2020-08-06 17:59
Марина МКРТЧЯН
ԿԱԴՐԱՅԻՆ ՃԳՆԱԺԱՄ. ՆԻԿՈԼԻ ՀԵՏ ԱՇԽԱՏԵԼ ՈՉ ՈՔ ՉԻ ՈՒԶՈՒՄ…
Բարձրաստիճան անձինք աշխատանքից ազատվելու դիմում են գրում
30 տարվա ընթացքում կառավարություններից ոչ մեկը կադրային սով չի զգացել. բացառություն դարձավ աշխատակազմը, որն ավելի քան երկու տարի ղեկավարում է Փաշինյանը։
Մենք արդեն հրապարակել ենք այն անձանց ընդարձակ ցուցակը, որոնք այս ընթացքում լքել են ղեկավար պաշտոնները առանց որևէ բացատրության։ Այսօր, սակայն, առաջին պլան է մղվում մեկ այլ խնդիր. մարդիկ չեն ցանկանում աշխատել անհավասարակշիռ ու անկանխատեսելի վարչապետի հետ: Փաշինյանը կարող է պատեհ ու անպատեհ ձայն բարձրացնել նախարարների վրա, առաստաղից վերցրած մեղադրանքներ ճղավել, իսկ հետո իրեն այնպես պահել, ասես ոչինչ չի եղել։
Կառավարության շենքից արտահոսող տեղեկությունների համաձայն՝ վարչապետի գրասեղանի դարակում ամիսներ շարունակ դրված են պաշտոնատար անձանց հրաժարականի դիմումները, սակայն Փաշինյանը չի շտապում ստորագրել դրանք։ Պետեկամուտների կոմիտեի նախագահ Դավիթ Անանյանի պաշտոնաթողությունը շատերը գնահատեցին որպես փախուստ, նյարդերը խնայելու և կառավարության ղեկավարի անտանելի պահվածքից գլուխն ազատվելու ցանկություն։ Այդ պաշտոնում Անանյանին փոխարինեց նրա նախկին տեղակալ Էդվարդ Հովհաննիսյանը։ Վերջինս կրթությամբ իրավաբան է և արդեն հասցրել է մի քանի հարցազրույց տալ, որտեղ գնահատել է կառավարության քաղաքականությունը որպես «բացարձակ ճիշտ»։ Ըստ երևույթին, իրավաբանի աչքում պետական եկամուտների ոլորտում տիրող իրավիճակն այլ տեսք ունի, քան տնտեսագետների ու ֆինանսիստների գնահատականներում…
Հանաք բան չէ. երկու տարվա ընթացքում Հայաստանում փոխվել է 3 ոստիկանապետ ու ԱԱԾ-ի 3 ղեկավար։ Ընդ որում իշխանությունը ոչ մի կերպ չի բացատրել այդ հրաժարականները։ Արթուր Վանեցյանն իր հրաժարականի առնչությամբ սկանդալային հայտարարություն տարածեց, մյուսները լռեցին։ Նույն ժամանակահատվածում Փաշինյանը 2 անգամ փոխեց իր մամլո քարտուղարին՝ Արման Եղոյանին և Վլադիմիր Կարապետյանին։ Երկուսն էլ իրենց պաշտոնանկությունների մասին ոչինչ չասացին, փոխարենը երրորդը՝ Մանե Գևորգյանը, ի տարբերություն նախորդների, գործածում է այնպիսի հասկացություններ, ինչպիսիք են «օդում թևածող լուրերը»։ Պետք է ենթադրել՝ պրոֆեսիոնալիզմի ավելցուկից։ Նրա դեմ արդեն 2 հայց է ներկայացվել դատարան։ Վանեցյանն ու ՊԵԿ նախկին ղեկավար Գագիկ Խաչատրյանը Գևորգյանին մեղադրում են զրպարտության մեջ։
Էրիկ Գրիգորյանի հրաժարականից հետո Փաշինյանը մի քանի ամիս շարունակ չէր կարողանում բնապահպանության նախարար նշանակել, արդյունքում Կոտայքի մարզպետի պաշտոնից հետ կանչեցին Ռոմանոս Պետրոսյանին։ Առ այսօր չկա Անտառային տնտեսության կոմիտեի պետ, չկա Քաղաքաշինության կոմիտեի պետ։ Պետական վերահսկողական ծառայությունը նույնպես առանց պետի է մնացել՝ Արգիշտի Քյարամյանին ԱԱԾ ղեկավարի պաշտոնում նշանակելուց հետո, իսկ օրերս Արթուր Մեսչյանը առանց բացատրության հեռացավ Երևանի գլխավոր ճարտարապետի պաշտոնից, փոխարենը՝ Քաղաքացիական ավիացիայի կոմիտեն դեռևս դե յուրե գլխավորում է Տաթևիկ Ռևազյանը։ Բացառված չէ, որ զբաղեցրած պաշտոնին անհամապատասխանության մասին ԶԼՄ-ների աղմկալի հրապարակումներից հետո՝ այդ տիկինը ֆիզարձակուրդից հանգիստ վերադառնա նախկին պաշտոնին, որպեսզի վերջնականապես ոչնչացնի հայրենի ավիացիան։
