Ինչո՞ւ պիտի կառավարության սխալների համար պատասխան տան ինչ-որ մեկի հարևանները։ Թող պատասխան տա Փաշինյա՛նը։

Նիկոլը, սակայն, որոշեց գնալ այլ ճանապարհով և մատնանշեց, թե ումից պետք է պահանջել փողերը։ Այլ կերպ ասած, սոցիալական ծայրահեղ լարվածության պայմաններում կառավարության ղեկավարը գնաց միջանձնային բախումների ուղղակի հրահրման ճանապարհով։ Եթե կարիքավոր ընտանիքները, որոնք չեն ստացել իրենց հասանելիք օգնությունը, ստիպված են ապավինել հարևանների ողջամտությանը, որպեսզի վճարեն կոմունալ պարտքերն ու սովամահ չլինեն, ապա մեր ինչի՞ն է պետք աշխատանքի և սոցիալական հարցերի նախարարությունը։

Ինչո՞ւ են առհասարակ հարկատուները նախարարների աշխատակազմ և ամբողջ պետական ապարատ պահում, եթե նույնիսկ պետական աջակցության հարցերը ստիպված են լուծել ինքնուրույն։ Նիկոլի կառավարությունն ի վիճակի չէ 3 միլիոնանոց բնակչության մեջ գտնել կարիքավորներին, անկարող է նույնիսկ դա՛ անել։

Ինչ վերաբերում է ուժային կառույցների աշխատակիցներին, որոնք ստիպված են լինելու վերադարձնել ստացած օգնությունը, ապա Փաշինյանը խորհրդարանի ամբիոնից հայտարարեց, թե իբր՝ եթե փողերը ծախսել են, ապա ոչինչ, «թող սպասեն հերթական աշխատավարձին ու վերադարձնեն»: Կորոնավիրուսի տարածման հետևանքով առաջացած արտակարգ դրության պայմաններում սոցիալապես անապահով ընտանիքներին ցուցաբերելիք պետական աջակցության ծրագրերը կատարյալ թյուրիմացություն են: Անչափահաս երեխաներ ունեցող գործազուրկների ընտանիքները մնացել են առանց պետական աջակցության, քանի որ կառավարությունում սխալվել են և օգնություն հատկացրել նրանց, ովքեր դրա կարիքը չունեն։ Ինչ-որ մեկի սխալի պատճառով հազարավոր ընտանիքներ զուրկ մնացին մի կտոր հացից, և դրա համար ոչ ոք պատասխան չտվեց։

Աշխատանքի եվ սոցիալական հարցերի նախարար Զարուհի Բաթոյանը այդ սխալները վերագրեց տվյալների բազայի տեխնիկական անկատարությանը։ Հայաստանը միակ պետությունն է, որտեղ կառավարությունը կարիքավորներին աջակցությունից զուրկ է թողել սեփական սխալի պատճառով, իսկ վարչապետը խորհրդարանի բարձր ամբիոնից կոչ է անում թյուրիմացաբար գումար ստացած մարդկանց վճարել հարևանների կոմունալ պարտքերը։ Բացի ամենքից նաև պատգամավորներին հասցեագրված կոչը Փաշինյանն ուղեկցեց հետևյալ արտահայտությամբ. «Այդ փողերը վերադարձրեք կարիքավորներին, եթե դրանք ձեզ պետք չեն, իսկ եթե պետք են, ապա ուրախ ենք բավարարել նաև ձեր կարիքները»:

