2020-05-11 15:05
Рубен МАРГАРЯН
0
ՓԱՇԻՆՅԱՆԻ ՊԱՇՏՊԱՆՈՒԹՅՈՒՆԸ
Մայիսի 8-ին Հայաստանի խորհրդարանում Նիկոլ Փաշինյանի արտասանած պաշտպանական ճառը՝ ի սատարումն Սասուն Միքայելյանի, արժանի է ամենայն գովասանքի և, անշուշտ, կներառվի փաստաբանության դասագրքերում: Հատկապես դուր եկավ պասաժն այն մասին, թե իբր՝ ինչի՞ց է Էդմոն Մարուքյանը եզրակացրել, թե Սասուն Միքայելյանը շարժվում է իր կողմը։ Գուցե հուզված Սասունը որոշել էր դուրս գալ ծխելու և հանդարտվելո՞ւ։ Ինչո՞ւ է սադրիչ Մարուքյանն ընդառաջ գնացել նրան։
Փաշինյանի մտքի խորությունը հիշեցրեց «Միմինո» ֆիլմի այն դրվագը, երբ Ֆրունզիկ Մկրտչյանի հերոսը դատավարության ընթացքում ամեն կերպ փորձում է արդարացնել Վախթանգ Կիկաբիձեի կերտած կերպարին: Եվ ասում, թե երբ հարձակման զոհը թաքնվեց զուգարանում, «Միմինոն» պարզապես քաղաքավարի թակեց դուռն ու ասաց, որ ինքն էլ է ուզում... Ճիշտ է, Փաշինյանը չնշեց, թե ինչպես է ստացվել, որ Սասունի բռունցքը զարկվել է Մարուքյանի դեմքին։ Բայց դատելով ամենից՝ այդ Մարուքյանի դեմքն է անհաջող զարկվել Սասունի բռունցքին, կամ էլ, ծայրահեղ դեպքում, Սասունի բռունցքն ընդդիմադիր խմբակցության առաջնորդի դեմքին հայտնվել է զուտ պատահաբար։ Մոտավորապես ինչպես հանրահայտ կինոնկարի հիշյալ դրվագում, երբ Ֆրունզիկի կերպարը դատավորին պատմում է, թե ինչպես է «Միմինոն» աթոռով պատահաբար դիպչել ջահին։ Դե, այն, իբր՝ վենետիկյան ապակուց…
Չկարծեք, թե մենք չափազանցում ենք։ Հենց այդպես էլ կմատուցվի։ Իսկ ուրիշ ինչպե՞ս։ Չէ՞ որ բոլորն էլ տեսել են տեսանյութի մանրամասն կադրերը, որտեղ պարզ երևում էր, թե ինչպես Փաշինյանի աջակցության խմբի խուլիգան խաժամուժը հարձակվեց Նարեկ Մալյանի վրա հենց նրա տան շեմին։ Որքա՜ն ջրեր են հոսել այդ օրվանից... Ասում են, թե գործը հետաքննվում է: Հավանաբար, այդպես էլ կա։ Քննիչներն արդեն երկար ամիսներ տքնաջան ուսումնասիրում են տեսանյութի կադրերը, որոնք հայտնի են տասնյակ հազարավոր մարդկանց։ Չէ՞ որ, ինչպես ասում է վարչապետը, քննիչները մեզանում գերծանրաբեռնված են, ուստիև պետք չէ մեղադրել նրանց, որ մեր իշխանությունների պարբերական խելացնորություններից հոգնած՝ նրանք շարունակ սևեռուն դիտում են տեսանյութի կադրերը, դիտո՜ւմ ու դիտում... Այն երկրում, որտեղ Փաշինյանը հռչակել է օրենքի գերակայություն և որտեղ նա ոչինչ չի թելադրում ո՛չ դատավորներին, ո՛չ ուժային կառույցներին, այդ քրեական գործը կոչվում է, երևի, մոտավորապես այսպես. «Գործ այն մասին, թե ինչպես Նարեկ Մալյանը իր տան շքամուտքի մոտ սայթաքեց մի խումբ երիտասարդների վրա»։
Հետաքրքիր է, իսկ ինչպե՞ս է կոչվում Նիկոլի հռչակած օրենքի երկրում «Հայելի» ակումբի խմբագրության գրասենյակի վրա հարձակման փաստով հարուցված գործը։ Քանի որ այդ պարագայում նույնպես ամեն ինչ բարեխղճորեն նկարահանված է տեսախցիկով և տեղադրված համացանցում։ «Գործ այն մասին, թե ինչպես էին երիտասարդները ձվերով անցնում «Հայելի» ակումբի խմբագրության մոտով, սակայն խմբագրության դուռը կտրեց նրանց ճանապարհը, հարձակվեց ձվերի վրա և, հնարավորություն չտալով երիտասարդներին հասցնել դրանք թավային, դատապարտեց նրանց սոված ու չարքաշ գոյության»։
Դե, և հավանաբար, արդեն հարուցվել ու ամբողջ թափով հետաքննվում է քրեական գործն այն մասին, թե ինչպես է Արթուր Դանիելյանի քիթը զարկվել ԱԺ փոխխոսնակ Ալեն Սիմոնյանի գլխին և դրանով իսկ կոպիտ ոտնձգություն կատարել երկրի սահմանադրական կարգի դեմ։ Ըստ էության, եթե երկրի երկրորդ նախագահը մեղադրվում է երկրում սահմանադրական կարգը տապալելու մեջ, որի նախագահն էր ինքը այդ պահի դրությամբ, ուրեմն ինչո՞ւ պիտի Դանիելյանի քիթն անպատիժ մնա։