Վերջին կադրային սկանդալը կապված է վարչապետի աշխատակազմի, ավելի ճիշտ՝ դրա կազմում ընդգրկված Սփյուռքի հարցերով գլխավոր հանձնակատար Զարեհ Սինանյանի գրասենյակի 10 աշխատակիցների աշխատանքից հեռացնելու հետ։ Սինանյանը հայտարարեց, թե հեռացումները թելադրված են կառուցվածքային փոփոխություններով և ծրագրված էին դեռ վաղուց։ Մեկ այլ վարկածի համաձայն՝ խոսքը Սփյուռքի լուծարված նախարարության նախկին աշխատակիցների մասին է, որոնք վարչապետի քթի տակ ամիսներ շարունակ աշխատավարձ են ստացել՝ որպես Սինանյանի գրասենյակի անդամներ, բայց ոչ մի աշխատանք չեն կատարել։
Դեռևս նախքան հեռացված 10 աշխատակիցների հետ կապված սկանդալը՝ Փաշինյանը գործնականում առանց հրապարակայնության աշխատանքից ազատեց վարչապետի աշխատակազմի քաղաքացիական ծառայության գրասենյակի ղեկավար Գարուշ Դավթյանին։ Այն մասին, որ Փաշինյանը դժգոհ է Սինանյանի աշխատանքից, շատերը գիտեին, իսկ Դավթյանի մասին ոչ ոք նման բան չէր ասում. հակառակը, նրա աշխատանքից գոհ էին։ Դրանում է ամփոփված վարչապետի ողջ անկանխատեսելիությունն ու անհավասարակշռությունը. իշխող վերնախավի ներկայացուցիչներից ոչ մեկը չի կարող իմանալ, թե այսօր որ ոտքից է արթնանալու Նիկոլը և ինչպիսին են լինելու նրա կադրային որոշումները…
Կառավարության մեր աղբյուրները պնդում են, որ օգոստոս-սեպտեմբերին պետք է սպասել աղմկահարույց պաշտոնանկությունների. ի թիվս այլոց՝ նշում են նաև փոխվարչապետ, պարետ Տիգրան Ավինյանի անունը։ Ի դեպ, լրատվամիջոցները մշտապես գրում են այն մասին, որ Աշխատանքի և սոցիալական հարցերի նախարարությունը Զարուհի Բաթոյանի փոխարեն ղեկավարում է նրա փեսան (քրոջ ամուսինը)։ Հայկական կադրային քաղաքականության մեջ սա միանգամայն նոր երևույթ է…
Առանց հոգաբարձուների խորհուրդների
Մի շարք բուհերում, օրինակ՝ ԵՊՀ-ում և Բժշկական համալսարանում, մինչ օրս չի հաջողվում ձևավորել հոգաբարձուների խորհուրդ։ Ընդ որում համառ լուրեր են շրջում, որ գիտության, կրթության, մշակույթի և սպորտի նախարարի խորհրդական Սամվել Կարաբեկյանն արդեն երկար ժամանակ փորձում է ձևավորել հոգաբարձուների այնպիսի խորհուրդ, որը ԵՊՀ ռեկտորի պաշտոնում կընտրի Վահրամ Դումանյանին:
Ըստ որում Կարաբեկյանը բացահայտ խախտում է ԵՊՀ կանոնադրության 31-րդ հոդվածը, որտեղ ասվում է, որ նախարարությունը որպես հոգաբարձուների խորհրդի անդամներ առաջարկում է գիտության, կրթության, մշակույթի հայտնի գործիչների, ինչպես նաև ԵՊՀ-ի հետ համագործակցող գործատուների: Կարաբեկյանին չի հաջողվում գտնել հայտնի գործիչների, որոնք հլու-հնազանդ կքվեարկեն Դումանյանի օգտին, այդ իսկ պատճառով ԵՊՀ-ն, բոլոր օրենքների և ժամկետների խախտումով, շարունակում է մնալ առանց ռեկտորի:
Տնտեսագիտական համալսարանում նախկին ռեկտոր Ռուբեն Հայրապետյանը դատական կարգով վիճարկում է նոր ռեկտորի ընտրություններին խորհրդի առանձին անդամների մասնակցության իրավունքը։ Այդ պատմությանն անդրադարձել են բոլոր ԶԼՄ-ները, ուստի չենք կրկնվի. սահմանափակվենք հիշեցումով, որ Տեր-Պետրոսյանի քվոտայով ռեկտորի պաշտոնը զբաղեցրել է ՀԱԿ առաջնորդի մերձավոր զինակից Զոյա Թադևոսյանի դուստրը՝ Դիանա Գալոյանը։
Պոլիտեխնիկական ինստիտուտից հեռացավ ռեկտոր Ոստանիկ Մարուխյանը։
Մի խոսքով, բուհերի համակարգում կատարյալ խառնաշփոթ է տիրում, որում նշմարվում է կրթության, գիտության, մշակույթի և սպորտի նախարար Արայիկ Հարությունյանի ձեռագիրը։
ПОСЛЕДНИЕ ОТ АВТОРА
-
2025-06-06 09:19"Да простит меня архиепископ Баграт, но я не связываю с ним надежды, пусть простят меня все, кто ему верит, но из нынешнего состояния нас могут вывести только бывшие президенты, и никто, кроме них. Нас спасет либо Роберт Кочарян, либо Серж Саргсян!", - заявила мать погибшего героя Давида Арушаняна Лида Арушанян. По ее словам, "до выборов еще год, но терпеть этого сумасшедшего (подразумевается Пашинян) уже невозможно"! Невозможно не только по причине тотального коллапса – от безопасности до экономики, а потому, что правящая пара пытается затащить все армянское общество в помойную яму, в которой барахтается сама.
-
2025-06-03 09:5512 марта 2019 г. суд Общей инстанции Еревана под председательством Вардана Григоряна продолжил расследовать дело экс-министра экологии Арама Арутюняна по прозвищу "Булки Арам". В тот день на заседание суда была приглашена Сильва Амбарцумян, которая, судя по материалам дела, дала Арутюняну взятку в особо крупном размере. В ходе судебного процесса Амбарцумян сообщила о том, что представила генпрокурору сообщение о перечислении 8 млн долларов на счет Аракс Диланян в банке Дубая.
-
2025-06-03 09:12Известие о том, что через месяц заявит о себе новая оппозиционная сила под руководством бывшего омбудсмена Армана Татояна и бывшего начальника Комитета по госдоходам Давида Ананяна верхушка режима встретила в штыки. Агитпроп Пашиняна сразу объявил, что речь идет о стратегии, которую оппозиция успешно применила на досрочных выборах 30 марта в Гюмри. Аудитория "Голоса" знакома с оценками и заявлениями упомянутых деятелей по бесчисленным публикациям, а потому вряд ли у кого-то возникнут подозрения, что в стенах парламента 9 созыва новая сила пойдет на сделку с ГД, дабы поддержать возвращение Пашиняна на пост премьер-министра.
-
2025-06-02 09:04"Если бы Роберт Кочарян и Серж Саргсян оказались под арестом, то это обеспечило бы нам переизбрание, причем, неоднократное", - объявила на днях в эфире одного из телеканалов власти депутат от фракции ГД Асмик Акопян. По ее словам, у второго и третьего президентов есть ресурсы, включая СМИ, тогда как у других оппозиционных сил нет даже офисов. Акопян повторила ранее озвученный прогноз спикера Алена Симоняна о том, что ГД наберет по итогам выборов 2026 г. 50+1% голосов, а план "В" (коалиция), по ее словам, даже не рассматривается, ибо оппозиция провалила весеннее наступление, и у нее нет шансов на успех по итогам выборов.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։