Սոցիալական իրավիճակը երկրում օրըստօրե ավելի պայթյունավտանգ է դառնում, իսկ վարչապետը երկրի գլխավոր ամբիոնից լայն ժպիտով դատողություններ է անում այն մասին, որ պետական աջակցությունը բաժին է հասել նրանց, ովքեր դրա կարիքը չունեն։ Նրան դա զվարճացնում է. հորինեց «կոմունալ համերաշխության» հայեցակարգը, վաղը ոտանավոր կգրի այն թեմայով, թե ինչ լավ բան է պատգամավոր հարևան ունենալը, որը 20 հազար դրամ չի խնայել ուրիշի պարտքերը վճարելու համար։ Ի դեպ, իսկ ինչպե՞ս վարվել այն հարուստ հարևանների հետ, որոնք կհրաժարվեն վճարել աղքատների պարտքերը։ Գուցե «սամասո՞ւդ» կիրառել։ Բաթոյանը հայտարարել է, որ ճգնաժամի պայմաններում հասարակությունը լրացուցիչ 40 հազար գործազուրկ կստանա։ Իսկ նախկին վարչապետ Հրանտ Բագրատյանը նշում է, որ այդ թիվը վերցված է առաստաղից. իրականում, նրա խոսքերով, առկա 220 հազար գործազուրկների թիվը շատ շուտով կավելանա ևս 220 հազարով…

Основная тема:
Սոցիալական իրավիճակ

Теги:
Սոցիալական իրավիճակ

ПОСЛЕДНИЕ ОТ АВТОРА

  • ЗАКАЗНОЕ "РАЗОБЛАЧЕНИЕ"
    2025-05-21 10:18

    2 месяца назад в одном из интервью экс-секретарь Совбеза Республики Арцах генерал Самвел Бабаян сообщил, что после теракта в парламенте 27 октября 1999 г. ему позвонил Жирайр Сефилян, который озвучил нелестные высказывания в адрес одного из 8 убитых.

  • ПЕРЕГОВОРЫ КРУТЯТСЯ ВОКРУГ ТЯЖЕЛОВЕСОВ…
    2025-05-20 09:22

    Депутат от фракции ГД Лилит Степанян не исключила, что на парламентские выборы 2026 г. АНК во главе с первым президентом Левоном Тер-Петросяном пойдет в блоке с РПА под председательством третьего президента Сержа Саргсяна. СМИ в эти дни пишут о переговорах АНК с бывшим омбудсменом Арманом Татояном, который, как известно, поддерживает тесные связи с РПА. В последние месяцы мы не раз цитировали публичные выступления зампредседателя АНК Левона Зурабяна, указывая на сходство его позиции по вопросам урегулирования с позицией реальной оппозиции. Нынешнюю активизацию АНК многие увязали с предстоящими парламентскими выборами, точнее, с формированием предвыборных блоков.

  • ПРО ЧТО ОБСТРЕЛЫ? НАШИ ВЛАСТИ ВО ИМЯ АВТОГРАФА ВРАГА
    2025-05-19 09:06

    На подходе очередная сделка Пашиняна с Алиевым за спиной у народа. Речь не только о возможном подписании межгосударственного соглашения о мире, текст которого никто в глаза не видел, но и о сдаче новых территорий под вывеской делимитации. В приграничной зоне, неподалеку от деревни Азатамут (Тавуш), азербайджанцы не так давно начали измерительные работы и разминирование. Не исключено, что сепаратные договоренности имеют отношение и к Сюнику, ведь обстрелы начались именно там, а недавно перекинулись на Тавуш.

  • БЛОКАДА СУДОВ ДЛИТСЯ С 20 МАЯ 2019 ГОДА
    2025-05-17 10:31

    20 мая 2019 г. Пашинян призвал к блокаде всех судов на территории Армении и сам присоединился к акции. Произошло это после того, как суд 18 мая принял решение об освобождении второго президента Роберта Кочаряна из-под ареста. Спустя некоторое время его арестовали в третий раз. С 2019 г. тенденция давления на суды сохраняется, хотя 6 лет назад, 20 мая в районе 14 часов, акцию пришлось свернуть, так как до Пашиняна дошли сведения о негативной реакции аккредитованных в РА европейских дипломатических миссий.

ПОСЛЕДНЕЕ ПО ТЕМЕ