Ինչ վերաբերում է Արտակ Մանուկյանին և Վահե Ղալումյանին, որոնք խորհրդարանական տուրուդմփոցի ընթացքում դրսևորելով բացառիկ խիզախություն և ամենաիսկական պատգամավորական վեհանձնություն, հարվածում էին Մարուքյանին թիկունքից, դրանով իսկ կատարելով վարչապետի պատգամն ու մեկ առանձին վերցրած երկրում իրականացվող «սամասուդի» օրինակ ցույց տալով երիտասարդ սերնդին, ապա այստեղ, ինչպես ընթերցողն արդեն կռահեց, նույնպես ամեն ինչ պարզ է. Մարուքյանի ստոր ընդդիմադիր ծոծրակը սխալ պահի հայտնվել էր սխալ տեղում։
ПОСЛЕДНИЕ ОТ АВТОРА
-
2024-04-18 10:06Кажется, видели уже все, но, выходит, нет. Выходит, нет предела мерзости нынешней власти.
-
2024-04-15 12:04С легкой руки Чингиза Айтматова понятие «манкурт» вошло в обиход. Согласно сюжету романа «Буранный полустанок», манкурт - взятый в плен человек, превращенный в бездушное рабское создание, полностью подчиненное хозяину и не помнящее ничего из предыдущей жизни. В переносном смысле слово «манкурт» употребляется для обозначения человека, потерявшего связь со своими историческими, национальными корнями, забывшего о своем родстве. Согласитесь, хороший портрет одного премьер-министра, попавшего в плен к Алиеву, а потому выполняющего все его прихоти.
-
2024-04-12 09:06Энтузиазм, с которым правящая в Армении команда носится с идеями об интеграции во всевозможные еще не охваченные европейские структуры напоминает пословицу о выплеснутом вместе с грязной водой ребенке. Архитектура безопасности не терпит истеричных телодвижений, тут легко все разрушить, а заново выстроить очень трудно.
-
2024-04-06 10:44Кроме кучи заявлений о намерениях, ради которых явно не стоило тратиться даже на билет на самолет, ЕС заявил о готовности предоставить Армении 270 миллионов евро. В течении 4-х лет… Не порадовал город писающего мальчика: цифра, конечно, совсем не велика. Тем более разбитая на 4 года. Если бы Пашинян бросился в ножки Царукяну, мог бы, наверное, выклянчить и побольше. Но, представляется, что сумма, которую ЕС готов выделить Армении, интересна не только чисто в финансовом и экономическом плане. Она симптоматична и с политической точки зрения. Очень вероятно, что приведенная цифра говорит о том, что на Западе уже не верят в Пашиняна. Не в том смысле, что он идет неверным курсом, а в том смысле, что может еще долго удерживать власть.
ПОСЛЕДНЕЕ ПО ТЕМЕ
-
2021-10-16 08:43Անցած գիշերը կրկին անհանգիստ էր մեր բազմաթիվ հայրենակիցների համար. Բաքուն հերթական սադրանքն էր կազմակերպել Արցախի հետ սահմանին, գնդակոծվել է Պաշտպանության բանակի մարտական հենակետը, հայկական կողմից վիրավորվել է վեց զինծառայող: Իրավիճակն աստիճանաբար կայունացել է կեսգիշերն անց, Արցախի պաշտպանության նախարարության մամուլի ծառայությունը հայտնել է, որ դիրքային կամ տարածքային կորուստներ չունենք, Պաշտպանության բանակի հրամանատարությունը հանրապետության իշխանությունների հետ միասին աշխատում է ռուս խաղաղապահների հրամանատարության հետ՝ իրավիճակի հետագա լիցքաթափման նպատակով: